SHIDA - 5

 

Simulizi : Shida

Sehemu Ya Tano (5)





lipoishia jana..



Simu ya Ally tall iliita mpaka ikakata bila kupokelewa, akajalibu tena hali ikawa ile ile

"Hebu mpigie wewe labda anaogopa kupokea simu yangu" akasema Dokta

Kila aliyejaribu kumpigia simu ya Ally tall iliita bila kupokelewa na walipojalibu kupiga za wengine nazo majibu yakawa hayo hayo hazikupokelewa



Songa nayo sasa…

CHANZO:  https://deusdeditmahunda.blogspot.com/



"Hivi inawezekana Ally asipokee simu yangu? Hapana, au keshanisaliti kwa vipesa kidogo vya huyu bwana mdogo?" aliwaza sana

"Dokta haina haja ya kusumbuka, Iguguno sio mbali, naomba tupande gari tuwafatilie huwezi jua nini kimetokea huko?" akashauri mmoja wa wale vijana

Wazo lile likaonekana jema na pale pale safari ikafungwa kuelekea Iguguno kuwafatilia vijana wale walioenda kuwakamata akina Shida



* * * *



Baada ya kutembea zaidi ya kilometa kumi na tano wakaona basi limepaki njian

Walipolifikia wakasimamisha gari, cha ajabu wakakuta damu nyingi sana zimezagaa pale chini

Nyuma ya lile basi wakashangaa kukuta gari yao waliyokuwa wametumia wale vijana aliowatuma kuwateka akina David

Walipolikimbilia wakashangaa zaidi kukuta miili ya wenzao ikiwa imelala chini ikiwa haina uhai na risasi kadhaa zikiwa zimeihalibu miili ile

Kila mtu alistaajabu ikabidi warudi kwenye lile basi na kukuta watu wote wakiwa wamelala chini huku wengine wakiwa wameuawa na wale walioko hai wakiwa uchi wa mnyama

"Nyie vipi? Nini kinaendelea hapa?" akasema Dokta

Wale waliokuwa kwenye basi wakajua bado wale majambazi hawajaondoka na wapo pale ili kuwamalizia hivyo wakazidi kujichimbia chini ya viti

"Acheni ujinga, amkeni haraka mkae kwenye viti" akafoka Dokta

Wale watu wakaanza kunyanyuka mmoja baada ya mwingine ila kwa tahadhali kubwa sana.

Cha kwanza walichokifanya ni kila mmoja kukimbilia nje kuchukua nguo yake ili avae

Mtafaruku uliotokea pale si wa kitoto hasa pale watu walipokuwa wakivaa nguo za wengine

Baada ya muda kila mtu akawa amekwisha kuvaa na kuwa sawa ndipo mijadala ikazuka na Dokta akapata taarifa ya kilichotokea.

"Sisi tulifika hapa na kukuta magogo kadhaa yamelazwa hapo na wakati tunashangaa wakatokea vichakan vijana kama kumi na kutuweka chini ya ulinzi, wakati wakianza kutushughulikia ndipo likatokea hilo gari hapo nyuma,hawa watekaji wakagawana na wengine wakalifata hilo gari, hapo ndipo tuliposikia risasi zikirindima na hawa waliokuwa humu ndani wakatoka na kwenda kuwasaidia wenzao,walipigana kwa muda mrefu mimi nilikuwa nachungulia dirishani nikaona wenzao na wale wa lile gari la nyuma wawili wakikimbilia vichakan, hao vijana walipoona wenzao wanakimbilia vichakani wakawashambulia na muda huo huo ndipo hawa waliotuteka wakawamalizia" alihitimisha maelezo

"Kwa hiyo walielekea vichaka gani?" akauliza Dokta

"Walikimbilia kichaka kile" akaelekeza

Dokta na wenzake wakaanza kuelekea kwenye kile kichaka walichoelekezwa

Walikutana na damu nyingi sana eneo lile na walipoingia ndani ndipo wakakutana na mwili wa mtu umepigwa risasi nyingi sana

Walipougeuza ulikuwa mwili wa David, Dokta nguvu zikamwishia

"Mwanangu David!" aliumia sana kumuona mwanae kauawa kinyama vile



* * * *

Baada ya wale watekaji kuwaua vijana wa Dokta wote, walielekea kule kichakani kuwamalizia wale walioonekana wakiingia kule

Walipofika walimkuta Shida kajikunyata kama kinda la ndege na David akiwa chini tayali akiwa ameshaaga Dunia.

Mmoja wao alikoki bunduki yake kwa lengo la kutaka kummaliza Shida ila aliyeonekana mkuu wao akamzuia

"Subiri anaonekana kama si mmoja wao? Mbona hakuonesha upinzani na kajificha muda wote wa mapambano?" akauliza yule aliyeonekana mkuu wao

Wakambeba Shida na kuelekea barabarani

"Itabidi tuondoke kwa sababu tumeshatumia muda mrefu hapa na polisi wanaweza kuwasili muda wowote" akatoa maagizo tena yule

Hawakuwa na sauti mbele ya yule mkuu wao, walimbeba Shida na safari yao ikaishia kwenye kijiji cha jilani na pale Iguguno na huko walikuwa wamepaki gari yao.

Wakapanda gari na safari ikaanza kuelekea Nzega.

Walifika Nzega jioni na kuunganisha kuelekea Tabora mjini

Walifika Tabora mjini usiku wa saa tano kutokana na gari yao kwenda kwa mwendo wa taratibu sana

"Tuonane kesho, windo ni langu" aliongea yule kiongozi wao

Kila alichokuwa akikiongea kwao ilionekana kama agizo ambalo halihitaji mjadala

Aliwashusha nje kidogo ya mji wa Tabora maeneo ya Isevya na kisha yeye akaendesha gari yake kuelekea mjini Tabora

Aliingia eneo la Kanyenye kwenye nyumba yake mlinzi akamfungulia geti na akaingiza gari yake

"Jisikie huru sana hapa binti," akasema jamaa

Sura ya huyu jamaa ilikuwa ya kutisha sana,umbo lake lilijengeka kimazoezi sana

"Naitwa Ally" alijitambulisha

Muda huo wote Shida alikuwa hajui hatima yake ni nini ila alitulia bila kuleta fujo ili ajue hatima yake

"Chumba chako cha kulala kitakuwa hiki,utafanya chochote unachotaka ila kwa sharti moja pekee,hautaruhusiwa kututoloka kwa namna yeyote ile na utafanya chochote kile tutakachokuamrisha" Ally aliMweleza Shida.

Usiku wa siku hiyo ulikuwa mgumu sana kwa Shida,alijalibu kutfuta sehemu inayoweza kumsaidia kutoloka ila ikakosekana.

Alijalibu kuwafikilia majambazi hawa ila hakupata jibu la wanachowaza juu yake, ila akili yake yote ilimtuma kuwa wanataka kumgeuza mke wao

CHANZO:  https://deusdeditmahunda.blogspot.com/

Kila alipokumbuka maisha yake yalipopitia hasa kuanzia kubakwa na baba yake aliumia sana

Kesho yake asubuh alipewa kifungua kinywa na kisha jamaa akamchukua na kumtembeza kwenye sehemu mbalimbali za mji wa Tabora

Baada ya kupitishwa kila mahali alirudishwa nyumbani

"Naomba uwe na aman, hakuna atakayekufanyia kitu kibaya hapa,ilimradi usituchokoze na pale tutakapokupa kazi ya kufanya uifanye kwa uaminifu" alipewa tena maagizo

Hakuna kilichomuumiza kichwa kama kutokufaham hawa jamaa wanania gani naye?

Siku zilizidi kukatika huku Shida akipelekwa sehemu mbalimbali za mji huu ili auzoee.

Alilishwa vizur na kununuliwa kila aina ya nguo aliyoitaka.

Shida akapendeza, akavutia na ule uzuri wa mama yake Amina ukajitokeza kwake.

Kila baada ya siku chache wale jamaa waliondoka usiku na kurudi asubuh au siku inayofata wakiwa na vitu vingi sana walivyopora

Kitendo cha kuishi na majambazi kilimtisha Shida ila alifurahia ule wema waliomuonesha.

"Tunaomba ujiandae kesho na wewe ndo utaingia kazini, ninachokuomba ujitahidi kuondoa uoga, ukikamilisha hiyo kazi ya kesho tutakulipa milioni mbili" aliambiwa

"Lakini Ally nimeshakubali kuwa nitafanya kazi, kwa nini usiniambie aina yenyewe ya kazi?" akaomba Shida

"Utaijua wakati ukifika,cha msingi jitahidi kuondoa uoga na utafanikiwa,tena ukishazoea utatajilika sana na kazi yenyewe sio ngumu" akasema Ally

"Sawa ila naomba japo unidokezee aina yenyewe ya kai" akaomba Shida

"Wakati ukifika utajua" akajibiwa na Ally akaondoka

Siku hiyo nzima Shida alishinda akiwa hana raha kwa sababu alikuwa akifikilia kazi anayopaswa kufanya siku hiyo

Kesho yake jioni wale vijana walimchukua Shida na kumpeleka saloon akatengenezwa kwa style wanayotaka wao

Shida alipendeza sana kiasi kwamba kila mwanamme aliyemuona alimtaman

Baada ya hapo wakaelekea nyumbani na kumpatia nguo alizopaswa kuvaa

Shida alipoingia chumbani na kuzivaa alishangaa

Ilikuwa gauni fupi sana inayoishia juu kabisa ya mapaja yake,alishangaa kazi anayopaswa kufanya na nguo ya aina ile!Baada ya kumaliza kuvaa ile nguo alijiangalia kwenye kioo kilichokuwa pale chumbani na kujishangaa ila kwa sababu aliwafaham wale jamaa walivyokatili akaamua kunyamaza na kufanya kama wanavyotaka.

Alitoka pale chumbani na kuelekea sebuleni ili kuungana nao.

"Umependeza sana Shida, naomba kuanzia sasa ubadilishiwe jina" akasema Ally

"Kwa nini nibadili jina?" akauliza

"Kwa sababu hilo jina lako halina mvuto katika kazi yetu" akajibiwa

"Kwa hiyo unahitaji niitweje?" akauliza

"Utwaitwa Clay na kabila lako ni Mmakonde" akasema Ally

"Poa haina shida" akajibu

"Tafadhali usije ukasahau hilo jina, narudia tena Clay" akasema tena Ally

"Usijal kamanda" akajibu



**********





Pale pale wakatoka na kuelekea kwenye gari na kupanda, hiyo ikiwa saa kumi na mbili jioni.

Walielekea Orion Hotel pale Tabora kalibu na steshen ya gari moshi pembeni ya chuo cha ualimu cha Tabora

Walipaki gari yao nje na kusubiri kwa muda

"Kuna mtu tunamuhitaji na hatuwezi kumpata bila wewe" akasema Ally

"Una maana gan?" akauliza Shida

"Nafikili unafaham kazi tunayoifanya sisi?" akauliza Ally

"Ndiyo naifaham" akajibu Shida

"Kuanzia leo umeingia kwenye ushilika na hatuhitaj swali katika hilo wala mjadala ila kazi yako itakuwa tofaut kidogo" akasema tena Ally

"Nakusikiliza" akasema Shida

"Tunataka ufanye kadri ya uwezo wako umshike huyu jamaa na baada ya hapo akitaka kuchukua chumba ukatae kwa sababu tumeshafanya uchunguzi na kugundua familia yake imesafiri basi tunahitaji umbembeleze akupeleke kwake na sisi tutamaliza kazi" akasema Ally

Ghafla wakati Shida akitaka kuongea wakamuashiria anyamaze na ikapita Prado nyeupe na kuingia pale hotelin huku akina Ally wakiiangalia kwa makini

"Kazi imeanza, shuka na uende na kukaa kalibu na atakapokaa jamaa aliyepo kwenye hiyo Prado na ujitahidi kumtega mpaka aingie laini na sisi tutakuwa tunawasiliana kupitia hii simu" akasema Ally akimpatia simu aina ya Nokia AshaCHANZO:  https://deusdeditmahunda.blogspot.com/

Shida alishuka kwenye gari na kuingia pale hotelini.

Alipokuwa akiingia alimuona jamaa mmoja mwenye asili ya Asia akitoka kwenye lile gari na kisha kuingia pale hotelin

Taratibu na yeye akaanza kuingia pale hotelin,alimuona yule jamaa akikaa kwenye meza moja ya wazi.

Na yeye akachagua meza iliyokuwa jilani na aliyokaa yule jamaa na kukaa

"Naamini hautatuangusha, na pia unafaham ukituangusha nini kitatokea" sms iliingia kwenye simu yake na akaisoma

Aliwafaham vizuri wale vijana akina Ally jinsi walivyokuwa katili sana hasa linapokuja swala la kuua

Akaagiza juice yake na kuanza kunywa,alichokitaka kilitokea ndani ya muda mfupi baada ya yeye kuanza kunywa juice.

Yule jamaa akawa hatulii pale kwenye kiti chake,na Shida alipogundua hilo akawa anabadili mikao pale kwenye kiti chake

Asilimia themanini ya mapaja yake meupe yalikuwa wazi sana na hicho kilizidi kumuumiza yule jamaa



Uzalendo ulipomshinda alinyenyuka na kumfata Shida kwenye siti yake

"Hellow" akasema

"Hi!" akajibu Shida

"Is there somebody else here?" akauliza

"No I am alone" akajibu

"Naomba nikupe kampan tafadhali kaama hutajali ila sio kwa ubaya" akasema

"Hapana,kwa sababu nina mawazo sana i need to be alone,nahitaji kutuliza akili yangu" akasema Shida kimtego

"Ooooh! Veve toto zuri sana,hapana waza bana,ntakupa kampan" akaongea kiswahili chake kilichosababisha Shida agundue kuwa yule ni mhindi

"Ok,u may sit" akasema Shida

Kwanza hakutaka kuonekana wa kiwango cha chini hasa akizingatiwa mtu aliyekuwa pale alionekana kiwango cha juu sana

"Ok, sorry tunaweza fahamiana?" akauliza yule mhindi

"Haina tatizo,naitwa Shi.... No clay" alijikuta akijichanganya

Wakati wakiongea ghafla wakina Ally wakaingia pale na kwenda kukaa kwenye meza ya mbali kias

Yule mhindi alipowaona akina Ally alikosa raha kabisa,akawa hatulii,kila wakati aligeuka kuwaangalia

"Tafadhali,kama hutajali naomba kuondoka na wewe eneo hili twende eneo lililotulia zaidi nina maongezi makubwa na wewe" akasema yule mhindi

Ile hali ilimshangaza sana Shida ila alihitaji kutimiza alichotumwa

"Fanya chochote anachotaka ila mwende kwake nyumbani" sms ikaingia kwake

Shida akabaki kizungumkuti!

Yule jamaa mwenye asili ya uhindi ndani yake alimchukua Shida na kumpakiza kwenye Prado yake kisha akaondoaka eneo lile

Alipita barabara ya kuelekea chuo cha utumishi wa uma pale Tabora,alipofika kwenye geti na kona ya bar ya ziro ziro alipinda kulia na kufata barabara ya kuelekea NMB bank.

Alipofika lilipo jengo la Posta alipinda na kuiacha bara bara ya NMB na kuelekea Kanyenye,akazamisha gari kwenye mitaa ya Kanyenye kwenye Hostel zilizojazana hapo

Alipohakikisha hafatiliwi na mtu aligeuza gari na kisha anakurudi na Njia ya kuelekea Chuo cha ualimu Tabora na mwisho akafika makutano ya barabara nyingi pembeni ya chuo cha ualimu akanyoosha kwenda Nzega.

Mpaka hapo alijua ameshawapoteza mbali akina Ally.

Kumbe wakati anaondoa gari eneo lile akina Ally waljua ataelekea Nzega iwe isiwe na pia walishamwekea Shida kifaa chenye GPS ambacho kiliwafanya waonekila mwelekeo wake.

Yule Mhindi aliwapita wakiwa wamepaki kwenye kituo cha mafuta jirani na Makutano yale waliyopita kuelekea Nzega

"Muache aende japo kilometa kadhaa ndipo tumfatilie" Ally aliwaambia wenzake

Baada ya kushika barabara ya Nzega yule mhindi aliongeza kasi ya mwendo wa gari ili awahi kufika Nzega

"Mbona sikuelewi? Na huku unanipeleka wapi?" Akalalama Shida

"Utajua tu we twende" akajibu yule Mhindi

Safari ya masaa mawili kutokana na speed ya yule mwarabu walikuwa wameshaingia Nzega akashika barabara ya kuelekea Da es salaam na baada ya mwendo mfupi akashika njia ndogo ya vumbi na kuendelea na safari baada ya muda mfupi wakaingia kwenye kasri kubwa sana

Geti lilifunguliwa na gari ikaingizwa ndani

Shida alishushwa na kisha akaingizwa kwenye chumba kilichosheheni vitu vya gharama kubwa sana

"Utakitumia hiki chumba kwa muda,utakaa na mimi kwa siku tatu kisha nitakulipa million tatu na kukuachia kwa sababu mke wangu atakuwa anarejea" akasema yule Mhindi

"Sijakwelewa mpaka sasa,na vip umewakimbia wale jamaa pale hotelin?"akauliza Shida

"Wale jamaa ni adui zangu" akasema

"Nieleze ili nijue tafadhali" akasema Shida

"Ukweli ni huu,wale vijana walikuwa vijana wangu wa kazi,unajua sisi matajiri mara nyingi tunakuwaga na biashara haramu kwa siri" akasema

"Nakusikiliza" akajibu Shida

"Sasa wale vijana walikuwa wakinifanyia kazi haram,kuna kipindi niliwatuma kwenda kuchukua dhahabu Kahama,kuna rafiki yangu ana mgodi kule,ukawa umetema sana wakati anajiandaa kusafilisha nikawatuma wale vijana waende kuichukua ile kitu,baada ya kuiba na kumuua jamaangu wakaja na kutaka tugawane wakati sio makubaliano yetu" akaendelea

"Sikukubali kwa sababu tangu mwanzo walikuwa wananifanyia kazi nawalipa,sasa wakataka tugawane,nikawadhurumu na kisha kuajili vijana wapya,tangu hapo wamejenga uadui mkubwa sana na mimi na wananitafuta waniue" akamaliza kusimulia

"Wale jamaa,niko pamoja nao ila sipendi kuifanya hii kazi,nahitaji kuiacha ukinisaidia nitakusaidia" akasema Shida

"Sema unavyotaka tutaelewana tu" akajib Mhindi

"Naomba milion tano peke yake,sasa hivi kisha kesho niachie niende kwao kwa sababu naamin utakuwa umewapoteza tayali,nikifika huko nitawaua,ila unisaidie sumu ya njoa ya hewa ili inisaidie kuwapulizia" akajibu ShidaCHANZO:  https://deusdeditmahunda.blogspot.com/

Mhindi hakutafakari mara mbili zaidi ya kuondoka pale chumbani na kurudi akiwa na burungutu la pesa akamkabidhi Shida

"Million tatu hizo, ukimaliza kazi nakupa Million saba juu" akasema Mhindi

"Haina tatizo " akajibu Shida

Walikula kunywa na kisha wakastareheshana kwa ngono

Usiku saa sita risasi zikarindima kwenye makao ya Mhindi huyu

Kitu ambacho Shida hakujua ni kuwa akina Ally walikuwa majambazi wazoefu na hivyo walijua anaweza wageuka na wakampandikizia kifaa cha mawasiliano chenye GPS ambacho kilinasa mazungumzo yake yote na mhindi

Yule mhindi alitoka mkuku bila kuvaa nguo kisha Shida akabaki peke yake akiwa haelewi mwisho wake ni nini?

Hakujua ni jinsi gani Ally na wenzake walivyopafaham mahali walipokuwepo

"Lazima watakuwa akina Ally hao,nifanyeje sasa?" aliwaza

Muda si mrefu akasikia risasi zikilia ndani ya Nyumba na sauti aliyoifaham kabisa kuwa ni ya Ally ikiunguruma



" Kabla hatujakuua tunaomba utuambie huyu malaya alipo hawezi kutusaliti sisi" sauti ya Ally ilifoka

Shida akatetemeka mpaka mkojo ukapita!!!





**********





Shida alishikwa na uoga mkubwa baada ya kusikia akina Ally wakimuulizia kule sebuleni huku wakimtesa yule mhindi. Alijua muda wowote wanaweza kuoneshwa alipo hivyo akajalibu bahati yake ya misho. Alitoka kimya kimya kwenye kile chumba na kuingia kwenye kolido ili atafte njia ya kutoka. Kwenye kolido alimuona mzee mmoja mpishi na yeye akiingia kwenye chumba kimojawapo ikabidi amfate. Alipomfikia akakuta yule mzee anatoa mifuko kwenye eneo moja la ukutwa wa nyumba ile

"Tafadhali, nisaidie,hawa watu wananitafuta mimi pia,wataniua,nisaidie nitoloke kutoka humu nitaku a chochote utakachotaka" aliongea Shida Yule mzee aligeuka na kumwangalia kwa muda kisha akamwambia

" Nifate,hii njia ndiyo tunatumia kutolosha vitu kutoka humu kwa siri bosi asijue" Shida alimfata kimya kimya bila kuongea chochote kile na yule mzee alitoa ile mifuko mpaka tundu likaonekana. Wote wakapita kwenye lile tundu mpaka nje,yule mzee akaelekea kwenye kajumba kadogo kalikooonekana pale nje kama ni sehemu yao ya kupumzika huku Shida akimfata kwa nyuma. Waliingia ndani ya kile chumba na yule mzee akafunga milango

" Ahsante sana na Mungu atakulipia" akasema Shida

" Wala sihitaji huyo Mungu wako anilipe,umesema utanipa chochote kile nikikusaidia,sasa nahitaji penzi lako tofauti na hivyo napiga kelele kuwa uko hapa" akasema yule mzee

" Jaman hata huna huruma mzee wangu? Angalia mazingira tuliyopo kwa sasa" alijalibu kujitetea Shida Ila yule mzee hakumsikiliza,alianza kumvua nguo kwa nguvu Shida alijitahidi kupambana naye ila akawa anazidiwa nguvu Yule mzee alifanikiwa kumvua nguo zake za ndani,na yeye akanyenyuka ili avue za kwake na hapo hapo ndipo Shida akaona stuli iliyokuwepo pale pembeni akaibeba na kumpiga nayo yule mzee kwa nguvu zake zote kichwani mpaka akaanguka chini na kubaki kimya. Shida alichukua nguo zake na kuvaa haraka kisha akaanza kumsachi yule mzee,hakumkuta na kitu,akashachi kila sehemu pale ndani na bado hakupata cha maana,alipoangalia nguo yake ikawa na damu ikabidi aibe koti la yule mzee na kuvaa Alisubiri mpaka aliposikia milio ya risasi kisha miungurumo ya gari ikasikika pia

" Nina ile milion tatu niliyopewa na huyu mhindi,itanisaidia,napaswa kuelekea Dar es salaam niwe mbali na haya majanga" aliwaza Pale pale akaanza kunyata huku giza likimsaidia na kufanikiwa kutoka nje ya ile ngome ya yule mhindi. Huko nje alitembea mpaka akaipata njia ya lami na kuanza kuifata taratibu akiongeza kasi ya kutembea. Saa kumi na mbili ilimkuta stand ya mabasi . Akatulia sehemu akiangalia usalama wake eneo lile,alipohakikisha kuna usalama wa kutosha alielekea kwenye eneo wanalokatia tiketi na akatoa lile burungutu lake la pesa akalipita pesa ya tiketi kisha akarudisha zingine kwenye mfuko wa lile koti Alipotoka pale alielekea kwenye mgahawa mmoja akapewa chai na kunywa. Saa tatu gari za kuelekea Dar zilifika na yeye akaelekea gari ya Mohamed ilipokuwa akaanza kupambana ili kupanda. Nafasi pekee vibaka waliyokuwa wakiisubiria ili watimize walichopanga. Alipanda kwenye basi ya kutafuta namba ya siti yake akaiona na pembeni yake alikuwepo mkaka mmoja aliyevaa kinadhifu sana.

CHANZO:  https://deusdeditmahunda.blogspot.com/

* * *

Kukutana na Mr Kolumba

" Samahani hiyo uliyokalia ni siti yangu " Shida alimwambia

" Bila samahani dada,ila kawaida ya watanzania tunaanza kwa salaam" akajibu yule mkaka. " Ooh! Samahani,habari yako?" akasalimia Shida

" Ni nzuri,kalibu kwenye siti yko" akasema yule mkaka akimpisha Shida kwenye ile siti ya dirishani. Shida akakaa na kutulia baada ya muda kidogo basi ikaondoka " Naitwa Kolumba sijui mwenzangu unaitwa nani?" akasema yule kijana " Naitwa Shida" akajibu kimkato Shida Kolumba alimwangalia kwa muda Shida kwenye nafsi yake akakubali kuwa yule binti ni mrembo na anayeweza kumfaa kwenye kazi yake.

" Samahani,naomba tufahamiane,mimi ni mwenyeji wa Dar es salaam,natoka Mwanza kwenye maonesho ya urembo,nina miliki kampuni ya urembo Dar,sijui mwenzangu" akasema Kolumba Shida hakumjibu bali alimwangalia tu bila kusema kitu. Kolumba alimuona kama binti anayelinga sana hivyo akaachana naye. Kolumba alitoa Ipod yake kisha akaanza kuchat na watu Facebook huku akiuplod picha za jinsi onesho lilivyoenda. Baada ya muda mfupi Shida alipitiwa na usingizi kwa sababu ya kutolala jana yake usiku hapo ndipo Kolumba akapata nafasi ya kumfotoa picha kadhaa. Basi ilisimama Dodoma kwa ajili ya chakula cha mchana na ndipo Shida alipoamka na kutaka na yeye anunue vitu. Alipoingiza mkono mfukoni kutafuta pesa yake hakuambulia kitu Alijitahidi kutafuta kila mfuko ila hakuona kitu,akaanza kukung'uta kila mfuko hakuambulia chochote

Shida hakuamini macho yake kuwa kapoteza kiwango kikubwa cha pesa vile,aliendelea kujisachi kila sehemu bila kuambulia kitu " Samahani dada,naona unajikagua tu kwa muda sasa ila sijajua una nn? Niambie yawezekana nikakusaidia" akasema Kolumba " Aaaah! Kakangu nahisi nimeibiwa,nilikuwa na kias kikubwa cha pesa na niliziweka mfukoni ila kwa sasa sioni kitu" akajibu Shida

" Mara ya mwisho uliziangalia muda gani?" akauliza Kolumba

"Nilienda kulipa wakati nakata tiketi na baada ya hapo nilienda kunywa chai na ndo mara ya mwisho kuziona" akajibu Shida

" Huo muda wote unalipa ulikuwa unazitoa zote kwa pamoja au ulikuwa umezigawa makundi?" akauliza tena Kolumba

" Hapana zilikuwa pamoja kwenye burungutu na nilikuwa nazitoa zote" akajibu Shida " Basi umeibiwa na vibaka,wakati unazitoa walikuona na kukufatilia utakuwa umeibiwa wakati unapanda basi kwenye ule msongamano" akasema Kolumba Shida alijiinamia pale kisha machozi yakafata kwa wingi kumiminika kwenye mashavu yake Kolumba alijitahidi kumbembeleza ila haikusaidia japo kidogo kwani Shida alikuwa katika wakati mgumu sana. Kolumba alitoka nje na kwenda kununua chakula cha kufunga chipsi na soda kisha akarudi na kumkabidhi Shida

" Ahsante kaka ila niko sawa" akajibu Shida

" Sikia,wewe ni mtu mzima,uache utoto wakati wa kulinga umeshaisha sasa unapaswa kuishi kulingana na nyakati,naomba ule hicho chakula kisha tujadiliane ninavyoweza kukusaidia pale ninapoweza" akasema Kolumba Shida alichukua kile chakula kwa aibu na kuanza kula mpaka alipomaliza " Ahsante sana kaka na ubalikiwe" akasema Shida baada ya kushiba

" Usijal nafikili ni wakati wa kufahamiana,unatokea wapi na unaenda kwa nani Dar?" akauliza Kolumba Shida akajikuta machozi yakianza kumbubujika kwa kasi,alijiuliza kama asema ukweli au afiche,ila mwisho akapa uamuzi

"Nina matatizo makubwa sana kakangu,sijui ninapotoka na sijui ninapoenda" akasema Shida

" Nieleze kila kitu bila kunificha ili nijue namna ya kukusaidia tafadhali" akasema Kolumba Ikambidi Shida aeleze kila kitu kuhusu maisha yake ya huko nyuma ingawa kuna vingine kama kufanya mauaji ilibidi afiche ili kuepuka kukamatwa na mkono wa sheria

" Pole sana dadangu,hayo ni ya Dunia,nitakusaidia kadri ya uwezo wangu pole sana" akasema Kolumba

" Ahsante sana kakangu nitashukuru zaidi ukinisaidia kwa sababu huko sina mwenyeji" akajibu Shida Njia nzima walikuwa na furaha wakipiga stor kwa pamoja na kusimuliana mambo mbali mbali huku Shida akiulizia mambo mbali mbali kuhusu Dar kwa sababu ulikuwa umepita muda tangu awepo kwa mara ya mwisho. Hatimaye usiku wa saa mbili waliingia Kibamba Dar es salaam



**********







" Itabidi tushukie hapa ili nimtafutie kwanza huyu sehemu ya kufikia" aliwaza Kolumba Pale pale alimshika mkono Shida na wakaomba kushushiwa pale. Baada ya kushuka walipanda daladala na kuelekea Kimara mwisho huko wakashuka na kuchukua bajaji iliyowapeleka eneo moja ndani ya Kimara Baada ya muda walifika eneo husika na Kolumba alishuka na kumlipa mwenye bajaji kisha wakaingia kwenye nyumba moja yenye geti kubwa jekundu.

" Kolumba umepotea sana wewe kijana,nini kimekuleta leo hii?" aliuliza mama mmoja mtu mzima

" Mihangaiko ya maisha mama,af nashida na wewe njoo tafadhali" akasema Yule mama alisogea pale kalibu ili amsikilize Kolmba

" Mama huyu ni mgeniu wangu,anaitwa Shida yeye ndo atakuwa anaishi kwenye hiki chumba changu kwa muda" akasema Kolumba

" Haina shida kalibu dada" akajibu yule mama " Ahsante mama" akajibu Shida Kolumba alitoa funguo na kufungua mlango wakaingia ndani. Kilikuwa chumba kizuri sana kikiwa na kitanda kizur,tv,friji,feni na sofa ya mtu mmoja!

" Shida mimi siishi hapa ila hiki chumba nilikipanga kw ajili ya wageni wangu,ninapoishi ninaishi na wazazi wangu hivyo nisingeweza kwenda na wewe pale,naomba ukae hapa kwa muda wakati naangalia namna ya kukusaidia" Kolumba alimwambia

" Nashukuru sana kakangu,una moyo wa huruma sana" akajibu Shida na kwenda kumkumbatia Kolumba Baada ya muda Kolumba aliaga na kuondoka akimwacha Shida akiwa haamin kama amekutana na mtu mwema hivyoCHANZO:  https://deusdeditmahunda.blogspot.com/

" huyu alivyo mzuri hivi na alivyo na moyo wa huruma hivi hata akitaka awe wangu niko tayari, na hata ikibidi nitamtega ili awe wangu nifaidi maisha ya hapa Dar"

aliwaza Siku hiyo aliangalia tv mpaka usingizi ulipomptia. Asubuh ya siku iliyofata Shida aliamka saa tano baada ya kugongewa mlango na Kolumba aliyekuwa ameshafika. Alimfungulia na kukaa kitandani

" Huu ni mswaki wako,na dawa ile pale, kama hutajli chukua ndoo hiyo hapo ukaoge ili tutoke kidogo" akasema Kolumba Upande wa pili wa maisha halisi ya Kolumba alikuwa na mke na watoto wawili Hakuoa kwa kupenda bali alimpa mimba mtoto wa kigogo na kujikuta akilazimishwa kumuoa. Kolumba hakuacha tabia yake ya uhuni hata baada ya kuoa aliendelea kutembea na mabinti mbalimbali. Alijivunia utanashati wake na pesa aliyokuwa akiitengeneza kutokana na mambo ya mitindo. Na kwa sababu kwenye kazi yake alikuwa akikutana na mabinti wengi wazuri ndipo alipojikuta akipata maambukizi ya gonjwa hatari la UKIMWI. Alipomuona Shida kwenye gari aliapa kuwa lazima ampate kimapenzi na pale Shida alipopata matatizo aliona ni nafasi pekee yake kuitumia vizur

" Ila huyu demu ni mkali sana,anawazidi hata wale madem zangu wengine" aliwaza Baada ya Shida kujiandaa vizuri Kolumba alimbeba kwenye gari yake na kisha wakaelekea katikati ya mji kwa ajili ya kumfanyia Shoping Shida kwa sababu hakuwa na kitu chochote hasa mavazi Waliporudi nyumbani haikuhitaji kutongozana,tayali walikuwa wapenzi na mwisho wakajikuta wakishiliki pamoja. Penzi la Shida lilimfumba macho Kolumba sana,alijikuta akimpenda sana na mara nyingi walishinda pamoja.

" Itabidi huyu demu nimuhamishie Arusha kwenye tawi langu ili inshu zisijekumfikia wife nikashindwa kuendelea kufaidi uhondo Ndipo alipofanya utaratibu na kumuhamishia Shida kwenye tawi lake lililokuwa Arusha Na baada ya muda wakaanza mipango ya kufunga ndoa yao kisiri bila mke wake kujua.



Simu ya SHIDA kwa mchungaji

" Mchungaji mpaka hapo unajua nini kilichonitokea kanisani baada ya mke wa Kolumba kujitokeza kisha kusema wameshaathilika,sasa niambie au nioneshe kitu kinachoweza kunizuia kulipa kisasi?" akamaliza kusimulia Shida. Mchungaji hakuwa na usemi tena juu ya lile

" Shida usiue kwanza nipe nafasi nifikilie cha kufanya" akajibu Shida alikata ile simu na kisha akaondoka na kuingia mitaani. Alizunguka na kufikia eneo lenye bar wanazofikia watu wazito sana. Aliagiza kinywaji na kutulia kwa muda ndipo mhudumu akamfata na kisha Shida akampeleleza kuhusu Alex kwa sababu alikuwa akifahamu kuwa alipenda kuja bar zile tangu kipindi kile wakiishi wote.

" Unamuulizia yule tajili kijana Alex?" akajibu mhudumu

" Ndiyo,nahisi atakuwa yeye" akasema Shida Yule mhudumu alimchukua na kumpeleka eneo walilokuwa wakikaa watu wa VIP na kumuonesha Alex Shida alipatwa na hasira kali sana alipokumbuka jinsi Alex alivyoyafanya maisha yake kuwa ya taabu na matatizo Alipeleleza mpaka kugundua gari aliyokuja nayo pale,kisha akamzubaisha mlinzi wa eneo lile na kukata breki za gari ile kisha akaacha ujumbe kwenye gari ile na kutokomea. Alex alipotoka na kupanda gari ili aondoke hakugundua chochote ila akiwa njian akiona karatasi ndogo kwenye gari akaichukua na kusoma

" Mwanamme mshenzi Alex,ulinitafuta ili kuniua lakini hukufanikiwa,sasa ni wakati wangu wa kulipa kisasi,nimekata breki za gari yako utakufa kifo kizuri sana! Ndimi Shida" Baada ya kusoma ujumbe ule Alex alishtuka mpaka pombe zote zikamuisha kichwani Alipojalibu kukanyaga breki ziligoma,alijikuta akipaniki na kushindwa kuiongoza gari vizuri. Kasi ya gari ikazidi kuongezeka na mwisho ikamsababishia ajali kubwa sana huku yeye akipoteza maisha pale pale. Shida aliendelea na upelelezi wake kuhusu baba yake mzazi Filbert mpaka alipokuja kufahamu kuwa aliajiliwa kama mkufunzi kwenye chuo kikuu cha Dodoma. Kitu kilichomvutia zaidi ni baada ya kupata taarifa kuwa anapenda sana dogo dogo Ikabidi Shida ajitengeneze vizuri na kisha kuanza mitego yake ili kumnasa baba yake mzazi huyo. Baada ya siku kadhaa mitego yake ilinasa baada ya kufanikiwa kupata namba ya simu ya baba yake yule kisha kumtongoza kwenye simu mpaka mzee wa watu akaingia kwenye msitari Walipanga kukutana Hotelin na Shida alitangulia pale kisha akachukua chumba na kumsubiri baba yake ambaye alifika muda mfupi baadae Shida alimpatia kinywaji chenye madawa ya kulevya na kisha baada ya kunywa akamweleza ukweli yeye ni nani na anataka kumfanya nini? Yule mzee alijalibu kujitetea ila taratibu nguvu zikamuishia na Shida akamchoma visu mwilini mpaka alipohakikisha kuwa amefariki ndipo akatoroka. Upande wa Mchungaji alikuwa ameshatoa ripoti polisi na uchunguzi ukawa umeshaanza,taarifa ya vile vifo viwili iliwafikia polisi wakiwa kwenye uchunguzi. Shida baada ya kuwaua wale wawili alimlenga Kolumba kwa sababu ya kumwambukiza UKIMWI Alirudi Dar ghafla na kumpigia simu mchungaji kisha akamtaarifu kuwa ameshakamilisha kazi kwa watu wawili na bado mmoja na moja kwa moja mchungaji akajua atakuwa Kolumba,hivyo akawataarifu Polisi ambao walianza kufatilia Polisi walipofanikiwa kumpata Kolumba walikuta tayari ameshakuwa maiti na kila walipotafuta chochote cha kuwasaidia kumkamata mhusika hawakupata kitu. Taarifa ilikuwa kuwafikia Polisi juu ya mdada aliyekutwa huko Kiluvya akiwa kajinyonga nao wakaelea eneo la tukio. Pembeni yake kukiwa na ujumbe alioandika huku akielezea historia yake yote ya maisha na kilichosababisha afanye yale mauaji. Baada ya askari wale kuusoma ujumbe ule wakisikitika sana

" Kweli inatudbidi tuchague majina ya kuwaita watoto wetu! Jina ndilo lililomtesa binti huyu" aliongea askari mmoja

" Kweli kabisa" akajibu mwenzake Walichukua mwili ule kisha mchungaji akataarifiwa na kuja kuhudhulia mazishi yaliyofanya na serikali.

" Kwa jina la baba na la mwana na roho mtakatifu! Mungu iweke roho ya mwanao Shida mahali pema peponi, ameen" alimaliza mchungaji



**********

CHANZO:  https://deusdeditmahunda.blogspot.com/



HATIMA.



KALAMU YA JUNIOR Kila tunachokifanya huwa kinaenda na mkono wa Mungu,hata majina tunayowaita watoto wetu yanawekewa mkono na baba Mungu,kuwa mwangalifu katika kumchagulia mwanao jina ili usijekuwa unamletea matatizo bali liwe la kumletea baraka.



MWISHO



Ahsante sana kwa kuwa pamoja name kuanzia sehemu ya kwanza mpaka ya mwisho. Hakika mmenijaza nguvu sana katika kazi hii. Nawashukuruni Sana.