DAMU, MABUSU NA MACHOZI - 3

 

Simulizi : Damu, Mabusu Na Machozi

Sehemu Ya Tatu (3)



“Mzee Kiwembe hebu lete ile nahiii! Tumekupa muda wa kuongea na mama yako ina maana hajakueleza yaliyompata?”

“Kanieleza lakini siwezi ni bora kufa!”CHANZO:  https://deusdeditmahunda.blogspot.com/

“Haya sasa, acha tuone nani atakuwa mshindi!”Aliongea babu Ayoub baada ya kukabidhiwa fimbo nyembamba iliyokatwa kutoka kwa mnyama wa majini aitwaye Kiboko!

“Nyanyuka!”

“Sinyanyuki!”

“Chaaaaaa!Chaaaa!”Fimbo hiyo nyembamba ilipita mgongoni mwa Nancy, akalia na kujikunjakunja na nyingine zaidi zikazidi kumiminika wakati mzee Kiwembe akimfunga Nancy mguu kwa kamba.



“Mamaaa! Mamaaa, tafadhali nisaidie!”Aliendelea kulia kadri fimbo zilivyoendelea kupasua mgongo wake, mama yake aliumia moyoni na kujikuta akinyanyuka mahali alipokuwa akitaka kumvamia babu Ayoub lakini kabla hajamfikia alipigwa ngumi usoni na mzee kiwembe akaanguka chini.

hakika walikuwa katika mateso na hawakujua jinsi ya kujiokoa, akiwa amelala chini mama alishuhudia mwanae akibebwa juujuu na wazee hao wawili kupelekwa kwenye kibanda cha babu Ayoub, huko alimsikia akiendelea kulia na kuomba msaada, alitamani kumsaidia lakini hakuwa na uwezo huo, maisha aliyokuwa akiyapitia Nancy ndiyo aliyoyapitia yeye karibu kila siku mpaka alipokubali kufanywa mke wa mzee Kiwembe.

Masaa matatu baadaye mzee Kiwembe akiwa amesharejea kwenye kibanda chake na kuendelea kumfanyia mama Nancy mambo yasiyostahili, kibandani kwa babu Ayoub nako kukawa kimya!Mama Nancy alielewa walishamchosha mtoto wake kwa kipigo na kujikuta akiwa tayari kwa lolote alilotaka kufanyiwa.

“Najua anamwingilia na sijui kitakachotokea ni nini?” Alijiuliza mama Nancy akilini mwake akifikiria kiapo.



Hakusinzia mpaka asubuhi na kitu cha kwanza alichokifanya baada ya kuamka ni kwenda kwenye kibanda cha babu Ayoub kumwangalia mtoto wake, hapakuwa na mtu yeyote ndani ya kibanda! Alirudi haraka hadi ndani na kumuuliza mzee Kiwembe kama alikuwa na taarifa juu ya walikokuwa wameelekea.

“Labda wako ufukweni wanaoga?”

“Acha nikawaangalie!”

Alikimbia kwenda ufukweni, alikuwa na hamu ya kufahamu kama kuna madhara yoyote yaliyompata Nancy kutokana na kitendo alichofanyiwa usiku! Kabla hajafika ufukweni alikutana nao wakikimbizana, Nancy alikimbia akiwa uchi wa mnyama na kuimba nyimbo nyingi zisizoeleweka, akitaja na kuliita jina la Tonny kila baada ya maneno machache.

“Nancy!Nancy!Nancy!”Mama yake alimwita alipowafikia lakini mwanae hakumjali wala kumwitikia.

“TOKAAAA!TOKAAA MBELE YANGU MCHAWI MKUBWA WEEE!” Nancy alimwambia mama yake huku akimmwagia mchanga, maumivu yaliyompata mama Nancy moyoni mwake hayakuwa na maelezo! Machozi yalimiminika kama chemchem, lawama nyingi alizitupa kwa babu Ayoub.

“Mnaona sasa mlivyomfanya mwanangu, tulijitahidi kuwaelewesha juu ya kiapo alichokula lakini hamkutaka kuamini, tutafanya kitu gani sasa? Tayari ameshakuwa mwendawazimu!’

“Aa wapi! Hizi ni mbwembwe zake tu ili asishiriki tendo la ndoa, atake asitake huyu ni mke wangu lazima atafanya tu ! ”

“Lakini umemsababishia matatizo mtoto wangu! ”

“Hilo mimi sijali ! ”

“Nguo zake ziko wapi? ”Aliuliza mama Nancy.

“Amezitupa sehemu fulani huko ufukweni alikokuwa akikimbia ovyo!”Sehemu gani? ” Sifahamu ! Amenisumbua sana na bila kumshika angekufa maji kwa sababu alikuwa anataka kudumbukia majini ili afe ! Nancy ! Nancy ! Nancy ! Mama alimwita binti yake, badala ya kuitika Nancy aliendelea kukimbia huku akicheka na kuongea maneno yasiyoeleweka, tayari alikuwa mwendawazimu ! Kiapo alichokula kwa mganga kilikuwa kimemdhuru.

“Hahaaaa ! I don’t care ! I don’t mix milk and sugar ! I don’t go ! Here and there, Mwalimu Julius Kambarage Nyerere is my hero. I love Saddam Hussein ! Haaaaa ! Haaaaa ! Haaaaa ! ” Nancy aliendelea kuongea mambo yasiyoeleweka na kuzidi kuumiza moyo wa mama yake aliyekuwa akilia huku akimfuata kwa nyuma .

Kila alipomkaribia Nancy alizidi kukimbia kwenda mbele zaidi mpaka alipokamatwa na mzee Kiwembe na kubebwa juu hadi kwenye kibanda cha babu Ayubu

“ Anajifanya mjanja ! Atatulia tu, hapa ni kisiwani bwana mambo ya hapa ni ya kijeshi-jeshi na ni lazima azae” Alijitapa babu Ayubu.

Mama yake alisikitika mno na hakuelewa ni kwa namna gani angeweza kuondoka kisiwani na mtu ambaye hakutaka hata kumkaribia, mipango yote ya kutoroka aliyoiongea na Nancy kabla hajapatwa na wendawazimu ilionekana kuwa migumu, kulikuwa na dalili kwamba maisha yao yangekuwa hapo kisiwani siku zote kama asingepatikana mtu wa kuwaokoa.CHANZO:  https://deusdeditmahunda.blogspot.com/

“ Na huyo mtu ataambiwa na nani kwamba tuko hapa ? Na sijui hivi sasa mzee Katobe anafikiria nini kuhusu mimi, nafikiri haelewi matatizo yanayonipata ! Nitakufa hapa bila kumwona” Aliwaza mama Nancy akimwangalia mwanae akifungwa miguu na mikono na kuunganishwa kwenye nguzo iliyokuwa katikati ya kibanda.



****

Hayo ndiyo yakawa maisha yao, Nancy akawa ni mtu wa kukaa kwenye kamba mchana na usiku, pamoja na kuwa mwehu hakuipenda hali hiyo, mara kwa mara alijaribu kujiondoa kwenye kamba lakini alishindwa.

Nyama za mikono na miguu yake zililiwa na kamba zilizomkaza na kumsababishia vidonda ! Mama yake alijitahidi kumwosha kila siku lakini alijichafua na kusababisha ngozi yake ibadilike na kuwa nyeusi. Nywele zake hazikutamanika, kwa kumwangalia mara moja tu hukuhitaji ufafanuzi kugundua hali yake ya akili.

Pamoja na hali hiyo, babu Ayubu hakukoma kumwingilia Nancy kimwili, suala la wendawazimu halikusumbua ubongo wake, alimfanyia kila aina ya ukatili akiwa kwenye kamba kama mateka, hakuyajali matatizo yake hata kidogo, kitu cha maana kwake ilikuwa kujistarehesha.

Miezi mitatu baadaye walikuwa wangali kisiwani wakipata mateso, mama yake Nancy aliishakata tamaa ya kuokolewa na kuamini hapakuwa na njia ya wao kuondoka tena kisiwani, hayo yaliishakuwa maisha yao na waliishakubaliana nayo.

Afya ya mtoto wake iliharibika kupita kiasi kwa sababu ya kugoma kula, mara nyingi alikuwa mgonjwa na alipoteza uzito mkubwa wa mwili wake ! Kwa sababu ya kutokuwepo kwa tiba yoyote pale kisiwani, matumaini kuwa siku moja mama Nancy angeondoka na mwanae akiwa salama yalipotea.

Bado hapakuwa na maongezi kati yao, Nancy hakuongea kitu na mama yake ! kila alipomsogelea alilia, maneno pekee ambayo mama huyu alikumbuka kuongea na mwanae ni yale aliyosema wakati anamsimulia juu ya mateso aliyoyapata kisiwani akilazimishwa kufanya ngono, hali hiyo ilimuumiza sana mama Nancy, mara kwa mara alitamani kuongea na mtoto wake lakini haikuwezekana ! Akili yake iliishaharibika.

“ Yote haya ni kwa sababu ya Tonny na sijui ni kwanini alimpeleka mwanangu kwa mganga kula kiapo ? ” Aliwaza mama Nancy. Mama Nancy alikuwa kama mke wa ndoa wa mzee Kiwembe, hakuyapenda maisha hayo na hakumpenda mzee huyo lakini hakuwa na chaguo jingine, alielewa wazi kuwa kumkataa kungemaanisha kifo chake na pengine cha mwanae ! Akiyafanya yote aliyotakiwa kufanya ili maisha yao yawe salama akitegemea labda siku moja wangeokolewa kutoka mikononi mwa wauaji.

Tumbo lake halikuwa la kawaida, lilikuwa kubwa kuashiria tayari alikuwa mjamzito ! Mimba ya mzee Kiwembe, jambo hilo lilimuumiza sana, mchana na usiku alilia lakini hakuweza kuubadilisha ukweli kuwa tayari alikuwa na mimba ya mtu ambaye hakuwa na mapenzi naye hata chembe.

Hakuwa na jibu la kumpa mume wake kama ingetokea siku moja akatoroka na kurudi nyumbani, alishindwa kuelewa ni maneno gani angesema ili mume wake amwelewe kwamba yote yaliyotokea hayakuwa mapenzi yake bali alilazimishwa ! Kwa hasira za mzee Katobe lazima angeuawa baada ya kuonekana msaliti.

“ Mungu atanisamehe sikuwa na chaguo haya si mapenzi yangu ! Na namwomba Mungu asaidie Nancy pia asije akapewa mimba maana babu Ayubu anamwingilia kila siku bila huruma” Aliendelea kuwaza huku akitayarisha chakula jikoni huku mzee Kiwembe akiwa amejilaza kwenye jamvi walilolitumia kama kitanda.

Afya ya mtoto wake ilizidi kumtisha alizidi kukonda kadiri siku zilivyokwenda ! Maisha yake yalikuwa hatarini, kila siku alimlilia mzee Kiwembe ili wampeleke aidha hospitali Kigoma au popote karibu lakini hakusikilizwa, alizidi kunyweshwa mizizi ya miti isiyoeleweka kila siku “ Kama Nancy atakufa, mimi pia sitakuwa na sababu ya kuendelea kuishi, nitajinyonga na kufa mara moja !” Aliwaza mama Nancy akiwa amekaa chini na kumwangalia mtoto wake aliyelala chini mikono na miguu yake ikiwa imefungwa kwenye nguzo.



Baada ya kuzimaliza fukwe zote bila mafanikio, mzee Katobe na Danny walianza kutembelea kisiwa kimoja baada ya kingine katika ziwa Tanganyika, wakianzia Kigoma kwenda chini hadi mpakani mwa Zambia na Tanzania, kisha kupandisha tena kuelekea Kigoma wakiwauliza watu wote waliokutana nao kama waliwahi kusikia mahali popote walipozikwa watu waliozama maji siku za karibuni, hawakufanikiwa kupata fununu zozote.

“ Hakuna tunachoweza kufanya ! lililopo ni kumshukuru Mungu, turudi nyumbani tuendelee na maisha ! Hakuna kitu kilichoumiza moyo wangu tangu nizaliwe mpaka leo hii kama tukio hili ”

“ Pole sana mzee Katobe lakini haya ndiyo mambo ya dunia !” Nahodha waliyezunguka naye alimfariji.

Mzee Katobe akawa amenyoosha mikono yake juu na kusema “ Haiwezikani tena !” Kilichofanyika baada ya uamuzi huo ni kufanya Ibada ziwani tena kwa masikitiko makubwa kuwaombea marehemu walale mahali pema peponi, waliamini walikuwa wamejitahidi kwa uwezo wao wote kuzitafuta maiti za wapendwa wao lakini hawakufanikiwa na hapakuwa na kitu ambacho wangeweza kukifanya tena.

“ Inatosha, inabidi tukubaliane na ukweli” Alisema mzee Katobe. CHANZO:  https://deusdeditmahunda.blogspot.com/

“ Nasikitika Nancy amekufa kabla sijamuoa, ameniachia mapenzi mazito moyoni, nilimpenda Nancy kwa moyo wangu wote na nitaendelea kumpenda mpaka nitakapokutana naye ahera, naamini hatatokea msichana mwingine nitakayempenda kiasi hicho” Aliongea Danny akiwa ndani ya boti, kila alipoyaangalia maji ya ziwa Tanganyika moyo wake ulizidi kuuma, aliamini ndiyo yaliyochukua uhai wa mwanamke aliyempenda .

“ Nimepoteza mke na mtoto roho inaniuma sana, hata hivyo nina wewe Danny siku zote nitakuchukulia kama mtoto wangu ingawa una wazazi wako, jisikie huru kuwa na mimi nitakusaidia kwa kila kitu utakachohitaji!”

“ Hata mimi nitakuwa pamoja na wewe ukizingatia wazazi wangu wamekasirika!” Alijibu Danny. “ Lakini ni lazima ufanye kila kinachowezekana kurejesha uhusiano mzuri na wazazi, huwezi kuishi bila maelewano mazuri na wao !”

“ Nitajitahidi !

Masaa ishirini baadaye waliingia Kigoma wakiwa wamechoka taaban na akili zao zikiwa zilijawa na hisia za msiba, pamoja na juhudi za miezi kadhaa za kutafuta maiti za watu waliowapenda walikuwa wamerudi nchi kavu wakiwa mikono mitupu na kulikuwa na deni la Sh. milioni saba ambazo mzee Katobe alitakiwa kuwalipa wenye boti aliyoikodi hakuwa na la kufanya zaidi ya kulipa.

“Tulipe nusu tu, nyingine ni msaada! Mkurugenzi wa kampuni ya kukodisha vyombo vya majini alimwambia mzee Katobe, kila mtu alimwonea huruma.

“Nitalipa” Hilo ndilo lilikuwa jibu lake na siku hiyo hiyo alikwenda benki akachukua kiasi cha fedha alichodaiwa na kulipa deni lote kisha yeye na Danny wakaondoka kwa ndege ya Shirika la ndege Tanzania kurejea Dar es Salaam, hawakukaa jijini, bali walipitiliza hadi Bagamoyo kupeleka msiba.

Wananchi wa Bagamoyo waliomfahamu mama Nancy walilia na kuomboleza kupita kiasi, ulikuwa msiba mkubwa sana mjini humo. Kwa muda mrefu walikuwa hawaoni mtu katika nyumba ya mzee Katobe, na walishindwa kuelewa yeye, mke wake na mtoto wao walikwenda wapi.

Taarifa kuwa mama Nancy na mwanae walikuwa marehemu zilimsikitisha kila mtu aliyesikia, mamia ya watu walifurika nyumbani kwa mzee Katobe kuomboleza, hapakuwa na kitu cha kuzika, hivyo hata kaburi halikuchimbwa. Yaliwekwa matanga ya siku tatu kisha majirani wakasambaa na kubaki ndugu wa karibu.

****

Mwezi mmoja baada ya msiba huo mzee Katobe na Danny walilazimika kurudi katika maisha yao ya kawaida, dunia ilikuwa bado ikiendelea hata kama mama Nancy na mwanae hawakuwa duniani ! Walikuwa ni watu wa karibu mno, mzee Katobe kama alivyoahidi alimchukulia Danny kama mwanae.

Danny alirejea chuoni kuomba kuendelea na masomo yake, ilikuwa ni bahati nzuri kwake mwaka mwingine wa masomo ndio ulikuwa unaanza, akajiunga na wanafunzi wapya na kurudia mwaka wa pili. Mazingira ya Chuo Kikuu cha Dar Es Salaam yalimkumbusha mengi kuhusu Nancy mara nyingi alilia hasa alipowaona au kukaa mahali alipowahi kukaa na Nancy.

“Maisha yangu hayatakuwa sawa tena !” Alijisemea maneno hayo karibu kila siku.

Mzee Katobe naye hakuwa na la kufanya zaidi ya kukubaliana na ukweli na kurudi kwenye shughuli zake za biashara ingawa kwake pia maisha hayakuwa sawa na zamani, kila siku aliwafikiria mke na mtoto wake. Pengo lao lilionekana wazi, walikuwa watu muhimu sana katika maisha yake.

“Siwezi kuishi peke yangu, huzuni inazidi kuongezeka kadri siku zinavyokwenda, ni lazima nioe mwanamke mwingine maana niliyepewa na Mungu amekwishakufa !” Siamini kama nitapata mwanamke atakayefanana na mama Nancy kwa kila kitu ” Aliwaza mzee Katobe bila kuelewa kuwa mke na mtoto wake walikuwa bado hai wakiteseka katika kisiwa cha Galu katikati ya ziwa Tanganyika .

****

“Aa wapi! Hizi ni mbwembwe zake tu ili asishiriki tendo la ndoa, atake asitake huyu ni mke wangu lazima atafanya tu ! ” “ Lakini umemsababishia matatizo mtoto wangu! ”

“Hilo mimi sijali ! ” “ Nguo zake ziko wapi? ”Aliuliza mama Nancy.

“Amezitupa sehemu fulani huko ufukweni alikokuwa akikimbia ovyo ! ” Sehemu gani? ” Sifahamu ! Amenisumbua sana na bila kumshika angekufa maji kwa sababu alikuwa anataka kudumbukia majini ili afe ! Nancy ! Nancy ! Nancy ! Mama alimwita binti yake, badala ya kuitika Nancy aliendelea kukimbia huku akicheka na kuongea maneno yasiyoeleweka, tayari alikuwa mwendawazimu ! Kiapo alichokula kwa mganga kilikuwa kimemdhuru.

“Hahaaaa ! I don’t care ! I don’t mix milk and sugar ! I don’t go ! Here and there, Mwalimu Julius Kambarage Nyerere is my hero. I love Saddam Hussein ! Haaaaa ! Haaaaa ! Haaaaa ! ” Nancy aliendelea kuongea mambo yasiyoeleweka na kuzidi kuumiza moyo wa mama yake aliyekuwa akilia huku akimfuata kwa nyuma .

Kila alipomkaribia Nancy alizidi kukimbia kwenda mbele zaidi mpaka alipokamatwa na mzee Kiwembe na kubebwa juu hadi kwenye kibanda cha babu Ayubu

“Anajifanya mjanja ! Atatulia tu, hapa ni kisiwani bwana mambo ya hapa ni ya kijeshi-jeshi na ni lazima azae” Alijitapa babu Ayubu.

Mama yake alisikitika mno na hakuelewa ni kwa namna gani angeweza kuondoka kisiwani na mtu ambaye hakutaka hata kumkaribia, mipango yote ya kutoroka aliyoiongea na Nancy kabla hajapatwa na wendawazimu ilionekana kuwa migumu, kulikuwa na dalili kwamba maisha yao yangekuwa hapo kisiwani siku zote kama asingepatikana mtu wa kuwaokoa.

“Na huyo mtu ataambiwa na nani kwamba tuko hapa ? Na sijui hivi sasa mzee Katobe anafikiria nini kuhusu mimi, nafikiri haelewi matatizo yanayonipata ! Nitakufa hapa bila kumwona” Aliwaza mama Nancy akimwangalia mwanae akifungwa miguu na mikono na kuunganishwa kwenye nguzo iliyokuwa katikati ya kibanda.

*****

Hayo ndiyo yakawa maisha yao, Nancy akawa ni mtu wa kukaa kwenye kamba mchana na usiku, pamoja na kuwa mwehu hakuipenda hali hiyo, mara kwa mara alijaribu kujiondoa kwenye kamba lakini alishindwa.

Nyama za mikono na miguu yake zililiwa na kamba zilizomkaza na kumsababishia vidonda ! Mama yake alijitahidi kumwosha kila siku lakini alijichafua na kusababisha ngozi yake ibadilike na kuwa nyeusi. Nywele zake hazikutamanika, kwa kumwangalia mara moja tu hukuhitaji ufafanuzi kugundua hali yake ya akili.

Pamoja na hali hiyo, babu Ayubu hakukoma kumwingilia Nancy kimwili, suala la wendawazimu halikusumbua ubongo wake, alimfanyia kila aina ya ukatili akiwa kwenye kamba kama mateka, hakuyajali matatizo yake hata kidogo, kitu cha maana kwake ilikuwa kujistarehesha.

Miezi mitatu baadaye walikuwa wangali kisiwani wakipata mateso, mama yake Nancy aliishakata tamaa ya kuokolewa na kuamini hapakuwa na njia ya wao kuondoka tena kisiwani, hayo yaliishakuwa maisha yao na waliishakubaliana nayo.

Afya ya mtoto wake iliharibika kupita kiasi kwa sababu ya kugoma kula, mara nyingi alikuwa mgonjwa na alipoteza uzito mkubwa wa mwili wake ! Kwa sababu ya kutokuwepo kwa tiba yoyote pale kisiwani, matumaini kuwa siku moja mama Nancy angeondoka na mwanae akiwa salama yalipotea.

Bado hapakuwa na maongezi kati yao, Nancy hakuongea kitu na mama yake ! kila alipomsogelea alilia, maneno pekee ambayo mama huyu alikumbuka kuongea na mwanae ni yale aliyosema wakati anamsimulia juu ya mateso aliyoyapata kisiwani akilazimishwa kufanya ngono, hali hiyo ilimuumiza sana mama Nancy, mara kwa mara alitamani kuongea na mtoto wake lakini haikuwezekana ! Akili yake iliishaharibika.

“ Yote haya ni kwa sababu ya Tonny na sijui ni kwanini alimpeleka mwanangu kwa mganga kula kiapo ? ” Aliwaza mama Nancy. Mama Nancy alikuwa kama mke wa ndoa wa mzee Kiwembe, hakuyapenda maisha hayo na hakumpenda mzee huyo lakini hakuwa na chaguo jingine, alielewa wazi kuwa kumkataa kungemaanisha kifo chake na pengine cha mwanae ! Akiyafanya yote aliyotakiwa kufanya ili maisha yao yawe salama akitegemea labda siku moja wangeokolewa kutoka mikononi mwa wauaji.

Tumbo lake halikuwa la kawaida, lilikuwa kubwa kuashiria tayari alikuwa mjamzito ! Mimba ya mzee Kiwembe, jambo hilo lilimuumiza sana, mchana na usiku alilia lakini hakuweza kuubadilisha ukweli kuwa tayari alikuwa na mimba ya mtu ambaye hakuwa na mapenzi naye hata chembe. CHANZO:  https://deusdeditmahunda.blogspot.com/

Hakuwa na jibu la kumpa mume wake kama ingetokea siku moja akatoroka na kurudi nyumbani, alishindwa kuelewa ni maneno gani angesema ili mume wake amwelewe kwamba yote yaliyotokea hayakuwa mapenzi yake bali alilazimishwa ! Kwa hasira za mzee Katobe lazima angeuawa baada ya kuonekana msaliti.

“Mungu atanisamehe sikuwa na chaguo haya si mapenzi yangu! Na namwomba Mungu asaidie Nancy pia asije akapewa mimba maana babu Ayubu anamwingilia kila siku bila huruma” Aliendelea kuwaza huku akitayarisha chakula jikoni huku mzee Kiwembe akiwa amejilaza kwenye jamvi walilolitumia kama kitanda.

Afya ya mtoto wake ilizidi kumtisha alizidi kukonda kadiri siku zilivyokwenda ! Maisha yake yalikuwa hatarini, kila siku alimlilia mzee Kiwembe ili wampeleke aidha hospitali Kigoma au popote karibu lakini hakusikilizwa, alizidi kunyweshwa mizizi ya miti isiyoeleweka kila siku “ Kama Nancy atakufa, mimi pia sitakuwa na sababu ya kuendelea kuishi, nitajinyonga na kufa mara moja !” Aliwaza mama Nancy akiwa amekaa chini na kumwangalia mtoto wake aliyelala chini mikono na miguu yake ikiwa imefungwa kwenye nguzo.

*****

Baada ya kuzimaliza fukwe zote bila mafanikio, mzee Katobe na Danny walianza kutembelea kisiwa kimoja baada ya kingine katika ziwa Tanganyika, wakianzia Kigoma kwenda chini hadi mpakani mwa Zambia na Tanzania, kisha kupandisha tena kuelekea Kigoma wakiwauliza watu wote waliokutana nao kama waliwahi kusikia mahali popote walipozikwa watu waliozama maji siku za karibuni, hawakufanikiwa kupata fununu zozote.

“Hakuna tunachoweza kufanya ! lililopo ni kumshukuru Mungu, turudi nyumbani tuendelee na maisha ! Hakuna kitu kilichoumiza moyo wangu tangu nizaliwe mpaka leo hii kama tukio hili ”

“Pole sana mzee Katobe lakini haya ndiyo mambo ya dunia !” Nahodha waliyezunguka naye alimfariji.

Mzee Katobe akawa amenyoosha mikono yake juu na kusema “ Haiwezikani tena !” Kilichofanyika baada ya uamuzi huo ni kufanya Ibada ziwani tena kwa masikitiko makubwa kuwaombea marehemu walale mahali pema peponi, waliamini walikuwa wamejitahidi kwa uwezo wao wote kuzitafuta maiti za wapendwa wao lakini hawakufanikiwa na hapakuwa na kitu ambacho wangeweza kukifanya tena.

“Inatosha, inabidi tukubaliane na ukweli” Alisema mzee Katobe.

“ Nasikitika Nancy amekufa kabla sijamuoa, ameniachia mapenzi mazito moyoni, nilimpenda Nancy kwa moyo wangu wote na nitaendelea kumpenda mpaka nitakapokutana naye ahera, naamini hatatokea msichana mwingine nitakayempenda kiasi hicho” Aliongea Danny akiwa ndani ya boti, kila alipoyaangalia maji ya ziwa Tanganyika moyo wake ulizidi kuuma, aliamini ndiyo yaliyochukua uhai wa mwanamke aliyempenda .

“ Nimepoteza mke na mtoto roho inaniuma sana, hata hivyo nina wewe Danny siku zote nitakuchukulia kama mtoto wangu ingawa una wazazi wako, jisikie huru kuwa na mimi nitakusaidia kwa kila kitu utakachohitaji!”

“Hata mimi nitakuwa pamoja na wewe ukizingatia wazazi wangu wamekasirika!” Alijibu Danny. “ Lakini ni lazima ufanye kila kinachowezekana kurejesha uhusiano mzuri na wazazi, huwezi kuishi bila maelewano mazuri na wao !”

“Nitajitahidi !

Masaa ishirini baadaye waliingia Kigoma wakiwa wamechoka taaban na akili zao zikiwa zilijawa na hisia za msiba, pamoja na juhudi za miezi kadhaa za kutafuta maiti za watu waliowapenda walikuwa wamerudi nchi kavu wakiwa mikono mitupu na kulikuwa na deni la Sh. milioni saba ambazo mzee Katobe alitakiwa kuwalipa wenye boti aliyoikodi hakuwa na la kufanya zaidi ya kulipa.

“Tulipe nusu tu, nyingine ni msaada ! Mkurugenzi wa kampuni ya kukodisha vyombo vya majini alimwambia mzee Katobe, kila mtu alimwonea huruma.

“Nitalipa” Hilo ndilo lilikuwa jibu lake na siku hiyo hiyo alikwenda benki akachukua kiasi cha fedha alichodaiwa na kulipa deni lote kisha yeye na Danny wakaondoka kwa ndege ya Shirika la ndege Tanzania kurejea Dar Es Salaam, hawakukaa jijini, bali walipitiliza hadi Bagamoyo kupeleka msiba.

Wananchi wa Bagamoyo waliomfahamu mama Nancy walilia na kuomboleza kupita kiasi, ulikuwa msiba mkubwa sana mjini humo. Kwa muda mrefu walikuwa hawaoni mtu katika nyumba ya mzee Katobe, na walishindwa kuelewa yeye, mke wake na mtoto wao walikwenda wapi.



Kila siku iliyokuja na kupita mama Nancy alifikiria ni kwa namna gani angeweza kuondoka kisiwani na kufika Kigoma akiwa na mtoto wake, uwezekano ulizidi kupungua kadri siku zilivyozidi kusonga mbele, wakati huohuo hali ya Nancy ilizidi kudhoofika siku hadi siku!

Pamoja na kuwa mjamzito mwanamke huyo hakuogopa kwenda kwa mume wake, alimpenda mzee Katobe na aliamini kama angekutana naye na kumpa maelezo juu ya kilichotokea hakika angemwelewa na kukubali kumsamehe! Mimba hakikuwa kikwazo cha yeye kuondoka, tatizo lilikuwa usafiri na ni kwa namna gani angeweza kumpandisha Nancy katika mtumbwi hata kama angeamua kuondoka na kimtumbwi kidogo cha wazee wale usiku wakiwa wamelala.

“Mtoto mwenyewe wamemharibu akili, nikimsogelea anataka kunipiga! Hataki hata kuniona, sijui wamemfanyia kitu gani mpaka kunisahau mimi mama yake!” Aliwaza mama Nancy.

Mama Nancy alionekana kugota kabisa kimawazo, alikosa mpango au mbinu za kumwondoa kisiwani lakini kila siku akili yake ilifanya kazi! Hakuwa tayari kuona mtoto wake anakata roho wakiwa kisiwani, alikuwa tayari kufia mbele kwa mbele akitafuta usalama wa maisha yao wote wawili.

Miezi ilizidi kukatika taratibu hatimaye mama Nancy akajifungua mtoto wa kiume, mzee kiwembe alimwita mtoto huyo Magurumchumvi, jina la babu yake aliyewahi kuwa mganga maarufu wilayani Kasulu mkoani Kigoma! Pamoja na kumzaa mtoto huyo nje ya ndoa yake, bado mama Nancy alimpenda mtoto huyo, hata siku moja hakuwahi kumwita kwa jina la Magurumchumvi, alimwita David akimfananisha na Daudi wa Biblia aliyempiga na kumuua mtu mwenye nguvu, Goliath.

Hakuna siku iliyopita bila yeye kupanga mkakati wa kuondoka, ilikuwa ni lazima atoroke tena akiwa na watoto wake wote wawili, asingemwacha Nancy kisiwani vinginevyo alikuwa tayari kufa pamoja naye kisiwani Galu! Bado manyanyaso yaliendelea kila siku aliingiliwa na mzee kiwembe na alimsikia Nancy akilia usiku mzima babu Ayoub akimfanyia ukatili bila kujali alikuwa mwendawazimu.

Mtoto akiwa na miezi minne tu alianza kuhisi dalili ya mimba nyingine, kichefuchefu na kutapika asubuhi kwake kulimaanisha ujauzito! Ilikuwa ni kama utani lakini miezi mitatu baadaye mtoto David akiwa na umri wa miezi saba mimba ilionekana wazi, mzee kiwembe hakusikitishwa na hilo kwake ilikuwa furaha kupata watoto wawili katika kipindi cha mwaka mmoja na nusu! Alijiona shujaa aliyekuwa akifidia muda aliopoteza kisiwani, hilo lilimfanya babu ayoub naye azidishe kasi ya kumwingilia Nancy akitafuta mtoto bila kujali mtu aliyemfanyia kitendo hicho alikuwa mgonjwa na mwendawazimu.

“Najitahidi sana lakini wa kwangu hapati mimba!”

“Pole sana, mimi sasa hivi naelekea kupata wawili!”

“Nimeona!”

“Ongeza juhudi!”

“SItachoka mpaka mtoto apatikane, vinginevyo atafia kwenye kamba!”

Waliongea wazee hao mama Nancy akisikia, aliumia sana moyoni mwake lakini wao hawakujali! Hawakuwachukulia Nancy na mama yake kama binadamu wa kawaida bali watumwa ambao kazi yao ilikuwa ni kuwaridhisha kingono. Kitu kimoja kilimsumbua mama Nancy kichwani mwake, mtumbwi! Alihitaji chombo cha kumsafirishia yeye na watoto wake, ni hapo ndipo alipofikia kuanza kuchonga au kutengeneza kitu chochote cha kuelea majini ambacho angetumia kukatisha ziwa Tanganyika akipiga kasia.

Aliliona wazo hilo la kufaa kabisa, hapakuwa na njia nyingine ya kujiokoa zaidi ya kupata mtumbwi, ni hapo ndipo alipoanza kila siku mzee Kiwembe na babu Ayoub wakiwa ziwani, alikwenda msituni na kukata miti ya Mikule! Iliokuwa kama boya ndani, ilifanana sana na Milingoti ya katani lakini yenyewe ikiwa na unene wa kama nguzo ya umeme, ilikuwa rahisi kuangusha kwa sababu iliota sehemu zenye majimaji!

Alikata miti mingi na kuikata katika vipande vya kama futi sita na kwa kutumia kamba za magome ya miti alianza kuvifunga vipande hivyo pamoja na kufanya kitu kama sakafu ya miti, haikuwa kazi ndogo! Aliifanya taratibu na kila siku alipopata nafasi, alitumia miezi miwili kukamilisha kutengeneza kitu alichokuwa akihitaji ingawa hakuwa na uhakika kama kingeweza kuelea na hatimaye kumvusha kwenda upande wa pili, alikuwa amechoka kuishi kisiwani akishuhudia mwanae akiteseka.CHANZO:  https://deusdeditmahunda.blogspot.com/

Alikiita kitu alichokitengeneza jina la pantoni na kukisukuma hadi majini akitaka kuona kama kingeelea, hivi ndivyo ilivyokuwa! Kwa macho yake alikiona kikielea majini, alipanda juu yake kuona kama kingezama lakini bado kilielea na hakikuonekana kuelemewa na uzito. Moyo wake ukaanza kurejewa na matumaini ya kuondoka kisiwani hapo, aliporudi nyumbani siku hiyo fikra zake zote zilikuwa ni lini angeondoka! Kila siku haikupatikana kwani babu ayoub alipoondoka kwenda ziwani kuvua aliacha mlango umefungwa.

Angetaka kuondoka peke yake bila Nancy ingekuwa rahisi lakini hakuwa tayari kumwacha mtoto wake hilo ndilo lilimfanya aendelee kukaa kisiwani mpaka akajifungua mtoto wa pili! Huyo alikuwa ni wa kike na mzee Kiwembe alimeita kwa jina la Mategelesi, jina la bibi yake ambaye alikuwa kuwa mganga wa kienyeji hata siku moja mama Nancy hakumwita mtoto wake kwa jina hilo, alimwita Catherine na alimpenda ingawa alizaliwa nje ya ndoa.

Tayari alikuwa na watoto watatu na wote alitaka kuondoka nao kwenda Kigoma au Kongo, alichotaka ni kufika nchi kavu! Huko angeelewa kitu cha kufanya ili hatimaye arejee Dar es Salaam na baadaye Bagamoyo hakuogopa kurudi kwa mzee Katobe na watoto, Mpaka wakati huo hakuelewa ni kwanini akiwa na mumewe hakuwahi kupata ujauzito zaidi ya ule wa Nancy lakini akiwa na mzee Kiwembe alikuwa akipata mimba mfululizo.

“Nitaondoka! Siku yoyote nitakayopata nafasi ya kumwondoa Nancy katika kibanda hicho ndio siku nitakayoondoka hapa kisiwani, itatokea tu! Kosa moja magoli mia kwa sasa wacha nijifanye mnyonge!”Aliwaza mama Nancy.

****

“Siwezi kuoa! Siwezi, tena wazo hili lisinijie tena kichwani mwangu, kama ni kufa kwa huzuni acha nife! Ningemzika mke wangu na kuliona kaburi lake hapo ndio ningefikiria kuoa! Siamini kama kama Nancy na mwanangu kweli wamekufa! Wanaweza kuwa mahali fulani wanaishi au wamekwama, nikaoa halafu siku moja mke wangu akarudi! Nitafanya nini mimi? Nitamwambia nini mke wangu? Haiwezekani nampenda sana mama Nancy na siamini kama kweli yeye na mwanangu wamekufa!” Aliwaza mzee Katobe.

Maisha yake yalikuwa ya huzuni mno, watu waliomfahamu walimwonea huruma! Aliishi peke yake bila hata mfanyakazi, alikonda kwa mawazo.

Marafiki zake wengi walimshauri aoe lakini hakukubali! Hisia kuwa siku moja mke pamoja na mtoto wake wangerudi zilimsumbua kichwani, alivumilia hadi mwaka ukapita na kuahidi kuendelea kuishi peke yake hadi mwisho wa maisha yake labda mke wake atokee.

Kwa Danny ilikuwa tofauti, alipoingia chuoni mara ya kwanza baada ya kutoka Kigoma kumtafuta Nancy na mama yake alikuwa mtu mwenye huzuni sana, mara nyingi alionekana kutokwa na machozi! Hakuamini maisha yake yangekuwa sawa tena, watu wengi waliomfahamu Nancy walihuzunishwa sana na habari za kifo chake lakini kwa wasichana waliomtamani Danny siku zote hali ilikuwa tofauti, baadhi yao walifurahia na kuona hiyo ndiyo ilikuwa nafasi pekee kumpata mwanaume waliyempenda ambaye siku zote alijifanya mgumu.

Mmoja wa wasichana hao alikuwa ni Agness alisoma darasa moja na Danny lakini sababu ya kurudia mwaka Agness alijikuta yupo mbele yake, aliwahi kuwa rafiki mkubwa wa Nancy, lakini pia alimpenda Danny tangu mwanzo hakutaka kuliingilia penzi lao.

Alijifanya kumwonea huruma Danny, muda wote akiwa pembeni yake na kumfariji, lakini hilo halikuwa lengo lake, muda wote alitafuta kuwa naye karibu ili hatimaye aweze kumwingiza katika mtego wa kuwa mpenzi wake! Alichofahamu yeye ni kwamba, kumnasa mwanamume au mwanamke mwenye huzuni kimapenzi kilikuwa kitendo rahisi kuliko kumeza tonge la ugali.

Danny hakuweza kuitafsiri hali hiyo mapema, kila alichofanyiwa na Agness alikiona chema, walisoma pamoja, alipikiwa chakula, alinyooshewa nguo na hata kufuliwa nguo zake! Mambo yaliharibika zaidi Agness alipoomba kuwa anamchua mwili Danny, hilo pia Danny hakulitafsiri kwa upana wake akawa amekubali akifikiri ni huduma ya kawaida hatimaye akajikuta amenaswa kabisa, maisha bila Agness yakaanza kuonekana magumu, alionekana tiba ya huzuni yake.

Penzi lilianza taratibu kati yao, Agness akawa anaingia taratibu na kuzipa tundu lililoachwa na Nancy! Kidonda kikiaanza kupona moyoni, penzi likakomaa mpaka danny kuamua kumtambulisha Agness kwa mzee Katobe aliyemchukulia kama baba yake, bado hakuwa na mawasiliano na wazazi wake.

Mzee katobe hakuwa na kipingamizi, asingeweza kumzuia Danny asiwe na mpenzi au kuoa wakati hakuwa na uhakika mkubwa kama siku moja mwanae angerudi.

“Agness! Kuna kila dalili kuwa ninakupenda na ninafikiria kukufanya mke wangu baadaye! Lakini kuna kitu kimoja kinachonisumbua!”Danny alimwambia Agness wakiwa wamekaa wawili chumbani mwao, waliishi kama mke na mume ingawa walikuwa wanafunzi.

“Kitu gani Danny?”

“Nakumbuka nimewahi kukueleza habari za Nancy!”

“Ndio!”

“Kifo cha Nancy kilitokea lakini sikuwahi kuiona maiti yake, kuna wakati huwa nahisi anaweza kuwa anaishi mahali fulani na mimi ninampenda itakuwaje akirudi!”

“Kwani unafikiri anaweza kurudi?”

“Kwa sababu sikuiona maiti wala kaburi lake!”

“Akirudi basi mimi nitawaacha muendelee!”

“Kweli?”

“Ndio!”

“Ahidi!”

“Naahidi!”

“Mh!”Aliguna Danny.

“Kwanini unaguna?”

“Haiwezi kuwa rahisi kiasi hicho!”

“Huo ndio ukweli siwezi kuwatenganisha watu wanaopenda, unampenda Nancy kuliko mimi eh?” Agness aliuliza.

“Unajua....!”Danny hakuwa na jibu la swali hilo lakini ukweli uliokuwa moyoni mwake ulikuwa ni sehemu ya swali alilouliza Agness.

“Najua nini? Inabidi unithibitishie Danny!”

“Nakupenda Agness, tatizo ni hilo tu!” Nancy akirudi nitalazimika kuwa naye, hapo naomba nieleweke.

“Utanioa?”

“Wakati wowote ukitaka lakini uelewe kuwa Nancy akirudi....!”

“Hilo halina tatizo kwangu! Watu wakienda ahera huwa hawarudi, angekuwa hai lazima angeshajitokeza!”Agness alisema.CHANZO:  https://deusdeditmahunda.blogspot.com/

“Unataka tufunge ndoa lini?” Mzee katobe yupo tayari kusimamia ndoa yangu.

“Hata mwezi ujao!”

****

Penzi lilizidi kupamba moto, Danny alionekana kupata faraja! Hakulia tena kama ilivyokuwa zamani, kila siku zilivyozidi kwenda ndivyo penzi kati yake Agness lilivyozidi kukua na kufanya mipango ya ndoa ipelekwe kwa kasi ya sauti! Kila mtu alitaka kuwa na mwenzake milele na kifupi kila mtu aliamini walifaa kuwa mke na mume!

Walikuwa kivutio kila walikokwenda, wakitembea mkono kwa mkono bwana mbele na bibi nyuma kiasi cha wanafunzi wenzao kuwabadilisha jina kuwaita kumbikumbi!

Kila siku najaribu kufikiria siku ya ndoa yetu nashindwa kuelewa itakuwaje! Bila shaka itakuwa miongoni mwa harusi kubwa hapa jijini Dar es Salaam maana wanachanga isivyo kawaida na mzee Katobe amedhamiria kuonyesha mfano anataka kuwaonyesha watu kuwa bado yupo katika chati si unajua kuna watu walianza kusema eti amechoka, sasa ameamua kuonyesha uwezo wake kwenye harusi yetu!”

“Ndiyo!”

“Basi itakuwa bomba! Hata baba na mama yangu wamepania kweli ila waliniuliza swali moja!”

“Swali gani darling?”

“Juu ya wazazi wako! Eti ni kwanini usimalize tofauti iliyopo ili harusi yetu ipate baraka zote?”

“Mzee Katobe analishughulikia jambo hili, mambo yanakwenda vizuri kuna uwezekano baba na mama wakaja hapa nchini wakati wa harusi!”

Haya ndiyo yalikuwa maongezi kati ya Danny na Agness kila siku waliyokutana, walikuwa na njaa na hamu kubwa ya harusi ili waweze kuishi pamoja!

Kwa Agness aliona ndoa ndio kitu pekee alichoamini kingemfunga Danny hata kama siku moja Nancy angerudi kutoka katika wafu, aliuteka moyo wa Danny kisawasawa na kumsahaulisha kabisa kama duniani aliweza kuishi na mtu aliyeitwa Nancy, hakumpa nafasi ya kumfikiria.

Karibu kila mwanafunzi Chuo Kikuu cha Dar es Salaam alikuwa na taarifa juu ya harusi hiyo, wengi walichanga na kumpongeza Agness kwa kumpata mvulana mgumu kupatikana kuliko mwingine yeyote chuoni. Danny hakuwa mwanaume wa kujirahisisha kwa wanawake! Alijiheshimu lakini wakati yeye aliwatesa waliomtamani naye pia aliteswa na mwanamke aliyeitwa Nancy! Historia hiyo haikuwa rahisi kufutika kichwani mwake.

Mgogoro kati yake na wazazi wake ulimalizika, wazazi wakaja nchini kuonana naye, Danny akapiga magoti na kuwaomba wazazi wake msamaha! Wakashikana mikono na kumaliza tofauti zao.

Hawakuwa na tatizo juu ya mipango ya harusi hasa walipomwona mkamwana wao, Agness aliwavutia sana, hasa mama yake Danny! Alifurahishwa na kila kitu alichokuwa Agness kuanzia maumbile hadi kuongea kwake.

“This is the girl fit to be your wife my dear son!”(Mwanangu mpendwa huyu ndiye mwanamke anayefaa kuwa mke wako!)

“I know mom!”(Nafahamu mama!)

“So you have decided to get married?(Kwa hiyo umeamua kuoa?

“Yes mom!”(Ndio mama)

“You have to remember one thing!”(Ukumbuke kitu kimoja!)

“Nini mama?”

“Never start something you can’t finish!”(Kamwe usianzishe kitu ambacho huwezi kukimaliza!”)Alishauri mama yake Danny katika maongezi yao yakiyofanyika faragha nyumbani kwa mzee Katobe huko Bagamoyo,walishamkubali mzee huyo kama sehemu ya familia yao.

“I agree, but thre is one thing!”(Nakubali, lakini kuna kimoja!)

“What is it?”(Nini hicho!)

“I’m not sure of Nancy’s death!”(Sina uhakika juu ya kifo cha Nancy)

Danny alimwambia mama yake na baadae kutumia karibu masaa mawili kueleza kila kitu kati na msichana huyo na jinsi yeye na mzee Katobe walivyohangaika kumtafuta Nancy na mama yake, alipofika mwisho wa maelezo hayo hapakuwa na neno jingine kutoka kwa wazazi wake zaidi ya kumuhakikishia kuwa si Nancy wala mama yake walikuwa hai na kutaka ndoa yake ifungwe haraka iwezekanavyo.

“Mzee Katobe mmepanga ndoa hii ifungwe lini?”

“Kwa ninavyofahamu kila kitu kinakwenda sawa na tulikuwa tunawasubiri nyinyi tu!”

“Inawezekana kufunga mwezi ujao?”

“Ni wangapi kweli?”Mzee Katobe aliuliza.

“Wa nne!”

“Tarehe ngapi?”

“Katikati ya mwezi baada ya Kwaresma,mfano tarehe kumi na saba mnaionaje?”

“Mimi sina matatizo labda mtoto!”

“Mimi na mwenzangu tunasubiri kauli yenu!”Aliongea Danny kwa sauti ya chini, moyoni mwake kulikuwa na furaha ambayo hakuwahi kuipata maishani, hakutegemea hata kidogo mambo yangekwenda kama yalivyokuwa yakiserereka, ndoa yake Agness ilikuwa hatua chache kutoka dakika hiyo! Kichwani mwake alianza kujiona akiwa baba wa familia, yeye na mke wake wakipenda na baadaye wanapata watoto ambao hakuelewa sura zao zingekuwa nzuri kiasi gani kama wangefanana na wazazi wao.

“Sisi tuna likizo ya mwezi mzima, tunaweza kubaki hapa mpaka harusi itakapofungwa! Tunakuomba mzee Katobe uendelee na mipango kama kawaida sisi tutasaidia kila utakapokwama, nafikiria tuna pesa ya kutosha.



“Sitaki lazima niondoke hawezi kumtesa mtoto wangu kiasi hiki, kila siku anamwingilia pamoja na kwamba ameshamsababishia uwendawazimu, huu ni unyama lazima nitoroke na nitaondoka kwa boya langu hilo hilo hata kama nitakufa mbele ya safari! Ni bora nikifa majini kuliko kuendelea kuteseka kiasi hiki!”

Hayo ndiyo yalikuwa mawazo ya mama Nancy karibu kila siku iliyokuja na kupita, hakukoma kutengeza boya lake mpaka aliporidhika limekaa vizuri zaidi na akabaki kusubiri siku ambayo angeweza kutoroka na watoto wake wote watatu lakini haikupatikana, siku zikazidi kusonga na mateso yakazidi kuongezeka.

Hali ya Nancy ilizidi kuwa mbaya, hakuweza tena kuongea chochote! Alishinda amelala asubuhi mpaka jioni, chakula acholishwa alikitapika na kuzidi kudhoofika zaidi, dalili kwamba angefia kisiwani zilizidi kuonekana wazi. Ni hapo ndipo mama Nancy alipoamua kuondoka mara moja bila kujali jambo lolote ambalo lingetokeza mbele ya safari, hofu yake kubwa ilikuwa ni mawimbi ziwani! Hakuwa na uhakika angeweza kufika upande wa pili lakini aliamua kujaribu.CHANZO:  https://deusdeditmahunda.blogspot.com/

Hakuelewa ilikuwa ni Jumatatu, Jumanne, Jumatano, Alhamisi, Ijumaa, Jumamosi ama Jumapili kwa sababu hapakuwa na kitu cha kumkumbusha! Nyakati za jioni mzee Kiwembe na babu Ayubu wakiwa ziwani kwa shughuli zao za uvuvi, alivunja mlango wa kibanda cha babu Ayubu na kuanza kakata kamba zilizomfunga mtoto wake kwenye nguzo, mikono ilikuwa imeharibiwa na vidonda vilivyotoa harufu vilivyosababishwa na msuguano kati ya kamba na mwili.

“Naondoka nikafie mbele kwa mbele!”Alisema mama Nancy akimbeba mtoto wake kutoka chini na kumweka begani na kuanza kukimbia naye kwenda upande wa pili wa kisiwa kulikokuwa na boya alilotengeneza.Alikuwa amedhamilia kuondoka hata kama angekufa mbele ya safari.

Alimlaza Nancy haraka juu ya boya hilo, hakuwa na uwezo hata wa kujigeuza akachukua kamba za magome ya miti na kumfunga kwenye boya akipitisha kamba tumboni, alikuwa amekonda mno mtu asingeweza kuamini kuwa yule alikuwa Nancy.

“Nikifika salama baba yake hataamini!”Aliwaza akikimbia tena kurudi kwenye kibanda cha mzee Kiwembe ambako aliwachukua watoto wake wawili na kuanza kukimbia nao kwenda ufukweni, alifanya kila kitu haraka ili mzee Kiwembe na babu Ayubu wasirudi na kumkuta katika pilika hizo, aliamini kuwa kifo ndiyo kingekuwa adhabu yake kwani mzee Kiwembe asingekubali mtu aondoke na watoto wake aliowapenda.

Baada ya kuwa yeye na watoto wake wamekaa vizuri juu ya boya lililotengenezwa kwa miti na lenye uwezo wa kuelea! Alirudi tena kwenye kibanda cha mzee Kiwembe na kuchukua samaki waliokaushwa ili wamsaidie yeye na watoto wake kama chakula njiani, akiwa na uhakika kila kitu kilikuwa sawa, kwa ushujaa kabisa alisukuma boya hadi majini na yeye kukaa juu yake.

Hakumsahau Mungu kwani aliamini bila muujiza asingeweza kufika upande wa pili, hapohapo alifumba macho na kuanza kusali sala ya baba yetu uliye mbinguni’akimuomba Mungu amnususru yeye na watoto wake! Alijisikia kama anamjaribu Mungu, kwani kifo kilionekana kuwa mbele yao na yeye alikuwa akifuata.

Alipofumbua macho tayari alikuwa akilia machozi, akanyoosha mkono wake na kuchukua kasia lilikuwa pembeni! Tayari safari ilikuwa imeiva, uzoefu wa kupiga kasia aliupata kutoka kwa mzee Kiwembe aliamini ungemsaidia kufika upande wa pili ambako hakuelewa kungekuwa Kigoma au Kongo na ingechukua siku ngapi, hakuwa na matumaini ya kuwa mzima katika muda wa siku tatu au nne lakini hiyo haikumvunja moyo.

Alianza kupiga kasia akiyakata maji taratibu alielewa wazi ilikuwa ni lazima awe mvumilivu kwani safari yake ilikuwa ndefu! Masaa manne baadae tayari giza lilishaingia, watoto wake wawili walikuwa wakilia kwa sababu ya baridi lakini Nancy alikuwa kimya kabisa kama aliyekuwa kwenye usingizi mzito! Aliwabembeleza huku akiendelea kupiga kasia kwenda mbele zaidi.

Hali ilikuwa ya giza kila upande, mama Nancy hakuweza hata kutambua ni upande gani alikuwa akielekea, alichoshukuru Mungu hali ya ziwa ilikuwa shwari kupita kiasi jambo lilimfanya kusonga kwake mbele kuwa rahisi zaidi, kwa mara moja hakukitambua lakini alipoangalia vizuri ingawa ilikuwa gizani aliweza kuona kitambaa cheupe na kuelewa kilichokuwa mbele yake lilikuwa jahazi likija kwa kasi kubwa.

Alijaribu kupiga kelele akiomba msaada lakini hakuna aliyemsikia, jahazi lilizidi kumsogelea na kuligonga boya lake! Yeye na watoto wake wakamwagwa majini, alijaribu kuwashika Catherine na David waliokuwa karibu naye na kuanza kuogelea nao akijaribu kutafuta boya ili awaokoe bila mafanikio.

“Nancy!Nancy!Nancy!”Aliita lakini hakuitikiwa na wala kumwona Nancy mahali popote kwa hali aliyokuwa nayo alikuwa na uhakika mwanawe amekufa maji, kwa mara ya pili alikuwa katika hatari za kuzama maji! Kumbukumbu za tukio la awali zilizopelekea yeye na Nancy kujikuta mokononi mwa mzee Kiwembe na babu Ayubu zilimwijia kichwani, alitamani kuokolewa lakini si na wazee hao wawili.

Alizidi kuogelea akimtafuta Nancy lakini hakuonekana, machozi yakamtoka na kumezwa na maji.

*****

Familia za pande zote mbili zilikubaliana juu ya ndoa kufungwa tarehe kumi na saba mwezi wa nne! Danny na Agness walifurahi kupita kiasi, mipango iliendelea kama ilivyopangwa na walibaki wakisubiri siku iliyokuwa umbali kama wa wiki tatu mbele yao kwa hamu kubwa.

Hatimaye siku ya siku ikafika, mamia ya watu wakakusanyika kanisa la Romani Katoliki Mantep huko Bagamoyo, wengi wao wakiwa wanafunzi wa chuo kikuu na watu mbalimbali maarufu jijini Dar es Salaam waliosafiri hadi Bagamoyo kushuhudia ndoa hiyo.

Kila kitu katika harusi hiyo kilifanyika kwa juhudi za mzee Katobe wazazi wa Danny hawakuamini! Ilikuwa ni zaidi ya hata undugu, mapenzi ya mzee Katobe kwa mtoto wao hayakuwa ya kawaida.

Kwa Danny na Agness ilikuwa ni siku ya ndoto yao kutimia! Mioyo yao ilijaa furaha, hapakuwa na kipingamizi tena na kilichokuwa mbele yao wakati huo ni familia, mafanikio na watoto! Ingawa mara chache Danny alikumbushia msimamo wake juu ya Nancy hapakuwa na matumaini tena kuwa msichana huyo angekuwa hai. Walisimama mbele ya Padri, meno yao yakiwa nje kwa tabasamu.

“Danny! Je umekubali kumpokea Agness awe mke wako? Katika shida, raha, magonjwa na kifo?” Padri aliuliza.

****

Wakati akihangaika kuogelea na watoto wake mara alishtukia kuona wanaume watatu wakitokea na kumnyang’anya watoto na mwingine aliyekuwa hajiwezi, alishtuka akifiri tayari alikuwa ameingia mikononi mwa mzee Kiwembe na babu Ayubu! Lakini alipowaangalia vizuri watu hao aligundua walikuwa ni vijana, jahazi alikuonekana kusimama lilikuwa limetia nanga.

“Waleteni! Waleteni!” Sauti nyingine ilisikika kutoa juu ya jahazi na hapo hapo zilianza kutupwa kamba watoto wote walianza kufungwa mmoja baada ya mwingine. Hata Nancy alikuwepo! Yeye ndiye akawa wa mwisho, alikuta vijana hao wakihangaika kumkamua Nancy maji tumboni, mmoja wao alimshika alimshika mkono na kwenda kumlaza pembeni.

“Pumzika!’

“Watoto wangu?”

“Wapo wanashughulikiwa!”

“Watapona?”

“Wawili tuna uhakika, lakini mmoja wao hali yake inasikitisha, amekunywa maji mengi! Hata hivyo bado wanamkamua!”

Baadaye alipopata nguvu alinyanyuka na kusonga mahali walipokuwa watoto, Nancy alikuwa bado taabani ingawa maji yalishaisha tumboni mwake! Alilala chini na kuanza kumpulizia pumzi mdomoni kama huduma ya kwanza hatimaye akaanza kuhema vizuri na matumaini yakarejea tena.

Aliwaeleza vijana hao kila kitu juu ya kilichomkuta katika ziwa Tanganyika, walimhurumia na kuamua kumsaidia! Alishukuru Mungu aliposikia walikuwa safarini kuelekea Kigoma, hali ya Nancy ilikuwa mbaya lakini bado alipumua na moyo wake ulikuwa ukidunda vizuri. Mama Nancy alipiga magoti chini na kubusu ardhi, hakuamini kama alikuwa huru tena.CHANZO:  https://deusdeditmahunda.blogspot.com/

“Sijui jinsi ya kuwashukuru! Mmeokoa maisha yangu na watoto wangu!” Alisema mama Nancy.

“Usijalia! Acha kwanza tuwapeleke hospitali!”

Hilo ndilo lilifanyika,mama Nancy na watoto wake wakapelekwa hospitali ya mkoa wa Kigoma ambako walilazwa na kuanza kupewa matibabu, Nancy alilazwa wodi ya wagonjwa mahututi na alifanyiwa vipimo aligundulika kuwa na Malaria sugu pamoja na homa ya matumbo.

Alianzishiwa matibabu, katika muda wa siku mbili akarejewa na nguvu zake kama kawaida lakini wendawazimu ukarudi pale pale! Hilo halikumsikitisha mama yake ili mradi mwanawe alikuwa hai, wasamalia waliwanunulia nguo nzuri na mpango wa usafiri kurejea Dar es salaam baadaye ulifanywa.



Walishuka Bagamoyo saa tisa za alasiri siku ya Jumamosi tarehe kumi na saba mwezi wa nne, watu waliowaona waliwakimbia, hakuna aliyetaka kuongea nao wakiamini walikuwa ni misukule! Hali walizokuwa nazo zilitisha, isitoshe kila mtu wakati huo aliamini walikuwa ni marehemu.

Walinyoosha hadi nyumbani kwao na kukuta nyumba ikiwa imefungwa na hapakuwa na mtu yoyote, majirani jasiri waliwafuata wakitaka kufahamu kama kweli walikuwa ni wao! Mama Nancy alisimulia kila kitu kilichotokea, watu waliangua kilio na wao hawakumficha juu ya kilichokuwa kinaendelea kanisani. Bila kuchelewa gari lilikodishwa, mama Nancy na watoto wake wakapakiwa ndani na safari ya kwenda kanisani ikaanza! Lengo ikiwa ni kuzuia harusi ya Danny na Agness kwa sababu Nancy alikuwa amepatikana.

Gari liliegeshwa mbele ya kanisa, Nancy akionekana mwendawazimu kabisa na mama yake akiwa amechoka, walisaidiwa kushuka na kisha kuongozwa kuingia kanisani! Watu wote walipowaona walianza kupiga kelele wakikimbia kwenda nje, kilikuwa ni kitu cha kutisha! Maneno misukule yalisikika kila upande ndani ya kanisa.

Mama Nancy na watoto wake wakiongozwa na majirani hawakujua kilichokuwa kikiendelea! Walizidi kusonga mbele kwenda Altareni ambako pia watu walionekana kushutushwa na kilichokuwa kimetokea.

“Nini?”Padri aliuliza.

Watu walioaminika kufa maji katika ziwa Tanganyika wanaibuka kutoka Kisiwa cha Galu walikokuwa wamefichwa, ni mama Nancy, mke wa mzee Katobe pomoja na Nancy, binti wa familia hii ambaye pia ni kipenzi wa kijana aitwaye Danny.

Danny na mzee Katobe waliwatafuta sana watu hawa bila mafanikio, hatimaye kukata tamaa na kulazima kuendelea na maisha yao! Tayari Danny ambaye ni mwanafunzi wa Chuo Kikuu cha Dar es Salaam alishakutana na msichana mwingine aitwaye Agness huyu pia ni mwanafunzi chuo kikuu na leo hii wapo ndani ya kanisa wakifungishwa ndoa.

Ndoa hii imewezekana tu kwa sababu Danny anaamini Nancy ni marehemu ingawa hakuiona maiti yake, vinginevyo asingemwoa Agness na jambo hili alishaliweka wazi kwake kuwa akitokea Nancy akarejea basi atalazimika kumwacha Agness na kuwa naye.

Leo hii wakiwa ndani ya kanisa baada ya padri kumuuliza tu Danny kama alikuwa tayari kumwoa Agness kelele zinasikika nyuma yao, wanageuka na kukuta watu wanakimbia huku na kule wakipiga kelele na kusema “Misukule imeingia kanisani”

Danny na watu wengine walioko madhabahuni pamoja na padri wanapigwa na butwaa kuwaona wanawake wawili, mmoja akiwa mwendawazimu kamili wanaingia kanisani wakiwa wameongozana na watoto wawili na kundi kubwa la watu.



Je, nini kitatokea ndani ya kanisa?

Ndoa itafungwa?



SONGA NAYO



Padri, wazazi wa Dany nao walishindwa kuvumilia na kujikuta wakikimbia kutoka madhabahuni kwa woga, picha ya watu waliokuwa wakija mbele yao hasa wawili kati ya wote, mmoja akiwa amebeba watoto wawili walionekana kuwa wagonjwa iliwashtua.

Watu watatu tu walibaki mbele ya madhabahu, Danny, Agness na mzee Katobe wakiangalia picha iliyokuwa ikiendelea kwa mshangao, hakuna mtu kati yao akina nani walikuwa wakitembea kuelekea mahali walipokuwa wamesimama.

Walifika na kusimama na mama Nancy kuweka watoto wote chini kisha kumsogelea mzee Katobe aliyekuwa wima bila kuelewa nini kilikuwa kikiendelea, hali ya mama Nancy ilishaharibika hakuwa mwanamke yuleyule ambaye mzee katobe alimwona mara ya mwisho! Alikuwa na nywele ndefu sana zilizojisokota pia rangi yake ya ngozi ilikuwa nyeusi kuliko alivyoondoka.

“Katobe!” Alimwita mume wake.

“Ndiyo! wewe nani?”

“Niangalie vizuri usoni utanitambua!”

Mzee Katobe alikaza macho yake na kuyaelekeza usoni kwa mwanamke aliyesimama mbele yake, picha ilimwijia na kugundua alikuwa mke wake lakini badala ya kusimama kumsogelea alianza kukimbia kwenda nje ya kanisa, hakuwa tayari kuamini kuwa yule alikuwa mke wake kweli.

“Tafadhali rudi! Mimi ni mkeo, usiogope nitakueleza kila kitu!”

“Mzee Katobe rudi usikilize, sisi ndio tumemleta huyu si msukule ni mkeo halisi amerudi!”mmoja wa majirani wa mzee Katobe alisema huku akimkimbia hadi kumfikia na kumshika mkono kisha kuanza kurudi naye hadi madhabahuni ambako alimkuta mke wake akiwa amesimama mahali alipomwacha machozi yakimtoka, aliyakaza tena macho yake kumwangalia na kwa unyonge huku akiogopa alimsogelea.

Shughuli ya harusi ilishakoma kabisa ingawa baadhi ya watu waliokimbia nje walianza kuingia tena kanisani, hata padri na wazazi wa Danny walianza kujisogeza.

“Ni wewe?”Mzee Katobe alimuuliza.

“Ndiyo, kwanini huamini?” Mama Nancy aliuliza.

“Ulikufa maji!”

“Si kufa! Nilikuwa hai mahali fulani nikipata mateso!”Aliongea mama Nancy akilia.

“Kweli?”

“Nilikuwa kisiwani Galu!”

“Wapi?”

“Katika ziwa Tanganyika!”CHANZO:  https://deusdeditmahunda.blogspot.com/

“Haiwezekani! Tulivitembelea visiwa vyote tukikutafuta wewe na mwanangu Nancy! Kwanza yuko wapi? Nikimwona yeye naweza kuamini maneno yako!”

“Yule pale! Alijibu mama Nancy akisonta kidogo kuelekeza mahali alipokaa Nancy akiwa ameinamisha kichwa chake nywele zake ndefu na chafu zilizojisokota ziliufunika uso wake, mwili wake ulikuwa umekonda mno isingewezekana kwa mzee Katobe kuamini kuwa binti yake mrembo ndiye amekuwa mwendawazimu aliyekuwa amekaa chini mbele yake.

“Unanidanganya huyo sio Nancy, namfahamu vizuri mwanangu! Alikuwa na afya njema na sura ya kuvutia hawezi kuwa huyo mwendawazimu!”

“Tafadhali nakusihi usogee na umfunue hizo nywele!’

Tayari watu walishazunguka madhabahu wakishangaa kilichokuwa kikiendelea, haikuwa harusi tena huzuni kama za msiba zilitawala ndani ya kanisa, watu waliokuwa na furaha walikuwa wamebadilika na kuwa wanyonge kupita kiasi. Hivyo ndivyo ilivyokuwa kwa Danny pia, hakuamini mambo aliyokuwa akiyaona.

Mzee Katobe alitembea taratibu hadi mahali alipokuwa amekaa Nancy na kuchuchumaa kisha kukinyanyua kichwa cha binti aliyedaiwa kuwa wake ingawa yeye alimwona mwendawazimu! Macho yake yalithibitisha kuwa alichoambiwa kilikuwa ni kweli! hakuyaamuru machozi yake yatoke bali alishtukia mashavu yake yakilowa.

“Kweli ni mwanangu! Nini kiliwapata? Sogea karibu yangu mke wangu, tupige magoti tumwombe Mungu na kumshukuru kwa kuwarudisha salama!” Aliongea kwa huzuni mzee katobe na mama Nancy alisogea na kufanya kama alivyoelezwa, wote wakaanza kusali wakiwa wamemkumbatia Nancy. Kila mmoja wao alikuwa akilia kwa uchungu, hakika ilikuwa siku ya huzuni kuliko siku nyingine zote maishani mwao.

“Siamini!”

“Kwanini!”

“Kama kweli mmerudi, kila mtu alielewa mlishakufa!”

“Hapana tulikuwa hai katika mateso makubwa!”

“Na hawa watoto ni wa nani?”

Mama Nancy aliangua kilio, hakuwa na maneno ya kutosha kuwaelezea vizuri watoto aliowazaa na mzee Kiwembe bila ridhaa yake, hakutegemea kupewa msamaha wa aina yoyote ingawa siku zote alijiona si mwenye hatia na aliwapenda sana watoto wake.

“Nakuuliza hawa watoto ni wa nani?”

“Nitakueleza baadaye lakini naomba uniahidi msamaha!”Aliongea mama Nancy kwa huzuni kubwa huku akijifuta machozi.

Danny alikuwa amesimama pembeni, mwili wake ukiwa umepigwa na ganzi! Maongezi yote yaliyofanyika kati ya mzee Katobe na mkewe aliyasikia vizuri na hata uso wa Nancy uliponyanyuliwa aliuona na kumtambua!

Kitu kama sinema kiliendelea kichwani mwake na kujikuta akirudishwa moja kwa moja hadi chuo kikuu siku aliyokutana kwa mara ya kwanza na Nancy na kumpenda, bado ubongo wake uliukumbuka uzuri wa Nancy bila kutegemea yeye pia alijikuta akitokwa na machozi ya uchungu.

Alijikuta akitamani kumsogelea Nancy lakini hakuweza kufanya hivyo, mkono wake wa kushoto ulikuwa umekamatwa vizuri na Agness aliyeonakana kukerwa na kilichokuwa kikiendelea.

“Niachie!”

“Uende wapi?”

“Nataka nikamsalimie Nancy!”

“Huyo mwendawazimu?”

“Sijali yukoje, lakini nataka kumsalimia!”

“Hakuna!” Agness alikataa.

“Unakumbuka maneno niliyoongea na wewe kabla hatujaingia katika mapenzi yetu?”

“Maneno gani?”

“Usijifanye kusahau! Nilikueleza kabisa kuwa kama siku moja Nancy angerudi, lazima ingelazimika kuwa naye! Na sasa amerejea kwanini unanizuia kwenda kumsalimia?

“Lazima uelewe kitu kimoja Danny!”

“Kitu gani?”

“Tumekuja hapa kufunga ndoa!”

“Imekwishafungwa?”

“Bado lakini muda ndio huu!”

Tayari padri alishafika madhabahuni na kuwaomba watu waketi kwenye viti ili aendelee na shughuli iliyowakusanya ndani ya kansia, hakuelewa kabisa kilichokuwa kikiendelea kati ya mzee katobe na wanawake wachafu waliokuwemo ndani ya kanisa.

“Mzee Katobe!” Mzee katobe! naomba usogee hapa tuongee kidogo! Padri aliita na mzee katobe alijiondoa mikononi mwa mkewe aliyekuwa bado wamekumbatiana na kuanza kutembea kuelekea madhabahuni ambako aliungana na padri pamoja na wazazi wa Danny kwenda pembeni kuteta, hakuficha kitu katika maelezo yake! KIla kitu kiliwekwa bayana juu ya mke na mtoto wake walioaminika kufa maji!

“Kwa hiyo wamerudi?”

“Ndiyo! yaani siamini siku zote nilijua familia yangu ilishatangulia ahera!’

“Sasa tuendelee kufungisha ndoa au? Unataka uwapeleke nyumbani kwanza maana wakiwa hapa kanisa haliwezi kutulia!”

“Mtu wa muhimu sana katika ndoa hii hivi sasa ni Danny yeye ndiye mwenye uamuzi!” Aliongea mzee katobe bila padri kuelewa nini ilikuwa maana yake.

“Kwani kuna nini?”

“Kuna jambo kati ya yule binti yangu na bwana harusi mtarajiwa!”

“Jambo gani?” Padri aliuliza.

“Mnahitaji kuongea naye mwenyewe!”

Wakati hayo yakiendelea madhabahuni Danny alikuwa bado ameng’ang’aniwa mkono wake na Agness kiasi cha kushindwa kujiondoa na kwenda kumsalimia Nancy! Pamoja na kuwa mwendawazimu bado mapenzi yake kwa msichana huyo yalikuwa palepale hakuwa na taarifa ni nini kilichomfanya msichana huyo aliyewahi kuwa mrembo kufikia hali iliyokuwa nayo.

“Danny! Hebu sogea hapa kidogo!”Padri aliita.

“Amening’ang’ania hataki kuniachia!”CHANZO:  https://deusdeditmahunda.blogspot.com/

“Nani?”

“Huyu Agness!”

Ilibidi wazazi pamoja na padri wasogee hadi mahali waliposimama Danny na Agness wakiwa wameng’ang’aniana na kuanza kumuuliza Danny maswali juu ya kama shughuli ya ndoa ilikuwa inaendelea toka ilipoishia au la! Danny hakujibu kitu chochote, alibaki kimya huku macho yake yakiwa yamemwangalia Nancy aliyekuwa amejikunja chini, alionekana kutoelewa hata kitu kimoja kilichoendelea.

“Danny Padri anakuuliza!”

“Baba! Sipendi kuwaudhi nyinyi wala mtu yeyote, nafikiri niliwahi kuwaeleza vizuri juu ya msichana aliyekaa pale chini, anaitwa Nancy, nilimpenda na ndiye niliyetaka awe mke wangu lakini bahati mbaya akapotea na nikaamini alikufa! Kumbe yupo hai na kama amerudi sioni tatizo kuwa naye tena, ili mradi amefika mapema kabla sijavaa pete ya ndoa!”

“Kwahiyo ina maana hutaki kumwoa tena Agness?”

“Hilo ndilo jibu na hata yeye anaelewa, niliwahi kumweleza huko nyuma kuwa kama Nancy angerudi ingelazimu mimi na yeye tuachane!”

“Haweizekani wala usijidanganye, unapoteza muda wako Danny! Huwezi kuniacha dakika za mwisho kiasi hiki, aibu hii nitaificha wapi?”

“Hata mimi nakuunga mkono binti, mwanangu hawezi kuoa au kuishi na mwanamke mwendawazimu! Itakuwa ni aibu kubwa mno!” Mama yake Danny aliongea.

“Hata mimi nipo upande wa mke wangu!” Baba yake Danny aliongeza, mzee katobe alikuwa kimya muda wote wala hakufungua mdomo wake, macho yake yalikuwa yameelekezwa kwa watoto waliokuja na mama Nancy, mzee huyo alionekana kuwa mwenye maswali mengi yasiyokuwa na majibu.

Danny alibaki kimya akiwashangaa wazazi wake kwa uamuzi waliotaka kuufikia, alijikuta njia panda! Hakupenda kuonekana mtoto asiyekuwa na nidhamu lakini pia alitaka apewe uhuru wa kuchagua akiamini kabisa maisha yake ya baadaye yalikuwa yake peke yake na hivyo alihitaji mwanamke ambaye angeiridhisha roho yake na kumletea furaha hata kama angekuwa mwendawazimu.

Alimpenda Nancy na alitaka kuwa naye, huyo ndiye alikuwa chaguo lake si Agness aliyekuja katika kipindi cha upweke, hakumchukia kwa lolote kwani alimsaidia sana kuutuliza moyo wake lakini kwa sababu Nancy alikuwa amerejea ilikuwa ni lazima amwache na kwenda kwa chaguo lake.

Alitumia nguvu nyingi na kujiondoa mikononi mwa Agness kisha kukimbia mpaka mahali alipokuwa amekaa Nancy, akakinyanyua kichwa chake na kumbusu usoni! Watu wote ndani ya kanisa walishangaa lakini kuna wengine walipiga makofi na kushangilia.

Akiwa bado katika hali hiyo bila kujua nini kilikuwa kikifuata, alishtukia kiti cha kanisani kikitua kichwani kwa Nancy! Damu zikaruka, alikuwa Agness akitetemeka kwa hasira, machozi yakimtoka kwa wingi. Nancy hakulia wala hakulalamika alichofanya ni kulala chali sakafuni!

“Agness umefanya nini tena?” Danny alipiga kelele.

Kulikuwa na dalili zote kuwa ndoa ilishashindikana, Nancy alikuwa amelala chini akivuja damu na Danny alikuwa akimfokkea Agness kwa kitendo huku watu wengine akiwemo mzee Katobe pamoja na majirani wakimbeba Nancy kumpeleka nje ya kanisa ambako alipakiwa garini na safari ya hospitali ikaanza.

****

Mama Nancy alibaki kanisani akiwa na watoto wake Catherine na David mikononi mwake, akishuhudia ugomvi mkubwa uliokuwa ukiendelea kati ya Danny na Agness kelele zilizidi kupanda ndani ya kanisa hata padri alijaribu kuwanyamazisha watu haikuwezekana! Ilikuwa ni aibu kwa Agness na wazazi wake, alifunika uso wake akilia.

“Danny”Padri alimwita.

“Naam Padri.”

“Msimamo wako ni upi?”

“Kuhusu nini Padri?”

“Kuhusu ndoa.”

Haiwekani tena hata kama Nancy ni mwendawazimu na nilimwambia Agnes jambo hili toka awali kwa kuwa amerudi akiwa hai ni lazima niwe naye!

“Kwa hiyo hakuna ndoa tena?”

“Kweli kabisa!”

Danny aliongea kwa kujiamini, hakuwaogopa hata wazazi wake, alikuwa amedhamilia kufanya alichokitamka! Ulikuwa ni uamuzi wake kuchagua amuoe nani hata kama baba na mama yake walitaka amuoe Agness lakini yeye alimpenda Nancy na alitaka awe nae maishani.

“Danny umemuona lakini huyo Nancy alivyo?”

“Ndio mama”

“Kwa hiyo utakuwa nae hivyo!”

“ Kweli kabisa”

“K wa nini usimuoe Agness kwa sababu mmeshafikia hatua nzuri?”

“Haiwezekani mama, nakuheshimu sana sana lakini kwa jambo hili naomba uniachie mwenyewe niamue!”Alijibu Danny akimuangalia Agness aliyekuwa pembeni akimwaga machozi, hakuwa na kitu kingine cha kusubiri kanisani alitaka kuelewa ni kitu gani kmimempata Nancy huko alikokuwa amepelekwa,bila hata kuuliza alikuwa na uhakika asilimia kubwa kuwa Nancy alipelekwa hospitali ingawa hakuelewa hospitali gani.

Alitoka akikimbia kwa kasi nje na kuingia ndani ya gari lililokodishwa kwa ajili yake na bibi harusi na kumwamuru dereva aliondoe haraka iwezekanavyo kuwafuata watu waliondoka na gari la mwanzo wazo la harusi tayari lishafutika hakuna alichokiwaza wakatim huo zaidi ya Nancy.

‘’Unafikiri wameelekea hospitali gani?”Aliuliza.

“Hakuna hospitali nyingine wanayoweza kuwa wamekwenda zaidi ya hospitali ya Wilaya”

“Twende huku huko basi”

Dereva aliondoa gari kwa mwendo uliotakiwa na Danny, akibadilisha gia hadi namba nne ingawa walipita katika njia yenye mabonde mengi, dakika na tano baadaye walifika hospitali na kuegesha gari lao. Danny akashuka na kukimbia hadi mapokezi akiwa ndani ya suti yake ya nyeusi. Alipowauliza wafanyakazi wa mapokezi kama walikuwa wamepokea mgonjwa aliyejeruhiwa kichwani, walionyesha mshangao na hatimaye baada ya kusoma ndani ya daftari la wagonjwa walimwambia hapakuwa na mgonjwa wa aina hiyo aliyepokelewa.CHANZO:  https://deusdeditmahunda.blogspot.com/

“Kwa hiyo yuko wapi?Kuna hospitali gani nyingine kubwa hapa Bagamoyo?

“Nendeni mkajaribu kumwangalia hospitali ya kanisa la Mennonite, ni mpya umejengwa hivi karibuni watu wengi wanakimbilia huko sababu hapa hatuna dawa!.

“Ahsante!”Alijibu Danny na kurudi tena mbio zile zile hadi kwenye gari,alipompa dereva taarifa mara moja alionekana kuielew hospitali hiyo na wakaondoka wakipandisha mlima hadi mahali hospitali ya Mennonite ilipokuwa,kabla hata ya kufika waliliona gari lililopambwa vizuri likiwa nje wakawa na uhakika hapo ndipo Nancy alipopelekwa.

Walishuka na kuingia ndani ambako walimkuta mzee Katobe pamoja na watu wengine wawili wakisubiri,Danny alianza kwa kuomba msamaha kwa yote yaliyotokea kisha akaketi pamoja nao kusubiri mgonjwa arudi kutoa katika chumba cha upasuaji alipokuwa amekwenda kushonwa!

“Vipi huko kanisani?”Mzee Katobe aliuliza.

“Ndoa imeshindikana!”

“Kwa nini?”

“Kwa sababu ya Nancy!”

“Lakini ni kwa nini usingemuoa Agness? Si umemuona mwanangu alivyo?”

“Hapana baba!Nampenda sana Nancy nipo tayari kuwa naye katika hali hiyo hiyo aliyonayo wakati nikimtafutia tiba mpaka apone kwani hakuna kisichowezekana!”



Saa nzima baadae Nancy alitolewa chumba cha upasuaji akiwa amenyolewa nywele zote kichwani na kushonwa nyuzi kumi na nne sehemu aliyopasuka, badala ya kuruhusiwa kwenda nyumbani ilibidi apewe kitanda kwa sababu mwili wake ulionekana kuwa dhaifu! Wote walikubaliana na Danny akaamua kubaki na mgonjwa wote wakaondoka, mzee Katobe alirejea tena saa kumi mbili jioni akiongozana na wazazi wa Danny na mama Nancy akiwa na watoto wake! Hakuna aliongelea suala la ndoa tena,wote walijifanya hawakumbuki yaliyotokea mchana ingawa ni kweli yalikuwemo vichwani mwao.

“Vipi hali ya mgonjwa?”Baba yake Danny aliuliza.

“Anaendelea vizuri ila hana kumbukumbu kabisa! Sijui itakuwaje?”

“Hivyo ndivyo ilivyo! Si umechagua mwenyewe bwana ukikoroga ni lazima ulinywe!” Baba yake alimwambia akitabasamu.

Hawakukaa sana wodini, masaa mawili baadae waliaga na kuondoka kurejea nyumbani kwa mzee Katobe ambako pia wazazi wa Danny walifika, hapakuwa na maongezi sana,baada tu ya chakula cha usiku kilichopikwa na mama Nancy akiwa nyumbani kwake tena, waliingia chumbani kulala,mzee Katobe na mke wake walitumia usiku huo kuongea juu ya kilichotokea, mama Nancy alieleza kila kitu akifafanua vizuri juu ya watoto aliokuwa nao! Mzee Katobe hakuweza kuyazuiya machozi, badala ya kuchukia alilia kama mtoto mdogo huku mke wake akimbembeleza.

“Nimekusamehe mke wangu, najua usingeweza kufanya jambo hili kwa makusudi naelewa ni kiasi gani unanipenda na kiasi gani wewe ni mwaminifu!Ulikuwa mateka na ndio maana ukajamiiana na mtu mwingine hatimaye kupata watoto hawa! Hawana hatia yoyote,sina sababu ya kuwachukia!” aliongea mzee Katobe.

Hawakulala mpaka saa kumi na mbili asubuhi waliponyanyuka na kujiandaa kwenda hospitali, mama na Nancy alitayarisha kifungua kinywa na ilipotimia saa moja na nusu ya asubuhi mzee Katobe aliondoka na wageni wao hadi hospitali ambako walikuta hali ya mgonjwa ni ile ile, hapakuwa na mabadiliko yoyote upande wa akili ingawa kidonda chake kinandelea vizuri na kulikuwa na dalili kuwa siku hiyo angeruhusiwa na kuondoka.

Lakini hivyo sivyo ilivyotokea kwani wakati wa raundi madaktari walishauri Nancy ahamishiwe wodi ya wagonjwa wa vichaa na haikuwa katika hospitali hiyo, ilibidi ahamishwe na kupelekwa katika hospitali ya wilaya ambako kulikuwa na wodi ya aina hiyo! Nancy akawa maewekwa kwenye madawa makali ya akili, Danny hakurusiwa kukaa wodini ingawa aliomba jambo hilo lifanyike, alisikitika wakati akiondoka hospitali kurudi nyumbani! Hakuwa na kumbukumbu tena juu ya Agness na hakuelewa hata mahali alipokuwa kipindi hicho.

Siku chache baadaye wazazi wa Danny waliondoka kurejea Canada wakiwa wamesikitishwa na kitendo kilichofanywa na mtoto wao. Nancy aliendelea kulazwa wodini karibu mwezi mzima akipatiwa matibabu ya vichaa lakini hayakumsaidia chochote bado aliendelea na hali yake ya wendawazimu mzee Katobe akashauriwa na marafiki zake kumwondoa hospitali na kumpeleka kwa wataalam wa tiba za jadi.

Kwa sababu alitaka mtoto wake apone, mzee Katobe hakuwa na chaguo lingine, alikubali kila kitu alichoambiwa na kumsafirisha mwanawe akiwa na Danny aliyesitisha masomo yake kwa mara nyingine hadi sehemu za Lushoto mkoani Tanga ambako alitibiwa na mganga wa kienyeji kwa muda wa miezi mitatu bila mafanikio na kuhamishwa tena kwenda kwa mganga mwingine, walizunguka nae sehemu nyingi sana mkoani humo bila mafanikio! Si Danny wala mzee Katobe aliyekuwa tayari kukata tamaa.

“Huyu mpaka mkutane na mganga yule yule aliyemrisha yamini! Vinginevyo hatafunguka, hatokufa mwendawazimu, kwani yuko wapi huyo mganga?”Mganga mmoja maarufu mjini Tanga aliwauliza walipokwenda kwake na kumsimulia historia ya mgonjwa.

“Alikuwa Bagamoyo huko Pwani lakini baadae alihamia Zaire!”

“Nakushauri uende kumtafuta huyo mganga kwanza! Ni kazi ndogo sana akipatikana, yeye anafahamu ni kitabu gani alisoma na akikisoma tena kwa lengo la kumfungua atafunguka! Vinginevyo mtapoteza fedha nyingi na bado mtoto wenu hatapona!”

Maneno hayo yaliwaingia sana akilini na kufikia uamuzi wa Danny kuondoka kwenda Zaire kumtafuta mzeeMwinyimkuu, alirudi Bagamoyo na kupata maelezo ya kutosha kutoka kwa mama yake Nancy juu ya mahali mzee huyo alipoishi nchini Zaire.

“Kabla hajapata tatizo alilonalo, Nancy aliwahi kunitajia kuwa sehemu aliyoishi mzee Mwinyimkuu ni Kalemi!Hivyo ukifika hapo anza kumuulizia”.

“Sawa mama!Nitajaribu kumtafuta kwa nguvu zangu zote.”

Danny hakuwa na chaguo lingine zaidi ya kupewa fedha na kuiacha Bagamoyo hadi Dar es Salaam ambako alipanda treni iliyomfikisha Kigoma baada ya siku tatu na kuvuka ziwa Tanganyika kwa meli hadi upande wa pili nchini Zaire, kazi yake ilikuwa moja tu kumtafuta mtu aliyekuwa na siri ya tatizo la Nancy! Alisafiri hadi Kalemi lakini hakufanikiwa kumpata mzee Mwinyimkuu, watu walimfahamu sana katika eneo hilo lakini walimpa taarifa kuwa alihamia Kinshasa miezi michache kabla.

“Anatumia jina tu?”CHANZO:  https://deusdeditmahunda.blogspot.com/

“Ndivyo!Na ni mganga maarufu sana utampata tu,anafanya kazi zake sehemu ya stendi kuu ya Kinshasa! Wala usihangaike kuwauliza sana, ofisini kwake kuna bango kubwa lililoandikwa Africana Medicine”

“Ahsante sana”

Danny hakutaka kupumzika asingeweza kufanya hivyo kabla ya kumpata mzee Mwinyimkuu, siku hiyo hiyo alisafiri hadi Kinshasa kwa ndege, bahati mbaya aliingia usiku hakuweza kamtafuta lakini hata muhudumu wa hoteli aliyofikia alilitambua jina la mzee Mwinyimkuu aliyesifika sana kwa dawa za biashara na kuzindika nyumba za watu, alidaiwa kuwa mganga kutoka Tanzania.

Furaha aliyolala nayo siku hiyo ilikuwa kubwa mno na asubuhi kitu cha kwanza kilikuwa ni kwenda stendi ya mabasi alikoelekezwa, bango la Africana Medicine lilionekana wazi juu nyumba kubwa iliyotazamana na stendi, Danny akajua mwisho wa safari yakea ulikuwa umefika, kumpata mzee Mwinyimkuu kulimaanisha kupona kwa Nancy na hatimaye ndoa yake na mwanamke aliyempenda kufanyika.

Aliingia ndani ya nyumba hiyo na kushangazwa na uzuri uliokuwepo, ilikuwa nyumba nzuri iliyopambwa kwa tarazo za kung’aa na kila kitu ndani kilikuwa vioo! Haikuwa rahisi kuamini eti hiyo ilikuwa ofisi ya mganga wa jadi! Msichana mrembo alikaaa nyuma ya kompyuta akichapa vitu fulani fulani, kichwani mwake Danny alihisi maelezo aliyopewa hayakuwa sahihi.

“Habari za leo dada?”

“Nzuri tu kaka nikusaidie?”

“Ndio!Mimi ni mgeni wa mzee Mwinyimkuu sijui hapa ndio ofisisni kwake?”

“Ni hapa ndio!”

“Nimemkuta?”

“Hapana!”

“Yupo wapi?”

“Bahati mbaya sana juzi alipatwa na ajali wakati akitoka hapa kwenda nyumbani kwake, hivi sasa ninavyoongea na wewe yupo chumba cha wagonjwa mahututi cha hospitali ya Mulubwanzi!Hali yake ni mbaya mno,hana fahamu na hawezi kuongea lolote!”

“Unasema kweli?”

“Ndio kaka!”

”Mungu wangu! Nitafanya nini mimi?”

“Kwani kuna nini kaka?”

Danny alisimulia kila kitu kilichotea na kilichofanya yeye kusafiri hadi Zaire, msichana huyo alisikitika sana na kuendelea kusisitiza kuwa jambo ambalo Danny lifanyike lisingewezekana bila mzee Mwinyimkuu kurejewa na fahamu zake kwani hapakuwa na mtu mwingine kwenye kitu hicho aliyekuwa na uwezo wa kusoma vitabu vyake vya uganga.

“Sasa nitafanya nini?”

“Kwa kweli sijui inabidi mimi na wewe tumuombe Mungu amnusuru mzee Mwinyimkuu na kifo!Tofauti na hapo hakuna kinachoweza kufanyika mchumba wako aweze kupona lakini ungemkuta ninakuhakikishia lazima angekuwa tayari kukusaidia”.

“Unaweza kunipeleka hospitalini nikamwone?”

“Hakuna tatizo!”

Msichana huyo ambaye katika mazungumzo yao Danny alifanikiwa kumfahamu kwa jina la Aminata, alikubali kufunga ofisi na wote kwa kutumia gari lake waliongozana hadi hospitali ya Mulubwanzi kumwona mzee Mwinyimkuu, ni kweli alikuwa chumba cha wagonjwa mahututi! Kichwa chake kikiwa kimefungwa bendeji nyingi, huku mashine za oksjeni zikiwa mdomoni mwake, kwa hali aliyokuwa nayo hapakuwa na matumaini ya kupona.

“Jamani kwa nini mimi nina bahati mbaya? Kwa nini nimempata mzee Mwinyimkuu akiwa katika hali hii? Aliwaza Danny huku machozi yakimlengalenga.



Ni mtu mmoja tu aliyehitajika kuokoa maisha ya Nancy, huyo hakuwa mwingine bali mzee Mwinyimkuu, ni yeye ndiye aliyemlisha Nancy Yamini! juhudi za mwanzo kumpata zilizofanywa na Nancy na mama yake zilishindikana lakini Danny alifanikiwa kufika hadi Kinshasa, kuiona zahanati ya tiba za jadi iliyomilikiwa na mzee huyo aliyekuwa maarufu sana katika jiji hilo.

Dany alilia machozi ya uchungu baada ya kupewa taarifa juu ya ajali mbaya iliyompata mzee Mwinyimkuu, kwake ulikuwa ni mkosi na balaa kubwa! Alishindwa kuelewa ni kwanini ajali ilitokea wakati huo na siku nyingi kabla!

“Ng’ombe wa masikini hazai!” Aliwaza Danny akimwangalia mzee Mwinyimkuu aliyelala kitandani kichwa chake kikiwa kimefungwa na bendeji nyingi.

Nyuma ya Danny alikuwepo Aminata, msichana aliyefanya kazi katika zahanati ya mzee Mwinyimkuu yeye pia uso wake ulijawa na huzuni kubwa! Alikuwa haamini kilichokuwa mbele yake, alimhitaji sana mzee Mwinyimkuu katika shughuli zake kama yeye angekufa basi hata zanahati yao ingekuwa imefikia mwisho na maisha ya Aminata yangekuwa magumu kupita kiasi tangu siku hiyo.

Daktari alipoingia alimkuta Dany akijifuta machozi na hivyo ndivyo alivyofanya Aminata! Daktari aliwahurumia sana kiasi kwamba alipomaliza tu kumpima mzee Mwinyimkuu akaanza kuongea nao juu ya hali ya mgonjwa.

“Hali ya mgonjwa sio nzuri! Ajali aliyoipata imeharibu ubongo wake, kichwa chake kilijipigiza kwenye chuma, damu imevuja chini ya kichwa! Tunategemea kumfanyia upasuaji baada ya mapigo yake ya moyo yakikaa vizuri ili kujaribu kuondoa damu iliyoganda!”Daktari aliongea akiwaangalia Danny na Aminata usoni.

“Atapona?”

“Siwezi kusema sana kwani hali yake haileti matumaini makubwa, lakini hata kama atapona kuna uwezekano mkubwa sana wa kupoteza kumbukumbu zake zote za nyuma na sehemu yake ya mwili kupooza!’

Jibu la daktari lilimshtua sana Danny pengine kuliko lilivyofanya kwa Aminata, hakuna kitu alichohitaji kutokwa ka mzee Mwinyimkuu kama kumkumbuka Nancy na mambo aliyomfanyia, kwake haikuwa na maana yoyote kama mzee huyo angepona lakini asiweze kukumbuka yaliyotokea nyuma yake.

“Daktari hakuna njia yoyote unayoweza kufanya ili apone na kumbukumbu zake ziwe kawaida!’

“Sidhani! Ubongo wake umeharibika sana!’CHANZO:  https://deusdeditmahunda.blogspot.com/

“Mungu wangu hizo kumbukumbu zake ndizo ninazohitaji zaidi!”

“Sio uhai wake?”

“Vyote pamoja!”

“Lakini kwanini kumbukumbu zaidi?”Daktari aliuliza na Danny akalazimika kumsimulia stori nzima juu ya yaliyotokea Tanzania na kwanini alikwenda nchini Zaire kumfuata mzee Mwinyimkuu, daktari alibaki mdomo wazi akionekana kutoamini kama mambo ya kula Yamini yalikuwa na uwezo wa kuharibu akili ya mtu.

“Haya mambo huwa nayasikia lakini hata siku moja sikuwahi kuamini kama kweli yanaweza kufanya lolote kumdhuru mtu!”

“Hicho ndicho kilitokea! Ndio maana namhitaji sana huyu mzee, kurejewa kwake na fahamu pamoja na kumbukumbu kutaamanisha maisha ya mtu mwingine nchini Tanzania, tafadhali daktari nisaidie!”

“Lakini hilo liko nje ya uwezo wangu ni suala la mwili wenyewe kupona, ninachotegemea mimi atapoteza fahamu lakini hawezi kujua asili inaweza kutenda kazi yake kusiwe na mambo yote ninayosema!”

“Jitahidi daktari!”

“Nitafanya kadri niwezavyo!’

Danny aliwasiliana na Tanzania na kuwajulisha mambo yote aliyoyafikia nchini Zaire, wote walisikitika kusikia kwamba alimpata mzee Mwinyimkuu lakini akiwa katika hali mbaya! Hakuweza tena kuondoka ikabidi abaki Kinshasa akisubiri mzee Mwinyimkuu apate nafuu lakini haikuwa hivyo mpaka mwezi mmoja baadaye alikuwa bado hajaweza kuongea ingawa aliweza kufumbua macho! Mambo yote yaliyosemwa na daktari ndiyo yaliyojitokeza, upande mmoja wa mwili wake ulikuwa umepooza.

Danny alikataa tamaa kabisa na kuamua kurudi Tanzania akiwa amechukua namba ya simu ya Aminata ili aendelee kuwasiliana naye juu ya maendeleo ya mgonjwa, hilo ndilo lililofanyika, lakini mpaka miezi mitatu baadaye Nancy akizidi kuwa mwendawazimu, hali ya mzee Mwinyimkuu ilikuwa bado mbaya.

“Anaweza kunyanyuka kitandani lakini bado hawezi kusema chochote!”

“Daktari anasemaje?”

“Anadai kuna maendeleo kidogo na ana matumaini fahamu zitamrejea baada ya muda!”

“Kweli?”

“Ndiyo!’

“Kwa hiyo nije?”

“Hapana, subiri tu hukohuko Tanzania kwa sababu tunaweza kuwasiliana kwa simu nitakujulisha kila kitu kinachoendelea!”

“Ahsante sana Aminata!’

Furaha aliyokuwa nayo Danny siku hiyo ilikuwa kubwa mno, alipowataarifu mzee Katobe na mkewe juu ya hali ya mzee Mwinyimkuu nao walifurahi kupita kiasi, maisha yao yalikuwa mazuri na yenye furaha kama vile hakikutokea kitu! Walishasameheana mambo yote yaliyotokea ili mradi hayakufanyika kwa mapenzi yao, mzee Katobe aliwapenda na kuwakubali watoto Catherine na David! Kwake walikuwa ni kama watoto wa kuzaa.

Mwezi mmoja baadaye ikiwa ni siku ya Jumapili baada tu ya kutoka kanisani simu ya mkononi ya Danny ililia, kabla ya kuipokea alitupa macho yake kwenye kioo cha simu na kugundua ilikuwa simu ya Aminata, moyo wake ulienda kasi kwani alikuwa na muda mrefu tangu apokee simu kutoka Zaire alishindwa kuelewa ni nini kilikuwa kimetokea.

“Hallo habari yako?”

“Safi! Nipe habari ya huko!”

“Leo nina habari mzuri!”

“Habari gani hiyo?”

“Mzee alitoka ku-hospitali jana!”

“Unasema?”

“Mzee alitoka mu-hospitali jana!”

“Unasema kweli? Ina maana amepona?”

“Huwezi amini!Amepona kabisa ingawa bado pande moja ya mwili ina matatizo!”

“Kumbukumbu zake je?”

“Iko safi! Na nimemweleza juu ya stori yote uliyoniambia na amemkumbuka Nancy vizuri, amesikitika sana na amesema mtu yeyote anaweza kuja kumchukua baada ya mwezi moja!”

“Unasema kweli?”

“Kabisa!”

Danny alirukaruka juu akilia kwa furaha, haikuwa rahisi kuamini alichokuwa amekisikia! Hata masikio yake mwenyewe aliona yamemdanganya hivyo kuendelea kuuuliza mara kadhaa akitaka kufahamu kama kilichosemwa ni kweli au Aminata aliendelea kumsisitiza kuwa mzee Mwinyimkuu alikuwa na afya nje kabisa na tayari alikuwa akisafiri kuja Tanzania kumrekebisha Nancy!

“Ahsante sana! Nashukuru sana! Msalimie sana Mwambie tunampenda sana, inawezekana baada ya mwezi mmoja nitakuja mwenyewe kumchukua!”

Simu ilipokatika Danny alikwenda moja kwa moja hadi nyumbani kwa mzee Katobe na kuwapa taarifa juu ya simu aliyoongea nayo kutoka Kinshasa familia nzima ilifurahi, mama aliruka juu na kushangilia kwa furaha.

“Itakuwa vyema! Ili mwanangu arejewe na akili zake!”

“Nafikiri tutaweza hata kufunga ndoa!”

“Unastahili hili Danny umemvumilia sana mwenzi wako!”

“Hakuna matatizo mama! Ulikuwa ni wajibu wangu!”

SIku hiyo hiyo ilifanyika sherehe, wala Nancy hakuwa na habari juu ya kilichoendelea muda wote, alikuwa akiongea peke yake na kucheka! Jina Tonny halikukosekana katika maongezi yake jambo lililoonyesha kuwa pamoja na kuchanganyikiwa alikuwa bado akimkumbuka, mara chache sna alimtaja Danny.

Danny alibaki akisubiri mwezi mmoja ufike na ulipotimia alipewa nauli na mzee Katobe na kusafiri hadi Dar es Salaam ambako alipanda ndege iliyomfikisha Kinshasa siku hiyo hiyo.

*****CHANZO:  https://deusdeditmahunda.blogspot.com/

Maisha hayakuwa kama yalivyotegemewa kwa Tonny ni kweli baada ya kumaliza Chuo Kikuu cha Beijing yeye na Mimi walihamia Marekani ambako baba yake Mimi, mfanyabiashara maarufu nchini marekani alimkubali Tonny awe mume wa mtoto wake na ndoa kubwa ya kifahari ikafungwa!

Walipewa nyumba kubwa ya kifahari katika Jiji la New York ambako Tonny na Mimi waliishi pamoja wakifurahia maisha. Tonny alimhamisha mama yake kutoka Tanzania na kumpeleka Marekani! Hakuwa na kumbukumbu hata kidogo juu ya Nancy na hata aliposikia kuwa msichana huyo alishikwa na wendawazimu alicheka ingawa alielewa kabisa ni yeye ndiye aliyesababisha yote hayo.

“Shauri yake kwanini hakuweza kuvumilia! Au kurudi kwa mganga amwondolee?” alijiuliza Tonny.

Maisha yalikuwa na kila dalili yangeendelea vizuri katika familia ya Tonny! Hakuamini kama siku moja angerudi tena Tanzania, alijihesabu Mmarekani mweusi na hakutaka watu wafahamu alitokea Afrika Mashariki katika nchi ya ulimwengu wa tatu.

Aliaminiwa na baba mkwe wake na kupewa nafasi kubwa katika kampuni! Kichwa chake kikavimba na kujiona yeye ndiye kila kitu katika kampuni hiyo ya kutengeneza matairi ya TrenTyre, wafanyakazi wote walimheshimu kwani alikuwa mtu wa karibu sana na tajiri yao.

Miaka mitano baadaye mambo yalibadilika ghafla, wazazi wa Mimi pamoja na Mimi mwenyewe walifariji katika ajali mbaya ya gari wakisafiri kutoka Miami walikokuwa wamekwenda kwa mapumziko ya Pasaka kurudi New York, Tonny alikuwa nchini Canada kushughulikia masoko ya matairi! Alipopata taarifa za msiba huo alirudi haraka na kukuta mambo yamebadilika.

Nyumba yake ilikuwa imefungwa mama yake akiwa nje, hakuruhusiwa kufika kwenye msiba kwani familia ilidai hakutambuliwa! Kiburi alichokipata kufuatia madaraka aliyopewa kilimgombanisha na wana ukoo! SIku hiyo hiyo mipango ilifanywa uhamiaji akawa amepewa masaa ishirini na nne aondoke nchini Marekani.

Uchungu mkubwa ulimshika ni hapo ndipo alimpomkumbuka mwanamke wake wa zamani, Nancy! Alitamani kuwa naye tena akiamini huyo ndiye mwanamke aliyepangiwa na Mungu, alimweleza mama yake kuhusu jambo hilo na alimshauri wakirudi nyumbani amtafute, Tonny hakuwa na ubishi alikubaliana na mama yake moja kwa moja.

Walisafirishwa kutoka Marekani hadi Tanzania chini ya uangalizi maalum, waliposhushwa uwanja wa ndege wa Dar es Salaam waliachwa waende zao na wakiwa hawana hata mzigo walipanda teksi iliyowapeleka moja kwa moja hadi Bagamoyo, watu walipomwona Tonny walishangaa sana.

Kitu cha kwanza alichokifanya Tonny baada ya kufika Bagamoyo akiwa haamini kama kweli alikuwa amerudi ni kumuulizia Nancy, alipewa taarifa zote na kusikitika lakini alikuwa tayari kuwa naye hivyo hivyo alivyokuwa! Alihisi bado anampenda na alihitaji sana kumwomba msamaha kwa makosa aliyomfanyia.

Mchana wa siku iliyofuata alisindikizwa na mama yake kwenda nyumbani kwa mzee Katobe, walipokelewa vizuri si mzee Katobe wala mkewe walioonyesha chuki! Tonny alipiga magoti chini na kuomba msamaha lakini wazazi wa Nancy walimwambia wazi hawakuwa tayari kumpa msamaha kwa sababu alisababisha mtoto wao tatizo kubwa! Tonny alilia kama mtoto mdogo na baadaye kumfuata Nancy mahali alipokaa akiongea peke yake kwa kupiga magoti akimwomba msamaha pia, kama kawaida ya wendawazimu Nancy alicheka bila kuelewa alichokuwa akifanya.

Muda mfupi baadaye akiwa bado amepiga magoti mlango ulifunguliwa, Danny akaingia akiongozana na mzee aliyetembea akichechemea, alikuwa mzee Mwinyimkuu! Danny aliwasalimia watu wote waliokuwepo ndani ya nyumba na baadaye kutambulishwa kwa Tonny na mama yake.

“Huyu kijana tuliishi naye hapa, aliwahi kuwa mchumba wa Nancy! Kifupi ni yeye ndiye aliyemharibia maisha mtoto wetu, anaitwa Tonny! Ana bahati siku hizi sina silaha ningemmaliza!” Mzee Katobe aliongea.

Danny alimwangalia Tonny na kucheka, hakutaka kuonyesha chuki ingawa ni kweli alimchukia sana! Alimsogelea na kumpa mkono na wakasalimia bila kinyongo. Mzee mwinyimkuu alisalimiana familia nzima kisha kupewa pole na baada ya hapo akaeleza nia ya safari yake na kuomba nafasi afanye kazi yake ili kumrejesha Nancy katika hali ya kawaida.

Aliletewa begi lake akatoa vitabu viwili na kuanza kusoma Nancy akiwa ameketishwa mbele yake, alisoma cha kwanza mpaka akamaliza kisha akachukua cha pili kilichokuwa na rangi nyeupe na kuanza kukisoma, alipofika katikati yake tu Nancy alianza kutoa macho kisha kuanguka chini na kuanza kutoa mapovu mdomoni kama mtu mwenye kifafa, walipotaka kumwangia maji aliwazuia na kuendelea kusoma hadi mwisho wa kitabu.

Wakati huo Nancy alikuwa usingizini fofofo, Danny na Tonny walikuwepo wakishuhudia! Nusu saa baadaye alizinduka akiwa mwenye akili timamu mbele yake aliwaona wanaume wawili, Danny na Tonny.

“Tonny......Danny!” Aliita Nancy kwa wakati moja huku akizungusha macho yake kutoka kwa mtu mmoja kwenda kwa mwingine! Alionekana kutoamini kilichokuwa mbele yake, baada ya hapo aliendelea kuita jina la Tonny mara nyingi zaidi kuliko Danny!

CHANZO:  https://deusdeditmahunda.blogspot.com/



Watu wote ndani ya nyumba walikuwa kimya, mzee Katobe na mkewe walibaki midomo wazi bila kuelewa nini kingetokea! Ilikuwa ni kama ndoto, hawakuamini macho yao kama kweli Nancy alikuwa amerejewa na fahamu zilizopotea kwa muda mrefu, walizidi kumshangaa mzee Mwinyimkuu na walizidi kumshukuru Danny kwa juhudi alizozifanya kwani bila yeye Nancy asingekuwa binadamu wa kawaida tena.

Pamoja na shukrani hizo hawakuwa na uhakika nini kingetokea ndani ya nyumba yao, ilikuwa ni lazima Nancy achague mwanaume mmoja kati ya wawili waliosimama mbele yao hakika ulikuwa mtihani mgumu! Ingekuwa ni wao waliotakiwa kuchagua basi wangemchagua Danny, walilidhishwa na tabia yake na walimpenda kwa namna walivyoishi nae vizuri na kusaidiana katika mambo mengi.

Lakini hawakuwa na uhakika kama chaguo la Nancy lingekuwa lao kwani katika mapenzi kila mtu na kitu akipendacho, kwa hali iliyokuwa imeonekana na jinsi ambavyo Nancy alilitaja jina la Tonny mara nyingi dalili nyingi ziliashiria yeye ndiye angeibuka mshindi jambo ambalo hata mzee Katobe na mkewe hawakulifurahia hata kidogo.

“Haiwezekani!” Mama yake Nancy alimnong’oneza mzee Katobe.

“Haiwezekani nini?”Mzee Katobe aliuliza.

“Mwanangu hawezi kurudiana naTommy tena!”

“Hilo hata mimi nakubaliana nalo lakini tutafanya nini? Inavyoonekana huyu mtoto bado anamkumbuka Tonny na pia anampenda tutafanya nini?” Mzee Katobe aliuliza.

“Lazima uzuie!”

“Wacha kidogo tuone kitakachotokea pengine ni wasiwasi wetu!”

Wakati wakiongea maneno hayo kwa sauti ya chini Nancy alikuwa bado amesimama wima mikono yake ikiwa kichwani na alikuwa akilia kwa uchungu huku akizidi kuwaangalia wanaume waliokuwa mbele yake, kichwa chake kilionekana kuwa na kumbukumbu kidogo na juu ya yaliyotokea maishani mwake akiwa mwendawazimu! Alipogeuza kichwa upande wa pili aliwaona baba na mama yake wakiwa wamesimama, akatabasamu.

“Mama huyu ni Tonny kweli au?”

“Ni yeye!”

“Amekuja lini?”

“Tumemwona leo!”

Baada ya kuongea na mama yake bila hata kuongea kitu chochote na mzee Katobe, Nancy aligeuka upande wa mwanzo na kuwaangalia wanaume wawili wakiwa wamesimama kama askari, uso wa Danny ulionyesha kujawa na huzuni na kwa mbali alikuwa akitokwa na machozi! Mambo machache yaliokuwa yamejitokeza ndani ya nyumba hiyo baada ya Nancy kurejewa na fahamu zake yalitosha kumwonyesha juhudi zake zisingezaa matunda.

“Tonny bado unanipenda?”Nancy aliuliza.

“Hakika ndio maana nimerudi, bado nakupenda sana na ninataka kuwa na wewe tena maishani, nisamehe kwa yote niliyokukosea!”

“Mimi yuko wapi?”

“Alifariki dunia! Nisamehe sana Nancy kwa yaliyotokea na tusiongee tena mambo ya siku za nyuma, yote hayo yalipita hebu tugange yajayo!” Maongezi kati ya Tonny na Nancy yaliendelea kama dakika mbili watu wengine wakiwa kimya.

Kila mtu aliyemwangalia Danny alimwonea huruma hata mzee Mwinyimkuu kwani ni kweli alikuwa ametumia juhudi nyingi sana kuokoa maisha ya Nancy na alistahili kuwa mume wake. Danny alisimama kwa unyonge mikono yake ikiwa imekunjwa kifuani! Machozi yakiendelea kumtoka, hakuwa tayari kukubali Nancy aondolewe mikononi mwake wakati alishapoteza muda mwingi kumshughulikia.

“Tonny!”Danny aliita.

“Yes!”Tonny aliitikia kwa mkato huku macho yake yakimpandisha Danny juu na kumshusha chini kwa dharau.

“Lakini mshikaji si wewe ulimwacha? Sasa kwa nini usiniachie tu mimi niliyemuhangaikia?”

“Nini?”

“Usiniachie mimi, kwa nini tugombane!”

Danny aliongea kwa unyonge akimgeukia Tonny na kupiga magoti chini akimbembeleza ili amwachie Nancy.

“Najua una uwezo wa kumchukua na anakupenda kuliko anavyonipenda mimi nakusihi ndugu yangu uniachie huyu mwanamke, nimehangaika sana! Sitaweza kuishi tena kama Nancy akiondoka maishani mwangu, itakuwa aibu kubwa mno ambayo sitaweza kuivumilia!”

Aliongea Danny kwa sauti ya kutia huruma.

Wazazi wa Nancy walishuhudia kitendo hicho na kuumia moyoni mwao, yalikuwa ni matendo ya kusikitisha na waliamini Danny hakustahili kutendewa hivyo kwa sababu alikuwa mwema sana kwa mtoto wao.

“Ni Danny huyuhuyu aliyepigwa risasi na mzee Katobe lakini akaficha siri kitendo kilichofanya mume wangu aepuke kifungo gerezani, ni Danny huyuhuyu aliyehairisha masomo chuo kikuu mara ya kwanza na sasa mara ya pili ili amtafute Nancy, ni Danny huyuhuyu ndiye aliyemtafuta mzee Mwiyimkuu hatimaye kupatikana na sasa Nancy amerejewa na fahamu zake! Haiwezekani, Nancy hawezi hata siku moja kurejea kwa Tonny, lazima tumsaidie!” Mama Nancy aliunganisha mambo kichwani mwake.

“Toka hapa! Haya mambo ya kutafuta ya kumuhangaikia unayajua mwenyewe hapa ni kura tu?Ukishinda kuchukua mtoto, nikishinda ondoka zako!” aliongea Tonny kisha kumsukuma Danny na kumfanya anguke chali sakafuni.

Nancy alishuhudia kila kitu kilichotokea badala ya kusikitika alichekelea na kisha kutembea kwenda mbele mahali alipokuwa amesimama Tonny akitamka maneno na kuonyesha ni jinsi gani alimpenda na alikuwa amesahau yote yalitokea.

“ Nancy! Kwa nini unanifanyia hivi? Umesahau nilijitoa kwa ajili yako? Nifikirie, utayafupisha maisha yangu”Aliongea Danny lakini Nancy hakujali wala kumsikiliza alichokifanya ni kusonga mbele hadi kumfikia Tonny na kumkumbatia, mama yake Tonny alikuwa ameketi kwenye kiti pembeni alinyanyuka na kuanza kushangilia huku akipiga vigelegele kwake ulikuwa ushindi.CHANZO:  https://deusdeditmahunda.blogspot.com/

“We mama hamnazo nini?” Unashangilia kitu gani gani? Hapa kuna jambo la kushangilia, tena kaa kimya vinginevyo uondoke hapa nyumbani kwangu!” Mama yake Nancy alifoka akitembea kwa haraka kuelekea mahali Nancy na Tonny waliposimama wakiwa wamekumbatiana.

Kwa nguvu zake zote alimkamata Nancy na kuanza kumvuta hatimaye kufanikiwa kumwondoa mikononi mwa Tonny akaanza kumvuta kuelekea chumbani ambako alimwingiza na kufunga mlango nyuma yake, Nancy alilalamikia kitendo hicho lakini mama yake alielewa wazi akili yake ilikuwa haijatulia au alikuwa hafahamu mambo yaliyotokea mpaka kufikia siku hiyo.

“Niachie mama! Niachie niende kwa Tonny! Nampenda kwa moyo wangu wote, ndiye mtu niliyemchagua maishani lakini alichukuliwa kutoka kwangu na Mimi lakini sasa Mungu amemrudisha! Niacheni nimchague nimpendaye ni mimi wa kuchagua, siwezi kuchaguliwa! Simpendi Danny hata kidogo nilionyesha mapenzi kwake kwa sababu nilitaka kumwokoa baba yangu na jela!”

Aliongea Nancy kwa uchungu huku akilia, kwa jinsi maneno yalivyomtoka kulikuwa na kila dalili ya kumaanisha alichokisema.

“Sikiliza mwanangu Nancy!Najua unampenda Tonny lakini pia kuna vitu kama natakiwa kukueleza baada ya hapo utakuwa na uamuzi wa kuchukua, nina uhakika huna kumbukumbu juu ya nini kilikutokea, laiti ungefahamu usingediriki kumwacha Danny! Hebu kwanza jiangalie, nenda simama kwenye kile kioo uangalie mwili wake pamoja na nywele zako ya hapo nitakueleza kila kitu!”

Mama yake aliongea kwa huzuni, alifahamu wazi Nancy hakuelewa kitu chichote juu ya wendawazimu uliomtesa na alitaka hilo lifahamike kwanza ndipo aanze kumsimulia.

“Mama nilikuwaje?”

“Ni habari ndefu! Unawakumbuka mzee Kiwembe na Babu Ayoub?”

Nancy aliinamisha kichwa chake chini na kuzama katika fikra nzito akijaribu kuyazungusha majina ubongoni mwake ili kuona kwamba kumbukumbu zake zilikuwepo,muda mfupi baadae alinyanyua kichwa chake na kumuangalia mama yake.

“Ndiyo mama, nayakumbuka majina hayo, tulikuwa kisiwani, baba na Danny hawakuwepo! Nashangaa leo wapo na ameongezeka Tonny, walikuja lini? Nakumbuka babu Ayoub ndiye alinifanyia kitendo kibaya ambacho nilizuiliwa kukifanya na mtu yoyote isipokuwa Tonny!T ena aliyenizuia yupo hapa ndani! Wamekujaje watu wote hawa hapa kisiwani Galu?”

“Hapa hatupo Galu mwanangu tupo Bagamoyo? Na sijui kama unakumbuka kilichotokea baada ya babu Ayoub kukufanyia kitendo cha ukatili”.

“Sikumbuki mama!”

“Kwa sababu ni wajibu wangu kukuambia basi nitakueleza ukweli!”

Alipoongea mama Nancy alijiweka vizuri kitandani.

Wakati maongezi yakiendelea kati ya mama na mtoto kelele nyingi zilisikika sebuleni, kulikuwa na kila dalili kuwa watu walikuwa wakigombana!

Sauti ya mzee Katobe ilisikika ikiita jina la Danny na kumzuia asifanye kitendo alichotaka kukifanya.

“Danny! Danny! Usifanye hivyo mwanangu, acha kabisa utaua halafu utakwenda jela!”

“Sijali kitu ni bora nimuue kabisa huyu mshenzi halafu na mimi nife! Hawezi kunionyesha dharau kiasi hiki!”

“Baba nakuomba uniachie!” ilikuwa sauti ya Danny na muda mfupi baadae Tonny alisikika akilia kwa sauti ya juu kuomba msaada akidai amechomwa kisu mbavuni mama Nancy aliposikia maneno hayo alikatisha maongezi na kuondoka chumbani mbio kwenda sebuleni, hakuamini alipokuta damu imetapakaa sakafuni! Tonny alilala sakafuni akijitupa huku na kule damu ikizidi kumwagika.



Lilikuwa tukio la kutisha na kusikitisha sana, moyo wa kila mtu aliyekuwepo sebuleni kwa mzee Katobe ulikuwa ukidunda kwa nguvu! Nancy alikuwa bado amelala sakafuni uso wake ukiwa umechimbiwa katikati ya viganja mikono yake yote miwili, pamoja na kusikia wazazi wake wakiongea bado hakuamini kama majambazi walikuwa wameondoka.

“Kwa hiyo wamemteka?”Mzee Mwinyimkuu aliuliza.

“Ndivyo inavyoonekana!”

“Unahisi watakuwa ni akinanani?”

“Hakuna mtu mwingine wa kufanya kitendo hiki isipokuwa Tonny!”

“Inawezekana! Basi pigeni simu polisi tuwataarifu pia jambo hili”

“Sawa!”

Wakati mzee Katobe anaisogelea simu ili apige kituo cha polisi, Nancy alinyanyuka sakafuni na kusimama wima! Maongezi kati ya baba yake na mzee Mwinyimkuu ndiyo yaliyomshtua, alitaka kuelewa ni nani aliyekuwa ametekwa, kichwani mwake aliwafikiria watu wawili tu, kama si mama yake basi alikuwa Danny maana kabla majambazi hayajaingia sebuleni walipokuwa wameketi wakijiandaa kwenda kanisani kulikuwa na watu watano peke yake, watoto Catherine na David walikuwa chumbani.

“Nani ametekwa?”Aliuliza Nancy.

“Danny!” Mzee Katobe alijibu.CHANZO:  https://deusdeditmahunda.blogspot.com/

“Haiwezekani! Yumo humuhumu ndani labda amejificha mahali fulani!”

“Hapana! Lazima tuukubali ukweli kuwa hawa watu wameondoka na Danny! Si unakumbuka walivyoingia walisema wamekuja kumtafuta mtu mmoja, sasa kukosekana kwa Danny hapa ndani kunamaanisha nini Nancy?”Mzee Katobe aliuliza.

“Inawezekana kweli katekwa, tutafanyaje sasa kumpata?”

“Nataka kupiga simu polisi niwataarifu juu ya tukio hili!”

“Baba subiri kwanza, naelewa aliyefanya kitendo hiki si mwingine bali ni Tonny! Acha nikazungumze naye, nina uhakika atamrudisha!” Aliongea Nancy akijaribu kumshawishi mzee Katobe asitoe taarifa polisi kwanza.



ITAENDELEA