NOTHING WITHOUT YOU (SI KITU BILA WEWE) - 4

 

Simulizi : Nothing Without You (Si Kitu Bila Wewe)

Sehemu Ya Nne (4)





Ilipoishia



Alimwangalia Jonas, picha ya Hidifonce ikawa ikijirudia mara kwa mara kichwani mwake.

“Haiwezekani Jonas” Maria alimwambia Jonas ambaye akashusha pumzi ndefu.

“Unasemaje?”

“Najua haukutegemea kulisikia hili Jonas”

“Tatizo nini Maria. Tatizo liko wapi kama nimamua kujitolea maisha yangu kwa ajili yako. Ninakupenda Maria. Ninajitahidi kufanya kila niwezapo kukufanya ufurahie maishani mwako” Jonas alimwambia Maria ambaye akaanza kulia.

“HIDIFONCE’ Lilikuwa jina ambalo lilikuwa lijirudia kichwani mwa Maria.



CHANZO:  https://deusdeditmahunda.blogspot.com/

Songa nayo sasa...









Picha ile ambayo alikuwa ameichora Patrick ilibandikwa katika ubao wa shule. Kila mtu ambaye alikuwa akiiangalia picha ile, hakukuwa na yeyote ambay aliamini kama duniani kungekuwa na mtu ambaye alikuwa akijua kuchora namna ile.

Kila wakati Vanessa alikuwa mwenye furaha, jina lake nalo likaanza kusikika shuleni pale. Picha ile ikaonekana kuanza kumtambulisha shuleni hapo kwamba hata na yeye alikuwepo. Kila mtu akataka kumuona Patrick ambaye alikuwa ameichora picha ile ambayo baadhi ya wanafunzi wakaanza kuipiga picha kwa kutumia simu zao na kisha kuihifadhi.

Siku iliyofuata, Patrick alikuwa akiingia shuleni hapo. Kila mwanafunzi alikuwa akimwangalia kupita kiasi hali ambayo ilimfanya kusikia aibu. Patrick akapigwa na mshtuko mara baada ya kupita karibu na ubao wa shule na kuikuta picha ile ambayo alikuwa amemchora Vanessa.

Patrick alisimama kwa muda, wanafunzi wakaanza kujisogeza karibu nae ili kutaka kujua ni hali gani ambayo Patrick angeionyesha mahali hapo. Patrick akabaki akiiangalia, tabasamu likaanza kuonekana usoni mwake. Wanafunzi wote ambao walikuwa wamesimama karibu nae, nao wakajikuta wakitabasamu pamoja nae.

Patrick akaanza kupiga hatua kuelekea darasani. Wanafunzi wale wakaanza kumfuatilia, Patrick akaanza kuonekana binadamu asiye wa kawaida machoni mwao. Wala hakufika mbali, akajikuta akiitwa na mwalimu mmoja ambaye alikwenda nae mpaka ofisini.

Walimu zaidi ya thelathini walikuwa vitini mwao wametulia, katika kipindi ambacho Patrick alikuwa akiingia ofisini hapo, walimu wote wakanyamaza na kuanza kumwangalia Patrick. Picha ile bado ilikuwa ikijirudia rudia vichwani mwao. Patrick alionekana kuwa binadamu ambaye alikuwa na zaidi ya kipaji kile ambacho alikuwa nacho.

Walimu waliongea nae kwa muda wa dakika kadhaa, waliporidhika, wakamruhusu aelekee darasani. Vanessa ambaye alikuwa ametulia kitini, akainuka na kuanza kumfuata Patrick na kumkumbatia kwa furaha. Patrick hakuongea kitu chochote kile zaidi ya kutoa tabasamu pana.

Wanafunzi wenzake wa mule darasani wakaanza kumsogelea Patric ambaye alikuwa ametulia kitini huku akionekana kufikiria kitu. Kila mwanafunzi mahali hapo alitaka kuchorwa, kila mmoja akatoa karatasi na kuiweka mezani.

Patrick akabaki akishangaa, hakutarajia kama picha ile ambayo alikuwa ameichora ingewafanya wanafunzi kutaka kuchorwa. Hakuongea kitu chochote, alibaki kimya huku akiwaangalia wanafunzi wale.

“Mwacheni apumzike” Vanessa aliwaambia.

Hapo ndipo Patrick alipoanza kukionyesha kipaji chake. Alichora picha nyingi sana ambazo zilichukuliwa na kubandikwa ukutani. Habari za Patrick zikaanza kusambaza katika shule zote ambazo zilikuwa jijini Florida. Kila mtu ambaye alizisikia habari zile alitamani kufika shuleni hapo Vanguard kujionea mwenyewe.

Hakukuwa na mtu ambaye aliamini mara moja kama picha zile ambazo alikuwa akiziangalia ubaoni zilikuwa zimechorwa. Kila siku watu walikuwa wakibishana, wengine walikubali na kusema kwamba zile picha zilikuwa zimechorwa lakini watu wengine walipinga kwa nguvu zote.

Siku ziliendelea kukatika mpaka katika kipindi ambacho mashindano ya dunia ya uchoraji ambayo yalijulikana kama BEST PICTURES OF THE YEAR yalipotarajiwa kufanyika duniani kote. Miezi sita ndio ambayo ilikuwa imebakia kabla ya shindano hilo ambalo lilikuwa likiwasisimua watu kuanza.

Shindano hilo lilitakiwa kuchukua nafasi kuanzia ngazi ndogo mpaka kufikia hatua yenyewe kubwa. Lilitakiwa kuanza kishule ambako baada ya hapo, shule zote katika jiji moja lingemtoa mtu mmoja ambaye angeshindana na wachoraji kutoka katika katika majiji mengine.

Mtu ambaye angeibuka ambaye angeibuka mshindi, angekuwa mshindi wa jimbo zima ambapo baada ya hapo angeshindana na washindi wa majimbo mengine. Mshindi ambaye angepatikana hapo, moja kwa moja angeshindana na wachoraji wa bara zima ambapo mshindi wa hapo, angekuwa miongoni mwa washiriki sita ambapo kila mmoja angekuwa analiwakilisha bara alilotokea.

Safari ilionekana kuwa kubwa lakini kwa kila mwanafunzi ambaye alimfahamu Patrick, kazi ilioekana kuwa rahisi sana.

Ili kuepuka usumbufu ambao ungejitokeza, moja kwa moja Patrick akapitishwa na shule pasipo kufanya shindano lolote. Yeye ndiye ambaye alitakiwa kuiwakilisha shule ya Vanguard katika mashindano ya jiji ambayo yalitakiwa kufanyika baada ya wiki moja.

Patrick akaanza maandalizi ya kuchora, alikuwa akichora picha nyingi huku Vanessa akiwa mhakiki wa picha zake. Kila picha ambayo alikuwa akionyeshewa Vanessa, alibaki akiwa amechanganyikiwa tu. Kila picha ambayo alikuwa akiiangalia, ilionekana kumvutia kupita kiasi.

Siku ziliendelea kukatika mpaka kufika katika siku ya shindano lenyewe. Kila mtu alionekana kumhofia Patrick. Ni kweli walichora picha nyingi lakini kwa picha ambazo zilichrwa na Patrick na kubandikwa ukutani, zile tu zilionekana kuwaburuza vibaya.

Watu zaidi ya elfu ishirini walikuwa wamekusanyika katika ukumbi wa Matepolian ambao ulikuwa katika jiji la Jacksonville hapo hapo jimboni Florida. Umati huo ulikuwa umekusanyika mahali hapo kwa ajili ya kujua ni mtu gani ambaye alikuwa anakwenda kuliwakisha jimbo la Florida katika mashindano hayo ya kuchora.

Jina la Patrick lilikuwa likisikika katika kila kona ukumbini humo, picha zake ambazo alikuwa amezichora katika kipindi cha nyuma tayati zilionekana kupata umaarufu kupita kawaida.

Shindano likaanza mara moja, picha mbalimbali za washiriki mbalimbali zikaonyeshwa wazi, watu kitu ambacho walitakiwa kukifanya ni kutuma ujumbe mfupi wa picha za mtu ambaye alionekana kuwa na picha nzuri.

CHANZO:  https://deusdeditmahunda.blogspot.com/

Hata kwa wale waliokuwa majumbani mwao hawakupata tabu kwani kituo cha runinga cha WPST ambacho kilikuwa na makao makuu katika jiji la Miami hapo hapo jimboni Florida kilikuwa kikirusha moja kwa moja kila kitu ambacho kilikuwa kinaendelea ukumbini hapo.

Ndani ya dakika kumi, zaidi ya kula milioni ishirini zilikuwa zimepigwa kwa kutumia simu pamoja na mtandao wa Internet. Mara baada ya muda wa kupiga kura kupita, kila kitu kikafungwa na moja kwa moja watu ambao walikuwa karibu na mashine ya kuhesabia kura kuanza kufanya kazi zao.

Patrick alionekana kukimbiza kupita kiasi, picha zilikuwa nzuri kuliko za mchoraji yeyote ambaye alishiriki katika kinyang;anyiro hicho. Patrick hakuonekana kuamini kile ambacho kilikuwa kimetangazwa na majaji. Wanafunzi wa Vanguard walikuwa wakirukaruka kwa furaha wakiyafurahia matokeo yale.

Kwa miaka mia moja na kumi tangu shule hiyo ianzishwe, hiyo ndio ilikuwa mara ya kwanza kwa shule hiyo kutoa mchoraji bora, kila mwaka walikuwa wasindikizaji tu.

Sherehe kubwa ya kumpongeza Patrick ikaandaliwa katika ufukwe wa Miami. Watu walisherehekea kupita kiasi huku muda wote Vanessa akiwa karibu na Patrick. Kila mtu alikuwa akitaka kupiga picha na Patrick ambaye alianza kuwa maarufu kwa wakati huo.

“Mbona unaonekana kutokuwa na raha Patrick?” Vanessa alimuuliza Patrick.

“Sijisikii kuwa na furaha Vanessa”

“Kwa nini?”

“Siwema. Moyo wangu unamkumbuka sana Siwema”

“Hata kama Patrick. Furahia tu, tutakwenda pamoja kumchukua huko alipo na kumleta hapa”

“Inaniuma sana. Naishi maisha mazuri na wakati yeye anaishi katika maisha ya tabu...inaniuma sana” patrick alimwambia Vanessa.

“Najua ni jinsi gani unampenda Siwema. Usijali, utakuwa pamoja nae karibuni” Vanessa alimwambia Patrick.

Patrick akaonekana kufarijika kupita kiasi, maneno aliyoongea Vanessa yalionekana kumpa nguvu. Tabasamu pana likaanza kuonekana usoni mwake. Kila siku alikuwa akimuona Vanessa kuwa karibu nae kuliko mtu yeyote shuleni. Akayapeleka macho yake usoni mwa Vanessa, Patrick alibaki akitabasamu tu.

Mwezi ukapita, shindano bado lilikuwa likiendelea, hatua hii ilikuwa ni kuwashindanisha washindi wote ambao walikuwa mabingwa katika majimbo yao. Washindi kutoka New York, Washington na sehemu nyingine nchini Marekani wakakusanyika katika ukumbi wa Staples Center uliokuwa katika jimbo la Los Angelel.

Majaji wakubwa watano wa kimataifa walikuwa wamejiandaa vilivyo kwa ajili ya kufanya kazi ya kumchagua mchoraji bora ambaye angeiwakilisha nchi ya Marekani katika mashindano ya dunia ambayo yalitazamiwa kufanyika baada ya mwezi mmoja nchi Ujerumani.

Mpaka linabakia saa moja kabla ya shindano kuanza, tayari ukumbi mzima ulikuwa umekwishajaa na watazamaji zaidi ya elfu ishirini walikuwa wamekusanyia huku watu wengine wakikosa nafasi na kuamua kubaki nje wakifuatilia katika televisheni kubwa zilizokuwa zimewekwa ukutani.

Mara baada ya kila kitu kukamilika, moja kwa moja picha zikaanza kuletwa kwa majaji ambao walitakiwa kuziunganisha katika mashine iitwayo Projector ambayo ilitumika kupiga katika kitambaa kikubwa cheupe na kuifanya picha ile ionekane kwa ukubwa.

Vile vile wataalamu ambao walikuwa wamesomea mambo mengi kuhusiana na mitandao walikuwa mahali hapo. Kazi yao kubwa ilikuwa ni kuzipiga picha picha zile na kisha kuziingiza mtandaoni. Kazi hiyo ilitakiwa kufanyika kwa haraka sana na ndio maana walikuwa wamewaita wataalamu wa mitandao ambao waliwaamini kuwa wangefanya kazi hiyo kwa haraka sana.

Majaj wakaanza kuzipitia picha moja baada ya nyingine. Watazamaji wote walikuwa wameziandaa simu zao kwa ajili ya kupiga kura mara tu wangeruhusiwa kufanya hivyo hata kabla ya muda kuisha. Majaji wakaonekana kuziangalia picha zote kwa makini.

Wanafunzi wa shule ya Vanguard walikuwa wamekaa katika sehemu moja pamoja na Patrick ambaye alikuwa akionekana kuwa na wasiwasi mwingi. Kama kawaida yake, Vanessa alikuwa pembeni yake akimfariji na kumtia moyo kwamba angeibuka mshindi katika kinyang’anyiro hicho.

Majaji bado walikuwa wakiendelea kuziangalia picha za mshirika mmoja mmoja. Walipofika katika picha za Patrick, majaji wote wakasimama na kwenda katika chumba kimoja ambacho kilikuwa na viti pamoja na meza kwa ajili ya kufanyia mikutano midogo midogo.

Kila mtu akabaki akishangaa, hawakujua sababu ambayo iliwapelekea majaji wale kuondoka ukumbini na kwenda katika chumba cha faragha. Minong’ono ikaanza kusika kutoka ukumbini pale.

Majaji walikuwa wamekaa katika viti ndani ya ukumbi ule mdogo huku picha za Patick zikiwa mezani. Picha zile ndizo ambazo ziliwafanya kukusanyika katika chumba kile, zilionekana kuwachanganya kabisa. Kila mmoja alikuwa akizichukua picha zile na kuziangalia.

“Mnazionaje picha hizi jamani?” Jaji mmoja aliuliza.

“Mimi mwenyewe zinanichanganya. Hivi zimechorwa au zimepigwa picha na kamera?” Jaji mwingine aliuliza.

“Mmmh! Hapana. Hakuna mtu anayeweza kuchora namna hii. Hizi zitakuwa zimepigwa picha na kamera” Majaji waliendelea kuziangalia picha zile.







******







Maisha yalendelea kama kawaida kwa Hidifonce. Katika kipindi ambacho Maria alikuwa akisomea masomo ya kompyuta, alikuwa akiendelea kuwasiliana nae huku akifanya mchezo mchafu kama kawaida. Siku ziliendelea kukatika mpaka kufika kipindi ambacho Maria alitakiwa kwenda mkoani Kigoma kwa ajili ya kusomea ualimu.

Hidifonce aliendelea kumuahidi Maria ahadi mbalimbali ikiwa ile ya kuendelea kuwa nae mpaka mwisho wa maisha yake. Ni kweli moyo wake ulikuwa kwa Maria, mwaname ambaye alikuwa akimpenda kuliko yeyote hapa duniani.

Mawasiliano yao hayakukatika, kila siku waikuwa wakiendelea kuwasiliana kama kawaida. Kila mmoja alijisikia furaha kuwa karibu na mwenzake ingawa miili yao ilikuwa mbali sana. Halikuwa jambo rahisi hata mara moja kwa wawili hao kuwasiliana chini ya mara tano kwa siku, siku zote walikuwa wakiongea zaidi ya hapo.

Mara baada ya Hidifonce kuchukua kadi ya uwanachama wa chama cha siasa cha Republic, moja kwa moja wazee wakamtaka kugombea nafasi ya Udiwani katika uchaguzi ambao ulikuwa umebakiza miezi miwilikabla ya kufanyika.

Hidifonce hakukataa, alijua kwamba wazee hao walimchagua kwa kuwa tu alikuwa na elimu ya juu. Mishemishe ikaanza, siasa za hapa na pale zikaanza kufanyika. Wanachama wa chama cha Republic walikuwa wakikutana karibu kila wiki huku wakichukua nafsai hiyo kumfundisha Hidifonce mambo kadhaa.

Kutokana na kusoma sana somo la Uraia, Hidifonce hakupata tabu sana, akaanza kuelewa kwa haraka sana kile ambacho alitakiwa kukifanya wa wakati huo.

Siku ziliendelea kukatika mpaka katika kipindi ambacho kampeni zilipoanza. Wanachama wowote wakaonekana kumpa kampani Hidifonce ambaye kila alipokuwa akismama jukwaani na kuongea, hakukuwa na sababu ya kumyima nafasi hiyo ambayo alikuwa akiigombania.

Hidifonce alionekana kukaa kisiasa zaidi, alikuwa akiongea maneno mengi ya kufariji na kuahidi kuwapa nafasi kubwa wanawake ambao walionekana kuwa nyuma katika ngazi mbalimbali. Kila mkazi wa wilaya ya Kinondoni akaonekana kuvutiwa na maneno aliyokuwa akiongea Hidifonce katika mikutano mbalimbali ya kampeni.

Hidifonce akaonekana kuwakamata vilivyo wananchi wa wilaya ya Kinondoni kiasi ambacho mikutano yake ilikuwa ikijaza watu wengi kuliko mikutano ya vyama vingine vya upinzani. Kila mtu alikuwa akimkubali Hidifonce ambaye kadri siku zilivyozidi kwenda mbele na ndivyoa ambavyoa alizidi kupata mvuto machoni mwa watu.

“Una mpenzi?” Mzee Khatibu alimuuliza Hidifonce ambaye kwa mbali alionekana kushtushwa na swali lile.

“Hapana”

“Una mtoto?”

CHANZO:  https://deusdeditmahunda.blogspot.com/

“Hapana”

“Safi sana. Unajua kwa sasa hautakiwi kuwa na skendo hata mara moja. Najua wapinzani watakuwa wakifanya upelelezi wa chini chini kujua kama una mtoto au mpenzi. Cha msingi kuwa makini, hatuhitaji skendo kwani tayari unaonekana kushinda uchaguzi huu” Mzee Khatibu alimwambia Hidifonce.

Maswali yale yalionekana kumtia wasiwasi Hidifonce kiasi ambacho akaona kama angeendelea kumpiga simu Maria na kuongea nae, basi watu angefahamu kila kitu hali ambayo ingeanzisha skendo ambazo zingemfanya kushindwa katika uchaguzi.

Uamuzi ambao aliuona kufaa katika kipindi hicho ni kukata mawasiliano na Maria, laini ambayo alikuwa akiitumia zamani, akaitupa na kuitafuta laini nyingine. Hakutaka kabisa kuwasiliana na Maria, ila namba yake ya simu alikuwa ameiweka katika laini yake mpya pasipo kumpigia.

Siku ziliendelea kukatika na hatimae wiki tatu kubakia kabla ya uchaguzi kufanyika. Wazee wakamuita Hidifonce na kumuweka kikao. Kila kitu walikiona kuwa kinakwenda kama kilivyotakiwa. Tayari walijiona kutarajia kupata kile ambach walikuwa wakikitarajia kukipata.

“Kila kitu knakwenda sawa sasa ila kuna kitu ambacho ningependa sana kifanyike” Mzee Khatibu aliwaambia wazee wenzake waliokuwa katika kikao kile.

“Mgombea wetu anajitahidi sana kumvutia kila mtu, naona kwa sasa bora abadilishe jina lake. Asijiite tena Hidifonce, kwa heshima kubwa ajiite jina la ukoo la Mayemba” Mzee Khatibu aliwaambia.

Suala hilo likakubalika na kila mtu, Hidifonce hakulitumia jina hilo tena, kila mtu akaanza kumita Mayemba, jina la ukoo wake.

Siku ziliendelea kukatika zaidi na zaidi mpaka kufika kipindi ambacho siku mbili tu ndizo zilikuwa zimebakia kabla ya uchaguzi mkuu kufanyika. Muda wote Mayemba alikuwa na wasiwasi kupita kawaida, hakuonekana kujiamini kabisa, lakini kila alipokuwa akiangalia jinsi alivyokuwa akikubalika, alijipa moyo wa kushinda nafasi hiyo ya Udiwani.



***************************************************





Majaji walitumia dakika arobaini kuziangalia picha zile ambazo alikuwa amezichora Patrick, makubaliano tayari yalikuwa yamekwishawekwa kwamba picha zile zilikuwa ni za kuchorwa. Moja kwa moja wakaanza kurudi ukumbini ambapo bado minong’ono ilikuwa ikienedelea kusikika katika kila kona ukumbini pale.

Watu wakabaki kimya mara baada ya kuwaona majaji wale wakirudi ukumbini pale na kutulia vitini mwao. Majaji hawakuongea kitu chochote zaidi ya kuendelea kuziangalia picha za wachoraji wengine. Zoezi lile lilichukua takribani dakika arobaini na tano kumalizika.

Picha zote zikapelekwa kwa watu ambao walikuwa wakitumika kuziingiza katika mitandao ili watu waaanze kupiga kura. Wataalamu wa kompyuta walionekana kushangaa mara baada ya kuziona picha ambazo alizichora Patrick, picha zilikuwa zikionekana vizuri huku zikionekana kama zilikuwa zimepigwa picha kwa kutumia kamera.

Watu wakaanza kufungua mitandao katika simu zao na hatimae kuzikuta zile picha zikiwa zimekwishaingizwa, upigaji wa kura ukaanza mara moja. Si wau waliokuwepo ukumbini hapo ndio ambao walikuwa wakipiga kura, bali wananchi wote nchini Marekani walikuwa wakipiga kura.

Picha za washiriki wote zailikuwa zikionekana kuchorwa kwa ufasaha kabisa lakini picha za Patrick zilionekana kuwa tofauti na nyingine. Kura ziliendelea kupigwa huku watu wote waliokuwa ukumbini wakionekana kuwa bize na simu zao. Kura ziliendelea kupigwa zaidi na zaidi.

Baada ya nusu saa, muda wa kupigwa kura ukaisha. Watu wa mitambo wakakata upigaji wa kura. Kura zaidi ya milioni mia moja zilikuwa zimepigwa katika majimbo yote nchini Marekani pamoja na nchi nyingine za Amerika ya kati.

Kura zikagawanywa na kila mtu kuwa na kura zake, uhesabuji wa kura ukaanza mara moja kwa wataalamu wa kompyuta ambao walikuwa mahali hapo. Uhesabuji uliendelea kwa muda wa dakika chache kutokana na kompyuta zao kufanya kila kitu ambacho kilikuwa kikihitajika kufanywa.

Kura zikagawanywa na kila mtu kuwa na zake. Matokeo yakatumwa katika kompyuta ndogo ambazo walikuwa nazo majaji pale mbele ya ukumbi ule. Matokeo yalionekana kumshangaza kila mtu, historia ikaonekana kuvunjwa na rekodi ikaonekana kuwekwa.

Jaji mkuu, Mc Arson akasimama na kuanza kumwangalia kila mtu huku uso wake ukionekana kuwa na tabasamu pana. Akaanza kuongea mambo mengi hata kabla hajamtaja mshindi wa shindano hilo ambaye angejinyakulia kiasi cha dola milioni mbili ambazo ni zadi ya shilingi bilioni mbili za kitanzania na pia kwenda nchini Ujerumani kwa ajili ya kushindana katika shindano kubwa la uchoraji duniani.

“We have worked day and night to organize this competition. we declare the winner who will go to this place, and he who shall receive the amount of two million dollars. Is there anything here I would also like to tell. The United Nations has provided opportunities for participants who will win the world championship it will be United Nations ambassador, who will walk around looking at children who suffer with various patients. In a global competition, the winner will get the amount of thirty million dollars and he employed the giant Metropolian where his drawings will be slated from one million dollars each (Tumefanya kazi mchana na usiku kuandaa shindano hili. Tumempata mshindi ambaye nitakwenda kumtangaza mahali hapa, na ndiye ambaye atapata kiasi cha dola milioni mbili. Kuna kitu ambacho hapa pia ningependa kuwaambia. Umoja wa Mataifa umetoa nafasi kwa mshiriki ambaye atashinda katika shindano la dunia basi atakuwa balozi wa Umoja wa Mataifa ambaye atatembea sehemu mbalimbali kuangalia watoto wanaoteseka pamoja na wagonjwa mbalimbali. Katika shindano kubwa la dunia, mshindi atajipatia kiasi cha dola milioni thelathini na pia ataajiriwa katika kampuni kubwa ya Metropolian ambapo michoro yake itakuwa ikiuzwa kuanzia dola milioni moja kila mmoja)” Jaji mkuu Mc Arson aliwaambia watu ukumbini mule.

Kila mtu akaonekana kustaajabu, kiasi ambaco kilitangazwa kwa mtu ambaye angeshinda shidano hilo kilionekana kuwa kikubwa sana. Kila mtu akaanza kuomba Mungu kwamba mshindi wa shindano kubwa la Dunia basi angetoka nchini Marekani ili kwenda kupata sifa duniani kote.

Kila mmoja alijua kwamba nchi ya Marekani haikuwa na rekodi nzuri katika shindano hilo ambalo lilikwenda kufanyika nchini Marekani, hawakupata taji hilo kwa miaka mingi ya nyuma. Ni mwaka 1982 ndipo walipojinyakulia taji la mchoraji bora wa dunia, baada ya hapo, hawakunyakua tena mpaka muda huo.

Ingawa mara kwa mara walikuwa wakitoa wachoraji bora, lakini hawakuweza kuwa bora zaidi ya wale ambao walitoka katika mabara mengine. Kwa wakati huo walihitaji mtu bora ambaye angekwenda kuwawakilisha katika kinyang’anyiro kile na kupata heshima kubwa ambayo kila mtu alikuwa akiitamani.

Muda ulizidi kwenda huku kila mtu akiwa na hamu ya kumjua ni nani ambaye angekwenda kuwa mshidi katika kinyang’anyiro kile. Washiriki wote walikuwa wakitetemeka kwa hofu, kila mmoja alikuwa na wasiwasi huku akijuta kwa nini alichora michoro ile kwa sababu wote waliamini kwamba kama wangepewa nafasi nyingine zaidi, basi wangechora michoro mizuri zaidi.

“Our winner in this race is ....(Mshindi wetu katika kinyang’anyiro hiki ni.....)” Jaji mkuu alitangaza na kuanza kuinangalia kompyuta yake ndogo. Kila mtu ukumbini akabaki kimya akimsikiliza.

“A participant who is number 278, Patrick Innocent… (Mshiriki mwenye namba 278, Patrick Innocent...)” Jaji mkuu alitangaza.

Makofi ya shangwe yalisikika ukumbini hapo. Patrick akabebwa juu juu na wanafunzi wa shule ya Vanguard na kuanza kupelekwa mbele ya ukumbi ule. Watu waliokuwa na kamera wakaanza kumpiga picha Patrick ambaye wala hakupewa nafasi ya kukanyaga chini mpaka alipofikishwa mbele ya ukumbi ule.

Alisimama huku uso wake ukinyesha tabasamu pana, hakuonekana kuamini kama kweli alikuwa mshindi wa shindano lile. Patrick alikuwa ameweka historia na kutengeneza rekodi yake kwa kuwa mtu mweusi wa kwanza kwenda kuiwakilisha Marekani katika shindano kubwa la uchoraji wa dunia ambalo lilitarajiwa kufanyika nchini Ujerumani katika jiji la Hamburg.

Watu waliokuwa wakishughulika na mitambo, kwa haraka haraka wakaanza kumpiga picha Patrick na kuziweka katika mitambo. Kila aliyefungua Internet kwa wakati huo, aliziona picha zaidi ya hamsini za Patrick. Muda wote Patrick alikuwa akipunga mkono wake hewani na kutoa shukrani zake. Baada ya sekunde kadhaa, akakabidhiwa kipaza sauti.

CHANZO:  https://deusdeditmahunda.blogspot.com/

“This has been like a dream in my life, a dream that the entire period I was dreaming. I thank God in my life but I would also like to thank all the people who have cast their votes to me worthy. Surely I still remember in my life, that I promise that I will not fail you in Germany (Hii imekuwa kama ndoto maishani mwangu, ndoto ambayo katika kipindi chote nilikuwa nikiiota. Namshukuru Mungu katika maisha yangu lakini vilevile ningependa kuwashukuru watu wote ambao wamenipigia kura kwa kuniona nastahili. Hakika nitaendelea kuwakumbuka maishani mwangu, naahidi kuwa sitowaangusha nchini Ujerumani)” Patrick aliuambia umati ule.

Hivyo ndivyo shindano lilivyokwenda, kiasi cha shilingi bilioni mbili kwa fedha za kitanzania kilikwenda kwa Patrick huku wale washiriki wengine waliopata nafasi za juu juu wakipokea zawadi kadharika. Magazeti yote nchni Marekani yalikuwa yamechapisha habari ya lile shindano huku picha za Patrick zikipamba kila kurasa ya mbele ya magazeti yale.

Patrick akaanza kupata umaarufu nchini Marekani, ushindi ambao alikuwa ameupata wa kuweka historia na kuvunja rekodi ndio ambao ulimfanya kujulikana zaidi. Hata wale ambao hawakuwa wakimfahamu Patrick wakataka kumuona kwa macho yao. Watu wengi wakawa wanamiminika katika shule ya vipaji ya Vanguard kwa lengo la kumuona Patrick ambaye kadri siku zilivyokuwa zikizidi kwenda mbele na ndivyo ambavyo alizidi kujulikana

Sherehe kubwa ya kumpongeza Patrick ikaandaliwa. Muda wote Vanessa alikuwa karibu na Patrick, kila picha ambayo alipigwa Patrick, Vanessa alikuwa pembeni yake. Ilikuwa ni furaha kwa kila mwanafunzi wa shule ya Vanguard siku hiyo.

Spika zaidi ya thelathini zilikuwa zimefungwa katika ufukwe wa Paradise uliokuwa katika jiji la Miami. Watu walisherehekea kupita kawaida, walikunywa mpaka kusaza. Muda mwingi Patrick hakuonekana kuwa na furaha kama ambavyo alitakiwa kuwa kitu ambacho kilimfanya Vanessa kuuliza mara kwa mara.

“Kwa nini kila siku uko hivyo Patrick. Unaonekana mnyonge, hauna furaha....kwa nini?” Vanessa alimuuliza Patrick.

“Nitakuwa vipi na furaha Vanessa? Nitakuwa vipi na furaha na wakati Siwema hayupo pamoja nami mahali hapa? Najua kwamba nina mafanikio kwa sasa lakini sitokuwa na furaha sana mpaka nitakapokuwa pamoja na Siwema” Patrick alimwambia Vanessa.

Kila siku Patrick alikuwa akimfikiria Siwema, aliyaona mafanikio aliyoyapata kuwa si kitu. Siwema ndiye ambaye alionekana kuwa kila kitu katika maisha yake. Hakutaka msichana yeyote awe katika maisha yake zaidi ya Siwema.

Alijua kwamba alikuwa na fedha nyingi na za kutosha ambazo angeweza kutumia atakavyo maishani mwake lakini pasipo kuwa na Siwema, fedha hizo hazikuonekana kuwa kitu maishani mwake. Kila siku alikuwa akimfikiria Siwema ambaye alikuwa nchini Tanzania akiishi katika maisha ambayo hakuyapenda kabisa.

Alijiona kuwa na uhitaji mkubwa wa kurudi nchini Tanzania ambako huko angekwenda mpaka katika kijiji alichokuwa akikaa Siwema na kisha kumchukua na kuondoka nae kuelekea nchini Marekani. Hakutaka Siwema aishi kwenye maisha ya tabu tena, aitaka msichana huyo aishi katika maisha ya kifahari kama yake.

Wiki nzima ilikatika. Washiriki ambao walitarajiwa kushiriki katika shindano kubwa la uchoraji lililoitwa BEST PICTURES OF THE YEAR COMPETITION walitakiwa kujiandaa kwa ajili ya shindano hilo ambalo lilitokea kupendwa kuangaliwa katika vituo vya televisheni kuliko kipindi chochote kile.

“Nitachora picha tatu muhimu sana” Patrick aliwaambia wanafunzi na walimu wa Vanguard katika kipindi ambacho wote walikusanyika ukumbini.

“Nitachora picha za matukio makubwa mawili duniani na tukio moja ambalo lilitokea katika maisha yangu” Patrick aliwaambia.

Kila mtu alikuwa na hamu ya kutaka kuziangalia picha hizo ambazo ziliahidiwa kuchorwa na Patrick. Wakajiandaa kuangalia picha hizo ambazo kila siku Patrck alikuwa akizisifia kuwa nzuri kuliko picha zozote zile alizochora kabla ya siku hiyo.







*****









Watanzania walikuwa wakikusanyika katika sehemu za kupigia kura. Kila mtu alikuwa na hamu ya kumchagua yule mtu ambaye aliamini kuwa angeyaweka maisha yake kuwa katika uafadhali. Maisha yalikuwa magumu kwa Watanzania wengi.

Watanzania walionekana kuchoka, hawakuonekana kabisa kuutaka uongozi ambao ulikuwa madarakani. Kadri dakika zilipokuwa zinasonga mbele na ndivyo ambavyo watu walikuwa wakizidi katika vituo vya kupigia kura.

Mchakato wa kupiga kura uliendelea zaidi na zaidi mpaka kumalizika. Watu ambao hawakutaka wizi wa kura utokee, walikuwa wakiyalinda maboksi ya kuhifadhia kura kuliko kitu chochote kile. Uchaguzi ulifanyika na muda wa kuhtangazwa mshindi wa uchaguzi ule kutangazwa.

Jina la Hidifonce Mayemba likatangazwa kuwa mshindi kwa kupata kura zaidi ya laki mbili. Mitaani hakukukalika, watu wa wilaya ya Kinondoni hawakubaki majumbani, wakaanza kupita mitaani huku wakishangilia kwa shangwe.

Hivyo ndivyo kila kitu kilivyokuwa, Hidifonce Mayemba akachaguliwa na kuwa diwani. Mbele yake kulionekana kuwa na kazi kubwa ya kuhakikisha kufanya kila kitu ambacho alikuwa amewaahidi wananchi kukifanya kwa nguvu zote kwa ajili ya kuleta mabadiliko maishani mwao.

Ingawa kila siku alikuwa akijiona kuwa na mafanikio lakini hakuweza kumsahau Maria, kila siku alikuwa akimkumbuka japokuwa hakutaka kabisa kumpigia simu kwani aliamini kuwa watu wangefahamu na hivyo kupata skendo kwamba alikuwa na mtoto na wakati hakuwa ameoa.

Kila siku alikuwa akipitia pitia majina katika simu yake, alipokuwa akilifikia jina la Maria, alikuwa akiliangalia kwa muda. Alitamani kupiga simu lakini alisita kufanya hivyo. Ni kweli alipmenda sana Maria, lakini kwa upande mwingine alikuwa makini sana kwa kutokutaka skendo za aina yoyote ile.

Siku ziliendelea kukatika mpaka katika kipidi ambacho akamsahau kabisa Maria, hakumkumbuka kabisa na hii ilitokana na kazi kubwa ambayo alikuwa akizifanya usiku na mchana.

Miaka mitano ikapita, watu wakaonekana kuvutiwa na kazi zake alizozifanya na hiyo ndio ikawafanya kumchagua kugombania nafasi ya ubunge. Kwa Hidifonce ilionekana kuwa kazi kubwa lakini kwa kuwa alikuwa na watu ambao walikuwa wakimsaidia, alijipa moyo kwamba angeweza tu.

Uchaguzi katika mwaka huo ukafanyika, Bwana Mayemba akafanikiwa kuutwaa ubunge wa Kinondoni jambo ambalo lilionekana kumpa furaha kupita kawaida. Maisha yake yalizidi kubadilika na hatimae kuchaguliwa na kuwa Waziri wa Wanawake na Watoto.

CHANZO:  https://deusdeditmahunda.blogspot.com/

Kwa mara ya kwanza ambayo alimuona Bi Anna, akaonekana kuvutiwa nae, hakutaka kumkosa hata kwa nini. Alihitaji kufanya kila kitu ambacho alitakiwa kukifanya ili kumuweka mwanamke huyo katika mikono yake, ni kweli alimpata mpaka pale ambapo alikuwa akitarajiwa kufunga nae ndoa katika kanisa kubwa kuliko yote, Praise And Worship.

Kadi zilikuwa zimesambazwa katika kila sehemu na baada ya siku kadhaa, watu wakaanza kuelekea katika kanisa hilo kwa ajili ya kuangalia harusi hiyo ambayo ilikuwa ikitangazwa sana katika vyombo vya habari.





***********************************





Maria alionekana kuwa mgumu sana kumkubalia Jonas, bado moyo wake ulikuwa ukimkumbuka sana Hidifonce. Siku ziliendelea kukatika na hatimae kumkubalia Jonas na kufunga nae ndoa. Tukio hilo lilikuwa ni tukio kubwa ambalo lilibaki kuwa katika historia yamaisha yake.

Alimpenda sana mumewe, Jonas lakini kila alipokuwa akimuona binti yake, Natalia alikuwa akimkumbuka Hidifonce. Hidifonce alikuwa amekaa moyoni mwake sana na hii ilitokana na alama ya mtoto ambayo alikuwa amemuachia maishani mwake.

Miaka iliendelea kukatika mpaka kufikia katika kipindi ambacho akapata mtoto wa kwanza katika ndoa yake, huyu alikuwa wa kike ambaye yeye na mumewe walimpatia jina la Angelina. Mtoto huyu alionekana kuwa furaha sana katika familia hii, kila siku wanandoa hawa walikuwa wakikaa karibu kupita katika kipindi chote.

Mpaka katika kipindi ambacho Bwana Mayemba alikuwa akitangaza kuachana na ukapera miaka mitano iliyofuata, Maria alikuwa akiangalia taarifa hiyo ya habari. Moyo wa Maria ulimuuma japokuwa alijua fika kwamba alikuwa ameolewa na mwanaume ambaye aliyafanya maisha yake kuwa ya kitajiri sana.

Hakutaka kuendelea kubaki mkoani Kigoma, alihitaji kufanya kitu ambacho aliamini kuwa kingempa furaha katika maisha yake. Akapanga safari ya kuelekea jijini Dar es Salaam kwa ajili ya kuipinga harusi hiyo na kisha kurudi Kigoma na kuendelea na maisha yake.

Ni hapo ndipo alipoamua kwenda Dar es Salaam kwa ajili ya kufanya kile ambacho alikuwa amekikusudia kukifanya kwa wakati huo. Angani, aliiona ndege kwenda taratibu sana, alitamani kufika jijini Dar es Salaam haraka iwezekanavyo kwa ajili ya kuipinga harusi hiyo ambayo ilikuwa ikitangazwa sana katika vyombo vya habari.

“Nipeleke New Afrika Hotel” Maria alimwambia dereva teksi ambaye akampandisha na kuanza kumpeleka katika hoteli hiyo.

Maria hakutaka mtu yeyote hasa ndugu zake wafahamu kwamba alikuwa amekwenda jijini Dar es Salaam, kila kitu ambacho alikuwa akikitaka kukifanya kwa siri kubwa mpaka pale leng lake litakapokamilika.

Mara baada ya kufika hotelini, moja kwa moja akajipumzisha kitandani huku mawazo yakianza kufikiria mbali toka kipindi kile ambacho alikuwa pamoja na Hidifonce au Bwana Mayemba.

Usiku alipoamka, akachukua kitabu cha simu za mezani na kisha kuanza kuangalia namba za viongozi mbalimbali, alipoipata namba ya Bwana Mayemba ya simu ya nyumbani, akaanza kumpigia. Simu ilikuwa ikiita huku moyo wake ukiwa unamuuma kupita kawaida.

“Halooo...” Sauti nzito ya Bwana Mayemba ilikuwa ikisikika, Maria akajikuta akianza kutaasamu. Sauti ile ilikuwa imemkumbusaha maisha yake ya mbali sana, miaka mitano iliyopita. Moyo wake ukagawanyika, upande mwingine ulitamani kumwambia kile ambacho alikuwa amekusudia kumwambia lakini upand wake mwingine wa moyo wake wala haukutaka kufanya vile. Akaupiga moyo wake.

“Naongea na nani?” Sauti ya Bwana Mayemba ikasikika ikiuliza.

“Unanifahamu Mayemba. Ila kuna kitu nataka kukuambia” Maria alimwambia Bwana Mayemba.

“Kuna kitu unataka kuniambia! Kitu gani?” Mzee Mayemba alisikika akiuliza.

“Ni lazima nitaipinga harusi yako. Harusi haitofungika” Maria alimwambia Bwana Mayemba.

“Utapinga harusi isifanyike? Wewe ni nani na kwa nini unataka kufanya hivyo?” Mzee Mayemba huku sauti yake ikisikika kuwa na wasiwasi.

“Utanifahamu siku hiyo” Maria alisema na kukata simu.

Akarudi kitandani na kutulia. Mawazo yake bado yalikuwa yakimkumbuka Bwana Mayemba. Siku mbili zilipita na hatimae siku yenyewe kuwadia.

Maria alianza kupiga hatua kuelekea katika kanisa lile ambalo lilikuwa na idadi kubwa ya watu. Ulinzi mkubwa ulikuwa umeimarika kutokana na uwepo wa viongozi wa nchi pamoja na rais kanisani hapo. Maria akakifuata kiti ambacho hakikuwa na mtu yeyote na kisha kutulia.

Mara baada ya dakika kadhaa, maharusi wakaanza kuingia kanisani mule. Maria akajihisi akiumia moyoni mara baada ya kumuona Bwana Mayemba akiwa ndani ya suti nyeusi huku pembeni yake akiwepo mwanamke ambaye baada ya dakika kadhaa angekuwa mkewe.

Machozi yakaanza kumtoka Maria, alitamani nafasi ile ingekuwa yake na hivyo kuolewa na Bwana Mayemba. Mara baada ya maharusi kufika mbele ya kanisa mchungaji akaanza kuhubiri na kisha kuagiza pete ziletwe mahali pale.

“Kabla sijafungisha ndoa hii...kuna mtu ana sababu ya kuipinga harusi hii isifungike?” Lilikuwa swali ambalo lilimshtua Maria. Akayapeleka macho yake mbele ya kanisa. Bwana Mayemba alikuwa akionekana kuwa na wasiwasi mkubwa.

Machozi yakaanza kumtoka Maria, kila alipokuwa akimwangalia Bwana Mayemba na ndivyo ambavyo alikuwa akikumbuka maisha yake ya nyumba pamoja na Bwana Mayemba. Mara wakagonganishiana macho na Bwana Mayemba ambaye alikuwa akionekana kuwa na wasiwasi.

Machozi ambayo yalikuwa yakimtoka Maria yalikuwa yameloanisha mashavu yake. Kanisa zima lilikuwa kimya huku watu wakiangalia huku na kule kuona ni nani ambaye angesimama na kupinga ndoa hiyo. Maria akaanza kuinuka kitini taratibu kwa ajili ya kupinga harusi hiyo huku Bwana Mayemba akionekana kuwa na wasiwasi.







*****









Mishemishe ya kumwandaa Patrick kwa ajili ya kwenda nchini Ujerumani kushiriki shindano la uchoraji bado ilikuwa ikiendelea nchini Marekani. Kila siku Patrick alikuwa akitangazwa katika vipindi mbalimbali vya televisheni nchini Marekani. Jina lake likawa kubwa na kujulikana na watu wengi duniani.

Mtayarishaji wa kipindi cha mahojiano na masupastaa, Larry King akaamua kumuita Patrick na kumuhoji katka kipindi maalumu ambacho kilikuwa kikirushwa na kituo cha televisheni cha CNN ambacho makao yake makuu yalikuwa jijini Atalanta.

Kila mtu alikuwa akitaka kumuona Patrick ambaye alikuwa na mvuto kuliko mshindani yeyote, na hii ilitokana na jina lake ambalo lilikuwa likitangazwa mara kwa mara na picha zake kuwekwa mitandaoni. Kila mtu ambaye alikuwa akiziangalia picha zile alionekana kuvutiwa nazo na kujisemea kuwa Patrick alikuwa akistahili kuwa mshindi wa shindano lile lililopita.

Vituo vya televisheni vya nchini Uingereza, BBC na Sky News vilikuwa bize vikimtangaza mshindi wao katika bara la Ulaya aliyitwa Benard jnr. Benard alikuwa akitangazwa mara kwa mara na picha zake ambazo zilimpa ubingwa wa kuwa mchoraji bora barani Ulaya zilikuwa zikiwekwa katika mitandao mbalimbali.

Waingereza hawakutaka kushindwa, bado walielekeza nguvu zao kwa Benard ambaye alikuwa amechukua ushindi wa dunia katika uchoraji kwa mara mbili mfululizo. Waingereza walimtambua Benerd kama bingwa wao ambaye alistahili kuchukua ubingwa huo mpaka pale ambapo angejitoa katika mashindano hayo ambayo yalikuwa yakifanyika kila mwaka.

Kiwewe kiliwashika mara baada ya kuziona picha za Patrick ambazo zilikuwa zimempa ushindi. Kila muingereza hakuamini kama kuna mtu ambaye angeweza kuchora picha nzuri namna zile. Hakukuwa na mtu ambaye aliamini kama kweli picha zile zilikuwa zimechorwa kwa mkono wa mtu.

Waingereza wakazichukua picha zile na kuziweka katika kompyuta zao kwa ajili ya kuzichunguza kama kweli zilikuwa zimechorwa kwa mkoo wa mtu. Ingawa walitamani sana Benard achukue ubigwa ule kwa mara tatu mfululizo na kuweka rekodi lakini kwa jinsi picha za Patrick zilivyokuwa zikionekana, zilionekana kuwatia wasiwasi kupita kawaida.

Kila Muingereza alikuwa akizikubali kimoyo moyo picha zile ambazo kila aliyeziona duniani hakuamini kama zilikuwa zimechorwa kwa mkono wa mtu. Mioyo yao ilijikuta ikitamka kuwa Patrick alikuwa juu hata zaidi ya Benard wao ambaye walikuwa wakimwamini sana.

“Ulijisikiaje mara baada ya kutangazwa mshindi?” Bwana Larry King aliuliza.

“Nilijisikia furaha sana. Unajua kuweka rekodi na kuvunja historia ni kitu kizuri ambacho kila mtu anatamani kukifanya” Patrick alijibu.

“Kama unavyojua kwamba huko unapokwenda kuna wachoraji wengi wazuri, umejiandaa vipi kukabiliana nao?” Bwana Larry King aliuliza.

“Nimejiandaa vizuri. Ila katika hili ningependa kuwaambia watu kwamba picha ambazo nitazichora zitakuwa katika ubora ambao hakukuwa na mtu atakayetarajia” Patrick alisema.

Maneno yake hayo ndio ambayo yaliwafanya watu wote kuwa na hamu ya kutaka kuziangalia picha hizo ambazo alikuwa akizizungumzia. Hawakujua zingekuwa na ubora kiasi gani. Walijua kwamba alizichora picha nyingi nzuri ambazo zilikuwa na ubora wa juu, sasa walitaka kuziona picha hizo ambazo zilikuwa na ubora zaidi ya zile.

CHANZO:  https://deusdeditmahunda.blogspot.com/

Uongozi wa nchini Marekani ambao ulikuwa ukijihusisha na idara ile ya uchoraji ikaandaa watu wawili ambao walitakiwa kwenda pamoja na Patrick nchini Ujerumani. Mtu ambaye walimteua alikuwa mwalimu wake, Simon Marth pamoja msichana Vanessa ambaye Patrick alitaka kwenda nae katika sehemu yoyote alipokuwa.

Harakati za safari zikaanza huku Patrick akitumia muda wa masaa sita kuchora picha katika maktaba ya nyumbani kwa mchungaji Smith. Alikaa chumbani mule kwa masaa hayo ambako baada ya hapo, picha zile zilikuwa zimekamilika.

Aliziangalia kwa makini, akajikuta akitingisha kichwa chake juu na chini kuonyesha ni kwa jinsi gani hata yeye mwenyewe alizikubali. Akatoka chumbani mule na kwenda kumuita mchungaji Smith pamoja na mkewe, Bi Rachel na kisha kuwaonyeshea picha zile tatu ambazo alikuwa amezichora.

Kila mmoja alikuwa amezikubali na kumpa ushindi Patick katika kinyanganyiro hicho. Picha zile ambazo zilikuwa zimebeba matukio matatu makubwa zilionekana kuwa kali zaidi kuliko zile ambazo alikuwa amezichora katika shindano lile lililopita.

“Huyu ni mwanamke wa Kihindi ambaye ameshikwa na uchungu wa kujifungua. Picha hii nimeichora kama ukumbusho wa kumkumbuka mwanamke yule wa Kihindi ambaye alijifungulia hotelini nchini India na kufariki dunia” Patrick alimwambia mchungaji Smith ambaye aliiangalia vizuri picha ile, hakuonekana kuamini kama picha ile ilikuwa imechorwa.

“Hii ni picha ya pili. Ni picha ambayo niliichora nilipokuwa nimesoma kitabu cha Vetnam. Huyu unayemuona ni askari wa Kimarekani ambaye anaonekana amejeruhiwa vibaya katika vita hivyo. Pembeni unayemuona ni mkewe ambaye alikwenda hospitalini kumuona pamoja na mtoto wake mpendwa” Patrick aliwaambia huku akiwakabidhi zile picha.

“Hii ya tatu.....” Patrick akaanza kuiangalia picha ile kwa makini. Uso wake ukabadilika, hali ya huzuni ikaanza kuonekana usoni mwake. Ghafla tabasamu likaanza kuonekana.

“Huyu ndiye msichana ambaye ninampenda sana maishani mwangu. Hapa ni katika hatua yangu ya mwisho ya kumuacha porini. Huyu ni mimi na huyu ni yeye tuko kichakani usiku. Hii mianga ya tochi ambayo mnaiona ni ya watu ambao walikuwa wakitukimbiza. Hapa ndipo ambapo nilimpa ahadi ya kumrudia kijijini na kumchukua kabla ya kumuoa. Huyu ndiye Siwema nimpendae” Patrick aliwaambia.

Mchungaji Smith akaichukua picha ile na kuanza kuiangalia. Hakuamini kama Patrick angeweza kuchora picha ambayo ilikuwa na ubora kama ule. Aliweza kujichora mwenyewe pasipo kujikosea hata sehemu moja. Msichana ambaye alikuwa akijulikana kuwa kama Siwema alikuwa akionekana vizuri, uzuri ambao alikuwa akiuzungumzia Patrick ulikuwa ukionekana vizuri sana.

“Hii ni nzuri sana. Nimeipenda sana” Mchungaji Smith alimwambia Patrick.

Tayari siku ambayo alikuwa akitakiwa kuelekea nchini Ujerumani ikawadia. Watu zaidi ya elfu moja walikuwa katika uwanja wa ndege wakimuaga Patrick ambaye akaingizwa katika ndege ya kukodi na kuelekea nchini Ujerumani akiwa pamoja na Simon na Vanessa ambaye muda wote alikuwa pembeni ya Patrick.

“Najua tunakwenda kuchukua ubingwa....tutarudi Marekani na ubingwa” Mwalimu Simon alimwambia Patrick.



*******************************************





Hakukuwa na mtu ambaye alikuwa akimiliki utajiri mkubwa nchini Ujerumani kama alivyokuwa Bwana Khan Miloslovic ambaye alikuwa na asili ya Poland. Bwana Khan alikuwa akimiliki viwanda vingi vikubwa nchini Ujerumani, viwanda ambavyo vilikuwa vikitengeneza magari yaliyokuwa na thamani kubwa duniani.

Bwana Khan hakuonekana kuwa na wasiwasi na utajiri wake, kila siku fedha zilikuwa zikiingia katika akaunti yake ambazo zilimfanya kuwa tajiri wa ishirini kwa utajiri mkubwa. Kila mtu nchini Ujerumani alikuwa akimheshimu, Majumba yake makubwa na ya thamani yalikuwa yakilindwa na walinzi ambao walikuwa na bunduki muda wote.

Mzee huyu hakuonekana kuwa na furaha, muda mwingi alikuwa ni mtu wa majonzi, hali hii ilitokana na kupenda sana wanawake katika enzi za ujana wake. Alichukua wanawake mbalimbali ambao walikuwa wakizisujudia fedha zake. Msichana kwake hakuweza kukatiza, kila siku alikuwa akilala na wanawake tofauti tofauti mpaka pale ambapo alimpata msichana aliyeitwa Latifa ambaye alitokea nchini Ghana.

Latifa ndiye ambaye alimsababishia matatizo ya ulemavu ambayo alikuwa nayo baada ya kumgonga na gari katika kipindi ambacho walikuwa wamekorofishana.

Hatua ile ilimpelekea Bwana Khan kumuua Latifa kwa kumtumbukiza ndani ya pipa la asidi. Kuanzia kipindi hicho, Bwana Khan hakuonekana kuwapenda watu waliokuwa na ngozi nyeusi. Kila siku alikuwa akiwauwa watu hao kwa kuamini kwamba walikuwa na roho mbaya hata zaidi ya Latifa.

Watu wengi wenye ngozi nyeusi walikuwa wakiuawa nchini Ujerumani na miili yao kutupwa katika bahari Baltic. Matukio mbalimbali ya kuuawa watu waliokuwa na ngozi nyeusi yalikuwa yakiendelea kuongezeka nchini Ujerumani hali ambayo iliwapelekea watu kuandamana kwa kutaka watu ambao walikuwa wakihusika katika mauaji hayo kukamatwa na kupelekwa katika vyombo vya sheria.

Upelelezi ulikuwa ukizidi kuendelea kila siku lakini cha ajabu wale wapelelezi ambao walikuwa katika hata ya mwisho kukamilisha upelelezi walikuwa wakiuawa na miili yao kutupwa ndani ya bahari ya Baltic.

Serikali ya nchini Ujerumani ikaonekana kuchanganyikiwa, mauaji yale yalionekana kuwachanganya kupita kawaida. Watu ambao walikuwa wakiishi nchini Ujerumani wenye ngozi nyeusi walikuwa wakiishi kwa wasiwasi, mauaji yalikuwa yakiendelea kushamiri katika kila kona.

“Ich hasse schwarze Menschen (Nawachukia watu wenye ngozi nyeusi)” Hayo yalikuwa maneno ambayo yalikuwa yakitoka kwa Mjerumani mwenye roho mbaya, Bwana Khan.

Kitendo cha Patrick kuwa maarufu kilionekana kumuuzi kupita kawaida, hakuamini kama kuna mtu mweusi ambaye alistahili kuwa maarufu kupita kiasi, roho ya uuaji ikaanza kumuandama moyoni. Hakutaka kumuacha Patrick, ilikuwa ni lazima amuue.

Akaandaa watu wake ambao aliwatuma kwenda kumpokea Patrick katika uwanja wa ndege wa Hamburg na kisha kumpeleka katika mji wa Sassnitz kabla ya kumpeleka katika kisiwa kidogo cha Aland ambacho kilikuwa katika bahari hiyo.

Moja kwa moja vijana wake wakaanza kuelekea katika uwanja wa ndege wa Hamburg ambako baada ya kuwafahamu watu waliofika mahali hapo ambao walikuwa wamekuja kumpokea Patrick, wakawaweka chini ya ulinzi na kuwafungia katika gari lao walilokuja nalo na kisha wao kuelekea katika sehemu ya watu waliokuwa wakisubiri abiria waliokuwa wakishuka na ndege zilizokuwa zikiingia katika uwanja huo.

Saa moja kamili usiku, ndege ya kukodi ambayo alikuwa amepanda Patrick na wenzake ikaanza kuingia katika uwanja huo wa ndege. Kwa haraka haraka wakainuka na kuanza kupiga hatua kuelekea katika sehemu ambayo wala hakukuwa na mtu na kisha kuanza kujipanga upya.

Wala hazikupita dakika nyingi, Patrick, Vanessa na Simon wakaanza kuonekana wakiingia katika sehemu ile. Kwa mwendo wa haraka haraka pasipo kupoteza muda wakaanza kuwafuata na kujitambulisha kwao.

“Ila kuna kitu inabidi kifanyike” Votz aliwaambia.

“Kitu gani?”

“Kuna hoteli mbili zimeandaliwa. Moja ni kwa ajili ya washiriki na moja kwa ajili ya waliomleta mahali hapa. Hii imefanyika hivi kwa ajili ya usalama zaidi” Votz aliwaambia.

“Hakuna shaka” Simon alisema.

Patrick akachukuliwa na kuingizwa ndani ya gari, ingawa kwa mbali alikuwa akionekana kuwa na wasiwasi lakini upande mwingine wa moyo wake hakuonekana kuwa na wasiwasi. Alionekana kuanza kuwaamini watu hao ingawa wakati mwingine uaminifu wake ulionekana kuyumba.

Votz na wenzake hawakuonekana kuamini kama kazi ilikuwa ni rahisi namna ile. Walichokifanya kwa wakati huo ni kuchukua barabara ya Luberk na kuelekea katika mji wa Sassnitz, mji ambao ulikuwa ni kisiwa.

Kadri muda ulivyokuwa ukienda mbele na ndivyo wasiwasi ulivyoanza kumuingia Patrick, alijishangaa kwa nini hakuwa huru garini mule, alitamani kuuliza lakini kila alipotaka kufanya hivyo, aliamua kukaa kimya.

Gari lile likaanza kuingia katika eneo la nyumba moja kubwa ya kifahari. Watu zaidi ya ishirii waliokuwa na bunduki walikuwa wamesimama katia eneo la nyuma hiyo huku wakiendelea kuimarisha ulinzi mahali hapo.

Patrick akateremshwa na moja kwa moja kupelekwa katika chumba kimoja ambacho kilionekana kuwa na damu nyingi zilizoonekana kuganda ukutani. Chumba kile kilionekana kumtisha sana, amani yote ikatoweka, picha iliyokuwa ikionekana katika chumba kile ilionekana kumuogopesha.







*****





Kila alipotaka kusimama kwa ajili ya kuipinga harusi ile, Maria alijiona miguu ikikosa nguvu na kurudi chini. Machozi yake bado yalikuwa yameloanisha mashavu yake. Akabaki chini na kuinamisha kichwa chake chini na kuendelea kulia.

Bwana Mayemba akabaki akiwa na wasiwasi, akalirudia swali lake lile kwa mara ya pili na ya tatu, hakukuwa na mtu yeyote ambaye alikuwa amesimama kuipinga harusi ile. Vigelegele vikaanza kusikika kanisani mule, mchungaji akafungisha ndoa, Bwana Mayemba na Bi Anna wakawa mke na mume.







*****







Watanzania walikuwa na furaha sana kila siku ambazo Patrick alikuwa akitangazwa katika vyombo vya habari kuwa kama mchoraji ambaye alikuwa akitarajiwa kuiwakilisha Marekani katika kinyeng’anyiro cha uchoraji bora ambacho kilitakiwa kufanyika nchini Ujerumani katika jji la Hamburg.

Kila Mtanzania alikuwa akijivunia juu ya Patrick ambaye kadri siku zilivyokuwa zikizidi kwenda mbele na ndivyo ambavyo jina lake lilivyozidi kuwa kubwa zaidi na zaidi. Watanzania wengi wakaanza kuvaa fulana ambazo zilikuwa na picha za Patrick

Kila siku taarifa za habari nchini Tanzania zlikuwa zikitangaza mambo mbalimbali ambayo yalikuwa yakiendelea katika maisha ya Patrick. Patrick akaonekana kuwa lulu nchini Tanzania kuliko mtu yeyote yule. Walitamani Patrick angekuwa nchini Tanzania ambako angeanza kazi ya uchoraji na kuwa mchoraji mkubwa huku akiwa chini ya Watanzania.

Magazeti na vyombo mbalimbali vya habari vilikuwa vikimtangaza Patrick ambaye wengi walimuita uwa kijana wa maajabu ambaye alikuwa ameanza kuingiza kiasi kikubwa cha fedha katika kipindi kichache sana.

Kila Mtanzania alitamani Patrick ashinde katika kinyang’anyiro cha ubingwa wa dunia ambacho kilitakiwa kufanyika nchini. Sala zao zote zilikuwa kwa Patric kwani waliona kuwa hiyo ni nafasi kubwa ya kuweza kitangaza nchi ya Tanzania duniani kote.

CHANZO:  https://deusdeditmahunda.blogspot.com/





******







Bwana Mayemba hakuonekana kuwa na furaha, muda wote alikuwa mpweke huku akionekana kuwa na mawazo kupita kawaida. Ukumbini hakutulia, mara kwa mara macho yalikuwa yakiangalia katika kila kona kumtafuta Maria japokuwa alikuwa akifahamu kwamba hakumpa kadi iliyomruhusu kuwa ndani ya ukumbi ule.

Kitendo cha kumuona Maria ndani ya ukumbi ule kulimkumbusha mbali sana, hakuamini kama angeweza kumuona Maria katika harusi yake huku akionekana kuwa tayari kuipinga harusi ile kufanyika. Mawazo yake yakaenda mpaka katika kipindi ambacho aliambiwa kwamba ana ujauzito wake.

Akatamani kumuona mtoto ambaye alizaa nae, hakujua kama mtoto huyo alikuwa hai au alikuwa marehemu. Bwana Mayemba akataka kusikia kila kitu kuhusu Maria na mtoto wake, moyo wake kwa upande mwingine ukaanza kujuta kwa kitendo chake cha kutokuwasiliana na Maria kwa kipindi kirefu hali iliyoonekana kuwa kama alimtenga.

“Mbona uko hivyo mume wangu?” Bi Anna alimuuliza Bwana Mayemba.

“Niko vipi? Mbona kawaida tu” Bwana Mayemba alijitetea.

“Hapana mpenzi. Ninakufahamu vizuri sana, hauko hivyo, hiyo si kawaida yako” Bi Anna alimwambia mzee Mayemba.

“Kuna vitu vinanichanganya sana”

“Vitu gani?”

“Kuna ripoti sijaziandika halafu wiki hii inabidi niziwasilishe katika ofisi ya rais. Ni kazi kubwa sana ambayo inaniweka katika mawazo, anaweza asinielewe” Bwana Mayemba alijaribu kudanganya.

Bi Anna hakuongea kitu chochote kile, alibaki kimya huku akiendelea kumsikiliza Mc ambaye alikuwa akiendelea kutangaza. Muda ulikwenda zaidi na zaidi mpaka muda wa zawadi kufikia, maharusi wakapewa zawadi zao na kisha baada ya hapo muziki kuanza kupigwa na watu kusherehekea.

Mara baada ya sherehe ya harusi kumalizika ukumbini, moja kwa moja maharusi wakapelekwa hotelini ambako huko walicheza michezo yote kama wanandoa. Kila mmoja alionekana kumfurahia mwenzake kwa kile ambacho alikuwa amefanyiwa katika usiku huo.

Siku iliyofuata, safari ya kuelekea katika visiwa vya Madagaska kama sehemu ya fungate yao kuanza. Bwana Mayemba akarudi katika hali ya mawazo tena, bado alikuwa akimkumbuka Maria, moyo wake ulikuwa ukimuuma sana kila alipoyakumbuka matendo ambayo alikuwa amemfanyia mwanamke yule.

Mara baada ya kuteremka kutoka katika ndege, moja kwa moja wakachukua taksi ambay iliwapeleka mpaka katika hoteli ya kitalii ya nyota tano iliyoitwa Tasmania Palace. Wakachukua chumba ambacho tayari walikuwa wamekwishawekewa na kuingia kitandani.

Mchezo ambao ulikuwa umefanyika katika hoteli ya Travertine jijini Dar es Salaam ndio ambao ulikuwa umeanza kufanyika mahali hapo. Kitanda kilikuwa kikilalamika tu huku kila mmoja akitokwa na jasho kutokana na kazi nzito ambayo ilikuwa ikifanyika.

Baada ya masaa mawili, kila mtu alikuwa hoi, moja kwa moja wakainuka kutoka kitandani na kuelekea bafuni ambako wakaoga na kuelekea katika mghahawa kupata chakula cha usiku.







*****







Mwalimu Simon na Vanessa wakapelekwa katika hoteli ya Lochamm ambako wakaingizwa mpaka katika vyumba ambavyo vilikuwa vimeandaliwa kwa ajili yao. Kila mmoja alijisikia huru kuwapo mahali humo kwa kuamini kwamba kila kitu kilikuwa salama.

Baada ya nusu saa, mratibu wa mashindano yale, Bwana Petersen akafika hotelini pale na moja kwa moja kuanza kuelekea katika chumba ambacho alielekezwa huku akiwa pamoja na wasaidizi wake. Bwana Petersen akabonyeza kengele ya mlangoni na baada ya sekunde chache mlango ukafunguliwa.

Wakaingia ndani huku wakianza kuangalia huku na kule. Kila walipokuwa wakiangalia ndani ya chumba kile, hakukuwa na dalili ya kuwepo kwa mtu mwingine.

“Patrick alichukua chumba kingine?” Bwana Petersen alimuuliza mwalimu Simon.

“Alipelekwa hotelini kama mipango ilivyopangwa”

“mipango gani?”

“Ya kutaka washiriki kukaa katika hoteli moja waliyopangiwa” Mwalimu Simon alimwambia Petersen ambaye akaonekana kushtuka.

“Hoteli ambayo wote waliyopangiwa kukaa ni hoteli hii. Hamkuambiwa chochote na wapokeaji?” Bwana Petersen aliuliza.

“Ndio waliotuambia hiki tunachowaambia”

Kila mmoja akanekana kushtuka, hawakuamini maneno yale ambayo waliambiwa. Kitu walichokifanya ni moja kwa moja kuelekea mpaka katika sehemu ya mapokezi kwa ajili ya kuuliza. Washiriki wote walikuwa wamefika hotelini pale isipokuwa mshiriki mmoja, Patrick.

Wasiwasi ukaanza kuwaingia kwamba kulikuwa na kitu ambacho kilikuwa kinaendelea. Hali ya hatari ikaanza kuonekana, wakaonekana kuchanganyikiwa kupita kawaida.

Wakaanza kuwapigia simu wale watu ambao walikuwa wamewapa jukumu la kwenda kuwapokea Patrick, Simon na Vanessa. Simu zilikuwa zikiita lakini wala hazikupokelewa jambo ambalo lilionekana kumtia wasiwasi kila mtu.

Wakaamua kwenda nje ya hoteli ambako wakachukua magari waliyokuja nayo hotelini pale na kuanza kuelekea uwanja wa ndege. Bwana Petersen na wenzake wakaonekana kutokuwa na raha kabisa, tayari walionekana kuwa na tatizo ambalo lilikuwa limetokea.

Mara baada ya kufika uwanja wa ndege, wakaanza kuangalia huku na kule kuona kama wangeweza kuwaona watu ambao walikuwa wamewatuma kuja kumpokea Patrick na wenzake. Hakukuwa na mpokeaji hata mmoja ambaye alionekana mahali hapo jambo ambalo liliwafanya kutokuelewa sehemu ambayo alikuwepo Patrick.

Hali ikaanza kuonekana kuwa ngumu kwao, walichokifanya ni kupiga simu katika kituo cha polisi jijini hapo, Hamburg na moja kwa moja mapolisi kufika mahali hapo. Hawakujua ni kitu gani ambacho walitakiwa kuwaambia mapolisi.

“Wir haben zu beruhigen und sagen Sie uns, was passiert ist (Inabidi tukae chini mtuambie ni kitu gani kilichotokea)” Polisi aliwaambia.

Wote wakachuliwa na kupelekwa kituo cha polisi ambako walitakiwa kuelezea kila kitu ambacho kilikuwa kimetokea. Bwana Petersen alionekana kuchanganyikiwa, hakujua ni kitu gani ambacho alitakiwa kufanya kwa wakati huo.

Kwanza akaanza kuifikiria serikali ya Marekani ambayo ilionekana kuwa mwiba sana kwa wakati huo. Hakujua ni maelezo gani ambayo alitakiwa kutoa japokuwa yeye ndiye ambaya alikuwa amewatuma wale wapokeaji kwenda kuwapokea Patrick na wenzake.

“Ich denke, es ist Problem ( Nafikiri kuna tatizo)” Polisi aliwaambia mara baada ya kusikiliza maelezo yao.

Tayari kila mtu akaonekana kuwa na wasiwasi kwamba Patrick alikuwa amechukuliwa na watu ambao kazi yao ilikuwa ni kuwauwa watu waliokuwa na ngozi nyeusi ambalo lilikuwa likiongozwa na Bwana Khan pasipo kumfahamu.

Kitu walichokifanya ni kutoa taarifa katika serikali ya Marekani juu ya kile ambacho kilikuwa kimetokea. Taarifa ile ikaonekana kuwa kama mwiba mkali katika serikali ya Marekani, hawakuamini kile ambacho walikuwa wakielezwa kwa wakati huo.

Kwa haraka haraka pasipo kupoteza muda, wapelelezi watatu, Taylor, Filbert na Andrew kutoka katika kitengo cha upelelezi cha F.B.I wakatumwa kwenda nchini Ujerumani kwa ajili ya kufanya upelelezi kujua mahali ambapo Patrick alikuwa amepelekwa.

Ndege ya rais, Air force One ikawabeba wapelelezi hao na kuanza kuelekea nchini Ujerumani. Kutokana na mwendo wa kasi uliokuwa nao ndege hiyo, ni saa moja tu wakawa wamekwishafika nchini Ujerumani na kuelekea katika hoteli ya Gasthof.

“Tuanzie wapi?” Tylor aliwauliza wenzake.

“Kwanza uwanja wa ndege”

Wala hawakuwa na muda wa kupoteza, moja kwa moja wakaanza kuelekea uwanja wa ndege ili kuangalia mazingira jinsi yalivyo. Waliangalia kila kitu ambacho kilikuwa kinaendelea mahali pae, waliporidhika, wakaondoka zao.

“Kuna kitu nimefikiria” Taylor aliwaambia.

“Kitu gani?” Filbert aliuliza.

“Hapa Ujerumani kuna ubaguzi mkubwa wa rangi. Watu wengi huuawa na miili yao kupelekwa katika bahari ya Baltic kutupwa. Kwa nini tusingeanzia huko?” Taylor aliwaambia.

“Hiyo sawa sawa” Andrew aliitikia.

Moja kwa moja wakatoka nje ya hoteli ambako wakachukua taksi na kutaka kupelekwa Ruberk ambako huko wangekwenda mpaka katika ufukwe wa bahari hiyo.

CHANZO:  https://deusdeditmahunda.blogspot.com/

Safari ikaanza huku kila mmoja akiwa na bunduki yake, tayari wasiwasi ukaonekana kuwashika, hawakuamini kama wangeweza kumpata Patrick pasipo kutumia bunduki. Safari yao iliwachukua nusu saa, wakafika katika mji huo ambako wakaonganisha mpaka ufukweni.

Wakaanza kuangalia katika ufukwe ule kuona kama wangeweza kuona kitu chochote, hakukuwa na mtu yeyote yule zaidi ya walinzi ambao walikuwa wakionekana kulianda maeneo kadhaa ya hoteli ambazo zilikuwa zimejengwa pembezoni mwa bahari.





******************************







Patrick alibaki ndani ya kile chumba huku akitetemeka, hakuamini kama angeweza kutoka ndani ya chumba kile sala. Picha halisi ya chumba kile bado ilikuwa ikimtisha kupita kiasi, muonekano wa damu ambazo zilikuwa zimeganda ukutani zilizidi kumuogopesha.

Baada ya dakika kadhaa, Bwana Khan akaingia ndani ya chumba kile huku akiwa katika kiti chake cha mataili. Uso wake ulionekana kuwa na hasira kupita kiasi. Kila alipokuwa akimwangalia Patrick ambaye alikuwa akitetemeka na ndivyo ambavyo hasira zake zilivyozidi kuongezeka zaidi na zaidi.

“Nimfanye nini huyu mbwa?” Bwana Khan aliuliza huku akionekana kukasirika zaidi.

“Chochote tu utakacho bosi”

Bwana Khan akamwangalia vizuri Patrick, hasira zaidi zikampanda. Hakutaka kumuon mtu yeyote aliyekuwa na ngozi nyeusi mbele yake, aliwachukia watu hao kuliko kitu chochote katika maisha yake. Kitu alichokifanya kwa wakati huo ni kuwaambia vijana wake wamchukue Patrick na kumpeleka katika kisiwa kilichokuwa na wanyama wakali cha Rugen kilichokuwa katika bahari ya Baltic.

Patrick akachukuliwa na kutolewa nje ambako akaingizwa garini na vijana watatu kuingia pamoja nae. Amri ambayo ilikuwa imetolewa ya kuuawa ilikuwa ikimuogopesha sana Patrick. Akaanza kukumbuka maisha yake ya nyuma, toka siku ya kwanza aliponusurika kuuawa mpaka siku hiyo.

Hakuamini hata siku moja kwamba alikuwa akiuawa katika nchi ya ugeni. Alibaki akilia tu. Kuuawa pasipo kumuona Siwema kwa mara nyingine kulionekana kumuumiza kupita kawaida. Moyo wake ukaanza kujuta kwa hatua yake ya kukubali kuelekea nchini Marekani ambako ndiko ambako matatizo yalipoazia.

Wakafika katika ufukwe wa bahari ya Baltic ambako wakakutana na walinzi kadhaa, wakawapa fedha kiasi kikubwa cha kutosha. Walinzi hawakuwa na jinsi, fedha zikaonekana kuwalevya kupita kawaida. Wakawaruhusu vijana wale wachukue boti na kisha kuanza kuelekea katika kisiwa cha Rugen ambacho hakuruhusiwa mtu yeyote kuingia humo kutokana kuwa na wanyama wakali.

Wala hawakuchukua dakika nyingi, wakafika katika kisiwa hicho ambacho kilikuwa na miti tu iliyotengeneza msitu mkubwa. Wakateremka na kuanza kumpeleka Patrick katikati ya kisiwa kile. Milio kadhaa ya wanyama ilikuwa ikisikika mahali hapo hali iliyowafanya kuweka vizuri bunduki zao.

Waichokifanya kwanza ni kuyararua mavazi ambayo alikuwa ameyavaa Patrick na kisha kumuacha kama alivyozaliwa. Walitaka kumuua kifo cha aibu ambacho angekikumbuka mpaka siku ambayo angesimama mbele ya hukumu.

Wakachomoa bunduki zao na kisha kumlaza chini. Patrick alikuwa akilia huku akijaribu kuomba msamaha. Hakukuwa na mtu yeyote ambaye alimuelewa, wakachukua bunduki zao na kisha kujiandaa kumfyaulia.

“Tunaanzia miguuni, tunaelekea kiunoni, tumboni mpaka kifuani” Waliambiana huku Patrick akizidi kulia.







*****









Taarifa za kutekwa kwa Patrick zilikuwa za siri sana lakini siri hiyo ikaonekana kuwa si siri tena hasa mara baada ya watu kuufahamu ukweli na kila kitu ambacho kilikuwa kinaendelea nchini Ujerumani. Magazeti ya nchini Marekani kama New York Times na magazeti mengine yalikuwa yametoa taarifa hiyo ambayo ilionekana kumtetemesha kila aliyekuwa akiisoma.

Wamarekani hawakuamini kile ambacho kilikuwa kimetokea nchini Ujerumani, kitendo cha kutekwa kwa Patrick kilionekana kuwa kitendo kilicholeta aibu kuliko tukio lolote lililowahi kutokea. Kila Mmarekani akaonekana kuchukia, hawakutaka kusikia kitu chochote kutoka katika Serikali ya Ujerumani zaidi ya kumtaka Patrick wao.

Wamarekani hawakutulia nchini kwao, muda wote walikuwa kwenye mishemishe za hapa na pale huku hata baadhi yao wakidiriki kuandamana huku mabango ambayo yalikuwa yakionyesha dharau kwa serikali ya Ujerumani yakiwa yameshikwa vizuri.

Waandishi wa habari hawakuwa mbali, kila kitu ambacho kilikuwa kinaendelea nchini Marekani kilikuwa kikirushwa moja kwa moja katika vituo mbalimbali nchini humo ambavyo vilirusha matangazo hayo katika nchi mbalimbali duniani.

Dunia ikaonekana kushtuka mara baada ya kuangalia habari ile, kitendo cha kutekwa kwa Patrick na kutokupatikana kilionekana kumshtua kila mtu. Kila mtu alikuwa akijiuliza juu ya Serikali ya Ujerumani, kwa nini hawakutaka kuhakikisha ulinzi kwa Patrick mpaka kutekwa na watu wasiojulikana?

Kila walipofikiria kwamba kulikuwa na mauaji ya kimya kimya ya watu waliokuwa na ngozi nyeusi, kila mtu alionekana kuogopa kwa kuona kwamba hata Patrick alikuwa ameingia katika mkumbo huo. Maneno mbalimbali yalikuwa yakiongelewa na Serikali mbalimbali duniani juu ya tukio hilo ambalo lilikuwa limetokea.

Waziri mkuu wa Ujerumani hakutaka kulifumbia macho suala hilo, kitu alichokifanya ni kuitisha mkutano na waandishi wa habari na kuanza kuzungumzia suala hilo kwa kuahidi kwamba ndani ya masaa arobaini na nane, Patrick atakuwa amepatikana.

Msako ukaanza katika kila kona, kutekwa Patrick kilionekana kuwa kitendo kilichowafanya kudharaulika kupita kiasi, sekta yao ya ulinzi ikaanza kupondwa kupita kawaida. Nchi ya Ujerumani ikaonekana kuwa na ulinzi feki ambao wala haukutakiwa kuaminika hata mara moja.

Nchini Tanzania kulionekana kuwa balaa, watu zaidi ya elfu mbili walikuwa wakiandamana barabarani huku wakiwa na mabango mbalimbali. Nchi ya Ujerumani ikaonekana kupoteza uaminifu katika sekta yake ya ulinzi. Watanzania wakaanza kwenda katika ubalozi wa Ujerumani, walionekana kukasirika sana juu ya kile ambacho kilikuwa kimetokea.







*****







Mara baada ya kumaliza kila kitu moja kwa moja wakaanza kuelekea katika mghahawa ambako wakaagiza chai na kuanza kunywa. Watu mbalimbali walikuwa katika mgahawa huo wakipata chai ya asubuhi. Walikuwa wakiendelea kunywa chai huku wakiwa na mipango ya kutoka na kwenda katika mbuga ya wanyama Ambilobe ambayo ilikuwa upande wa kaskazini wa kisiwa hicho.

Muda wote Bwana Mayemba na Bi Anna walikuwa wakiangaliana huku kila mmoja akiojaribu kumuonyeshea mwenzake tabasamu pana. Bwana Mayemba akaonekana kutokuridhika, akaupitisha mkono wake kwa chini na kuushika mkono wa mkewe, Bi Anna hali iliyomafanya kutoa kicheko cha chini.

“This is bullshit. Everything changes, they always kill us, they dont love us anymore. I hate white people (Huu ni upumbavu. Kila kitu kimebadilika, kila siku wanatuua, hawatupendi kabisa. Ninawachukia watu weupe)” Mwanaume mmoja alisikika akisema kwa sauti kubwa katika mgahawa ule huku akiwa ameshika gazeti.

Watu wote waliokuwa ndani ya mgahawa ule wakageuka na kuanza kumwangalia mwanaume yule ambaye alionekana kukasirika kupita kawaida. Wazungu ambao walikuwa katika mgahawa ule wakaonekana kushtuka zaidi, hawakuamini kuwa maneno kama yae yangetoka kinywani mwa mtu yeyote kwa wakati huo.

Kila mtu akaanza kusogea katika meza ile ambayo alikuwa amekaa mwanaume yule ambaye alikuwa ameondoka. Macho yao yakakutana na picha ya Patrick huku maneno makubwa yaliyosomeka WILL HE BE KILED?(ATAUAWA?) huku picha ya Patrick ikiwa mbele kabisa ya gazeti lile.

Gazeti ile lilielezea kila kitu ambacho kilikuwa kimetokea. Kila mtu ambaye alikuwa akiisoma habari ile alisikitika, hawakuamini kama Patrick yule ambaye alikuwa amejipatia umaarufu mkubwa katika uchoraji ndiye ambaye alikuwa ametekwa na muda wowote angeuawa.

Kila mtu alikuwa akiliangalia lile gazeti, wote walipomaliza kuliangalia, Bwana Mayemba akasimama na kuanza kupiga hatua kuelekea katika meza ile na kisha kulichukua gazeti lile na kurudi nalo mezani. Akaanza kuiangalia habari ile huku picha ya Patrick ikionekana vizuri katika ukurasa wa mbele.

Bwana Mayemba akaanza kuiangalia picha ile na habari ile ambayo ilikuwa imeandikwa, akatikisa kichwa chake upande wa kushoto na kulia, alionekana kusikitika. Bi Anna alikuwa akiendelea kunywa chai huku akimwangalia mume wake ambaye alionekana kuwa katika hali ya masikitiko.

“Wazungu watu wa ajabu sana. Wamemteka kijana huyu wa kiafrika. Inasemekana wanaweza kumuua” Bwana Mayemba alimwambia mkewe.

“Kijana yupi?” Bi Anna aliuliza huku akiendelea kunywa chai.

“Huyu kijana mchoraji. Kwani wewe hujawahi kusikia habari zake?” Bwana Mayemba aliuliza huku akiwa amelishikilia gazeti lile.

“Hapana”

CHANZO:  https://deusdeditmahunda.blogspot.com/

“Huyu kijana ni Mtanzania aliyepelekwa nchini Marekani. Akawa anachora sana. Amebahatika kuiwakilisha nchi ya Marekani katika mashindano ya dunia. Alipofika nchini Ujerumani, akatekwa na watu wasiopenda ngozi nyeusi” Bwana Mayemba alielezea.

“Masikiniiiii...yaani bado ubaguzi wa rangi unaendelea?”

“Ndio. Anaonekana kuwa kijana mzuri sana. Anaitwa Patrick. Anaonekana kuwa Mtanzania halisi” Bwana mayemba alimwambia Bi Anna.

“Nimefurahi sana. Jina lake limenikumbusha marehemu mtoto wangu” Bi Anna alimwambia.

“Pole sana mke wangu. Ila amefanana sana na wewe. Yaani hadi jina lake la pili linafanana na jina la marehemu mume wako. Anaitwa Patrick Christopher” Bwana Mayemba alimwambia mkewe.

Bi Anna akaonekana kushtuka, mfanano ambao alikuwa amepewa juu yake na Patrick pamoja na mfanano wa jina la pili ukaonekana kumshtua. Akashikwa na shauku ya kutaka kuliangalia lile gazeti. Akanyoosha mkono na kulichukua lile gazeti kutoka mikononi mwa mumewe, akayapeleka macho yake katika picha ile.

Bi Anna akashtuka, mapigo yake ya moyo yakaanza kwenda kasi, hakuamini picha ile ambayo alikuwa akiiangalia mbele yake. Kijasho chembamba kikaanza kumtoka. Ilikuwa ni sura ya Patrick ambayo ilikuwa ikionekana katika gazeti lile, picha ya mtoto wake ambaye alipotezana nae muda mrefu uliopita.

Taarifa ile ambayo ilionekana katika gazeti lile ikaonekana kumtisha kupita kawaida, hakutarajia kama angeweza kuiona picha ya kijana wake sehemu yoyote ile kwani kitu alichokuwa akikijua ni kwamba alikuwa marehemu kwa wakati huo.

Machozi yakaanza kumlenga na baada ya muda yakaanza kumtoka na kuyaloanisha mashavu yake laini. Bwana Mayemba akaonekana kushtuka, hakujua sababu iliyomfanya mkewe mpenzi kuwa katika hali ile. Akamsogelea karibu.

“Kuna nini mke wangu?” Bwana Mayemba aliuliza.

“Mtoto...mtoto wangu...” Bi Anna alisema, hapo hapo akaanguka chini kama mzigo.







*****





Muungurumo wa boti iliyowashwa ikaonekana kuwashtua wapelelezi ambao walikuwa mahali hapo, ufukweni. Kwa haraka haraka wakaanza kupiga hatua kuelekea kule ambako muungurumo wa boti ile uliposikika. Walinzi wawili wa hoteli ya Hugzifrey walikuwa wamesimama wakiiangalia boti ile huku mikononi mwao wakiwa wameshika fedha ambazo walikuwa wamehongwa.

Mara baada ya walinzi wale kuwaona wapelelezi wale wakija huku wakiwa wamevalia suti nyeusi, wakaonekana kuogopa kwani walijua kwamba tabia yao ya kuwaruhusu watu kuingia katika bahari ile usiku ilikuwa imejulikana.

“wer sind diese? (Wale ni nani?)” Mpelelezi Taylor ambaye alikuwa akikifahamu sana Kijerumani aliwauliza walinzi wale.

“Wir wissen nicht. Sie kamen hierher und bat um unser Boot, wir gaben ihnen (Hatuwajui. Walikuja hapa na kutaka boti yetu, tukawapa)” Mlinzi alijibu huku akitetemeka.

Wapelelezi wale hawakutaka kuendelea kuuliza maswali zaidi, moja kwa moja wakaanza kuifuata boti nyingine ambayo ilikuwa mahali pale na kuingia. Walinzi walikuwa wakitetemeka kwa kujua kwamba watu wale walikuwa wametoka katika serikali ya Ujermani kutokana na kutowaona vizuri usoni.

Taylor na wenzake walikuwa wakiendesha boti kwa kasi kubwa, boti ile ambayo walikuwa wakiifuatilia walikuwa wakiiona kwa mbali sana. Waliendelea kuifuatilia zaidi na zaidi mpaka walipofika ufukweni katika kisiwa kile cha Rogen na kuteremka.

Sauti za wanyama wakali zilikuwa zikiendelea kusikika mahali hapo, wakaandaa silaha zao tayari kwa chochote kile ambacho kingeweza kutokea mahai hapo. Walizidi kwenda mbele zaidi huku lakini hakukuwa na mtu yeyote ambaye alionekana.

Hawakujua ni mahali gani watu wale walipokuwa. Hawakukata tamaa, bado waliendelea kusogea mbele zaidi na zaidi. Hawakuamini macho yao mara baada ya kufika katika eneo moja ambako wakakuta damu zikiwa zimetapakaa mahali hapo.

Wakaangalia katika eneo lile, nguo za Patick zilikuwa zipo chini huku damu zikiwa zimetapakaa katika nguo zile. Kila mmoja akaonekana kushtuka kupita kiasi. Kila walipokuwa wakiangalia katika kila upande, hakukuwa na mtu yeyote zaidi ya zile nguo za Patrick zilizokuwa na damu ambayo iliwafanya kuona kwamba Patrick alikuwa ameliwa na wanyama wakali.



*********************************************





**** Je nini kitaendelea?





**** Je Patrick ameuawa kisiwani hapo?

CHANZO:  https://deusdeditmahunda.blogspot.com/



***** ITAENDELEA