NENDA NA MOYO WANGU - 1

 

 





IMEANDIKWA NA : STALLONE JOYFULL



*********************************************************************************



Simulizi : Nenda Na Moyo Wangu

Sehemu Ya Kwanza (1)





Ninachokumbuka ni mlio wa simu, ambao ulinikumbusha kuivua suruali kisha

viatu; nilivyotaka kulala navyo bila kuvua kutokana na pombe nyingi

nilizokunywa. Ulikuwa ni mlio ulioashiria ujumbe mfupi wa maneno uliingia

katika simu yangu, hata hivyo sikushuhurika nayo nikajitupa kitandani

kivivu. Siku hiyo sikuoga wala kukumbuka chakula.



Mara nikiwa katikati ya usingizi, ghafla simu ikaita kwa sauti ya juu.

Hapana!

Ilikuwa ni sauti ndogo ya kawaida ila kwa kuwa niliilalia kwa sikio langu,

ndio maana niliisikia kuwa ilikuwa ikitoa sauti kali mno. Kwa hasira

sikutazama aliyekuwa akipiga wala aliyenitumia meseji ile, nikaizima.

Usingizi mzito ukanibeba kwenye usiku ule wa manane mpaka nilipoamka

asubuhi majira ya saa 4:25 asubuhi. Niliandaa maji ya moto ya kuoga huku

simu yangu nikiwa nimeiweka chaji. Nikiwa nayasubiri maji yachemke,

nilikihisi kichwa changu kizito kutokana na pombe nilkizokunywa, nikaanza

kuikumbuka siku ya jana nikiwa nimekaa kitandani, kiunoni n'na taulo zito

jeupe kifua wazi tayari kwa kuoga.

....



NIKIIKUMBUKA SIKU YA JANA JINSI ILIVYOKUWA:- Jana ilikuwa ni jumatatu, kama

jumatatu nyingine zenye pilikapilika nyingi tofauti. Hiyo ilikuwa ni

kuanzia asubuhi mpaka ilipotimu majira ya jioni, jumatatu hiyo ikabadilika

kwetu na kuwa sawa na wikiendi. Katikati ya hoteli ya Lamada kwenye bustani

murua yenye ukijani uliokolea, tulijumuika katika tafrija ya tukio maalumu

la kuvishana pete mimi na mpenzi wangu Beatrice.

Tuliwaalika ndugu jamaa na rafiki zetu wa karibu, kushuhudia tukio hilo la

kipekee. Kila mmoja alikuwa na uso wa furaha kwa kushuhudia tukio lile

likitimia. Mimi na Beatrice tulifurahi zaidi kwa kuwa ndoto zetu

ziliendelea kutimia tangu tulipoanza uhusiano wetu tukiwa chuo.

"Nakupenda sana Beatrice"

"Hakuna mwingine zaidi yako Ramon"

Kisha tukapeana papi zetu, huku ndimi zetu zikipigana kwa furaha kwakitendo

cha badilishana lita kadhaa za mate midomoni mwetu. Sherehe iliendelea,

watu wakafurahi wakala wakashiba, walevi wakanywa wakalewa nikiwa mmoja wao

kati yao, huku Beatrice akiwa ameshika chupa yake ya tatu ya soda akinywa

taratibu.

Ilikuwa yapata saa 6:45 usiku, ndio tuliondoka baada ya Beatrice kunifuata

katikati ya meza niliyokaa na Michael pamoja na rafiki zetu wengine, mara

baada ya sherehe kuisha na watu kadhaa kuondoka akiwemo mama yangu, baba

akiwa na wazazi wa Beatrice wakinywa kwa furaha.

"Tunachelewa baby, saa saba kasorobo sa' hivi"

Aliniambia huku akitazama saa kwenye simu yake. Nikawaaga rafiki zangu

kisha tukaenda kuwaaga wazazi waliozama katika vicheko. Nikamsindikiza

Beatrice mpaka nyumbani kwake Mikocheni ambapo alishaacha kuishi na wazazi

wake waliokuwa wakiishi Bunju.

kisha mimi nilirudi nyumbani kwangu kijichi.

....

http://deusdeditmahunda.blogspot.com/

Mlio wa kitufe kilichofyatuka kutoka katika birika la kuchemshia maji, ndio

ulinitoa katika mawazo hayo ya siku ya jana na kunirudisha tena chumbani

kwangu. Nikazima ukutani na kuyamwaga maji yale ya moto kwenye ndoo ya

kuogea, kisha nikabeba sabuni pamoja na mswaki niliouweka dawa nikaingia

bafuni nikiwa nimeshajaza maji mengine ya baridi ya kuyapooza yale ya moto.

Nilipomaliza kupiga mswaki baada ya kuvua taulo huku nikipiga mluzi

niliokuwa nikiimba wimbo fulani wa "Msondo Ngoma" nikakumbuka jambo. Jana

usiku nilipigiwa simu, na nani? Meseji pia? Atakuwa nani? Nilikumbuka

kutazama kweli? Si kwenda kuangalia mpaka nilipomaliza kuoga na dakika kumi

zilitosha kufanya hivyo.



Nikamaliza kuoga na kutoka bafuni huku nikijifuta maji kwa taulo.

Saa iliyopo juu ya meza ya chumbani kwangu ilionesha kuwa imetimu Saa 5:58

zilibaki dakika mbili itimie saa 6 mchana. Nikaiwasha simu yangu kuangalia

ni nani aliyekuwa akinipigia simu. Nikafungua sehemu ya simu ambazo

hazijapokelewa, alikuwa ni mpenzi wangu Beatrice. Nikaipiga simu yake,

haikupokelewa. Mara ya pili haikupokelewa, ya tatu vivyo hivyo.

Nikakumbuka kuwa jana usiku ilianza kuingia meseji kabla ya simu kupigwa,

nikaenda upande wa meseji, alikuwa ni Betrice pia. Nilipousoma ujumbe wake,

moyo ulinilipuka vuuup!! Kama taa ya kandili inayoanza kuishi mafuta yake,

nikaanza kuhisi joto kali licha ya upepo mkali wa feni ulioendelea kupuliza

ndani ya chumba changu.

Meseji hiyo iliandikwa "KWANINI UMENIUWA RAMON?"...

Nilijaribu tena kuipiga simu ya Beatrice lakini nilichojibiwa, kilikuwa ni

kile kile nilichoambiwa mara ya kwanza na sauti ya mwanamke wa huduma kwa

wateja "simu unayopiga haipokelewi, bonyeza..." Nikaikata na hapo nikahisi

naanza kuchanganyikiwa. Sikujua Beatrice alimaanisha nini mpaka aseme kuwa

ninamuuwa. Nikaamua nimpigie rafiki yangu Michael ambaye alimfahamu vizuri

Beatrice, Michael hakuwa akipatikana.

Nikaamua kwenda mwenyewe hadi Mikocheni anapoishi Beatrice.

Niliwasha gari yangu na kushusha kilima cha kijichi kisha nikaibukia kwa

buruda na kupita misheni nikaitafuta barabara ya kilwa road nije kuibukia

azikiwe niitafute barabara ya mwai kibaki baada ya mwendo wa speed kali

ulionichukua zaidi ya dakika 45 mpaka kukatisha katika mtaa anaoishi

Beatrice.

Nilisimamisha gari mara baada ya kufika getini kwake na kupiga honi nyingi,

lakini sikuona dalili za kufunguliwa. Nikaizima gari yangu na kushuka,

niseme ukweli kuwa nilikuwa n'na hasira kwa kuwa nilijua ni utani wa

Beatrice lakini wasiwasi ulinijia kila nilipowaza itakuwaje kama ni kweli

amepatwa na matatizo?

Nikaitazama kwa dakika kadhaa kamera ya ulinzi pale getini, lakini haikuwa

ikitazama tena getini kama nilivyozoea. kitu cha ajabu na kilichonitia

mashaka niliona kuwa ilinyofolewa kwa makusudi au bahati mbaya na mtu awaye

yeyote, lakini sikutambua. Nikaamua kugonga hodi mara kadhaa na kuona

kimya, nikaamua kulisukuma geti lile likafunguka bila ajizi. Mshangao

mwingine, haikuwa kawaida kwa Beatrice kuacha mlango wazi.

Nilipoingia ndani mara baada ya kuvuka geti lile, nyumba ilikuwa kimya huku

mlinzi Baraka akiwa hayupo eneo lake la lindo.

Nikapiga hatua chache mpaka kwenye nyumba kubwa ya Beatrice, moyo wangu

ukapiga pah! Ukutani mwa nyumba ya Beatrice karibu na ulipo mlango wa

kuingilia, niliona alama ya kiganja kilicholowa damu na kushika eneo hilo

la ukuta.

Miguu yangu ilianza kutetemeka na kuwa kama inayogongana huku kengele ya

hatari ikipiga kichwani mwangu. Ukweli ni kwamba sasa matumaini ya kumkuta

mpenzi wangu akiwa hai yalikuwa madogo kuliko nilivyokuwa nikitoka

nyumbani. Nilianza kuona ukweli wa meseji yake lakini wasiwasi ulisukuma

zaidi mapigo yangu ya moyo, kwanini aandike mimi ndiye ninayemuuwa? Ukimya

ule ulinitisha zaidi kuliko alama ya kiganja cha damu juu ya ukuta wa

nyumbani kwa Beatrice.

Nikaingia ndani ya nyumba hiyo, pale mlangoni nikalakiwa na mburuzo wa mtu

aliyekuwa akivuja damu kutoka mwanzo wa mlango mpaka katika moja ya mlango

wa kuingilia chumba ambacho Beatrice alifanya kama stoo.

Nilipofungua chumba hicho, nilichokikuta hakielezeki. Kichwa

kilitenganishwa na mwili wala kichwa chake hakikuonekana na hadi leo sijuhi

kiko wapi. Tumboni kulikuwa na shimo kubwa lililoacha sehemu kubwa ya

utumbo kutoka nje na kuleta picha iliyotisha zaidi.http://deusdeditmahunda.blogspot.com/



"Baraka!!!" Niliita kwa hofu huku nikiziba sura yangu kwa uoga na machozi

yakanibubujika.

Nilijaribu kutaka kukimbia na kuingia chumbani kwa Beatrice huku nikimuita

Beatrice. Beatrice hakuitika bali nikapokelewa na utelezi ulionifanya

niisalimie sakafu na kuibusu ardhi ya chumbani kwa Beatrice na kunifanya

niilambe damu iliyoganda pembeni ya mwili ulio uchi huku macho yakinitazama

na mdomo kama unaonizomea wa mpenzi wangu Beatrice.

"Mamaa weee!!" Kwa wahka nilipiga kelele za kuchanganyikiwa, nilipomsogelea

Beatrice nikamsukasuka huku nikimuita "Beatrice, Beatrice amka mama. Nini

kimekukuta jamani Beatrice, amka mama"

Bisu kubwa lilizama tumboni kwake huku kwenye sehemu ya koromeo lake ikiwa

imekatwa hivyo kuweka kama mfereji fulani uliotisha kuutazama. Nilikuwa

nikitazama mwili wa Beatrice na si Beatrice mwanamke niliyekuwa naye jana

usiku.

Nikiwa katika kulia huko? Nikasikia mchakato wa nyayo za mtu zikitembea

kuja ndani ya nyumba ya Beatrice.

"Wauwaji!!"

Akili yangu ikaninong'oneza. Nilinyanyuka upesi kuelekea sebuleni,

nikajificha nyuma ya kochi ili niweze kuwaona waliokuwa wakiingia. Tulikuwa

tumepishana sekunde chache kwani mara baada ya kuzama nyuma ya kochi lile,

wale waliokuwa wakija wakawa wamesimama eneo la stoo karibu na kochi

nililojificha mimi. Nilipoinua kichwa changu kuchungulia ni watu wa aina

gani? Nikawa nimefanya kosa, walikuwa ni askari sita, wa kike wakiwa wawili

kila mmoja akiwa amevaa gloves wanne wakiwa na silaha mikononi mwao huku

wawili wakiwa hawajavaa nguo za kipolisi bali mikononi walibeba simu za

upepo.

"Muuwaji!" Alikuwa ni askari mmoja mweusi wa kiume, aliyeshika bastola yake

ndogo kiukakamavu akaropoka huku akinielekezea silaha ile. Mwingine

akaropoka kwa sauti yake thabiti.

"Mikono juu ya kichwa usijiguse popote ukikiuka maagizo haya tunakutoa

ubongo. Usijaribu kufanya ujanja wowote" Ilikuwa ni sauti isiyo na mzaha

hata kidogo

Niliogopa sana kuoneshwa mdomo wa bastola kama mtu mwenye makosa. Ila

kukutwa ndani ya nyumba yalipofanyika mauaji, hakika sikuwa na ujanja.

"Mimi sihusiki!?"

Nilijaribu kujitetea kwa sauti ya kitetemeshi lakini haikusaidia. Mmoja wa

askari wale akaangua kicheko cha fedheha na kunitazama katikati ya miguu

yangu. Nikaushusha uso wangu pia kutazama kilichomfanya askari yule

kucheka, nikaishusha mikono yangu haraka kuiziba sehemu ile. Kumbe ile hali

ya ubaridi uliokuwa ukipenya katikati ya miguu yangu ni mikojo

iliyonichuruzika kutokana na uoga.http://deusdeditmahunda.blogspot.com/

"Mikono juu, pumbavu" askari yule aliyekuwa akicheka akabadilika ghafla na

uso wake ukawa ule wa kuudhi. Mmoja kati yao akawa amenisogelea na

kunifunga pingu kwa nyuma katika mikono yangu. Kisha nikatolewa ndani ya

nyumba ile na kuwekwa katika gari ya polisi kwa mateke huku nikiwa

nimekwidwa kwa nyuma kwa style ya tanganyika jerk(suruali kukamatwa kwa

nyuma ya makalio na kufanya miguu kuelea juu juu) kisha walikaa ndani huku

nikiachwa na askari wengine watatu wenye bunduki aina ya Ak-47 wakinilinda

zaidi ya dakika 40.

Nikiwa nimefungwa pingu zile huku nikitazama askari waliokuwa wakinilinda

huku wale wengine wakitoka na kuingia ndani ya nyumba ya Beatrice na

mwingine akipiga piga picha kiganja kile ukutani na mburuzo ule mimi nikawa

najiuliza. Nilianza kujiuliza meseji niliyoipokea kutoka kwa Beatrice

"kwanini unaniuwa Ramon?" Kisha nakuta maiti mbili katika nyumba yake!

Inawezekana Baraka ndiye aliyemuua? Sasa kwanini aseme mimi ninamuuwa?

Ilianza meseji kisha ikafuata simu, inamaana aliyekuwa akinipigia simu ni

Beatrice au aliyemuuwa? Kwanza aliyemuuwa ni nani? Na hawa polisi, nani

amewataarifu mapema hivi kuwa ndani kuna mauaji yametokea? Hiki ni

kitendawili na huu ni mtihani wa aina yake niliokutana nao. Kwa sababu kama

nitadhani ni Baraka ndiye alimuua Beatrice na je yeye ni nani alimuua? Na

mbwa wako wapi?

Baada ya askari wale kutoka ndani ya nyumba ya Beatrice walinifunga

kitambaa cheusi machoni pangu na hivyo sikuweza kuona chochote mbele yangu.

Wakawasha gari na msafara wa kwenda kusikojulikana ukaanza. Akili yangu

ikawa na hopfu na kule ninakopelekwa. Sasa kama ni askari na ninapelekwa

mahabusu kwanini nizibwe na kitambaa cheusi? Nikaogopa zaidi.

Ulikuwa ni umbali mrefu ambao siwezi kukadiria tulitumia dakika ngapi au

kilometa ngapi mpaka kufika katika jumba hili kubwa lenye giza nene.

Nilitolewa ndani ya gari na kufunguliwa kitambaa na kisha taa zikawashwa,

kumbe tulikuwa tumeingia gereji nikapitishwa katika mlango mdogo wa

kuingilia katika nyumba hiyo. Ilikuwa ni nyumba kubwa sana, nyumba ambayo

haikuonesha dalili ya kuwa ni makazi ya mtu labda ni ofisi fulani. Kama ni

ofisi, kwanini niletwe ofisini na sio nipelekwe mahabusu nizijuazo?

Nikapelekwa katika chumba fulani kidogo chenye meza fulani ndogo na viti

viwili vikitazamana. Nikawekwa katika kiti kimoja huku taa yenye mwanga

mkali ikining'inia. Nikatolewa zile pingu kisha nikaachwa peke yangu.

Nilikitazama kile chumba kile pemnbe na kuziona kamera nne katika kila

pembe ya ukuta. Mbele yangu kulikuwa na kioo kipana ambacho hakikuwa na

tofauti na vile ambavyo huwa naviona kwenye picha za wazungu katika vyumba

vya mahojiano kama hiki.

Sikujua kuna siku na mimi nitakuwa katika mazingira kama haya.

Nilikaa kwa dakika kumi na tano mpaka mlango ulipofunguliwa na kuingia

kijana mrefu mwenye mwili uliokomaa kimazoezi na misuli iliyojazia. Alikuwa

ana kipara kichwani mwake na sauti nadhifu iliyombana.

"Habari yako Ramon?" Alinisalimu mtu yule. Nikajiuliza amenijuaje?

"Salama tu!" Sauti yangu ilitoka kwa shida kutokana na hofu ya hapo nilipo.

Kwanza nilianza kuhisi huenda wauaji waliomuua mpenzi wangu ndio

walionichezea mchezo huu na kujifanya wao ni askari. Sikujua ilikuwaje

walifahamu ndani ya nyumba ile kumetokea mauaji na iweje waje dakika chache

tu mara baada ya mimi kwenda katika nyumba ile na vipi huyu sasa anitaje

jina langu? Nini hiki kinaendelea?http://deusdeditmahunda.blogspot.com/

"Unavuta sigara?"

Nilimuona yule mtu ambaye bado hakuwa amejitambulisha kwangu, akitoa kasha

la sigara aina ya embassy na kuiwasha moja ya kwake baada ya kuitupia

mdomoni. Aliivuta mikupuo miwili mimi nilipokataa kisha akarudisha kete ya

maongezi mezani.

"Naitwa Jafari Hiza ningependa unifahamu hivyo kwa sasa mpaka hapo baadaye"

akanyamaza kwa tuo, kisha akavuta mkupuo mwingine wa sigara na moshi wake

ukaelea angani kisha akaizima sigara ile. "Nakufahamu wewe ni Ramon na ni

mpenzi wake Beatrice, Sivyo?"

"Ndivyo, Lakini..."

Alininyooshea kiganja chake kilichokomaa na kuinamisha uso wake kama kwamba

hakutaka kunisikiliza nilichotaka kuzungumza.

"Sihitaji uongee kitu ambacho sijakuuliza" alinyamaza kwa muda kama

anayetafakari jambo, kisha akaendelea. "Umefanya kosa kubwa sana mdogo

wangu. Kumuuwa mtoto wa kigogo wa umoja wa mataifa? Unajiamini nini?"

"Mimi...?"

Akanikatisha tena

"Mimi sijauuwa!" nikajitetea bila matumaini

"mimi sijamuuwa" Akaniigiza kwa kubana pua kisha akacheka kwa kebehi. "Na

ile meseji aliyokutumia kuwa kwanini unamuuwa, aliituma saa ngapi? Ulimuuwa

na kuondoka zako kisha wakati anakata roho ndio akapata nafasi ya kukuuliza

swali lililotia simanzi kiasi kile au meseji ile alikutumia wakati gani?"







"Mimi sijauuwa"

"Hujauwa? Jana usiku wa manane haukuwa naye? Mlisimama getini ukiwa na gari

yako aina ya Funcargo ukiwa umevaa shati nyeusi ya polo iliyokubana? Labda

nikuulize, ulirudi saa ngapi tena kufanya mauaji yale?"

Nikapatwa na ubaridi wa unyevunyevu fulani wa uchungu ulionitiririsha

machozi kama chemchem kutoka juu ya maporomoko na kwenda chini ya ardhi.

Nikalia sana kwa kuwa sifahamu chochote kuhusu mauaji ya Beatrice lakini

kila anachozungumza kilikuwa ni kweli na kuweza kunitia hatiani katika

mauaji hayo. Nilimuona akisimama na kuweka cd kwenye deki na kuiwasha tv

iliyopo pembeni yetu. Nikatumbua macho kushuhudia nini alikuwa anaenda

kunionesha.

Cd iliyowekwa ilikuwa ikionesha giza, lakini kwa msaada kidogo wa taa

niliweza kujiona mimi pamoja na Beatrice. Wajihi alioutaja huyu mtu

aliyejitambulisha kwangu kama Jafary Hiza ndio ule niliouona kwenye cd ile.

Hapo nikagundua kuwa waliitazama kwanza kabla hawajanihoji chochote.

Nikajiuliza sana hawa ni watu gani? Kwanini nisipelekwe polisi basi kama

n'natuhumiwa kwa mauaji na niletwe katika chumba hiki ? Hakika niliumia

sana nafsi. Jafary Hiza alinitazama na kuniambia

"Nimekuonesha cd hii kukuambia kuwa vithibitisho vyote vya wewe kuwa umeuwa

tunavyo sasa sielewi utakataa nini? Na pia labda nikuulize swali"

akanyamaza kiasi kisha akaendelea "hivi nyinyi vijana kwanini unapomchoka

mwenzio unamfanyia jambo la kinyama kiasi kile? Na yule mlinzi wa watu

amekukosea nini? Ndio kupoteza ushahidi? Wale mbwa uliowapa sumu je! Ndio

walianza au ni Baraka alianza kufa? Kwanini umeamua kufanya mauaji ya

kutisha kiasi hiki Ramon?"

Nikanyanyua mdomo wangu kwa mshangao wa ajabu baada ya kusikia kuwa mbwa

wale waliokuwa wakimlinda Beatrice kuwa wameuwawa kwa sumu "Mimi sihusiki

na mauaji hayo Jafary sihusiki chochote na sifahamu chochote kuhusu mauaji

hayo"http://deusdeditmahunda.blogspot.com/

Kabla Jafary Hiza hajazungumza alichotaka kuzungumza, kuna sauti ilitoka

kutoka katika chombo fulani pale mezani.

"Namba 3 kuna mwanasheria anahitaji kuzungumza na mtuhumiwa"

Jafary Hiza akajibu "Sawa nimekuelewa namba 1 mfungulie mlango niwaache

wazungumze"

Kisha niliuona mlango ambao aliingilia Jafary Hiza ukifunguka na kuingia

mwanamke mmoja mrembo sana. Kiukweli mwanamke yule alikuwa ni mrembo

kuanzia alivyovaa hata sura pamoja na umbo lake. Alivaa suruali ya kitambaa

iliyonyooshwa vyema na kutiwa upanga mkali kisha na koti lake la kitambaa

kinachofanana na suruali ile aina ya linen ya kahawia, usoni akiwa

amebandika miwani nyeupe. Hata mwendo wake mwanamke huyu, ulikuwa ni ule wa

kujitupa tupa kama wa walimbwende waoneshao mavazi au kugombania taji la

umisi.





ITAENDELEA