DAMU, MABUSU NA MACHOZI - 2 ~ SIMULIZI ZA MAISHA

Simulizi : Damu, Mabusu Na Machozi

Sehemu Ya Pili (2)

Badala ya kujibu Nancy aliangua kilio tena jambo lililowafanya akinamama hao watamani kudadisi zaidi na zaidi ili kuelewa kilichokuwa kinamsumbua, mara ya kwanza alisita kueleza lakini baadaye alijikuta akilazimika kufungua mdomo wake na kusema ukweli! Wote walishika mikono vichwani mwao na kumsikitikia.

“Pole sana shoga! Kwanini ulikubali kufanya hivyo?”

“Mapenzi! Nilimpenda sana mpenzi wangu”

“Yuko wapi kwa sasa?”

Nancy akaangua kilio kwa mara nyingine tena, swali hilo lilimkumbusha Tonny mwanaume katili asiye na shukurani aliyemfanyia unyama mkubwa kuliko mwingine wowote katika maisha yake! Maumivu makali yaliuchoma moyo wake. Wanawake wale walizidi kumbana wakitaka kufahamu.

“Aliniacha! Sababu ya mwanamke mwingine ndiyo maana nahangaika kuiondoa hii yamini ili niweze kupata mchumba mwingine na kuolewa”

“Shoga! Acha nikupe ushauri, usijaribu kufanya tendo la ndoa na mwanaume mwingine kabla hujaiondoa yamini! Nimeshaona wengi sana hapa Bagamoyo na hata Dar es Salaam wakiokota makopo sababu ya kukiuka kiapo!”

“Sasa mimi nifanye nini jamani?” Aliuliza Nancy!CHANZO: https://deusdeditmahunda.blogspot.com/

“Nakushauri uende Tabora ukamtafute mganga wako, uongee naye ili akuondolee! Narudia tena usijaribu kufanya tendo la ndoa na mwanaume mwingine tofauti na yule wa mwanzo!”

“Wa mwanzo hanitaki kabisa!”

“Basi nenda kamtafute mganga wako, tena simama upesi uondoke usifanye mchezo!” Alimaliza mwanamke mwingine.

“Unaitwa nani dada?” Nancy aliuliza wakati akisimama.

“Naitwa Mwamtumu! Wewe je?”

“Naitwa Nancy!”

“Unaishi Dar es Salaam?”

“Ndiyo!” Aliitikia tu ingawa alijua si jibu la swali alilokuwa ameulizwa.

Nancy hakuwa na la kufanya, mwili wake wote ulikuwa umelegea na akili yake yote kuchanganyikiwa! Alihisi hakuna msaada kutoka mahali popote zaidi ya mganga wa kienyeji aliyepandikiza yamini mwilini mwake, huyo ndiye mtu pekee ambaye angeweza kutatua matatizo yake kwa wakati huo.

Alitamani kumshirikisha mama yake katika tatizo alilokuwa nalo lakini alishindwa angeanza vipi! Alihisi angeonekana mjinga. Alitembea kwa unyonge kichwa chake kikiwa kimejaa mawazo mengi, mbele kidogo alitengana na akina mama aliokuwa nao na yeye kuendelea na safari hadi nyumbani kwao.

Hakumkuta mama yake lakini mlango ulikuwa wazi, alifungua na kuingia, mezani alikuta kipande cha karatasi na kukichukua, juu yake kiliandikwa jina lake, ilikuwa ni barua kutoka kwa mama yake! Aliisoma mwanzo mpaka mwisho, hayakuwa maneno mengi zaidi ya taarifa kuwa mama yake aliondoka kwenda kituo cha polisi kama yeye Nancy angeweza basi amfuate huko.

“.....lazima niondoke kwenda Tabora sasa hivi! Tena imekuwa vizuri sijamkuta mama!” Aliwaza Nancy akikimbia kwenda chumbani kwake ambako alianza kupanga nguo katika begi, kutoka hapo alikimbia tena chumbani kwa wazazi wake, alielewa mahali pesa zilipohifadhiwa! Hivyo alichofanya ni kufungua kabati na kutoa shilingi milioni moja katika pesa zilizokuwepo.

“Mama atanisamehe sana! Nafanya hivi kumsaidia baba, ninachotakiwa kufanya sasa hivi ni kuwahi Tabora haraka iwezekanavyo na kama nitamkuta huyo mganga na akaniondolee balaa nililonalo mwilini nitarejea haraka iwezekanavyo nikiwa tayari kufanya lolote na Danny!” Aliwaza Nancy.

Alitoka ndani ya nyumba yake na kukimbia mbio hadi stendi ya basi ambako alipanda daladala lililomchukua moja kwa moja hadi katikati ya jiji la Dar es Salaam ikiwa tayari ni saa tano na nusu mchana, hakutaka kwenda mahali kokote zaidi ya stesheni ya treni na kukata tiketi ya daraja la tatu.

“Nitakwenda hivyo hivyo kwa taabu ili mradi nimpate huyo mganga!” Aliwaza baada ya kukata tiketi yake.

Alibaki stesheni hadi saa 11 jioni muda wa kuingia katika mabehewa ulipofika na saa kumi na mbili treni ya abiria kwenda Kigoma na Mwanza iliondoka Nancy akiwa mmoja wa abiria. Moyoni alijawa na huzuni isiyo na kipimo, maisha yake yalikuwa yamecheza tikitaka na kujikuta akiwa kichwa chini miguu juu, furaha yote aliyowahi kuwa nayo ilikuwa imepotea na aliamini yote hayo yalisababishwa na Tonny! Alimchukia mwanaume huyo kuliko kitu kingine chochote.

“Sitamsahau Tonny! Na sitampenda mwanaume na kama ikitokea nikafanya tendo la ndoa na Danny, nitakuwa nimefanya kwa sababu nataka kumsaidia baba yangu! Vinginevyo nisingediriki kufanya hivyo!” Aliwaza Nancy wakati treni ikizidi kukata mbuga kuelekea Morogoro, hakulala usiku mzima akiwaza na wakati mwingine alilia machozi, mawazo juu ya baba yake aliyekuwa akiteseka mahabusu hayakumwacha.

Kulipokucha asubuhi walikuwa Dodoma, kulikuwa bado kilometa nyingi sana mbele yake kabla ya kufika Tabora, alitamani kupaa na kufika Tabora dakika hiyo hiyo.

Kutwa nzima alikuwa ndani ya treni akisafiri bila kula wala kunywa chochote! Mdomo wake ulikuwa mchungu kupita kiasi, hakutamani kula chochote alichohitaji wakati huo ni kukutana na mganga tu basi hakuna kingine hapo ndipo angeweza kula chakula kwa furaha.

Ilikuwa ni mara ya kwanza kwake kusafiri kwa usafiri huo na hata kuwa nje ya mkoa wa Dar es Salaam na Pwani! Ilikuwa ni safari iliyompeleka mbali na alikokulia, mahali asikomfahamu mtu yeyote, bila wazazi wake kuelewa kwamba alikuwa amesafiri! Kwake huo ulikuwa ni uamuzi mkubwa kupita kiasi.

*****

Saa tatu usiku treni liliingia Tabora na watu kuanza kuteremka, tangu Dar es Salaam hadi anashuka behewani alikuwa bado hajafungua mdomo wake kuongea na mtu! Lakini alipokanyaga ardhi ya Tabora alilazimika kuuliza kwani hakuelewa hata hicho kijiji cha Kisanga kilikuwa umbali gani kutoka mjini Tabora.

“Dada habari yako?” Alimwita dada mmoja aliyekuwa akipita mbele yake huku akiwa na begi mkononi pamoja na mtoto mdogo mgongoni, alimwamini mama huyo kwa namna alivyoonekana! Tabora ilitisha kwa vibaka katika kipindi hicho, asingeweza kumuuliza mtu yeyote aliyemwona.

“Nzuri tu!”

“Naomba nikuulize!”CHANZO: https://deusdeditmahunda.blogspot.com/

“Uliza tu!”

“Unakifahamu kijiji cha Kisanga?”

“Ndiyo ninakokwenda!”

“Kweli?”

“Kwanini unauliza kwa mshangao?”

“Kweli Mungu ni mkubwa! Hata mimi nakwenda huko huko na ni mgeni kabisa, hata hapa Tabora ni mara ya kwanza kufika!”

“Unakwenda kwa nani Kisanga?”

“Mzee Mwinyimkuu!”

“Mwinyimkuu gani?”

“Ni mganga wa kienyeji!”

“Ahaa! Huyo namfahamu!”

Moyo wa Nancy ulijaa furaha isiyo kifani, bila kutegemea alijikuta akishangilia na kumfanya mwanamke aliyekuwa mbele yake ashangae na kutaka kufahamu ni kwanini alifurahia kiasi hicho.

“Ni babu yangu sijamwona muda mrefu sana, nilikuwa nje ya nchi nikisoma na niliporudi nikakuta alihamia Kisanga!”

“Wewe ni mwenyeji wa Bagamoyo? Maana nasikia huko ndiko alitokea”

“Ndiyo!”

“Basi umefika!”

Nancy hakuwa tayari kuyaamini masikio yake kutokana na kauli alizozipata kutoka kwa mwanamke aliyekuwa mbele yake, hakutegemea kama ingekuwa rahisi kiasi hicho kumpata mzee Mwinyimkuu na hapohapo alianza kumshawishi mwanamke huyo waondoke mara moja kwenda Kisanga.

“Kisanga saa hizi?”

“Ndiyo!”

“Hakuna magari mpaka kesho!”

“Kwani hakuna gari la kukodi?”

“Kama pesa unazo litapatikana!”

“Unafikiri inaweza kuwa shilingi ngapi?”

“Sielewi labda twende stendi tukaulize!”

“Nafurahi sana kukutana na wewe dada! Umekuwa msaada mkubwa sana kwangu!” Alisema Nancy wakati wakiingia kwenye teksi.

“Dereva unapafahamu Kisanga?”

“Ndiyo!”

“Tunaweza kupata gari la kutupeleka huko?”

“Kama pesa ipo hata mimi naweza!”

“Shilingi ngapi?”

“Ipo sitini elfu?”

“Nikikupa hamsini huendi?”

“Poa!”

“Basi nyoosha moja kwa moja!”

Mambo yalizidi kumshangaza Nancy kwa jinsi yalivyokuwa yakienda bila mkwamo wa aina yoyote, alipata picha kuwa alikokuwa akielekea pia yangekwenda hivyo hivyo na ikiwa mganga angefanya kazi ya kumwondolea yamini usiku huo basi siku iliyofuata angerejea Tabora na kupanda tena treni au basi kurejea Dar es Salaam, hiyo ndiyo mipango iliyoendelea kichwani mwake wakati gari likipita katika mabonde kuelekea Sikonge.

Waliingia wilayani Sikonge saa saba usiku, Nancy akiwa amechoka taabani sababu ya ubovu wa barabara na safari ya siku mbili, hawakutaka kusimama walinyoosha moja kwa moja wakipita katika barabara mbovu katikati ya mashamba ya watu.

“Mh! Huku mbunge wenu nani?”

“Ah! bwana wee, sisi tulishajizoelea, nyie watu wa mjini ndio mnateseka!”

“Kwa kweli mna shida!”

“Lakini tumekaribia, kutoka hapa hadi Kisanga ni kama kilometa mbili!”

“Afadhali!”

Nusu saa baadaye sababu ya ubovu wa barabara waliingia kijijini Kisanga, kila sehemu ilikuwa giza na nyumba zilionekana kwa taabu sana chini ya miembe mikubwa! Haikuwa rahisi kwa Nancy aliyezaliwa na kukulia mjini kuamini kuwa binadamu waliishi eneo hilo. Palionekana porini zaidi kuliko makazi ya watu.

“Twende kwanza nikupeleke wewe, ndio mimi nitakwenda nyumbani!”

“Nashukuru sana kwa kipaumbele ulichonipa!” Nancy aliongea.

Alikuwa amefurahi mno kufika kijijini Kisanga na hatimaye angekutana na mzee Mwinyimkuu mkombozi wa maisha yake kwa wakati huo, alipomuuliza mwanamke aliyekuwa naye ndani ya gari ambaye tayari alishamfahamu kwa jina la Mariam juu ya ni lini alimwona mzee Mwinyimkuu kwa mara ya mwisho.

“Miezi miwili iliyopita kabla sijaondoka kwenda Morogoro alikuwepo!”

“Kwa hiyo bado yupo?”

“Lazima, atakwenda wapi? Dereva simama hapo!” Mariam alimwamuru dereva wa gari na akakanyaga breki na kuegesha pembeni.

“Nancy umefika twende nikusindikize!” Aliongea mwanamke huyo wakishuka garini, giza lilikuwa kila upande! Nancy alizidi kutishika.

Begi lake likiwa mkononi walianza kutembea pamoja wakielekea bondeni, mwendo wao ulikuwa wa taratibu sababu hawakuwa na tochi! Ghafla Mariam alisimama.

“Mh!” Aliguna.

“Vipi?”

“Mbona pako hivi?”

“Pakoje?”CHANZO: https://deusdeditmahunda.blogspot.com/

“Hapa ndio nyumbani kwa mzee Mwinyimkuu lakini pananishangaza, sikupaacha hivi!”

Ingawa ilikuwa katikati ya usiku, pamoja na giza kutanda kila upande, bado Nancy na Mariam walikuwa na uwezo wa kuona nyumba zote zikiwa zimeteketezwa kwa moto! Mariam alishika mikono kichwani mwake, akiwa haelewi nini kilitokea wakati akiwa hayupo! Aliogopa kuonekana mwongo na kuwa amemsumbua Nancy kumtoa mjini Tabora hadi Kijijini Kisanga bila sababu yoyote.

“Hakyanani kabisa dada, mzee Mwinyimkuu alikuwa hapa sijui kitu gani kimetokea wakati mimi nikiwa Morogoro!” Aliongea mwanamke huyo akiwa na mtoto wake mgongoni.

Nancy alikuwa kimya, mwili wake wote ukitetemeka, furaha yote aliyokuwa nayo iliyeyuka akagundua safari ya kumtafuta mzee Mwinyimkuu ilikuwa haijafika mwisho na hakufahamu angeimaliza lini na vipi! Ilikuwa ni lazima aendelee kumtafuta mganga huyo hadi ampate na kumwondolea Yamini aliyomwekea mwilini mwake.

“Laiti ningejua nisingefanya kitendo hiki, nilimwamini mwanaume ambaye baadaye alikuja kunisaliti! Mapenzi, mapenzi ni kitu kibaya sana!” Aliongea kwa sauti Nancy.

“Kwani kuna nini mdogo wangu?” Mariam aliuliza Nancy akiwa amekaa chini akilia, alikuwa akimfikiria mama yake na baba yake aliyekuwa mahabusu kwa kosa la kumpiga risasi Danny!

Maisha yalikuwa yamemgeuka, kila kitu kilionekana kuwa adui yake, alishindwa kuelewa ni kwanini alikuwa katika hali hiyo, imani yake kwa Mungu ilianza kupungua! Isingewezekana kama kweli Mungu angekuwepo amwache yeye ateseke kiasi hicho.

“Kwani kuna nini mdogo wangu? Unaumwa? Bahati mbaya hujanieleza nini tatizo lako, hivi kweli huyu mzee ni babu yako tu au kuna kitu kingine?” Mariam aliuliza maswali mfululizo baada ya kuona Nancy hajajibu swali lake la mwanzo na kuendelea kulia.

Picha hiyo ilimwonyesha Mariam wazi kwamba kulikuwa na tatizo katika akili ya Nancy na si tatizo dogo pengine yeye angekuwa wa msaada kwake katika kipindi hicho ukizingatia Nancy hakuwa na ndugu yeyote Kijijini Kisanga.

“Sio babu yangu!” Nancy aliamua kueleza ukweli.

“Sasa tatizo ni nini? Na kwanini unamtafuta?”

“Niliwahi kufanya makosa Fulani katika maisha yangu!”

“Makosa gani?”

Badala ya kujibu Nancy aliangua kilio tena, ikabidi Mariam akae naye kwenye nyasi na kuanza kumbembeleza ili aeleze ukweli, kwikwi ya kulia ilipomwachia Nancy alijikaza akafungua mdomo wake na kuanza kueleza kilichotokea, Mariam alisikitika kupita kiasi.

“Sikulaumu Nancy! Hata mimi ningeweza kufanya hivyo, ni wazi ulimpenda sana Tonny lakini alikusaliti, Mungu anajua jinsi ya kukufariji! Furaha yako inakusubiri mbele, hata hivyo nisingekushauri ufanye tendo la ndoa na mwanaume mwingine kabla hujampata mzee Mwinyimkuu, ni hatari! Haya mambo si ya kufanyia mchezo, rafiki yangu mmoja naye alifanya mchezo huu huu, sikutishi hivi ninavyoongea na wewe ni marehemu, yeye na mwanaume waliyetembea naye waling’ang’aniana hadi kifo!” Mariam aliongea na kuzidi kumtia hofu Nancy.

“Sasa nifanye nini dada? Nitampata wapi huyu mzee ili aniondolee hii balaa mwilini mwangu? Haya ni mateso na si mshauri mwanamke mwingine afanye kitendo hiki! Hata kama anampenda mwanaume kiasi gani!”

“Twende nyumbani tukalale, kesho tukiamka tutaulizia vizuri hapa kijijini nini kilitokea nyumbani kwa mzee Mwinyimkuu, si ajabu yupo hapahapa kijijini lakini amehamia sehemu nyingine!” Aliongea Mariam na kumpa matumaini Nancy, moyoni aliamini lazima mzee Mwinyimkuu alikuwa sehemu fulani kijijini na siku iliyofuata wangempata.

Walitembea hadi barabarani ambako wote waliingia tena ndani ya teksi waliyotoka nayo Tabora na kuendelea na safari yao kwenye majengo mawili makubwa ya bati, Mariam akamwamuru dereva asimame.

“Simama hapo pembeni ya hizo nyumba!”

“Hapa ndio nyumbani kwenu?”

“Ndiyo! Baba yangu ni mganga katika hii hospitali!”

“Wewe ni mtoto wa Mabula na mke wake Elizabeth?” Dereva aliuliza

“Ndiyo! Unawafahamu?” Aliitikia Mariam

“Mimi ni mtu wa Sikonge na hakuna mtu asiyewafahamu watu hawa katika wilaya yetu! Tiba zao zimewasaidia wengi sana!”

“Basi hao ndio wazazi wangu na mimi naishi nao hapa nyumbani ila nilikuwa nimekwenda kumtembelea mjomba wangu Mikumi huko Morogoro, karibu sana!” Aliongea Mariam akisaidia kushusha mizigo kwenye gari.

Wakati wakiongea hayo Nancy alikuwa kimya, kichwa chake kilijaa tani kadhaa za mawazo, alishindwa kuielewa hati yake kama asingempata mzee Mwinyimkuu, alitamani kufa badala ya kuendelea na maisha ya mateso. Kumbukumbu za wazazi wake zilizidi kumchanganya na kuna wakati Tonny aliingilia kati, alimtupia kila aina ya lawama kama mtu aliyeharibu maisha yake yote.

“Tonny! Sijui kama naweza kumsamehe!” Aliwaza Nancy wakati akishuka na wote wakaagana na dereva wa teksi na kuongoza kwenda mbele ya nyumba iliyokuwa pembeni, Mariam akagonga kwa muda wa karibu dakika kumi ndipo mlango ukafunguliwa.CHANZO: https://deusdeditmahunda.blogspot.com/

“Wawooooo! Karibu tulimo mkaya!”(Haooooo! Karibuni ndani!) Mama yake Mariam alisema wakati akiwapokea mizigo yao na kuwakaribisha ndani ambako salamu ziliendelea.

Baba yake Mariam baadaye aliungana nao ikawa ni furaha kubwa katikati ya usiku, kama ilivyo kawaida ya Wanyamwezi mama yake Mariam alinyanyuka akitaka kwenda jikoni kuandaa chakula lakini mwanae akamzuia akidai ulikuwa ni usiku mkubwa mno wangeweza kuvumilia.

“Sasa wewe unaongea, je kama mgeni ana njaa?” Mama yake Mariam aliongea huku akitabasamu.

“Hapana mama, sijisikii kula kabisa!” Nancy aliingilia kati ni kweli kwa mawazo aliyokuwa nayo kichwani mwake asingeweza kutia kitu chochote mdomoni, alichohitaji wakati huo hakikuwa chakula, kinywaji au kitu chochote cha kupitia mdomoni! Alichohitaji ni mzee Mwinyimkuu, bila yeye aliamini maisha yake yasingekuwepo tena hivyo hapakuwa na haja ya kula chakula.

Hawakuongea kitu chochote zaidi, kilichofanyika ni kuwaandalia mahali pa kulala na wote wakaingia chumbani bila hata kuoga na kujitupa vitandani mwao.

Mariam akilala na mtoto wake na Nancy peke yake, hakupata hata lepe la usingizi hadi asubuhi, kazi yake ilikuwa ni kuhesabu mabati huku akiwafikiria wazazi wake na maisha yake mara milioni na zaidi, alitamani kuche haraka ili aulizie mahali alipohamia mzee Mwinyimkuu lakini masaa yalikwenda kwa mwendo wa kinyonga.

Mpaka asubuhi, Nancy alikuwa bado akilia na alikuwa mtu wa kwanza kunyanyuka kitandani na kuketi na nusu saa baadaye Mariam alifuatia baada ya mtoto wake kuanza kulia.

“Hujalala kabisa Nancy!”

“Hata kidogo! Mawazo yangu yote yako kwa huyu mzee, lazima nimpate kama si hapa mahali pengine popote lakini namwomba Mungu sana ili asaidie nimpate hapahapa kijijini, tofauti na hapo nitahangaika kwa sababu siko tayari kurudi nyumbani kabla ya kumwona!”

“Nimeshakuelewa ila acha baba na mama waamke tutawauliza, mimi bado naamini mzee Mwinyimkuu yuko hapa hapa kijijini hawezi kwenda popote!”

“Hivi ni Mnyamwezi yule?”

“Hapana si Mnyamwezi ni mtu wa Kigoma lakini wengine huwa wanasema ni mtu wa Zaire aliyekuja hapa nchini miaka mingi kutibu watu na dawa zake za asili, sina uhakika sana!”

****

Nancy alikuwa amechakaa na afya yake kuporomoka, mawazo aliyokuwa nayo yalitosha kumkondesha! Kama ungejaliwa kukutana naye usingeamini kuwa msichana huyo alikuwa mwanafunzi wa Chuo Kikuu, ngozi yake ilikuwa imepauka kwa sababu ya kutokuoga, alijichukia mwenyewe lakini hakujali! Haikuwa rahisi kugundua aliwahi kuwa ni msichana mzuri siku za nyuma.

Alikaa kitandani akiwa amejishika shavu, akisubiri wazazi wa Mariam waamke! Alikuwa na hamu kubwa ya wakati huo, jibu la wazazi wa Mariam ndilo lingemwezesha kuelewa kama angekaa Kisanga zaidi au angesonga mbele kumtafuta mzee Mwinyimkuu.

Muda mfupi baadaye akiwa katika mawazo hayo, mlango wa chumbani kwao uligongwa na sauti ya mama yake na Mariam ilisikika akiwasalimia.

“Mwangaluka Mariam!”

“Mwangaluka!”

“Mwalala mpola?”

“Mpola duhu!” Walisalimiana kwa Kinyamwezi Nancy akiwasikiliza, ilikuwa ni mara ya kwanza kwake kuwasikia Wanyamwezi wakisalimiana kwa karibu, kabila yao ilimvutia hasa walivyovuta maneno na kupandisha sauti na kushusha, ulikuwa ni kama muziki na alitamani waendelee kuongea zaidi. Zamu yake kusalimiwa ilipofika kiswahili kilitumika, ilifanyika hivyohivyo hata kwa baba yake Mariam.

Dakika chache baadaye wote walitoka chumbani na kwenda kuungana na wazazi wa Mariam waliokuwa sebuleni, moyo wa Nancy ulikuwa ukienda kwa kasi kubwa! Alitamani sana kusikilia ambacho angeambiwa, aliamini kwa vyovyote wazee hao walikuwa wanaelewa kilichompata mzee Mwinyimkuu na wapo alikokuwa kwa wakati huo.

“Baba na mama!” Mariam aliita kwa heshima.

“Naam!” Wakaitika wote kwa pamoja.

“Huyu ni rafiki yangu anaitwa Nancy! Tulikutana naye Tabora lakini yeye amekuja hapa kijijini kumtafuta mzee Mwinyimkuu, nafikiri mnamfahamu yule mganga wa pale kwenye kona ya kwenda Sikonge!”

“Ndiyo tunamfahamu! Hebu njoo kwanza hapa tutete kidogo mwanangu!” Mama yake Mariam alinyanyuka na kumchukua Mariam hadi pembeni ambako alianza kuongea kwa sauti ya chini, hiyo pekee ilitosha kumshtua Nancy na kumfanya aelekeze masikio yake yote walipokuwa wamesimama!

“Kwani huyu binti ni nani yake? Maana yaliyompata mzee Mwinyimkuu ni ya kusikitisha sana!” Mama yake Mariam aliuliza akifikiri Nancy asingesikia bila kuelewa kuwa maneno yote yalikuwa yakiingia masikioni mwa Nancy na kati hali ya kushangaza alimwona Nancy akinyanyuka mahali alipokuwa amekaa na kuwafuata tena akilia machozi.

“NIAMBIENI TU! NINI KIMEMPATA? AU KAFA? TAFADHALI NIELEZENI NIJUE MOJA! HAKUNA HAJA YA KUONGELEA PEMBENI MIMI NI MTU MZIMA!” Aliongea Nancy kwa sauti ya huzuni.

Hali ilikuwa mbaya mjini Bagamoyo, baba yake Nancy alikuwa bado akishikiliwa na polisi kwa kosa la kumshambulia Danny kwa risasi, alishahojiwa tayari na hata mke wake pia na wote katika maelezo yao walikanusha kutokea kwa tukio hilo! Maelezo pekee ambayo yalikuwa bado hayajachukuliwa yalikuwa ni ya Danny aliyekuwa hospitali akiuguza mguu wake uliovunjika, aliwazungusha maaskari kwa makusudi.

Kama ilivyokuwa kwa mama yake Nancy, ndivyo ilivyokuwa kwa Danny! Wote hawakuelewa ni wapi alipokuwa Nancy kwa siku zote alizokuwa amepotea, mama alichanganyikiwa! Kuna wakati alihisi mwanae alichukua uamuzi wa kwenda kujiua, baada ya kutafuta kwa siku kadhaa bila mafanikio hatimaye aliamua kutoa taarifa polisi ambao waliendesha msako katika magofu yote mjini Bagamoyo na hata ufukweni mwa bahari ya Hindi lakini hakuna aliyefanikiwa kumwona Nancy.

Hakuna aliyeelewa binti huyo alikuwa wapi, mahojiano kati ya Danny na polisi yaliahirishwa kila siku kutokana na Danny mwenyewe kugoma kuongea, alitaka kwanza akutane na Nancy waongee na kupanga namna ya kufanya! Alielewa wazi katika hatua tatizo la baba yake lilipokuwa Nancy asingekuwa na chaguo jingine isipokuwa kukubali kuwa mpenzi wake tu! Kitendo chake cha kupotea katika mazingira ya kutatanisha kilimfanya Danny avute subira.CHANZO: https://deusdeditmahunda.blogspot.com/

Wazazi wa Danny tayari walisharejea nchini kutoka Uswis ambako wote walifanya kazi Benki ya Dunia na kwenda Bagamoyo ambako waliendelea kumuuguza mtoto wao pekee wa kiume Danny! Alikuwa kipenzi chao.

Hakuweza kuwaficha wazazi wake ukweli juu ya tukio lililotokea, kila kitu alikiweka wazi, walichukia kupita kiasi na walitaka mzee Katobe apewe adhabu kubwa na ikibidi kufungwa miaka mingi afie gerezani au aonyongwe.

Kwa nguvu ya ushawishi aliyokuwa nayo baba yake Danny, mzee George Kasoma katika serikali na hata mahakama ingawa hakuna mtu aliye juu ya sheria, lazima mzee Katobe angefungwa, hicho ndicho walichotaka kitokee na kila siku walimshawishi mtoto wao atoe maelezo kwa polisi kueleza kila kitu kilichotokea mpaka kupigwa risasi.

Mara kadhaa mama yake Nancy aliwafuata wazazi wa Danny na kuwaomba msamaha ili mtoto wao asifungue mdomo na kusema ukweli lakini kila alipokwenda alifukuzwa, hawakutaka hata kumwona na walimhakikishia lazima mzee Katobe angefia jela!

Alipoona imeshindikana kwa wazazi wa Danny alirudisha matumaini yake kwa mtoto, kila siku alimbembeleza Danny asimwingize matatani mume wake kwani alikuwa na uwezo wa kumwepusha na kifungo.

“Ilikuwa ni hasira tu! Hata baba Nancy anajuta, amenituma nije kwako kukuomba umsaidie!”

“Mama siwezi kukudanganya, kama Nancy akipatikana na akakubali kuwa mke wangu nitafanya kesi hii isiwepo kwa sababu mimi ndiye mwenye kauli, wazazi wangu kila siku wananishinikiza nitoe maelezo ya kumgandamiza mzee Katobe lakini nasita kwa sababu sijaonana na Nancy na kusikia msimamo wake, nakushauri uendelee kumtafuta bila kuchoka!”

“Nimejitahidi sana! Lakini mafanikio ni kidogo, sijui mwanangu atakuwa amekwenda wapi? Nina wasiwasi atakuwa amekufa! Ina maana asipopatikana Nancy huwezi kumsaidia baba yake?”

“Kwa kweli haiwezekani! Na ninasema wazi kuwa, nitawazungusha polisi kwa wiki tatu mfululizo, baada ya hapo nitalazimika kusema ukweli kwa hiyo ongeza juhudi za kutafuta mama!” Alimaliza Danny, walikuwa wawili tu ndani ya chumba alicholazwa, wazazi wa Danny walikuwa hawajafika kutoka hoteli ya Badeco walikofikia.

Mama yake Nancy aliondoka wodini akiwa amenyong’onyea kupita kiasi, maneno yaliyosemwa na Danny siku hiyo yalitisha, aligundua hapakuwa na utani na ilikuwa ni lazima afanye kila kinachowezekana ili mtoto wake apatikane. Hilo ndio lingeweza kumwokoa mume wake na kifungo, hakuwa na chaguo lolote zaidi ya kuridhia mwanae aolewe na Danny kama kwa kufanya hivyo kungemfanya kijana huyo afiche siri yake ya risasi.

“Hata hivyo sio mbaya! Sijui kwanini Nancy hamtaki wakati wazazi wake wana uwezo na ni wasomi wazuri tu! Ni familia nzuri ambayo kama Nancy akiolewa kwayo itakuwa ni furaha tu, ni lazima apatikane kama yuko hai! Nitafanya kila kinachowezekana, nitatumia kila kilichopo katika muda wa wiki mbili atakuwa amepatikana!” Aliongea peke yake mama Nancy akitembea kutoka wodini hadi nje ambako alipanda gari lake na kwenda hadi gerezani ambako mume wake aliwekwa mahabusu.

Alimweleza kila kitu kilichoongelewa na hata mzee Katobe mwenyewe alikubali Nancy aolewe na Danny, hakuna mtu kati yao aliyeielewa siri ya Yamini aliyokula kwa mganga wa kienyeji, mzee Mwinyimkuu ndio maana walikuwa tayari hata kutumia nguvu ili mradi Nancy aolewe na Danny na hatimaye mzee Katobe kuachiwa huru.

“Sasa sijui tutampata wapi?”

“Peleka matangazo redioni na kwenye televisheni pia!”

“Nitafanya hivyo!”

“Na utangaze zawadi nzuri kwa mtu yeyote ambaye atasaidia kupatikana kwa Nancy, kama yupo hai lazima tutampata! Lakini kama amekufa basi tena!”

“Lakini mimi nina wasiwasi huyu mtoto anaweza kuwa amerudi tena China! Tatizo anampenda sana Tonny, pamoja na mabaya yote aliyofanyiwa yupo tayari kurudiana naye!”

“Basi nenda Wizara ya mambo ya nchi za nje wanaweza kukuelekeza jinsi ya kuwasiliana na ubalozi wa nchi yetu nchini China ili watusaidie kumtafuta!Kwanini umefikiria hivyo?”

“Nilikuta zile pesa ulizoziweka kabatini hazipo!”

“Basi kaondoka! Wala tusihangaike kufikiri eti amekufa! Ila sijui tutamrudishaje ili aje aongee na Danny wakubaliane na mimi nitolewe mahabusu!”

“Wazo lako la mambo ya nchi za nje nimelipenda, ninakwenda sasa hivi!”

Alipotoka mahabusu mama Nancy alinyoosha moja kwa moja kuelekea Dar es Salaam, saa moja na nusu baadaye alikuwa jijini na kwenda moja kwa moja redio one na ITV ambako alilipia matangazo ya kutafutwa kwa Nancy, kutoka hapo alinyoosha moja kwa moja wizara ya mambo ya nchi za nje na kueleza tatizo lake kwa msaidizi wa waziri aliyeamua kupiga simu kwenye ubalozi wa Tanzania nchini China na kuahidiwa kuwa Nancy angetafutwa kwa udi na uvumba, wafanyakazi wengi wa ubalozi walimkumbuka kutokana na vurugu alizozifanya nchini humo.

Matangazo yalianza kuruka hewani karibu kila siku lakini hakukuwa na mafanikio yoyote, siku zilizidi kukatika hatimaye wiki ya kwanza, ya pili na kuingia ya tatu! Danny bado aliendelea kusisitiza nia yake ya kueleza ukweli kama Nancy asingepatikana ndani ya wiki tatu, polisi bado walimtembelea wakitaka kuchukua maelezo yake.

“Wiki ijayo ndio nitakuwa katika nafasi nzuri zaidi ya kutoa maelezo! Kwa sasa hivi hapana!” Alizidi kuvuta muda ili wiki tatu zikamilike hatimaye ikawa imebaki siku moja bila Nancy kupatikana wala habari za yeye kuonekana mahali popote kusikika! Mama yake alizidi kuchanganyikiwa naye alikata tamaa kabisa ya kumwokoa mume wake na kifungo! Alijihesabu duniani alikuwa amebaki peke yake baada ya mume wake kufungwa maisha na mwanae kupotea katika mazingira ya kutatanisha.

Siku ya mwisho alidamka asubuhi na mapema na kuwahi wodini akiwa bado amekata tamaa, alitaka kuongea na Danny kwa mara nyingine na kumwomba aongeze muda zaidi, aliwakuta wazazi wake wamekwishafika hivyo akashindwa kuongea na kubana nje ya wodi hadi walipoondoka ndipo naye akaingia na kumkuta Danny amejilaza kitandani.CHANZO: https://deusdeditmahunda.blogspot.com/

“Mama nafikiri imeshindikana, ulichokifanya ninakijua! Uliamua kumficha Nancy makusudi ili nisimuoe, sasa shauri yako!” Aliongea Danny kabla hata ya salamu.

“Mwanangu salamu kwanza basi!”

“Sitaki salamu, nilikupa wiki tatu umeshindwa kuzitumia sasa nawasubiri maaskari niwaeleze ukweli!”

Muda mfupi baadaye mlango ulifunguliwa wakaingia wanaume wawili, mama yake Nancy aliwaelewa mara moja kwani ndio waliochukua maelezo yake kituo cha polisi, walikuja kuchukua maelezo ya Danny ili kukamilisha upelelezi ndio kesi ya mzee Katobe ipelekwe mahakamani, maelezo ya Danny yalikuwa ni muhimu sana katika kesi hiyo, maisha ya mzee Katobe yalikuwa mikononi mwake, kama angesema hakupigwa risasi na mzee huyo basi angeachiwa huru lakini kufungua kwake mdomo na kusema ni mzee Katobe aliyempiga risasi kungemaanisha kifungo cha maisha jela.

“Karibuni wazee! Nawasubiri sana leo nimepania kueleza ukweli juu ya tukio hili, kwa muda mrefu sana mmehangaika kutaka niongee nanyi lakini sikuweza, afya yangu haikuwa nzuri! Namshukuru Mungu leo naweza kuongea”

“Vizuri sana! Na huyu mama?” Aliuliza askari akiwa amemwangalia mama Nancy.

“Ni rafiki wa familia yetu!”

“Huyu si ni mke wa mzee Katobe?”

“Ndiyo!”

“Hatuwezi kuchukua maelezo akiwa hapa! Mama toka nje”

“Sawa!” Alijibu mama Nancy akitembea na kufunga mlango nyuma yake, alishindwa kujizuia na kuanza kulia hadi alipolifikia gari na kuingia ndani kisha kuondoka kuelekea nyumbani, hakutaka kuelewa nini alichokiongea Danny! Dakika tano tu baadaye alikuwa nyumbani kwake, ambako aliingia na kujitupa kwenye kochi sebuleni akaendelea kumlilia mume wake tangu siku hiyo aliamini asingeishi naye tena milele na milele.

Akiwa katika mawazo mengi mara mlango wa chumba chake uligongwa na akanyanyuka na kuusogelea kisha kufungua na kuchungulia nje, kijana mdogo alisimama mbele ya mlango akiwa na bahasha mkononi mwake na kumkabidhi baada ya salamu.

“Zimetoka wapi?”

“Baba alikuja nazo!”

“Kutoka wapi?”

“Hapana! hajafa ila alipatwa na matatizo makubwa sana!”

“Tatizo gani?” Nancy aliuliza.

“Masuala ya mvua, ilikuja kugundulika kuwa eti alikuwa akiloga mvua sababu tangu ahamie hapa kijijini mvua imegoma kabisa, wananchi wenye hasira walimvamia nyumbani kwake wakaichoma nyumba yake na kumfukuza kabisa hapa kijijini! Nasikia yuko Kigoma anafanya shughuli zake za tiba kwenye soko la Ujiji!”

Kusikia alikuwa hai kulimfurahisha sana Nancy na asubuhi hiyo hiyo aliaga na kurudi hadi Tabora ambako jioni ya siku hiyo alipanda treni kwenda Kigoma, masaa arobaini na sita baadaye tayari aliwasili, kama ilivyokuwa kwa Tabora hakumfahamu mtu hivyo alichofanya ni kukodisha gari iliyompeleka hadi soko la Ujiji ambako alianza kuzunguka huku na kule akimtafuta mzee Mwinyimkuu, haikumchukua muda mrefu sana akawa ameelekezwa mahali alipofikia palipodaiwa kuwa ni kwa dada yake.

“Mimi ni dada yake, ndio nimemwachia ziwa! Ni kweli alikuwa hapa lakini biashara yake ikawa si nzuri akavuka ziwa Tanganyika kwenda sehemu iitwayo Kalemii huko Jamhuri wa watu wa Kongo, kwa hiyo kama una shida naye unaweza kumfuata huko!”

“Usafiri unapatikana?”

“Ndiyo! Iko Meli na pia majahazi, meli ni kila siku ya Jumapili na Jumatano, leo hii hakuna usafiri labda upande majahazi!”

“Nauli huwa shilingi ngapi?”

“Shilingi elfu kumi na tano!”

Hazikuwa pesa nyingi kwa Nancy, kwani kiasi cha pesa alichotoka nacho nyumbani kilimtosha kabisa! Ghafla alijikuta akitamani kuhesabu pesa yake na alitaka kuchukua kiasi ampe dada yake na mzee Mwinyimkuu shukrani kwa kueleza habari za ukweli. Alinyanyuka na kuingiza mkono wake kwenye mfuko wa suruali ya jeans aliyovaa, humo ndimo aliweka pesa zake

Katika hali isiyo ya kawaida alishangaa kuona vidole vyake vikitokeza nje, akainamisha macho kuangalia, suruali yake ilikuwa imechanwa na pesa zote zimeibiwa, alikaa chini na kuanza kulia machozi, kiasi cha kumshangaza dada yake mzee Mwinyimkuu aliyeitwa Mwanahawa!

“Pole sana! Nafikiri umeibiwa kwenye treni!”CHANZO: https://deusdeditmahunda.blogspot.com/

“Sasa sijui nitafanyaje wakati ni lazima nifike huko Kongo, lazima nionane na mzee Mwinyimkuu! Nina tatizo kubwa sana!”

“Ni tatizo gani?”

Nancy alimsimulia mama huyo kila kitu naye akaonyesha masikitiko makubwa sana, hakuna kitu alichomshauri zaidi ya kuvuka ziwa kuingia Kongo na kumuasa asijaribu kukutana na mwanaume mwingine yeyote mpaka atakapompata mzee Mwinyimkuu na kumrekebisha.

“Ni kazi rahisi sana kama tu utakutana naye!”

“Sasa nitafikaje huko Kalemi?”

“Kwa kweli mimi sina msaada! Nipo kama unavyoniona!”

“Ahsante sana, nakwenda Bandarini kujaribu bahati yangu!” Alisema Nancy, akaaga na kuondoka zake hadi bandarini ambako alianza kutafuta usafiri, njaa ilimuuma kupita kiasi lakini hakuwa hata na pesa kidogo kununua chakula. Kumbukumbu za nyumbani zilizidi kutawala ubongo wake, alielewa ni kiasi gani walimtafuta hasa aliposikia matangazo katika redio, alimwonea huruma sana mama yake lakini hakuwa na la kufanya ilikuwa ni lazima amtafute mzee Mwinyimkuu mpaka ampate, hapo ndipo angeweza kutulia.

Akiwa bandarini alikutana na mzee waliyeishi mtaa mmoja, aliitwa mzee Daudi Kamizo! Alifurahi kupita kiasi na kuamua kuandika barua fupi kwenda kwa mama yake kumjulisha mahali alikokuwa na pia aliandika barua nyingine kwa Danny akimbembeleza asimtie baba yake hatiani.

“Naomba umfikishie mama yangu hii barua na mpe salamu nyingi, mwambie kuna kitu nakitafuta na siku nikikipata nitarudi nyumbani kwetu, mwambie nampenda mama na pia baba yangu!”

***

Wazazi wa Danny waliwasili wodini dakika tano tu baada ya mama Nancy kuondoka na kuwakuta maaskari wawili wakiwa wameketi pembeni mwa kitanda cha Danny, mafaili na kalamu zao zikiwa mkononi! Walielewa kilichokuwa kikifanyika, maelezo ya Danny juu ya nani alimpiga risasi yalikuwa yakichukuliwa.

Danny alikuwa amedhamiria kuusema ukweli akiamini Nancy alikuwa amefichwa na mama yake, muda wa wiki tatu aliokuwa ametoa ulikuwa umetosha kuvumilia hakutaka kuendelea zaidi! Kwa sababu walikuwa wameshindwa kumkabidhi Nancy mikononi mwake ili siku moja amuoe na kuwa mume wake naye alikuwa amedhamiria kumfungisha mzee katobe kwa kosa la kumpiga risasi.

“Taja jina lako kamili, la baba yako, kazi na umri wako!”

Aliwaeleza kila kitu walichokihitaji katika maelezo ya awali lakini walipofika katika maelezo kamili Danny alisita, uso wake ulionekana kuwa wa mtu mwenye mawazo mengi.

“Ilikuwaje siku ya tukio?”

“Subiri kwanza Afande!” Danny aliongea akiwa ameinamisha kichwa chake chini, mawazo yake yalikuwa yamrejesha tena kwa Nancy, alijua jambo alilotaka kufanya lingemuumiza na pengine kufanya uwezekano wa kuwa naye maishani uwe mgumu.

“wee mtoto, hebu waeleze polisi ukweli, hatuwezi kukaa hapa Tanzania kwa muda mrefu tuna kazi nyingi Uswisi, tafadhali eleza ukweli ili huyu mzee achukuliwe hatua!’

“Ukweli gani baba?”

“Kwani umesahau ulichotueleza alivyokufanyia?”

“Sikumbuki!”

“Namna mzee Katobe alivyokufanyia!”

“Bado sikumbuki!’

“Kuhusu risasi!”

“Risasi? Kivipi baba? Labda nilikuwa nimechanganyikiwa au akili yangu ilikuwa haijakaa sawa!”

“Enewei ongea unachokifahamu!”

Maaskari walisogea karibu zaidi na kitanda cha Danny alikuwa ameinamisha uso wake akionekana mwenye mawazo mengi zaidi! Alichotaka kukisema kingemgombanisha na wazazi wake alikuwa njia panda kumsaliti Nancy na kuungana na wazazi wake au kuwasaliti wazazi ili kumfurahisha msichana aliyempenda.

“Siwezi kuwasaliti wazazi wangu, lazima niseme ukweli, hapa nilipofika si pakupindisha tena!”Aliwaza Danny.

“Vipi tuanze?” Askari mmoja alimuuliza.

“hakuna tatizo!”Alijibu Danny akiwaangalia wazazi wake nyuso zao zilionyeshwa kuchukizwa na kilichokuwa kikitokea ndani ya chumba.

“Danny unataka kutuudhi wazazi wako?” Mama yake aliuliza.

“hapana mama!Nitasema ukweli!”

“Ukweli gani?”

“Juu ya mzee Katobe!”

***

Mama yake Nancy alizipokea barua zote mbili na kuanza kuziangalia mwandiko juu ya bahasha ulionyesha moja kwa moja mahali barua hizo zilikotoka bila hata kuuliza swali! Zilikuwa barua za Nancy, furaha iliyomja mama huyo moyoni mwake haikuwa na maelezo aliruka juu mara mbili akishangilia.

“Baba yako amezitoa wapi?” Alimuuliza mtoto wa mzee Daudi Kamizo.

“Alikuwa Kigoma!”

“Ina maana mwanangu yuko Kigoma?”

“Sijui labda umuulize baba!”

Hakukumbuka kuongea kitu chochote zaidi na mtoto huyo, alichofanya ni kuifungua barua yake kisha kuanza kuisoma ni kweli ilikuwa barua ya mwanae Nancy! Hakuyaamuru machozi yatoke bali yalitiririka yenyewe kama chemchem.

Mpendwa mama,

Nakuandikia barua hii nikiwa katika masikitiko makubwa sana, najua sikukuaga na hilo lazima lilikuudhi sana, naomba unisamehe.

Mama, nipo Kigoma, najua hili pia litakushangaza sana imekuwaje nimekuja huku! Nipo katika matatizo makubwa mno, lakini nayaita matatizo haya ya kujitakia mwenyewe! Sikuambii ni tatizo gani mpaka siku nitakapompata ninayemtafuta! Nafanya hivi kwa sababu ya baba ili nije nimtoke katika hatari kama anachotaka Danny ni kunioa!CHANZO: https://deusdeditmahunda.blogspot.com/

Pesa zote nilizochukua kabatini nimeibiwa lakini nipo safarini kuelekea Zaire, kumfuata huyo mtu ninayemtafuta! Nakupenda mama na pia baba yangu, nasikitika yupo mahabusu mwambie asinichukie kwani yote ninayofanya ni kwa ajili yake.

Tutaonana kama kuna uhai, likitokea lolote basi tutaonana mbinguni! Niombee sana.

Ni mimi mwanao ninayeteseka

Nancy.

Wakati anamaliza kuisoma barua hiyo sehemu ya mbele ya kifua chake ilikuwa imelowa, alishindwa kuelewa ni kitu gani kilichomfanya Nancy atoroke kwenda Kigoma! Alizungusha akili yake huku na kule lakini hakufanikiwa kilichomfurahisha pamoja na masikitiko yote aliyoyapata na kufahamu kuwa mwanae alikuwa bado akipumua.

Aliigeuza bahasha nyingine aliyokuwa nayo,juu yake iliandikwa jina la Danny na neno jingine “Haraka sana” lilikuwa pembeni mwa jina, hakutaka kupoteza wakati na hapohapo alitoka hadi nje na kuingia danani ya gari, safari ya kurejea hospitali ikaanza, dakika tano tu alikuwa akigesha gari lake mbele ya hospitali ya wilaya ya Bagamoyo na kutoka bila hata kufunga mlango akitembea hadi kwenye wodi aliyolazwa Danny.

Alifungua mlango bila hata kubisha hodi na kuwakuta wazazi wa Danny pamoja na wanaume wawili aliowaacha, kila mtu alishtuka lakini mama Nancy hakutaka kuogea lolote, alikwenda moja kwa moja hadi kitandani na kumkabidhi Danny bahasha kisha akaondoka kimya kimya. Mara moja Danny aliifungua barua hiyo na kutoa karatasi iliyokuwa ndani mwake na akawa kimya akiisoma barua hiyo lakini muda mfupi baadaye wote walishtuka kumwona anatokwa na machozi.

Danny,

Nipo katika matatizo, najua unanipenda lakini kuna kitu kinachonizuia kushirikiana na wewe kimwili! Siwezi kukueleza kwa sasa, mara nitakaposhughulikia jambo hilo nitakuwa tayari kwa lolote! Wewe ni mvulana mzuri pengine kuliko hata Tonny lakini nashindwa kufikia uamuzi wa kukuvulia nguo yangu ya ndani, najua nitapata matatizo makubwa sana na pengine utanihurumia.

Tafadhali nakusihi sana univumilie baada ya muda si mrefu nitarudi tena Bagamoyo, kwa hivi sasa nipo Kigoma natafuta suluhisho la tatizo langu.

Nipo chini ya miguu yako, nakulilia usimwingize baba yangu katika matatizo na kumfanya afungwe, hilo litaniumiza sana na linaweza kufanya mimi na wewe tusiwe unavyotaka!

NI mimi nikupenyaye lakini mwenye kizuizi.

Nancy.

“Kizuzi? Kizuizi gani?” Aliuliza Danny kwa sauti ya juu akijifuta machozi, kila mtu ndani ya chumba alishindwa kuelewa barua hiyo ilitoka wapi, mama yake alianza kukisogelea kitanda kwa lengo la kuichukua barua hiyo ili aisome lakini kabla hajafika Danny aliikunja na kuitupa mdomoni mwake na kuanza kuitafuna.

“Barua ya nani?”

“Siwezi kusema mama! Ila kwa sasa niko tayari kuongea na polisi!”

“Ongea nao basi!”

“Siku ya tukio nilikuwa nikitembea ufukweni mwa bahari ya Hindi eneo la Bagamoyo, nilikuwa na kamera yangu mkononi! Mara baada ya kupita Badeco Beach nikielekea Chuo cha Sanaa bagamoyo watu watatu walinifuata kwa nyuma wakiwa na Bastola mkononi na kuanza kuninyang’anya kamera yangu, sikukubali nikaanza kupambana nao, unaandika lakini?” Danny alimuuliza askari.

“Ndiyo!”

“Katika kupambana nao mmoja wao akanipiga risasi nikaanguka chi....!”

“Funga mdomo wako! Kwanini unafanya ujinga kwa faida ya nani sisi tunaondoka na tangu leo wewe ni mtoto we....!” aliongea baba yake Danny, yeye na mke wake walitoka nje na kufunga mlango nyuma yake.

Moyo wa Danny uliumia kupita kiasi, alikuwa katika wakati mgumu! Asingeweza kumsaliti Nancy, alimpenda kupita kiasi na aliamini huyo ndiye angekuwa mke wake, wawe na familia na kuzaa watoto pamoja!

Alikuwa ni yeye wa kuchagua kati ya wazazi wake na Nancy na alikuwa amemchagua Nancy na kuwaudhi wazazi wake, alikuwa tayari kwa lolote ili mradi awe na Nancy! Aliyokuwa nayo hayakuwa mapenzi ya uongo bali ya ukweli tupu!

Alipotoka hospitali mama yake Nancy alikwenda moja kwa moja mahabusu ambako aliomba kuonana na mume wake angalau kwa dakika tano, kwa jinsi alivyokuwa anafahamika mjini Bagamoyo aliruhusiwa kuingia na mzee Katobe akawa ameitwa, hali aliyokuwa nayo mke wake ilimtisha.

“Vipi? Mbona unalia!”

“Nancy!”CHANZO: https://deusdeditmahunda.blogspot.com/

“Amekuwaje? Amekufa?”

“Hapana, yupo Kigoma!”

“Kigoma? Anafanya nini?”

“Anamtafuta mtu ambaye hakumtaja ni nani na anatarajia kuvuka kwenda Zaire, nimekuja kukuaga kesho ni lazima nimfuate!”

“Umejuaje kama yuko Kigoma?”

“Unamfahamu jirani yetu mzee Daudi Kamizo?”

“Yule Mkandarasi?”

“Ndiyo! Ameniletea barua hii kutoka Kigoma, alikutana na Nancy jana kabda hajaondoka, nikitoka hapa nitapita nyumbani kwake anieleze vizuri mahali alipomwona maana anadai hata pesa alizokuwa nazo zote zimeibiwa!”Aliongea mama Nancy akimkabidhi mume wake barua naye akaisoma, masikitiko yaliyoonekana machoni mwake yalikuwa makubwa mno.

Dakika kumi na tano baadaye mzee katobe alitakiwa kurudi mahabusu na mama Nancy akaondoka moja kwa moja hadi ofisini kwa mzee Kamizo, huko alielezwa kila kitu juu ya mahali mtoto wake alipoonekana.

“Nilimwona palepale bandarini, hali yake haikuwa nzuri ni mimi niliyempa hata pesa ya kula lakini nilipotaka arudi nyumbani alikataa na nilipomuuliza kulikuwa na tatizo gani hakutaka kuniambia!”

“Nitaondoka kesho kwenda Kigoma, ni matumaini yangu nitampata!”

“Kama atakuwa hajaondoka utampata!”

“Ahsante sana! Nashukuru kwa msaada wako na wewe unahitaji zawadi maana tulitangaza!”

“Ah! Jirani achana nayo uhusiano wetu ni bora zaidi!

“Kwa heri!”

Kutoka hapo alipitia benki ya Taifa ya Biashara mjini Bagamoyo na kuchukua kwenye akaunti ya familia ya kiasi cha shilingi milioni tano kwa ajili ya kumtafuta mtoto wake, muda wote akiendesha gari na hata akiwa benki alikuwa akilia, watu wengi walifikiri labda alikuwa amefiwa.

Siku hiyo alilala jijini Dar es Salaam asubuhi iliyofauta alipanda ndege ya shirika la ndege la Precions moja kwa moja hadi Kigoma, kitu cha kwanza alichofanya aliposhuka uwanja wa ndege ni kukodisha teksi iliyompeleka moja kwa moja hadi bandarini umbali wa kilometa zaidi ya thelathini kutoka uwanja wa ndege.

Akiwa bandarini alianza kutembea na picha ya Nancy mkononi akimuuliza karibu kila mtu aliyekutana naye kama alikuwa amemwona mahali popote msichana huyo, wengi wao alipowauliza walioenakan kutomfahamu Nancy hata chini kwenye majahazi na vyombo mbalimbali vya usafiri.

“ha! Huyo? Mbona alikuwepo hapa? Hebu subiri kidogo!” Aliongea kijana wa kwanza tu aliyemuuliza na kuondoka mbio akiwa na picha mkononi kwenda kwenye kundi la vijana wengine waliokuwa pembeni wakitengeneza nyavu zao, mama Nancy hakutaka kusimama sehemu moja alimfuata kijana huyo hadi alipokuwa.

“Eh! Ndiyo alikuwa anaulizia usafiri wa kwenda Kongo, tukamwelekeza jahazi lililoondoka nusu saa iliyopita!” kijana mmoja alsiema, mwili wa mama Nancy uliishiwa nguvu na kujikuta akikaa kwenye mchanga! Alishindewa kuelewa ni kwa namna gani angempata mtoto wake.

“Alisema anakwenda sehemu gani huko kongo?”

“Hakusema!”

“Kuna namna yoyote naweza kusafiri?”

“Sasa hivi?”

“Labda boti ya kokudi zile za injini ziendazo kwa kasi!”

“Naweza kupata wapi?’

“Kwa waarabu!”

“Nani anaweza kunipeleka?

“Twende!Lakini utaweza bei?”

“Wewe twende kwanza mwanangu!”

Waliondoka hadi kwenye ofisi iliyokuwa juu ya mlango wake imeandikwa Tanganyika Marines, hapo mama Nancy alikodisha boti ya kwenda kwa kasi kwa shilingi laki mbili, akapewa dereva na kwa pamoja wakaanza kuyakata maji ya ziwa Tanganyika akimfuata mtoto wake, hali ilikuwa mbaya kweli ziwani! Hata dereva aliyekuwa naye alishangaa, boti yao ilirushwa huku na kule na mawimbi mpaka dereva akawa na wasiwasi.

Hali katika ziwa Tanganyika ilikuwa chafu kupita kiasi, mawimbi yalikuwa mengi na makubwa yalioupiga mtumbwi kutoka upande mmoja hadi mwingine na kuzidisha wasiwasi kwa mama Nancy na Nahodha wa mtumbwi, usalama ulikuwa mdogo. Wingu lilikuwa kubwa angani na ingawa ilikuwa mchana hali ya giza ilianza kuonekana! Miungurumo ya radi ilisikika angani na muda mfupi baadaye mvua kubwa tena ya mawe ilianza kunyesha na kuwaloanisha wote.

Pamoja na hali hiyo bado mtumbwi ulizidi kuyakata mawimbi na kusonga mbele, mara mbili au tatu ukitaka kubinuka na kuwamwaga ndani ya maji, moyo wa mama Nancy ulikuwa ukienda mbio, alikosa uhakika wa kufika upande wa pili wa ziwa kama wasingefanikiwa kulipata jahazi katikati ya maji.

“Tutafika?” Mama Nancy alimuuliza Nahodha.

“Hata mimi hali inanishtua, nashindwa kukuahidi chochote! Turudi?” Aliuliza.

“Haiwezekani, siwezi kurudi bila kumpata mwanangu”

“Sasa?”

“Twende tu kama ni kuzama basi tuzame na nife maji!”

“Unajua kuogelea?”

“Hapana mimi ni kama shilingi ikidumbukizwa ndani ya maji, utanikuta hapo hapo nilipozamia!”

“Kama ni hivyo nashauri turudi!”

“Sitaki, safari lazima iendelee!”

Nahodha wa mtumbwi alitii amri ya mteja wake na safari ikaendelea, mtumbwi haukwenda kwa kasi kubwa tena, mawimbi na mvua kubwa ya upepo yaliuzuia kusonga katika mwendo wa kawaida. Kila walipokutana na wimbi kubwa mtumbwi ulitaka kuwamwaga majini, mama Nancy aliushika kwa nguvu zake zote hilo ndilo jambo lililomsaidia.CHANZO: https://deusdeditmahunda.blogspot.com/

Hakuwa na matumaini ya kunusurika kwa jinsi hali ilivyokuwa lakini bado hakukata tamaa, alitaka kusonga mbele! Safari iliendelea karibu masaa wawili lakini hawakufanikiwa kuliona jahazi mbele yao na bado hali ya ziwa ilikuwa mbaya, mama Nancy alishatapika mara nyingi, jambo lililosababisha mwili wake kuishiwa nguvu na kulegea.

“Hivi kuna uwezekano jahazi likaiacha boti yenye injini au tumekosea njia!” mama Nancy alimuuliza Nahodha wa boti.

“Majahazi huwa yanakwenda kwa kasi sana, hasa kunapokuwa na upepo kama huu! Sababu yanatumia kitambaa, sisi tunazuiliwa na mawimbi makubwa yaliopo!” “Tutawapata kweli?”

“Hali ikitulia tutawapata!”

“Ninaanza kukata tamaa!”

“Usikate tamaa, tulikotoka ni mbali vumilia, hata kama itabidi tufike upande wa pili, huko utamwona tu binti yako!” Nahodha wa mtumbwi alimfariji mama Nancy.

Safari iliendelea kwa masaa mawili zaidi hali ikiwa bado mbaya, walikuwa katikati ya ziwa bila kuona kitu upande wowote, iwe Magharibi, Mashariki, Kaskazini ama Kusini! Hakikuonekana hata kisiwa kimoja cha kuleta matumaini ya kuokoa maisha yao, bado hofu ya kuzama ilitanda na muda wote mama Nancy alimwomba Mungu anusuru maisha yake.

Fikra juu ya mume wake aliyemwacha mahabusu mjini Bagamoyo bado zilimwijia kichwani mwake na kumzidishia huzuni, mambo yaliyokuwa yakimtokea hakuwahi kuwaza hata siku moja kuwa yangemtokea maishani! Raha na starehe zote alizowahi kuwa nazo maishani akiwa mke wa mfanyabiashara tajiri hazikuwepo tena, alikuwa akiteseka majini kumfuata mtoto wake mpendwa Nancy, hakujuta mahali popote moyoni mwake ili mradi yote aliyokuwa akiyafanya ni kwa ajili ya mwanaye.

“Mama! Jahazi lile pale!” Nahodha wa boti alisema akisonta mkono wake mbele yao.

“Wapi?”

“Angalia huku mbele yetu!”

“Silioni!”

“Nafikiri kwa sababu ya mawimbi ! Angalia vizuri, kaza macho yako utaliona tu !”

Kichwa cha mama Nancy kilielekezwa mbele, macho yake yote yakiwa yamelenga walikokuwa wakielekea, alitaka kuliona jahazi aliliokuwa akielezwa na dereva juu yake, kwa dakika kama mbili hakufanikiwa lakini baadaye alipotulia aliliona likiwa dogo kabisa kama mita elfu moja na mia tano mbele yao, alishangilia na kuhisi ushindi mkubwa moyoni mwake.

“Hatimaye........mwisho nimempata mtoto wangu!” alisema kwa sauti ya juu. “Tutalipata baada ya dakika ishirini !”

“Ongeza kasi”

“Hapana mama hali ni mbaya sana, siwezi kwenda zaidi ya hapa!”

“Sawa, basi fanya uwezalo !”

Boti ilizidi kwenda kwa mwendo wa taratibu, badala ya dakika ishirini alizosema dereva iliwachukua saa nzima kulifikia, mawimbi yalikuwa bado makali, hali ya hewa ilitishia maisha na mvua kubwa ilikuwa bado ikinyesha na kujaza maji kwenye mtumbwi hivyo kufanya kazi ya mama Nancy kuwa ni kuchota maji kutoka kwenye mtumbwi na kuyamwaga nje.

“Ndiyo lenyewe?” Mama Nancy aliuliza.

“Nafikiri! Kwani katika hao watu waliosimama na kutuangalia mtoto wako hayupo?” “Simuoni !”

“Acha nisogee karibu zaidi uwaulize abiria waliochungulia madirishani !”

Nahodha alisema na kuzidi kulisogelea jahazi. Nalo lilikuwa likiyumbishwa na mawimbi kutoka sehemu moja hadi nyingine, mizigo ya magunia ilionekana kutupwa majini na kuonyesha kuwa hali ilikuwa chafu hata kwa wenye jahazi kiasi cha kuanza kupunguza mizigo waliobeba kwa kuitupa majini ili kuokoa maisha yao, hali ya ziwa ilitishia uhai.

“Kuna msichana anayeitwa Nancy humo ndani?”

“Mimi sielewi !” Alijibu kijana mmoja aliyechungulia dirishani akivuta hewa. “Naomba uniulizie basi kama yupo”

“Subiri !”

Kijana huyo aliondoka na aliporejea dakika mbili baadaye wakati jahazi na boti vikisafiri sambamba, vichwa viwili vilichungulia dirishan! Alirudi na Nancy, aliyeonekana kuchakaa kupita kiasi! Macho ya Nancy na mama yake yaligongana, Nancy akalia machozi, hakuamini kama alichokuwa akikiona kilikuwa kweli, alihisi ni ndoto ambayo muda mfupi baadaye angezinduka.

“Mama!” CHANZO: https://deusdeditmahunda.blogspot.com/

“Bee mwanangu!”

“Umefikaje huku!”

“Nakupenda mwanangu Nancy ndiyo maana nimeteseka kiasi hiki kukufuata, nakutaka turudi nyumbani!”

“Nyumbani? Hapana mama! Nakupenda sana mzazi wangu lakini siwezi kurudi!” “Unakwenda wapi?”

“Zaire!”

“Kufanya kitu gani?”

“Kuna mtu namfuata, bila huyo kupatikana maisha yangu hayana maana! Sitaweza kumsaidia baba, kwani anachotaka Danny ni kunioa mimi lakini sina uwezo wa kufanya hivyo, Tonny aliniharibu mwili wangu na mtu aliyetumiwa na Tonny kuniharibu yupo Zaire ndiyo maana ninamfuata! Tafadhali mama nakusihi, niache niende!”

“Haiwezekani, siwezi kukuacha uende peke yako, nitafuatana na wewe hadi mwisho, wewe ni mwanangu! Nataka kuelewa kinachokusumbua!

“Twende mama!”

“Nahodha hebu sogeza boti karibu zaidi na jahazi, nimefika mwisho wangu wa safari! Nakushukuru sana, wewe unaweza kurudi baada ya mimi kupanda jahazi hili!” Aliongea mama Nancy na Nahodha hakuwa na ubishi wowote, alisogeza boti yake karibu na jahazi !

Kwa kupita dirishani Nancy na kijana aliyemuita walinyoosha mikono yao na kuishika mikono ya mama yake, wakaanza kumvuta na kufanikiwa kumuingiza jahazini! Nancy alianguka na kumkumbatia mama yake, wote wakaanza kulia na kuendelea kwa karibu nusu saa nzima.

Walipotulia mama Nancy alitaka kujua kilichompata mtoto wake mpaka kuamua kutoroka kwenda Zaire, Nancy hakuweza kuficha ukweli tena, alieleza kila kitu wazi huku akilia, mama yake alishangazwa na habari aliyoisikia na kumtupia lawama zote Tonny, alimchukia kupita kiasi kijana huyo.

“Kwa nini ulifanya kitendo hicho, kwa nini ulikula Yamini wakati unafahamu ni kitu hatari? Nani alikudanganya? Ulishakutana na mwanaume kimwili tangu ule kiapo kwa mganga wa kienyeji?”

“Hapana mama, ndiyo maana nilishindwa kufanya hivyo na Danny ili nimsaidie baba yangu, hii ndiyo sababu ninasafiri kwenda Zaire kumfuata mganga ili aniondolee kiapo cha Yamini nilichokula ! Ni mapenzi tu, ni utoto tu !”

“Una uhakika huyo mganga yupo Zaire?”

“Ndiyo! Nimemtafuta sana, nimepita Tabora, Kigoma na sasa nakwenda Zaire!”

“Kwa nini ulikwenda Tabora!”

“Niliambiwa yuko huko lakini nilipofika nikaelezwa alihamia Kigoma, hapo napo nikaambiwa amekwenda Zaire ndiyo maana ninasafiri! Ulijuaje niko huku?”

“Barua zako ulizozituma!”

“Zilifika?”

“Ndiyo!”

Wakati wakiendelea kuongea jahazi lilizidi kusonga mbele taratibu huku likipigwa na mawimbi mazito, hali ilikuwa bado mbaya kupita kiasi, boti iliyomleta mama yake Nancy iliishageuza kurudi Kigoma, ghafla upepo mkali kuliko uliokuwepo ulianza kuvuma kama kimbunga ukitokea upande wa Mashariki kuelekea Magharibi, watu wote waliokuwepo ndani ya jahazi waliingiwa na wasiwasi maana upepo huo uliyazungusha maji kama pia.

“Jamani hali ni mbaya! Kila mtu sasa amuombe Mungu wake” Alisikika nahodha wa jahazi hilo akisema.

Watu walianza kutupwa huku na kule ndani ya jahazi Nancy, na mama yake walilala chini kwa hofu wakikumbatiana wakimwomba Mungu abadilishe nia ya shetani iliyotaka kutokea. Dakika tano baadaye walijikuta wamo majini, wakihangaika na kunywa maji mengi, tayari walikuwa wamezama majini na jahazi lilionekana pembeni likiwa limebinuka chini juu, watu wengi walionekana wakitapatapa majini.

Mama Nancy aliuona mkungu wa ndizi ukiwa karibu yao, alichofanya ni kuukamata ili umuokoe yeye na mtoto wake kwa sababu alikuwa na uhakika hawakuwa na uwezo wa kuogelea hata dakika tano mbele yao, kwa nguvu ambazo hakuelewa zilitoka wapi alimvuta Nancy karibu yake na wote wawili wakaushika mkungu huo na kuanza kuelea majini taratibu.

Waliwashuhudia watu waliokuwa na uwezo wa kuogelea, wengi walikuwa wafanyakazi wa kwenye jahazi wakiogelea na kukata maji wakiwaacha wao peke yao, nusu saa baadaye watu wachache waliokuwa abiria wa jahazi walionekana wakielea juu ya maji wakiwa wamekufa!

Matumaini ya mama Nancy na mwanae kuokoka yakazidi kupungua, kwa uwezo wa macho yao hawakuona nchi kavu upande wo wote wa ziwa. Tayari ilikuwa saa tisa na nusu alasiri. Waliendelea kushikilia mkungu wa ndizi ukipelekwa na maji zaidi na zaidi kwenda kusikojulikana, masaa yalizidi kukatika, mawimbi makubwa zaidi yalizidi kuongezeka! mvua kubwa iliendelea kunyesha na baridi kubwa kuendelea kuifisha ganzi miili yao.

Mpaka asubuhi siku iliyofuata walikuwa bado hawajaona mtumbwi wala meli yoyote ikipita karibu yao na walizidi kusukumwa na mkondo wa maji kwenda mbele zaidi, mara kwa mara waliongea maneno machache ya kupeana moyo na kumwomba Mungu katika sala zao pamoja ili awanusuru na kifo, lakini maombi yao yalionekana kutojibiwa!

“Mama tutakufa!”

“Hapana mwanangu, usikate tamaa Mungu atatunusuru!”

“Mikono yangu imekufa ganzi na nimeanza kuchoka!”

“Jikaze mwanangu!”

“Sidhani kama nitaendelea zaidi, ila nikishindwa na wewe ukanusurika, basi utamsalimia baba na kuniombea msamaha kwani niliondoka bila kumwaga lakini yote ninayofanya ni kwa faida yake mwenyewe !”

“Usiseme hivyo mwanangu, hata mimi nimechoka na mikono yangu imeishiwa nguvu lakini bado najipa matumaini! Jipe moyo si ajabu tunaweza kukutana na msaada mahali popote mbele ya safari!”

Haikuwa kama mama yake Nancy alivyofikiria hawakupata msaada wowote na njaa ilizidi kuwasumbua nguvu zilizidi kuwaishia na ilipofika siku ya nne wakiwa majini wameshikilia mkungu, mama yake Nancy hakuwa hata na uwezo wa kuongea jambo lolote, alikuwa kimya muda wote kichwa chake kimeinamishwa kukaribia kabisa kuyagusa maji! Hiyo ilionyesha ni kiasi mama huyo alikuwa amechoka.

CHANZO: https://deusdeditmahunda.blogspot.com/

“Mama! Mama! Mama!” Nancy aliita aliposhuhudia mama yake akiuachia mkungu wa ndizi na kuzama majini.

Uchungu mkubwa ulimkamata moyoni, alitamani mambo yawe tofauti lakini hakuwa na jinsi ya kufanya ili kuubadilisha ukweli wa hali iliyokuwepo! Kifo cha mama yake kilikuwa kimefika na sasa chake kilikuwa kinafuata, mawazo hayo yalimfanya Nancy apoteza matumaini kabisa na hapo hapo akaona giza nene likiyafunika macho yake, mbingu zikafunguka na kuwa wazi, hakuwa na fahamu tena juu ya ulimwengu wa kawaida.

Kwa mbali alimuona mnyama mkubwa mwenye mbawa na manyoya mengi akija kwa kasi kutoka mbinguni, mikono yake ilikuwa mikubwa mithili ya shina la mti wa mbuyu, kulikuwa na kucha ndefu na nene mwisho wa mikono ya mnyama huyo.

Cha kushangaza zaidi alikuwa na jicho moja tu, alipofungua mdomo wake meno makubwa zaidi ya mamba yalionekana mnyama huyo alitisha kabisa, kadri alivyodi kumkaribia ndivyo mdomo wake ulivyozidi kufunguka ikiwa ni ishara kwamba alitaka kumla. Nancy hakuhitaji kuelezwa na mtu kuwa mnyama huyo mwenye mkia mrefu alikuwa nani, alielewa mara moja alikuwa shetani akija kuichukua roho yake!

Hakuwa tayari kwa jambo hilo bado alitaka kuishi duniani alikuwa mtoto mdogo mno kufa kabla hajapata digrii yake ya chuo kikuu, alihitaji nafasi zaidi aendelee kumtafuta mganga wa kienyeji mzee Mwinyimkuu ili amwondolee kiapo alichokiweka moyoni mwake kwamba hatafanya ngono na mwanaume mwingine yoyote yule maishani mwake isipokuwa Tonny ambaye kwa wakati huo hakuwa mpenzi wake tena alishamwacha na kumchukua mwanamke mwingine! Ni kiapo tu alichokula ndicho kiliharibu maisha yake, alitaka kiondolewe, kisha amsahau Tonny na asimpende mwanaume mwingine tena baada ya hapo maisha yake yangekuwa safi.

“Ee Mungu nisaidie nipe nafasi nyingine! Bado nataka kuishi, niongezee siku utakazo wewe!” Alipiga kelele Nancy mnyama yule alipozidi kumkaribia.

***

Polisi waliridhishwa na maelezo ya Danny juu ya mtu aliyempiga risasi ingawa walihisi kulikuwa na jambo aliloficha juu ya mzee Katobe bado walishindwa kumlazimisha akubali walichokitaka na kwa maelezo hayo walijikuta wakikosa kesi na kumwachia huru! Shukrani ya mzee Katobe kwa kijana huyo hazikuwa na maneno ya kutosha kuieleza, alipotoka tu mahabusu alinyoosha moja kwa moja hadi hospitali ya Wilaya ya Bagamoyo na kuingia hadi chumba alicholazwa Danny.

“Nakushukuru sana, najua umeamua kunisaidia ili kuniepusha na kufungo, hakuna wema unaoweza kulingana na ulionifanyia niko tayari kufanya lolote kama shukrani, ni mimi niliokukosea!”

“Hujanikosea kitu baba!”

“Nilikupiga risasi lakini umeamua kuficha siri!”

“Nafahamu lakini usijali, nimefanya hivyo kwa sababu nampenda Nancy!’

“Sema chochote unachotaka kutoka kwa Nancy nani nitakusaidia!”

“Nampenda nataka awe mke wangu!”

“Umekwisha kumpat! Sema kingine!”

“Sina zaidi!”

“Mama amemfuatilia, hivi sasa yuko Kigoma na ninafikiri katika muda wa wiki moja atakuwa amekwisharejea!”Aliongea mzee katobe bila kuelewa mambo yaliyokuwa yakitokea upande wa pili, katika ziwa Tanganyika ambako Nancy na mama yake walikuwa wakihangaikia roho zao, angejua wala asingetamka maneno yaliyokuwa yakimtoka mdomoni.

“Kwa hiyo akirudi na mimi nikiruhusiwa kutoka hospitali tutaoana?”

“Mimi ni baba yake, nikisema neno hakuna mtu wa kupinga! Hesabu wewe na Nancy ni mtu na mkewe, unasikia Danny? Hiyo ndiyo shukrani yangu kwako!”

“Ahsante baba!”

Mzee Katobe alishinda hospitali hadi usiku ulipoingia akimsaidia Danny katika mahitaji yote, hakuwa na mtu wa kumpa msaada tangu wazazi wake wasuse na kuondoka baada ya yeye kushindwa kueleza ukweli juu ya mtu aliyempiga risasi, walikerwa na kitendo cha Danny kuuficha ukweli, waliona mtoto wao amewavunjia heshima, kwa sababu hiyo mzee Katobe aliona wajibu wa maisha yote ya Danny ulikuwa juu yake, alikuwa na kila sababu ya kumsadia na kwa sababu alikuwa ametoka mahabusu aliahidi kufanya bila kilichohitajika kwa gharama yake.

Danny aliendelea kupata matibabu hospitali, mfupa wake ukiendelea kuunga taratibu, mawazo yake yote yalikuwa kwa Nancy alitamani arudi, wafunge ndoa na baada ya hapo warejee chuoni na kuendelea na masomo hadi mwisho, wamaliza na kupata digrii zao za sheria! Mambo yake yasingekuwa sawa wala furaha yake maishani isingekuwa kamili bila Nancy! Hivyo ndivyo alivyoelewa, ndiyo maana alikuwa tayari kuwasaliti wazazi wake kwa sababu ya mwanamke aliyempenda, penzi alilokuwa nalo kwa Nancy halikuwa la kawaida.Ilikuwa rahisi mtu kuhisi labda alinyweshwa mti dawa ya mapenzi ya kuwapumbaza wanaume jambo ambalo kwa hakika halikuwa kweli.

Siku zilizidi kukatika hatimaye wiki ikaisha tangu mzee Katobe aachiwe kutoka mahabusu, bila Nancy pamoja na mama yake kurejea! Wasiwasi ulianza kuingia moyoni mwa Danny na mzee Katobe, hisia kwamba kulikuwa na tatizo lililowapata huko Kigoma zilitawala mawazo yao, hata hivyo hawakutaka tamaa kabisa walizidi kuongeza siku lakini bado hakurejea mpaka wiki ya pili ikakatika na wasiwasi ukazidi kuongezeka.

“Labda hawajaonana, anaendelea kumtafuta!” Danny alisema.

“Inawezekana kabisa! Bahati mbaya hata namba ya simu sina na huko alikokwenda sina mwenyeji ambaye ningemwomba anisaidie kumtafuta, nafikiri hakuna tatizo, tuchukulie bado anamtafuta!”Mzee Katobe aliongea.

“Ikipita wiki itabidi kuwafuatilia, lazima watakuwa kwenye matatizo!”Danny alishauri.

“Itabidi iwe hivyo!”

“Kama nitakuwa nimeruhusiwa itabidi tuongozane kama tu pesa itakuwepo, nisingependa kuona unahangaika peke yako!”

“Unategemea kuruhusiwa hivi karibuni!”

“Daktari alikuja juzi akasema hali yangu siyo mbaya naweza kuondoka mfupa wangu umeunga vizuri! Kama sikosei kesho naweza kupewa ruhusa!”CHANZO: https://deusdeditmahunda.blogspot.com/

Kama alivyosema Danny kweli siku iliyofuata, aliruhusiwa kutoka hospitali baada ya X-ray yake kuonyesha mfupa ulishaunga vizuri, ilikuwa furaha kubwa mno kwake kutoka hospitali na hakuwa na mahali pengine pa kwenda isipokuwa nyumbani kwa mzee Katobe ambako wote wawili waliendelea kusubiri nancy na mama yake warejee ili mipango ya ndoa ifanyike, Danny ajipatie mke! Mpaka wakati huo hakuwa mtu aliyekuwa ameelewa kitu chochote juu ya matatizo ya upande wa pili wa shilingi.

“Hatuna njia lililopo ni kusafiri hadi Kigoma kuwafuatilia, nafikiri watakuwa kwenye matatizo!”Mzee Katobe alimwambia Danny wote wawili wakiwa mezani, chakula kilikuwepo lakini hakuna mtu aliyetamani kula! Fikra juu ya Nancy na mama yake zilichukua hamu yao ya chakula.

“niko tayari wakati wowote ukitaka tusafiri!”

“Kesho unaonaje? Mguu wako hauwezi kukusumbua?”

“Mimi ni mzima kabisa! Lolote utakalotaka hivi sasa naweza nikifanya!”

“Basi kesho tunaondoka!”

“Sawa!”

Waliagana na kila mmoja kuingia chumbani kwake kulala, kilikuwa chumba kizuri chenye kila kitu kuanzia sofa, televisheni, kiyoyozi, choo na bafu ya ndani, kilitosha kumpa binadamu yoyote raha na usingizi mara moja aingiapo chumbani, lakini ilikuwa tofauti kwa Danny, mawazo juu ya Nancy yaliendelea kumsumbua kichwani mwake mpaka saa tisa usiku alikuwa bado hajapata hata lepe la usingizi.

Masaa kumi, kumi na moja ya alfajiri hakuyaona, yalipita bila taarifa! Danny alikuwa kanisani ambako padri na kitabu chake cheusi kiitwacho Biblia alisimama mbele yake! Pembeni mwake akiwepo Nancy ndani ya shela nyeupe iliyompendeza vizuri kwa hakika wote wawili walivutia, watu wengi walijaa kanisani, mama yake Nancy alikuwepo, watu pekee ambao hakuwaona walikuwa ni wazazi na ndugu zake lakini pamoja na kutokuwepo kwao bado alikuwa na furaha kwa sababu alikuwa amemuoa Nancy, mwanamke aliyemhangaisha kwa muda mrefu.

“Danny uko tayari kumuoa Nancy?” Padri aliuliza.

“Ndiyo!”

“Unakubali kuwa naye katika shida na raha mpaka Mungu atakapowatenganisha?”

“Ndiyo padri!”

“Unaweza kuwe sahihi kwenye fomu iliyoko mbele yako!”

Danny aliinama mbele ya meza ambayo juu yake kulikuwa na fomu nyeupe pamoja na kalamu, akaichukua kalamu na kuweka saini yake, baadaye padri alimgeukia Nancy na kumuuliza maswali hayo hayo lakini badala ya kujibu alibaki kimya machozi yakimbubujika! Padri alimuuliza zaidi ya mara mbili, hakufungua mdomo wake kuseme kitu chochote, watu wote kanisani walishindwa kuelewa ni nini kilikuwa kinatokea, kanisa lilibaki kimya, furaha ilianza kuyeyuka.

“Siwezi!Siwezi!Padri siko tayari kuolewa, simpende Danny badi nampenda yule pale!” Nancy aliongea akisonta kidole chake kwenye kona katikati ya watu waliohudhuria kanisani kushuhudia ndoa ikifungwa, watu wote walielekeza macho yao mahali kidole cha Nancy kilikoelekezwa na kumwona kijana mrefu akinyanyuka na kusimama wima. ALIKUWA NI TONNY! Na alianza kutembea kuelekea altareni na kwenda kumkumbatia Nancy mbele ya Danny , wazazi pamoja na padri.

Danny alishindwa kuvimilia na kumsogelea Tonny hasira kali ilikuwa imempanda, alikunja ngumi yake ya mkono wa kushoto na kuitupa kuelekea usoni kwa Tonny, ilikuwa nzito iliyompelekea Tonny sakafuni, huku damu nyingi zikimtoka puani, kanisa lilianza kupiga kelele watu wakikimbia kwenda nje na wengine kwenda mbele kushuhudia kilichotokea.

“harusi imevunjika! Harusi imevunjika!”Maneno hayo yalisikika kila sehemu kanisani.

Padri wazazi pamoja na wazee waliokuwepo kanisani walimzunguka Tonny aliyekuwa amelala cini akiwa ametulia kabisa, baadhi walikuwa wakimshika kifuani upande wa moyo kuona kama ulikuwa unapiga na wengine wakimshika mishipa ya mikononi lakini hakuna hata mmoja kati yao aliyekutana na pigo la moyo wala mshipa.

“Amekufa!”

“Kweli? Haiwezekani, mbona nimempiga kidogo tu!”Danny aliongea akijilaumu, alijutia tendo alilofanya! Hapo hapo alikalishwa chini na kuzungukwa na baadhi ya waumini kanisani, hawakutaka aondoke sababu alishafanya mauaji! simi ilipigwa polisi na muda mfupi baadaye maaskari waliingia na kumpiga pingu, wakaanza kumsukuma kwenda nje huku akilia machozi, hakuna mtu aliyemwonea huruma.

“Nancy!Nancy! Kwanini umenifanyia ukatili huu nikukosea.....!:Hakuimalizia sentensi yake alikuwa akitingishwa kwa nguvu!

“Danny!Danny!Danny! Amka tuondoke tayari saa kumi na mbili na nusu, tuwahi mabasi ya kwanza kwenda Dar ili jioni tuondoke na treni!” Ilikuwa sauti ya mzee Katobe, alimkatisha Danny ndoto yake, alinyanyuka huku akilia machozi na kumshangaza mzee Katobe.

“Vipi mbona unalia?”

“Ndoto! Nimeota ndoto mbaya sana!”

“Ndoto gani?”

“Ndoto tu, ila ni ya kutisha! Nashukuru ni ndoto vinginevyo nilikuwa na kwenda jela!”

“Achana na ndoto mwanangu, mara nyingi ni matokeo ya fikra unazokuwa nazo, tafadhali oga, kisha vaa tuondoke!”

Danny hakusema kitu tena alichofanya ni kuingia bafuni ambako hakuchukua dakika tano akawa ametoka na kuvaa nguo zake vizuri na wote wakaondoka hadi stendi ambako walipanda basi liitwalo Bagamoyo Tours lililowafikisha jijini Dar es Salaam masaa matatu baadaye, kwa sababu ya ubovu wa barabara. Hakuna kazi nyingine waliyokuwa nayo jijini zaidi ya kutafuta tiketi za ndege, hawakufanikiwa kupata baada ya kuambiwa hapakuwa na ndege ya kwenda Kigoma kwa wiki nzima. Chaguo la pili ilikuwa ni treni hilo halikuwahangaisha sana, walipata tiketi daraja la kwanza na siku hiyohiyo kuondoka wakitegemea kuingia Kigoma siku mbili baadaye.

“Tutafika tu! Hata kama itachukua siku ngapi?” Aliongea mzee Katobe.

“Lazima tuwapate, nitafurahi sana kumwona Nancy ingawa ndoto yangu ya leo imenikatisha tamaa sana!”

“Hivi ni ndoto gani?”

Danny alieleza kila kitu juu ya ndoto yake na mzee Katobe akamwondolea wasiwasi na kumhakikishia kila kitu walichopanga kingekwenda sawa sawa, aliongea bila kuelewa nini kiliwapata Nancy na mama yake majini.CHANZO: https://deusdeditmahunda.blogspot.com/

Safari kutoka Dar Es Salaam hadi Kigoma kwa treni ilikuwa ni ya kuchosha, ilikuwa safari ndefu kuliko zote ambazo Danny aliwahi kusafiri katika maisha yake ! Waliingia Kigoma siku mbili baadaye akiwa hoi bin taaban, na kuchukua vyumba katika hoteli iliyoitwa Lubumbashi, moja ya hoteli maarufu na za gharama mjini Kigoma.

Vichwani mwao hakuna kitu walichokuwa wakifikiria zaidi ya Nancy na mama yake, mioyo yao isingetulia mpaka wawapate watu hao ! Muda walioingia Kigoma ulikuwa mbaya, wasingeweza kufanya jambo lolote kwa kuwa tayari ilikuwa ni usiku, walilazimika kulala mpaka siku iliyofuata.

Kama ilivyo kwa siku nyingine zote, hapakuwa na usingizi kwa wote wawili ! Walikesha wakiongea na kuchanga mawazo juu ya tatizo lililokuwa limewapata, lilikuwa tatizo lao wote wawili na walikuwa na wajibu wa kulitatua.

“ Nitatumia kila kitu nilicho nacho mpaka mke wangu na mwanangu wapatikane!” Alisema mzee Katobe. “ Hata mimi pia nitatumia nguvu zangu zote kuhakikisha wanapatikana, hata kama ni kupamabana mipo tayari kupoteza maisha yangu kwa ajili ya Nancy na mama !”

Hayo ndiyo yalikuwa maneno yao, mwanzoni yalionekana ya kawaida lakini baadaye yalibadilika na kuwa kiapo ! Waliapa kuwapata Nancy na mama yake kwa udi na uvumba.

Asubuhi kulipokucha kila mmoja aliingia bafuni na kuoga, wakapata kifungua kinywa na kuondoka kuingia mitaaani ambako walianza msako kuwatafuta Nancy na mama yake, mzee Katobe akiwa na picha zao mkononi na kumwonyesha kila mtu aliyemsimamisha kumuuliza.

Kutwa nzima ya siku hiyo bila kupumzika waliuzunguka mji wa Kigoma na kuugeuza chini juu bila mafanikio ya kuwapata wala kusikia habari zao, waliporudi hotelini saa 3 usiku walikuwa wamechoka hawakuwa na kitu kingine cha kufanya zaidi ya kuoga, kula kisha kujitupa kitandani na kulala.

Huo uligeuka na kuwa utaratibu wao wa kila siku kwa wiki moja na nusu lakini bado hawakufanikiwa kuwapata Nancy na mama yake, walifika Bandarini kwenye ofisi za meli zilizofanya safari kati ya Kigoma na Zaire kuuliza kama walisafiri na vyombo hivyo, majina yao hayakuwepo ! Walichanganyikiwa na kushindwa wafanye nini, akili zao zilionekana kufikia kikomo cha kufikiri.

“ Nina wazo!”

“ Wazo gani mwanangu?” mzee Katobe aliuliza

“ Kwanini tusitumie hizo picha zao kutengeneza matangazo tuyabandike mitaani, nina uhakika lazima kuna watu waliishawahi kuwaona, kama si Nancy basi mama au wote pamoja !”

“Ni wazo zuri lakini si zitakuwa picha zisizo na rangi, watawatambuaje?”

“Siku hizi utalaamu umeongezeka sana, uwezekano upo wa kutengeneza matangazo kwa rangi ili mradi tuwe na pesa!“

“Nimekwisha sema niko tayari kutumia kiasi chochote cha pesa lakini mwanagu na mama yake wapatikane! Pesa haina tena thamani tena kwangu, maisha yangu yamekwishaharibika ! Ninachohitaji hivi sasa ni furaha na hiyo haiwezi kupatikana bila Nancy na mama yake kupatikana” Aliongea mzee Katobe kwa sauti ya kuhuzunika, ni wazi aliyoyasema yalitoka moyoni mwake. Basi niachie hiyo kazi, mimi nitaifanya ! “ Aliongea Danny.

Siku iliyofuata asubuhi Danny alikuwa wa kwanza kuondoka hotelini na kuingia mitaani ambako alifanya kazi ya kutafuta kiwanda cha uchapishaji, haikuwa kazi ngumu sana kwani saa mbili baadaye tayari alishakipata kimoja na alikuwa kwenye mazungumzo na Mkurugenzi wake, picha za Nancy na mama yake zikiwa mezani.

“ Nataka yawe na ukubwa wa karatasi moja ya A4, picha ziwe za rangi na ziwe kubwa!” “Juu yake kutakuwa na maneno gani?”

“Wanatafutwa na ndugu zao!”

“Kuna zawadi?”

Mkurugenzi wa kampuni hiyo bwana David Msanii aliuliza.

“Duh ! Nimesahau kuuliza, naweza kutumia simu yako?”

“Bila matatizo!”

Danny alinyanyua mkono wa simu na kubonyeza namba za hoteli ya Lubumbashi na kuomba aunganishiwe chumbani mwa mzee Katobe, sekunde kadhaa tu baadaye mzee Katobe alikuwa kwenye laini,

“Nani?”

“Ni mimi Danny!”

“Vipi umefanikiwa?”

“Ndiyo! ila kuna kitu kimoja nilisahau kukuuliza ! ”

“kitu gani?”

“Kuna zawadi yoyote tunayotoa?”

“Ndiyo! Utawezaje kuwatangazia watu wamtamfute mtu kusiwe na zawadi?”

“Sawa ni zawadi gani?”

“Millioni mbili kwa mtu yeyote atakayetoa taarifa zitakazowezesha kupatikana kwa mwanangu na mama yake?”

“Ahsante sana!”

Baada ya maongezi hayo Danny alimgeukia bwana David Msanii, aliyekuwa ameketi kitini akisubiri kupewa jibu, alikuwa akichora kwenye karatasi nyeupe namna ambavyo tangazo hilo lingeonekana.

“Ni milioni mbili!” Alisema Danny. “Sawa ! Kwa hiyo hii ‘Milioni mbili’ itakaa chini yakiwa ni maandishi makubwa na ‘anatafutwa na ndugu zao’ itakaa juu, halafu hapa katikati nitaweka maandishi madogo yanayosema ‘zawadi ni’!” Aliongea bwana Msanii.

Kwa maelezo yaliyotolewa Danny alielewa tangazo lingekuwa la kuvutia sana hasa kama picha zingetoka jinsi zilivyoonekana. “Picha zitatoka hivyo hivyo?” “Ndiyo, kuna kitu kingine mngependa kuongeza?”

“Andika namba ya simu ya bosi wangu na uwaeleze kuwa anapatikana hoteli ya Lubumbashi! Baada ya siku ngapi nitegemee kupata matangazo haya?”

“Ninaanza kazi leo, nipe siku tatu!”

“Gharama yake itakuwa kiasi gani?” CHANZO: https://deusdeditmahunda.blogspot.com/

“Bahati mbaya sijaelewa idadi ya nakala ninazohitaji”

“Ili kila mtu kati mji wa Kigoma ayaone matangazo haya tunaweza kuchapa kiasi gani?

Pesa sio tatizo kinachohitajika ni matangazo yawafikie watu!”

“Labda nakala elfu tano!”

“Zitagharimu kiasi gani?”

“Shilingi laki tano!”

“Hilo sio tatizo, nipe simu tena nimweleze mzee.”

“Hakuna shida.”

Danny alimweleza mzee Katobe kila kitu na akakubaliana na bei, mchana wa siku hiyo walimletea asilimia hamsini ya malipo kama utangulizi na kazi ikaanza! Siku tatu baadaye kazi ikakamilika, mzee Katobe akaajiri vijana wa matangazo, yakabandikwa katika kuta nyingi mjini Kigoma. Hapakuwahi kuwa na matangazo yaliyotapakaa namna hiyo katika mji wa Kigoma, habari ya Nancy na mama yake ikawa gumzo, watu wakawa wanaiita Bingo huku kila mtu akimpeleleza mwenzake ili apate angalau fununu ambazo zingemwezesha kuny’akuwa donge hilo.

Watu wengi walifurika nje ya hoteli ya Lubumbashi asubuhi ya siku iliyofuata, kila mtu akizihitaji milioni mbili zilizotangazwa, kwa kuwaangalia tu watu waliofika bila hata kuuliza ungejua walikuwa ni wavuvi na walizidi kuongezeka kadri saa zilivyozidi kusogea.

“Mnataka kumwona nani?” Mtu wa mapokezi aliwauliza.

“Yule aliyetangaza kutafutiwa ndugu zake!”

“Subirini” Aliwajibu kisha kunyenyua simu na kupiga namba ya chumbani kwa mzee Katobe, dakika mbili tu baadaye mzee Katobe alikuwa mapokezi na kuomba chumba kimoja afanye maongezi na watu waliojitokeza, alipewa chumba kimoja na Danny aliungana naye dakika chache baadaye.

Katika muda wa masaa mawili alishawasikiliza watu wote lakini ni wawili tu kati yao walioonekana kuwa na maelezo ya kusaidia, yote yalikuwa ya kusikitisha yaliyomfanya Danny alie machozi.

“Kwanza alikuja huyu msichana!” Aliongea kijana mmoja akionyesha kidole chake kwenye picha.

“Endelea!”

“Alikuwa amekonda sana na alionekana kuwa na mawazo mengi. Alinikuta mimi na wenzangu ufukweni tukitengeneza nyavu zetu akatuuliza habari za usafiri kwenda Zaire, bahati mbaya hapakuwa na meli likapatikana jahazi akapanda na kuondoka zake! Siku iliyofuata akaja huyu mama akimuulizia naye alinikuta mimi ilikuwa kama bahati nikamwambia kila kitu, akataka kusafiri kumfuatilia!”

“Alikueleza ni kwa nini?”

“Hakuniambia”

“Alisafiri kwa usafiri gani”

“Nilimpeleka kwa wale Waarabu wenye boti za kukodi!”

“Akakodisha moja na kuondoka”

“Unaweza kutupeleka kwa hao Waarabu?”

“Hakika, labda tu wagome kusema ukweli”

Hawakutaka kupoteza muda maelezo waliopewa yalitosheleza kabisa. Ni kweli kijana huyo aliwaona Nancy na mama yake, walichofanya ni kuondoka pamoja na kijana huyo kwenda ofisini kwa wakodishaji wa vyombo vya majini, huko walikutana na nahodha aliyemsafirisha mama Nancy hadi katikati ya ziwa Tanganyika.

“Ziwa lilikuwa chafu mno wakati nawaacha ilikuwa mara ya kwanza mimi kukutana na hali ya namna hiyo katika ziwa Tanganyika ! Sikutegemea kurudi hapa salama, nilipofika tu nchi kavu nilisikia katika vyombo vya habari kuwa jahazi alilopanda lilizama na watu wote wakafa maji !”

Mzee Katobe na Danny waliangua kilio. Watu waliokuwepo wakaanza kuwabembeleza na kuwafariji, haikusaidia ilibidi wakodishe gari hadi hotelini ambako waliendelea kulia. Pamoja na kushindwa kuwapata watu waliokuwa wakiwatafuta wakiwa hai, mzee Katobe aliwalipa kijana aliyewapa habari mara ya kwanza pamoja na nahodha shilingi milioni moja kila mmoja wao.

“Sikubali, lazima walizikwa mahali fulani, nitazitafuta maiti zao mpaka nizipate nikawazike Bagamoyo kwa heshima zote!” Alisema mzee Katobe akilia, yeye na Danny walikuwa wamekumbatiana! Pigo walilopata lilikuwa kubwa mno kuvumilia.

“Itabidi tukodishe boti kwenye ile kampuni tuzunguke fukwe zote lazima tutafika mahali ambapo maiti zilionekana na zikazikwa!”

“Sawa!” Danny aliitikia. Walikesha wakilia na hicho ndicho kilifanyika siku iliyofuata, walirudi kwenye kampuni ya boti na kukodisha boti kubwa yenye uwezo wa kwenda kwa kasi kubwa zaidi na kuanza kuzunguka fukwe za ziwa Tanganyika wakianzia upande wa Kigoma kisha kwenda upande wa pili wa Zaire lakini hawakufanikiwa kupata taarifa za miili hiyo.

“Tutafanyaje sasa!” Aliuliza mzee Katobe baada ya wiki tatu za kutafuta, pesa nyingi zilitumika katika operasheni hiyo.

“Labda tujaribu katika visiwa!” Nahodha aliyejulikana kwa jina la Costa aliwashauri. “Sawa niko tayari kwa lolote, zoezi hili halitakoma mpaka nifanikiwe kupata miili ya mke na mtoto wangu hata kama itachukua mwaka mzima” Aliongea mzee Katobe, walikuwa na uhakika asilimia mia moja Nancy na mama yake walishafariki dunia.

****

Kelele alizozipiga Nancy baada ya kumwona mnyama wa kutisha aliyeamini ni shetani aliyekuja kuchukua roho yake ndizo zilikuwa za mwisho, alipoteza fahamu kabisa baada ya hapo! Hakuelewa kitu chochote kilichoendelea.

Alizinduka baadaye akiwa amelala ndani ya kibanda kidogo cha nyasi, kilichokuwa na giza nene.

Hakuelewa alikuwa wapi na alikuwa akifanya nini, mahali alipolala palikuwa pa baridi na hapakuwa na godoro wala shuka, alipofumbua macho yake taratibu na kuangalia ingawa kwa pembeni alimwona mzee mwenye mwili mkubwa na ndevu nyingi akiwa amepiga magoti pembeni mwake akitikisa kitu kama kibuyu.

Alishindwa kuelewa mzee huyo aliyetisha alikuwa nani, hakuwa na kumbukumbu zozote kichwani juu ya kilichotokea. Wakati akihangaika kuvuta kumbukumbu zake alisikia kipande kirefu cha mti kikipenya mdomoni na sekunde chache baadaye alistukia kitu kichungu kikimwingia mdomoni kupitia katika kipande hicho cha mti. CHANZO: https://deusdeditmahunda.blogspot.com/

“Meza! Meza dawa, imekusaidia, bila hii ungekufa !” Aliongea mzee huyo kwa sauti ya kukwaruza.

Nancy alitii sauti na kumeza majimaji yaliokuwa mdomoni mwake, yalikuwa kama shubiri, yalipomwingia tumboni michango iliunguruma akasikia nguvu kidogo zikirejea na kumbukumbu zake zikamiminika kama filamu, alijiona yu katikati ya maji akihangaika kisha akashuhudia mama yake akiachia mkungu wa ndizi na kuzama.

“Mamaaaa ! Mama yanguuuu !” Nancy alilia.

“Usilie mama yako yupo.”

Alinyanyuka na kuketi kitako katika hali ya kutoamini, mzee huyo aliendelea kumhakikishia kuwa mama yake alikuwa hai! Nancy hakuamini alitaka kumwona mama yake kwa macho, halikuwa jambo rahisi kukubali.

“Subiri kwanza !”

“Wewe ni nani?”

“Naitwa babu Ayubu!”

“Ilikuwaje nikafika hapa?”

“Siku mlipotaka kuzama, mimi na mwenzangu tulikuwa jirani na eneo hilo, tukawawahi na kuwaokoa tukaja nanyi hapa kisiwani leo ni siku ya tano!”

“Unasema ukweli? mama yangu yuko hai?”

“Hakika!tena yeye amewahi kupata nguvu mapema kuliko wewe! ndiye aliyetupikia chakula leo mchana”

“Babu Ayubu unanitania!”

“Sina sababu ya kukueleza uongo”

“Yuko wapi ?”

“Kwenye kibanda cha mwenzangu! Tulipowaokoa tulifurahi sana, kwani leo ni miaka kumi na tano tangu tufike hapa kisiwani, hatujawahi kukutana na mwanamke kimwili!” Ndiyo maana tumejitahidi sana kuwaokoa maisha yenu kwa sababu mtakuwa wake zetu! mwenzangu amekwisha kumuoa mama yako, mimi nilikuwa nakusubiri !”

“Unasema nini? nahisi umechanganyikiwa, ni heri ungeniacha nikafa majini kuliko kuniokoa halafu unifanyie unachotaka kukifanya!”

“Utakubali tu! mbona hata mama yako alikataa, mateso aliyoyapata hatayasahau, kwa mdomo wake mwenyewe alijikuta akisema ndiyo!” Aliongea babu Ayubu, hasira ilisikika katika sauti yake.

“Ninasema haiwezekani, niliishakula kiapo cha kutofanya map....!”

“Weweee! kiapo chako huko huko hapa ni serikali nyingine na hakuna kituo cha polisi, ulishawahi kuona kisiwa kikubwa kama Zanzibar wanaishi watu wawili? basi ndiyo hapa!”

Nancy alimwangalia baby Ayoub kwa macho ya chuki, hakuwa tayari kufanya kitendo alichokuwa akiambia hata kama angewekewa kisu shingoni, kiapo alichokula kwa mganga bado kilimsumbua kichwani mwake! Alielewa wazi kufanya tendo la ndoa na mwanaume mwingine tofauti na Tonny kabla hajakutana na mzee Mwinyimkuu na kukiondoa kiapo chake, kungemletea madhara makubwa. Alikuwa tayari kuchagua kifo lakini si kumvulia babu Ayoub nguo yake ya ndani.

“Umeielewa!”

“Wewe hivisasa ni mke wangu, siamini kama kweli nimekutana na mwanamke baada ya miaka kumi na zaidi! Ungekufa ningesikitika sana ndio maana nilikuwa najitahidi kadir ya uwezo wangu wote ili upone nami nianza kula uhondo kama mwenzangu mzee kiwembe!”

“Kama ni kuniua niue lakini kitu unachosema hakiwezi kufanyika!”

“Haya subiri usiku utaona!”

“tafadhali nionyesha mahali mama yangu alipo!” Alisema Nancy.

Babu Ayoub alimsaidia Nnacy kunyanyuka kutoka mahali alipokuwa amelala na kumwongoza hadi kwenye kibanda cha nyasi kilichojengwa jirani tu na mahali kibanda cha babu Ayoub kilipokuwa, mlango ulikuwa wazi na wote wawili waliingia ndani, macho ya Nancy yaligota kwenye mgongo wa mama aliyekuwa jikoni akipika chakula! Ingawa hakumwona usoni mgongo huo ulitosha kuonyesha kuwa mwanamke huyo alikuwa mama yake, aliruka na kumkumbatia, wote wawili wakaanguka chini na kuanza kugalagala.

“Jamani mwanangu!”

“Mama!Ni wewe?”

“Ni mimi mwanangu, siamini kama uko hai tena! Umepoteza fahamu kwa karibu wiki nzima, nilishapoteza matumaini ya wewe kupona!”

“Nimenusurika mama!”

Waliendelea kukumbatiana kwa karibu dakika kumi wakilia kwa furaha, hakuna aliyekuwa tayari kuamini walikuwa salama! Wazee wawili walisimama pembeni mwao wakiwaangalia,hawakuvaa nguo yoyote mwilini mwao zaidi ya majani yaliyowafunika sehemu ya mbele! Walitisha kwa muonekano lakini wao ndio waliookoa maisha ya Nancy na mama yake.CHANZO: https://deusdeditmahunda.blogspot.com/

“Mama hapa tuko wapi?” Nancy alimuuliza mama yake walipoachiana na kuketi wakiwa wameegemea ukuta.

“Ni kisiwa kinaitwa Galu!”

“Na hawa?”Nancy aliendelea kuuliza.

“Hawa wazee ndio wametuokoa! Lakini....!” Alipofika hapo mama yake Nancy alishikwa na kigugumizi, palionekana kuwa na kitu alichoshindwa kukiongea kwa wakati huo, Nancy alihisi tatizo.

“Nini mama?”

“Tutaongea baadaye!” Mama yake alinong’ona.

Mama alimwita babu Ayoub na kuanza kutambulisha kwa Nancy akisema ni binti pekee aliyejaaliwa kuwa naye katika maisha, alimshukuru kwa kuweza kumwokoa! Wakati wakiongea mama Nancy machozi yalimtoka, alikuwa na dukuduku moyoni ambalo mwanae alitamani sana kulifahamu.

“Nimemwona! Kwa hiyo wewe sasa hivi ni mama mkwe!”Aliongea babu Ayoub akitabasamu.

Mama Nancy hakujibu kitu zaidi ya kumwaga machozi zaidi ingawa babu Ayoub pamoja na mzee mwenzake waliendelea kucheka, kwao ilikuwa ni furaha kubwa mno kupata wanawake baada ya kuishi kisiwani peke yao kwa muda mrefu bila kujamiana.

“Lakini binti huyu ni binti yangu, siwezi kukuruhusu umfanyie mambo ambayo mwenzako ananifanyia mimi! Haitawezekana!”

“Ataweza tu!”Mzee Mwingine mfupi na mwenye misuli mingi mwilini aliongea huku akicheka.

Baadaye Nancy na mama yake walipewa nafasi ya kuongea peke yao, mama alisimulia habari ya kusikitisha juu ya mateso aliyoyapata mwanae akiwa usingizini! Kuna mambo alishindwa hata kuyasema kwa sababu yalikuwa aibua kwa yeye kufungua mdogo wake na kuongea mbele ya binti yake, Nancy alielewa kwa sababu tayari alishamsikia babu Ayoub akiongea.

Nancy alimweleza mama yake kuwa asingeweza kufanya kitendo cha namna hiyo sababu ya kiapo alichokula mama yake alimuunga mkono na kuahidi kumsaidia kadri alivyoweza.

“Mama suala la msingi ni kwamba tutaondokaje hapa?”

“Hata mimi sielewi, kila siku nafikiri juu ya jambo hilo lakini ni lazima tuondoke!”

“Hakuna mtumbwi?”

“Wana mtumbwi mmoja tu mdogo na huo ndio wanaoutumia kwenda kutega samaki, sidhani kama unaweza kutufikisha ng’ambo!”

“Sasa tutafanyaje?”

“Hakuna kitu kingine zaidi ya kujifanya tumekubaliana na wanachokisema ili watuzoee na kutuamini, wakati huohuo nitakuwa najifunza kupiga kasia na kuutumia mtumbwi wao ili kama nikifanikiwa kuuelewa tutajaribu kutoroka siku moja usiku!’

“Sawa mama!Lakini kumbuka mimi sitaweza kufanya tendo la ndoa na babu Ayoub!’

“Hapo sijui tutafanya kitu gani, maana mimi pia nilikataa lakini kipigo nilichopata nilijikuta nalainika na kukubali namwomba Mungu usikutane na mateso kama niliyoyapata mimi!” Aliongea mama yake Nancy na kuzidi kumtisha.

Waliporudi ndani Nancy aliketi chini na kuendelea kumshuhudia mama yake akitayarisha chakula, hapakuwa na chakula kingine kisiwani zaidi ya samaki hivyo muda mfupi tu baadaye chakula kilikuwa tayari na wote wanne walitengeneza mduara na kuanza kula, wakati wanamaliza zoezi hilo tayari ilikuwa saa kumi na mbili ya jioni.

“Twende!”Mzee Ayoub alimwamrisha Nancy.

“Wapi?”

“Nyumbani kwetu!”

“Mimi siondoki hapa! Sitaki kutengana na mama yangu!”

“Wewe unafanya utani sio?”

“Sio utani namaanisha ninachokisema, nimekwishakueleza kwamba sipo tayari kufanya tendo la ndoa kwa sababu nilishakula kiapo lakini husikii?”

“Mzee Kiwembe hebu lete ile nahiii! Tumekupa muda wa kuongea na mama yako ina maana hajakueleza yaliyompata?”

“Kanieleza lakini siwezi ni bora kufa!”

“Haya sasa, acha tuone nani atakuwa mshindi!”Aliongea babu Ayoub baada ya kukabidhiwa fimbo nyembamba iliyokatwa kutoka kwa mnyama wa majini aitwaye Kiboko!

“Nyanyuka!”CHANZO: https://deusdeditmahunda.blogspot.com/

“Sinyanyuki!”

“Chaaaaaa!Chaaaa!”Fimbo hiyo nyembamba ilipita mgongoni mwa Nancy, akalia na kujikunjakunja na nyingine zaidi zikazidi kumiminika wakati mzee Kiwembe akimfunga Nancy mguu kwa kamba.

ITAENDELEA

SIMULIZI ZA MAISHA

Karibu Katika Maktaba ya Simulizi, Riwaya, Chombezo na Hadithi Afrika Mashariki. %% Welcome to the Library of Stories, Novels, Comedy and Stories in East Africa. BURE SERIES: https://bure0.blogspot.com/

Menu

Search This Blog

Sunday, July 10, 2022

DAMU, MABUSU NA MACHOZI - 2

0 comments:

Post a Comment

Blog

Blog Archive