DAMU, MABUSU NA MACHOZI - 5

 

Simulizi : Damu, Mabusu Na Machozi

Sehemu Ya Tano (5)



“Karibu kisiwani Nancy, hakuna mtu atakayefanikiwa kuja kukutoa hapa tena!Tumejizatiti vya kutosha!” Aliongea mzee Kiwembe akitabasamu.

Ingawa alikuwa akilia Nancy alishindwa kuvumilia, akanyanyuka mahali alipokuwa amekaa na kwenda kuwakumbatia wadogo zake! Alikuwa katika himaya nyingine alikotegemea mateso makali na pengine maisha yake yote yaliyobaki kuishia katika kisiwa hicho! Hakuwa na uwezo wa kupambana na nguvu za uchawi walizokuwa nazo wazee hao wawili.

CHANZO:  https://deusdeditmahunda.blogspot.com/

Danny hakufa. Wakati akihangaika barabarani usiku alipopigwa mshale na kuachwa shambani kwa mzee Katapila, alitokea mwindaji akitoka porini kutega mitego yake! Alipomwona alishtuka, akasimama na kuanza kumulika na tochi, Danny aliuona huo ndio msaada pekee na kuanza kupiga kelele akiomba msaada. Mwindaji alimsogelea na kumuuliza nini kilichompata, Danny alisimulia kila kitu kwa taabu kubwa akimwonyesha mwindaji huyo mshale uliokuwa mbavuni mwake.Cha kushangaza Mwindaji hakuonyesha mshtuko wowote, alichofanya ni kusimama ubavuni kwa Danny kwa miguu yake yote miwili mshale ukiwa katikati na kuukamata kwa mikono yake yote miwili akaanza kuuvuta kwa nguvu zake zote, Danny alilia kwa maumivu mpaka akapoteza fahamu.

Mshale ulipochomoka damu nyingi ilivuja, mzee huyo mfupi mwenye misuli ambaye pia alibeba upinde na mishale, alikifungua kibuyu kilichokuwa kiunoni mwake, akakifungua na kumwaga dawa nyeusi kwenye mkono wake wa kushoto na yote akaiweka kwenye kidonda kilichokuwa kinamwaga damu! Danny akiwa amepoteza fahamu alibebwa begani hadi kwenye kibanda alichoishi mzee huyo katikati ya pori la Tindiga ambako alilazwa chini na mzee kuchukua pembe ya Mbuzi iliyochomekwa kwenye paa la nyumba. Sehemu pana iliyokuwa wazi aliifunika kwenye jeraha na nchani kulikokuwa na tundu dogo alifunika na mdomo wake kisha kuanza kunyonya hewa iliyokuwemo ndani ya pembe na kuifanya pembe iung’ang’anie mwili wa Danny! Kisha akachukua kitu kama Nta na kuliziba tundu, pembe ikabaki wima! Wakati yote hayo yanafanyika bado Danny alikuwa hajarejewa na fahamu zake.

****

Mzee huyo aliendelea kunyonya damu chafu na nyeusi kutoka kwenye kidonda cha mshale, alifanya hivyo kwa muda mrefu mpaka Danny akaanza kujitingisha na baadaye kufungua macho yake na kuangalia huku na kule! Alishangaa kujikuta yu mahali asipopafahamu, aliyemshangaza zaidi ni mzee aliyekuwa pembeni mwake! Hakumtambua na alishangazwa na shughuli aliyokuwa akifanya kwa kutumia pembe iliyofanana na ya mbuzi. Kwa muda aliendelea kujiuliza maswali mengi kichwani mwake fahamu zikiendelea kumrejea taratibu hatimaye akawa mtu kamili lakini hakuelewa kilichotokea mpaka akawa mahali hapo.

“Shikamoo!” Aliamkia

“Marahaba hujambo? Kama umeweza kuniamkia basi utapona, sikuwa na matumaini! Naitwa mzee Ibrahim, wewe?”

“Danny, kimetokea nini?” Danny aliuliza

“Sumu!”

“Sumu ya nini?”

“Ya mshale! Ilitaka kukuua kabisa, nani alikuchoma?” Swali hilo lilirejesha kumbukumbu zote kichwani mwa Danny, kitu kama mkanda wa sinema kikaanza kuonekana akili mwake, aliona namna alivyosafiri na Nancy kutoka Dar Es Salaam hadi Tindiga shambani kwa mzee Katapila, alivyoruka ukuta na baadaye kuchomwa mshale! Kufikia hapo hakukumbuka kitu zaidi ya giza lililotanda usoni mwake, alilia kwa sauti ya juu akiita jina la Nancy kiasi cha kumfanya babu atake kujua mtu huyo alikuwa nani.

“Ndiye aliyekuchoma mshale?”CHANZO:  https://deusdeditmahunda.blogspot.com/

“Hapana!”

“Ni nani?”

“Mchumba wangu!”

“Ilikuwaje?” Babu aliuliza.

Kufikia hapo ingawa kwa taabu, mzee Ibrahim akiwa amesimamisha zoezi zima la kunyonya sumu kwa kutumia pembe ya Mbuzi, Danny alilazimika kusimulia kisanga chote hadi kufika shambani kwa mzee Katapila, mzee Ibrahim alishangaa sana! Hakuamini hata kidogo kama mzee Katapila angeweza kuwa amefanya kitendo hicho kwani alikuwa mtu mwenye moyo wa kusaidia sana watu wa vijiji vilivyozunguka shamba lake, Danny alipozidi kumsisitizia ilibidi akubali na kuamua kumsaidia tiba za jadi mpaka apone.

“Nitakutibu kwa tiba za jadi, ukienda hospitali hawan uwezo wa kuiondoa sumu ya mshale mwilini! Utakufa!”

“Lakini nataka kuonana na mchumba wangu!”

“Usiwe na wasiwasi hayo yatafanyika baadaye, kitu cha muhimu kwako hivi sasa ni afya kwanza!”

“Sasa atajuaje kwamba niko hapa?”

“Hilo haliwezekani mpaka utakapopona ndipo utakwenda!”

Baada ya maongezi hayo mzee Ibrahim aliendelea kunyonya sumu kutoka kwenye kidonda, damu nyingi nyeusi ilizidi kutoka na kumhakikishia Danny kuwa hiyo ndiyo ilikuwa sumu ikitoka, mpaka asubuhi alikuwa bado akimfanyia tiba za jadi na kumkanda kwa maji ya moto baadaye alitoka nje na kurudi na majani aliyoyapikicha mikononi mwake kisha kuyabandika kwenye kidonda, maumivu aliyoyapata Danny yalikuwa ni afadhali yale ya mshale, mzee Ibrahim alicheka akimwambia hiyo ndiyo ilikuwa tiba yenyewe.

Matibabu hayo ya jadi yaliendelea kwa wiki mbili mfululizo kidonda kikawa kinazidi kupungua na mwili wa Danny kurejewa na nguvu, aliishi na mzee kwenye kibanda chake wakila nyama za porini pamoja, mawazo yake kila siku yalikuwa kwa Nancy, altamani siku moja apone arejee Dar Es Salaam na baadaye Bagamoyo ambako yeye na mchumba wake wangefunga ndoa! Ilipogota wiki ya tatu kidonda kilishafunga lakini tatizo liliendelea kuwa kifua, kulikuwa na maumivu makali mno ndani ya kifua cha Danny. Alikandwa na maji ya moto kila siku lakini haikusaidia.

“Hiki kifua naona kitanishinda, kidonda kimepona lakini dawa zangu naona hazina uwezo wa kutibu ndani!”

“Sasa?”

“Itabidi uende hospitali! Sina ujanja tena, hata hivyo nimejitahidi na Mungu ametusaidia!” Alisema mzee Ibrahim.

Kwa Danny habari hiyo ilikuwa njema pamoja na kwamba alikuwa bado na maumivu makali kifuani, aliamini hospitali angepona upesi zaidi baada ya kupigwa picha ya kifua kuona mshale ulimuumiza kiasi gani, bado aliamini ndani kulikuwa na matatizo tena makubwa! Alikuwa ameishi na mzee Ibrahim kwa muda mrefu lakini muda wa kuondoka ulikuwa umefika, alimshukuru kwa wema wake na kwa ndani kidogo alisikia huzuni kutengana na mtu aliyeokoa maisha yake bila kufahamu angekutana naye tena lini.

“Sijui kama tutaonana tena mzee Ibrahim!” Danny alisema kwa huzuni.

“Usihuzunike sana Danny, wewe nenda na kama tulivyokutana basi tutakutana tena hivyohivyo, Mungu anafahamu!”

Walikumbatiana na mzee Ibrahim alimsindikiza Danny hadi barabarani karibu kabisa na lango la kuingia shambani kwa mzee Katapila, alimwonyesha mahali alipomkuta akiwa amelala hoi bin taaban! Danny alikumbuka kila kitu baada tu ya kuiona ngome ya shamba hilo, alimkumbuka Nancy pia na alishindwa kuelewa kama alikuwa hai ama alikufa katika mapambano ya siku hiyo. Muda mfupi wakiwa barabarani lilitokea lori lililobeba mbao, ni mzee Ibrahim aliyepunga mkono likasimama na kumwombea Danny msaada wa usafiri! Bahati nzuri lilikuwa likielekea Kilosa, aliruhusiwa kupanda nyuma na kusafiri hadi Kilosa.

Hakuwa na kitu kingine cha kufanya baada ya kufika mjini Kilosa zaidi ya kutembea hadi hospitalini umbali wa kama kilometa tano kutoka mahali aliposhushiwa, ilikuwa saa tatu na nusu wakati anafika mapokezi na kuandikisha jina lake, mfukoni hakuwa hata na senti tano, alishukuru Mungu hospitali ilikuwa ya serikali, baada ya kujiandikisha aliingia chumba cha daktari na kutoa maelezo yake, yaliyomshtua daktari hasa baada ya kuliona jereha lililokuwa ubavuni mwa Danny.

“Kwa hiyo ulichomwa mshale?” Daktari aliuliza kwa mshangao.

“Ndio!”

“Kwenye mapambano ya wakulima na wafugaji wa Kimasai au?”

“Hapana!” Alikataa Danny na kumsimulia daktari juu ya tukio lilitokea shambani kwa mzee Katapila, bahati nzuri daktari huyo alishasoma kila kitu kama magazeti na hakuona sababu ya kuendelea na matibabu bila kuitaarifu polisi, muda mfupi baadaye maaskari walifika lakini hawakuchukua maelezo ya Danny mpaka alipotoka chumba cha kupigwa picha ya kifua! Maaskari hawakuamini kama Danny waliyekuwa wakiongea naye ndiye ambaye habari zake ziliandikwa katika magazeti kwamba aliliwa na Simba.

“Wewe ndio Danny?” Mmoja wa maaskari aliuliza.

“Ndio afande!”

“Ulikuwa wapi?”

“Porini!”

“Hukuliwa na Simba?”

“Afande ningeliwa na Simba ungeniona hapa?”

“Basi tueleze kilichotokea!”

Danny alitoa maelezo yake kwa mara nyingine, wakati anamaliza tayari picha ya X-ray ilishakuja na daktari alimtaarifu kwamba kulikuwa na damu iliyokuwa imevuja kifuani na ilikuwa inagandamiza dayaframu hivyo kumsababishia maumivu makali kifuani, Daktari alimthibitishia kuwa hapakuwa na tiba nyingine zaidi ya operesheni ya kifua ambayo hata hivyo isingeweza kufanyika katika hospitali ya wilaya, isipokuwa hospitali ya mkoa wa Morogoro! Siku hiyo hiyo alisafirishwa hadi Morogoro ambako alifanyiwa upasuaji na damu iliyoganda kifuani kwake kuondolewa, alizinduka masaa kumi na sita baadaye na kujikuta kitanda chake kimezungukwa na watu aliowafahamu, tena wakilia machozi.

“Danny!” Ilikuwa sauti ya mzee Katobe!

“Naam baba!”

“Upo hai?”CHANZO:  https://deusdeditmahunda.blogspot.com/

“Kabisa! Mungu ni mwema, ameokoa maisha yangu!”

“Kila mtu anaamini uliliwa na Simba, tuliposikia taarifa ya habari kuwa umepatikana hatukuamini, tuliondoka Bagamoyo saa hiyohiyo na tumefika masaa mawili yaliyopita! Unajisikiaje sasa?”Mama yake Nancy alimuuliza Danny.

“Nafuu kidogo ingawa bado kuna maumivu, kuna jambo moja tu nataka kuuliza! Nilikosa kabisa mtu wa kumuuliza, hata polisi sikudiriki kuwauliza, nilikuwa naliogopa jibu ambalo ningepewa lakini bora mnieleze ukweli!”

“Nini mwanangu?” Mzee Katobe aliuliza.

“Mchumba wangu Nancy! Yupo hai au ni marehemu?” Jibu la Danny liliishia na swali.

Mzee Katobe na mke wake waliangaliana, Danny akaishuhudia ishara fulani kwenye jicho la mama yake Nancy! Alielewa kilichoendelea, kuna siri iliyokuwa ikifichwa bila hata kuelezwa alihisi Nancy alikuwa marehemu, alilia hadi mwisho wa uwezo wake na kusababisha kidonda chake cha upasuaji kuuma kupita kiasi na hata damu kuanza kuvuja! Daktari alipoitwa aliamuru Danny apewe dawa za usingizi, akalala na kuzinduka siku iliyofuata asubuhi! Mzee Katobe na mkewe wakiwa pembeni mwa kitanda chake, waliyaelewa madhara ya kumweleza ukweli, hawakuwa na njia zaidi ya kumdanganya alipohitaji kuelezwa wapi Nancy alikokuwa, hata wao walichofahamu ni kwamba Nancy hakuwa hai! Taarifa walizosoma katika vyombo vya habari kuwa askari wote alioongozana nao walikufa, ziliwafanya waamini hata mtoto wao hakuwa hai..

“Ni mzima tu!”

“Sasa kwanini yeye hakuja?”

“Alisafiri kwenda Kigoma kumsindikiza mzee Mwinyimkuu!”

“Naye alinusurika?”

“Tulinusurika pamoja naye, Nancy alituokoa!”

“Ni msichana jasiri sana, ninafurahi kuwa na mchumba kama yeye!” Alisema Danny uso wake ukionyesha tabasamu kidogo.

Wiki tatu baadaye aliruhusiwa kutoka hospitali akaondoka na wazazi wa Nancy hadi Bagamoyo ambako watu walishikwa na mshangao kumwona akiwa hai karibu wakazi wote wa mji wa Bagamoyo waliamini Danny alishaaga dunia, kwani ndivyo ilivyotangazwa! Kuonekana kwake akiwa hai kuliibua furaha ya ajabu na kufanya nyumbani kwa mzee Katobe kuwa na kitu kama sherehe kubwa ya mtoto kurudi nyumbani, Mbuzi alichinjwa na damu yake kunyweka kwenye sherehe hiyo ili kuondoa nuksi mwilini kwa Danny! Wakati watu wakisherehekea mawazo ya Danny yalikuwa kwa Nancy, hakulala wala hakuwa na kitu kingine kilichoendelea kichwani mwake! Alimhitaji Nancy si kwa jambo jingine ila wafunge ndoa baada ya mateso na kusubiri kwa muda mrefu.

“Atakuja tu!”

“Lini?”

“Tutajaribu kufanya naye mawasiliano!”

Hayo ndiyo yalikuwa majibu ya wazazi wa Nancy, Danny alipojaribu kudadisi juu ya Nancy lakini minongono ilisikika katika watu waliokuwa katika sherehe hiyo na kumfikia Danny kuwa mchumba wake alifariki dunia pamoja na maaskari wengine waliokuwa wakisafiri pamoja kwenda kisiwani Galu kuwakomboa wadogo zake Catherine na David! Danny alilia tena, ilibidi mzee Katobe na mkewe wamweleze ukweli! Hakuwa tayari kuukubali ukweli huo.

“Haiwezekani! Hawezi kuwa amekufa, siwezi kuamini mimi ni kama Thomaso mpaka nikuguse kwa mikono yangu, nitasafiri mwenyewe mpaka huko Kigoma na baadaye kwenda Kisiwani Galu hata kama nikifa ni sawa tu! Lakini sauti ninayoisikia moyoni mwangu ni kwamba, Nancy yupo hai na yupo katika mateso makali!” Aliongea Danny akilia na kuwafanya mzee Katobe na mke wake pia wabubujikwe na machozi, walimweleza hatari zilizokuwepo kisiwani Galu na idadi kubwa ya maaskari waliopoteza maisha lakini bado Danny hakukubali alitaka kwenda kujaribu na kujionea mwenyewe.

“Acha tu mwanangu! Sisi tulishapoteza na tumezoea!”

“Haiwezekani wazazi wangu, nawaombeni sana mniwezeshe kusafiri hadi Kigoma ili nimfuatilie Nancy, hajafa yupo hai! Hivyo ndivyo moyo wangu unavyonieleza!” Aliendelea kusisitiza Danny lakini mzee Katobe na mkewe waliendelea kumkatalia katakata, siku iliyofuata asubuhi walishangaa kukuta Danny hayupo chumbani akiwa ameacha ujumbe kuwa alikuwa amesafiri kwenda Kigoma na baadaye Galu kumfuatilai Nancy na wadogo zake..

“.......Lolote litakalonipata ni halali yangu sitakuwa na mtu wa kumlaumu, maisha yangu yamejaa mateso ni bora nikayamalizie huko huko Galu!” Ndivyo ulivyomalizia ujumbe huo.

*****

Tayari Nancy alikuwa kisiwani Galu tena, mikononi mwa mzee Kiwembe na babu Ayoub! Hakuwa na matumaini ya yeye kurejea nyumbani tena, safari yake ya kwenda kuwaokoa wadogo zake ilikuwa imemrudisha utumwani! Hakuwa na la kufanya, aliyarudia mateso aliyoyakimbia! Babu Ayoub alifurahi sana kumwona na alitaka mambo yale yale ya zamani yaendelee, amgeuze Nancy mke wake jambo ambalo Nancy hakukubaliana nalo kabisa, kila siku ulikuwa ni ugomvi tena mkubwa, hakuwa tayari kufanya tendo la ndoa na mzee huyo! Kitendo hicho kilimkera babu Ayoub akalazimika kufungua kisanduku chake na kutoa dawa fulani ambayo kila alipompulizia nayo Nancy puani alilala usingizi na kilichofuata baada ya hapo hakikuwa kingine zaidi ya ngono! Yalikuwa mateso makubwa tena makali, kwa mara nyingine alifanywa mtumwa wa ngono.

Ilikuwa siku moja ikawa wiki, hatimaye mwezi ukaisha akiwa kisiwani! Mwisho akalazimika kuyazoea mazingira, hapakuwa na njia ya kutoroka kuondoka kisiwani hivyo alihamishia nguvu zake katika kuwatunza wadogo zake ambao afya zao zilikuwa mbaya kwa wakati huo! Akazoea na kukubali kuwa mke wa babu Ayoub, aliamua kujifanya mjinga lakini akiwa na moja kichwani! Alitaka kuelewa siri iliyokuwepo katikati nguvu za giza za wazee hao zilizowaua maaskari kila walipojaribu kuingia kisiwani hapo na hakuwa na njia nyingine zaidi ya kujifanya yu katika mapenzi mazito na babu Ayoub.

“Nitafahamu tu! Kama Delila aliweza kufahamu siri ya nguvu za Samson, mimi nitashindwaje wakati mimi ni mwanamke kama yeye?” Aliwaza Nancy akiamini lazima siku moja afahamu siri ya nguvu walizokuwa nazo wazee hao wawili, ingawa hakuelewa ni lini lakini alikuwa na uhakika siku moja angefahamu na hiyo ndiyo ingekuwa siku ya ukumbozi wake.CHANZO:  https://deusdeditmahunda.blogspot.com/

Akawa mama wa nyumbani, akiwatunza na kuwajali wazee hao wawili pamoja na ndugu zake! Lakini kumbukumbu za nyumbani hazikumpotea, kitu kikubwa alichokiomba ni Mungu kumsaidia asipate ujauzito, hakulipenda kabisa jambo hilo! Hakutaka kuzaa na babu Ayoub, hakutaka makosa yaliyojitokeza kwa mama yake mpaka kuwazaa wadogo zake Catherine na David yatokee kwake.

“Laiti nigekuwa na vidonge vya majira ningekunywa lakini kwa hivi sasa sina, namwomba Mungu anisaidie mpaka nitakapoondoka hapa kisiwani!” Hayo ndiyo yalikuwa mawazo yake kila siku.

Mateso yaliendelea kila siku Nancy alitamani kuondoka lakini hapakuwa na njia ya kufanya hivyo, alikuwa chini ya ulinzi mkali akila samaki kila siku mchana na jioni, hakuna siku aliyofurahia maisha, kila siku ilikuwa huzuni lakini akiwa mbele ya mzee Kiwembe na babu Ayoub alijifanya hana kitu kilichomsumbua mpaka wakajikuta wamemzoea kabisa na kumwona ni sehemu ya maisha! Kila siku usiku ilikuwa ni ngono babu Ayoub naye akitafuta mtoto kutoka kwa Nancy lakini hakufanikiwa. Ni fikra juu ya Danny ndizo zilizomuumiza zaidi Nancy, alisikitika kwamba alikuwa marehemu, aliamini ni mwanamume pekee aliyempenda chini ya jua la Mungu! Alipokifikiria kifo chake kwa kuliwa na Simba aliumia zaidi na kuna wakati alijitupia lawama yeye mwenyewe kwa kusahau kumchukua wakati wanaondoka shambani kwa mzee Katapila, Tindiga.

Pamoja na shida zote zilizokuwepo kisiwani Galu, Nancy aliwapenda wadogo zake kupita kiasi na aliwalinda, kuwepo kwake kisiwani humo kulibadilisha hata afya zao! Ghafla wakawa ni watoto wenye afya njema ambao pia walilia kila walipowafikiria wazazi wao! Jambo hilo lilimtia huzuni sana Nancy na kufanya aumize kichwa ni kwa njia gani angeweza kuondoka na wadogo zake na kurudi Kigoma na baadaye Dar kisha Bagamoyo, hakuna siku angefurahi maishani mwake kama siku ambayo angerudi hadi Bagamoyo, hakika ingekuwa sherehe kubwa! Alitamani kuokolewa lakini alijua mpaka wakati huo hakuna mtu angeweza kumwondoa kisiwani, nguvu za giza za wazee hao wawili zilikuwa za kutisha.

“Mpaka nitakapozielewa mimi mwenyewe namna nguvu hizo zinavyotumika ndipo nitaweza kuondoka kisiwani hapa na wadogo zangu na kazi hii inaanza leo, maana babu Ayoub amekwishaanza kuniamini!”

Usiku wa siku hiyo Nancy alifanya kila alichokiweza kumburudisha babu Ayoub, alimfanyia mambo ambayo mzee huyo hakuwahi kufanyiwa na wakiwa katikati ya starehe alianza kumuuliza maswali juu ya nguvu alizozitumia! Badala ya kupata jipu zuri alishangaa kuona mzee huyo akinyanyuka kitandani na kusimama wima uso wake ukiwa umekunjwa kuonyesha hamaki aliyokuwa nayo.

“Unafikiri unaweza kunilaghai kwa njia hiyo? Huwezi! Hutaelewa nguvu hii milele, kama unataka kuelewa ili utoroke basi umekwama!” Aliongea babu Ayoub na kuendelea kufoka hadi asubuhi, siku hiyo hawakuongea kitu kabisa walishinda wamenuniana, Nancy alishindwa kuelewa ni kwa njia gani angeondoka kisiwani! Mpaka wakati huo aliamini ni lazima Jeshi la Polisi lilikuwa likijitahidi kuingia kisiwani lakini lilishindwa kwa sababu ya uchawi ambao wazee hao walikuwa nao.

*********

Danny alisafiri kwa treni hadi Kigoma na kuingia siku tatu baadaye akiwa amechoka kupita kiasi, jambo la kwanza aliloamua kulifanya ni kwenda kituo cha polisi cha kati mjini Kigoma na kuulizia mahali ambako jeshi la polisi lilikuwa limefikia katika juhudi zake za kwenda kuwakomboa watoto Catherine na David kisiwani Galu, jibu alilolipata kituo cha polisi lilimsikitisha sana, kwamba hapakuwa na uhakika kama kweli kulikuwa na watu katika kisiwa hicho! Hivyo polisi walikuwa wameamua kusitisha zoezi kwani wasingeendelea kufanya kazi kufuata maneno ya kusemwa tu ukizingatia kulikuwa na upepo mkali sana uliosababisha vyombo kuzama na askari wengi kupoteza maisha.

“Kwahiyo mmeamua kuacha mambo hivyo hivyo?” Danny alimuuliza Mkuu wa upelelezi wa Mkoa alipopata nafasi ya kuonana naye.

“Ndio!”

“Haiwezekani! Hata siku moja, yaani jeshi la polisi lishindwe kukomboa watu walioko kisiwani?”

“Ungekuwa wewe ungefanya nini kijana?”

“Ningefanya lolote linalowezekana mpaka nifike kisiwani!”

“Basi wewe fanya kama unaweza!”

“Na hilo ndilo lililonifanya nisafiri kuja Kigoma, siamini kama mchumba wangu Nancy alikufa, lazima nifuatilie kama nyie mmeshindwa basi juu yenu!” Alisema Danny na hapohapo alinyanyuka na kuanza kuondoka, alitembea hadi nje ambako pia hakusimama! Alitamani kusafari siku hiyo hiyo kwenda kisiwani Galu lakini hakuwa na fedha za kukodisha boti ambayo ingemfikisha katika kisiwan hicho hatari, hakuogopa kupoteza maisha yake ilimradi alikuwa akimfuatilia Nancy! Kwake kufa ilikuwa ni sawa na kuungana na mchumba wake ahera kama kweli alikuwa marehemu! Alishanusurika kufa mara ya kwanza hakuogopa kifo hata kidogo.

Alishuka moja kwa moja hadi ziwani ambako aliona mitumbwi mingi ya wavuvi, kichwani mwake kulikuwa na wazo moja tu! Kutafuta kibarua ambacho kingemwezesha kupata fedha ya kufanyia jambo moja, kukodisha boti ambayo ingemfikisha kisiwani! Siku hiyo hakubahatisha kupata kibarua lakini siku iliyofuata alipata kazi ya kuvuta, kokoro lililotumika kutega samaki wadogowadogo, siku hiyo peke yake alipata shilingi elfu tano! Kwa wiki nzima alifanya kazi hiyo na kupata shilingi elfu ishirini, pesa hiyo aliingiza katika biashara ya samaki na kuwa anapata faida ya shilingi elfu kumi kila siku aliponunua na kwenda kutembeza katika nyumba za watu sehemu iliyoitwa Mwanga. Alikuwa na hamu ya kutimiza shilingi laki moja na elfu ishirini, kwani alishapeleleza na kuambiwa gharama ya kukodisha boti yenye injini kwenda hadi Kisiwani Galu ilikuwa ni shilingi elfu themanini, alihitaji shilingi elfu ishirini zaidi kwa ajili ya kununulia panga, mkuki, upinde na mishale, hakuwa na uhakika wa kupata bunduki hivyo alilazimika kutafuta silaha za jadi.

Wiki tatu baadaye pesa ilishatimia, akanunua silaha alizozihitaji na kukodisha boti yenye injini mbili kumpeleka Kisiwani Galu! Alielewa ugumu wa safari yake kwa sifa alizokwishakuzisikia lakini hakuogopa, alishaamua kuyatoa maisha yake kwa ajili ya Nancy! Waliondoka Kigoma saa tisa na nusu za alasiri, masaa manne baadaye giza likianza kuingia walianza kukiona kisiwa cha Galu mbele yao, Danny akaanza kuwa na matumaini.

“Si ndio kile?”

“Haswa!” Alijibu Nahodha aliyeendesha boti ambayo Danny alikodi.

“Kumbe sio mbali?”

“Ni kwa sababu boti yangu inakwenda kwa kasi sana!”CHANZO:  https://deusdeditmahunda.blogspot.com/

“Kweli kabisa!”

“Unakwenda kisiwani kufanya nini?”

“Mimi ni mwindaji wa wanyama, huwa nasafirisha kwenda nje!”

“Kazi hiyo itakuchukua siku ngapi?”

“Mbili hivi!”

“Kwa hiyo tutakuwa kisiwani kwa siku mbili?”

“Hivyo ndivyo!”

“Itabidi uongeze pesa kidogo!”

“Hakuna shaka!” Danny alimdanganya Nahodha huyo kila kitu alichosema, asingeweza kumwambia ukweli juu ya sifa za kisiwa walichokuwa wakienda lakini baada ya kuwakomboa Nancy na wadogo zake ndio angeweza kusema ukweli wake

Walizidi kusonga mbele wakikaribia kisiwa na giza lilizidi kuongezeka, wakati huo kisiwa kilionekana kuwa kama mita mia moja kutoka mahali walipokuwa, moyo wa Danny ulikuwa ukipiga kwa nguvu ukijua sasa kazi ya ukombozi ilikuwa imewadia! Alikuwa na uhakika ndani ya moyo wake kwamba Nancy alikuwa hai na ilikuwa ni lazima amwokoe na kama hakuwa hai basi bado alikuwa na wajibu wa kuwaokoa Catherine na David na kurudi nao hadi Kigoma na baadaye kwenda nao Bagamoyo.

“Mh!” Nahodha aliguna ghafla.

“Vipi?”

“Sikioni!”

“Nini?”

“Kisiwa!”

“Kweli eh? Si kilikuwa hapa mbele yetu?”

“Yaani nashangaa! Kimepotea ghafla, ni kitu gani kinatokea?” Nahodha aliuliza na kabla Danny hajajibu chochote kilitokea kimbunga cha ajabu na kuanza kuyazungusha maji kama ilivyotokea kwa maaskari waliopoteza maisha yao majini, Nahodha alianza kupiga kelele na muda mfupi baadaye boti yao ilibinuliwa wakamwagwa majini, Danny alijaribu kuogelea lakini hakuwa na uwezo huo, maishani mwake hakuwahi kufanya mazoezi ya kazi hiyo! Alianza kunywa maji kisha kuzama, akaibuka juu na kuzama tena, alifanya hivyo kama mara tatu akinywa maji alipoibuka mara ya nne hakuwa na fahamu kabisa.

*****

Nancy alikuwa nje ya kibanda cha babu Ayoub akiwa mwenye mawazo mengi kichwani mwake, alijaribu kufikiria mambo yaliyokuwa yakijitokeza maishani mwake, tabu alizokuwa akizipata akiwa kisiwani Galu na kujiona ni mtu mwenye mkosi!

Alitamani kuwa huru na kuishi maisha yasiyo na maumivu kama aliyokuwa akiishi kisiwani humo akifanywa mtumwa wa ngono na babu Ayoub jambo ambalo hakulifurahia hata kidogo! Wadogo zake Catherine na David walikaa pembeni mwake nje ya kibanda chao.

Kulikuwa na giza kila mahali lakini hawakuogopa kwani walishazoea maisha ya kisiwani, ghafla aliwaona mzee Kiwembe na Babu Ayoub wakitokea ufukweni wakiwa wamebeba kitu kizito mikononi mwao, hakutaka kujiuliza maswali mengi, aliamini labda alikuwa ni samaki mkubwa waliyemnasa siku hiyo. Wazee hao wawili hawakusimama walinyoosha moja kwa moja hadi nyuma ya kibanda kulikokuwa na kibanda kingine kidogo walichokitumia kuhifadhi samaki waliowakausha.

Nancy hakuwajali, aliendelea kukaa kimya akiwa amewakumbatia wadogo zake waliokuwa wakiwindwa na usingizi, ilikuwa ni kawaida yake kuwasimulia hadithi kila siku jioni kabla ya kulala na kuwakumbusha historia ya mahali walipotokea na kwamba siku moja wangerejea tena nyumbani kwao ambako wangeishi kwa raha mustarehe!

Muda mfupi baadaye aliwashuhudia tena babu Ayoub na mzee Kiwembe wakitokeza kutoka nyuma ya kibanda, wote wawili wakicheka! Haikuwa kawaida yao kuwa na sura hizo kila walipotoka ziwani kwa shughuli za uvuvi, Nancy alijikuta akitaka kufahamu ni kitu gani kilikuwa kimetokea.

“Vipi jamani mbona meno nje?”

“Tumemleta!”

“Nani?”

“Aliyejifanya bingwa kuliko wenzake!”

“Nani?”

“Mumeo mtarajiwa!” Alisema babu Ayoub, mara nyingi Nancy alishamsimulia juu ya Danny na namna alivyokufa na ni kiasi gani alimpenda.

“Mume wangu mtarajiwa nani?”

“Danny!”

“Danny?”

“Ndio!”

“Mmemtoa wapi?”

“Ziwani! Tulipata taarifa kwa njai tunazozifahamu kuwa anakuja na tukaenda kumpokea!”

“Yuko wapi?”

“Nyuma kwenye kibanda cha samaki!”

“Mnanitania!”

“Nenda kaangalie mwenyewe!”

Nancy akiwa amepigwa na butwaa bila kuamini alichokisikia kwa masikio yake alinyanyuka na kukimbia moja kwa moja hadi nyuma ya kibanda kulikokuwa na kibanda kingine kidogo, kwa jinsi kilivyokuwa kifupi alipiga magoti chini na kukifungua!

Kweli binadamu alikuwa ndani yake kwa sababu ya giza lililokuwepo hakuweza kuelewa mara moja kama kweli alikuwa Danny! Alinyanyuka na kukimbia hadi ndani ambako alichomoa nyasi kwenye paa la kibanda chao na kuziwasha na moto kisha kukimbia hadi nyuma ambako alimulika ndani ya kibanda na kumwona vizuri mtu aliyekuwa amelala ndani yake!

Haikuwa rahisi kuamini kuwa kweli mtu huyo alikuwa ni Danny ingawa ndicho kitu macho yake yalichoshuhudia, alihisi ni ndoto hata hivyo alijikuta akiutupa moto pembeni na kwa mikono yake miwili akaanza kumvuta Danny kumtoa ndani ya kibanda, aliyafanya yote hayo huku babu Ayoub na mzee Kiwembe wakishuhudia.CHANZO:  https://deusdeditmahunda.blogspot.com/

“Danny!Danny!Danny!” Aliendelea kuita Nancy lakini Danny hakuitika.

Alikuwa kimya kabisa kiasi cha Nancy kushindwa kuelewa kama alikuwa hai au mfu, kwa mara nyingine alipiga magoti chini akainamisha kichwa na kuweka sikio lake kifuani sehemu ya moyo na kuanza kusikiliza, aligundua moyo wake ulikuwa bado ukidunda.

Hakupata jibu ni namna gani Danny aliweza kusafiri hadi kisiwani hapo, wakati alichoamini kabla ya kuondoka Bagamoyo ni kwamba alikufa kwa kuliwa na Simba! Pamoja na hayo yote bado kichwani mwake alihisi ni ndoto na kufikiri muda si mrefu angezinduka na kujikuta yuko peke yake katika mateso kisiwani Galu.

Alichokiona kwa macho yake kiliendelea kuwa ukweli na hakuchoka kumtingisha huku akilia na kumwita kwa jina, picha iliyoonekana iliwaonyesha babu Ayoub na mzee Kiwembe ni kiasi gani Nancy alimpenda Danny.

“Unampenda sana sio?”

“Siwezi kusema uongo, ni kweli na mimi na yeye tulipanga kuoana muda mrefu uliopita, bila matatizo yaliyojitokeza hivi sasa mimi ningekuwa mke wake!” Nancy alijaribu kuwa mkweli kadri alivyoweza ili kuwaelewesha wazee hao ni namna gani alimpenda Danny, mwisho kabisa aliwashukuru kwa kumwokoa.

“Tumemwokoa kwa makusudi! Ili tuje tumuue mbele yako!”

“Jamani nawasihi msifanye hivyo!”

“Kwanini?”

“Nampenda!”

“Kwahiyo unataka kuondoka naye?”

“Si hivyo lakini nawaomba msimuue kwa mara nyingi nawashukuru sana mmemwokoa!”

“Tunasema tumemleta hapa kumuua mbele ya macho yako na wewe ukileta ubishi pia utauawa! Sisi si watu wa kuchezea hata kidogo!”

“Naelewa!”

“Mzee Kiwembe hebu mwonyeshe mfano!” Babu Ayoub alisema na mzee mwenzake akakimbia kwenda kwenye kibanda chake kilichokuwa jirani tu ambako alichukua fimbo ya Kiboko na kutoka nayo kisha kutembea nayo hadi mahali alipolala Danny akiwa hajitambui.

Kwa fimbo aliyokuwa nayo mzee huyo alianza kumchapa Danny mbavuni na sehemu nyingine za mwili baada ya kuwa amemvua nguo zote! Ngozi ya Danny ilichanikachanika na damu nyingi kumtoka! Nancy alijaribu kutaka kumzuia mzee Kiwembe asiendelee na zoezi alilokuwa nalo lakini haikuwezekana, babu Ayoub alimshika na kumzuia hata kusogea karibu.

Nancy alilia akiwaomba wasiendelee kumchapa lakini hawakusikia na mzee Kiwembe alipochoka alimkabidhi babu Ayoub fimbo na yeye kuendelea kumchakaza Danny kwa fimbo, walikuwa wamedhamiria kumuua kwa kumchapa na fimbo! Hata watoto Catherine na David pia walilia kushuhudia Danny akichapwa kiasi hicho.

Saa nzima baadaye zoezi lilisitishwa mzee Kiwembe akawachukua Catherine na David kwenda nao kwenye kibanda chake na Nancy alivutwa na babu Ayoub kwenda chumbani kwao. Kwa nguvu zake za kike alijaribu kuzuia asipelekwe lakini alishindwa, hakuwa na ubavu wa kupambana na mzee huyo, wakiwa ndani alilazimishwa kulala kitandani, huku akilia alitii amri hiyo na kujitupa kitandani. Mpaka wakati analala kitandani bado Nancy aliamini kilichokuwa kikiendelea kilikuwa ni ndoto ndefu! Isingewezekana hata kidogo Danny awe hai wakati aliliwa na Simba huko Kilosa mkoani Morogoro, isingewezekana tena awe Kisiwani Galu maelfu ya kilometa kutoka Bagamoyo.

Nancy aliendelea kuwaza na kuyalinganisha mambo yaliyokuwa yakitokea na ukweli! Usiku huo tofauti na siku nyingine zote hakuna kilichofanyika kati yake na babu Ayoub lakini kitu cha kwanza alichokifanya asubuhi ni kunyanyuka kitandani na kutembea hadi nje kwenda kuhakikisha kama kweli alichokiona jana yake kilikuwa ni kweli au ndoto, alishindwa kufanya hivyo usiku kwa sababu mlango ulifungwa na babu Ayoub na ufunguo kufichwa lakini kulipokucha aliufungua mlango.

********

Nancy aliamini alichokiona jana yake kilikuwa si ndoto baada ya kumwona Danny akiwa ameketi kitako ardhini na kunyoosha miguu yake huku akilia, ni kweli alikuwa yeye, macho yake hayakumdanganya! Alikaa pembeni mwake na kuanza kumwita kama alivyofanya jana yake,Danny alimwangalia kwa macho ya huruma bila kuitika wala kusema chochote pia alionekana kutoamini alichokuwa akikiona mbele ya macho yake. Wote wawili walikuwa wakilia na Nancy hakukata tamaa, aliendelea kumwita mpaka alipoitika.

“Nili..jua hu....jafa Nancy, hatimaye nimekuona, siyaamini macho yan...gu hivi sasa nipo tay...ari kufa ili mradi nime...kuona kwa mara nyingine!” Aliongea Danny kwa taabu.

“Siamini macho yangu, kama nimekuona tena! Nilikuwa naamini ulikufa kwa kuliwa na Simba, umefikaje hapa kisiwani Galu?!”

Danny alianza kumsimulia Nancy kila kitu kilichotokea ingawa kwa taabu kubwa, alielezea mateso aliyoyapata tangu shambani kwa mzee Katapila, nyumbani kwa mwindaji alikoishi akitibiwa kwa tiba za jadi! Operesheni aliyofanyiwa hospitalini Kilosa, hatimaye kuruhusiwa kutoka hospitali na wazazi kumweleza kila kitu kilichompata mchumba wake na kuamua kuwatoroka wazazi wa Nancy kwenda Kigoma, alieleza namna alivyopata pesa na kukodisha boti iliyomleta hadi karibu na Kisiwa cha Galu ambacho hata hivyo kilipotea machoni pao na baadaye dhoruba kubwa kutokea.

“Kwa hiyo baba na mama wanaamini mimi nilikufa?”

“Kweli kabisa na si hao tu, kila mtu ana....amini wewe ni ma....rehemu hata mimi nilitu....mia uja....siri tu!” Aliongea Danny kwa shida.

“Hawa wazee ni wachawi sana Danny, hata siku nilipokuja mimi yalinikuta mambo kama yaliyokukuta wewe! Dhoruba kali ilijitokeza na maaskari wote niliosafiri nao walikufa maji, mimi peke yangu nafikiri ndiye niliyenusurika ni wao waliofanya ninusurike na wameniambia walipata taarifa za kuja kwako wakaja kukupokea, kwa hiyo uliyekuwa umemkodisha lazima atakuwa amekufa maji!” aliongea Nancy.

“Sasa tufanyaje kuondoka hapa kisiwani kwani ni lazima tuondoke!”Alisema Danny

“Kweli kabisa Danny, lazima tuondoke hapa twende tukafunge ndoa yetu, mambo ninayofanyiwa hapa sijui kama utaweza kuyavumilia lakini mpaka sasa sielewi tutatumia njia ga..!” Kabla Nancy hajamaliza sentensi yake mlango wa banda la babu Ayoub ulianza kufunguliwa, alishtuka akijua mateso kwa Danny yalikuwa yanaanza upya.CHANZO:  https://deusdeditmahunda.blogspot.com/

“Rudi chini, lala chini haraka Danny! Jifanye huna fahamu au umekufa, huyu mzee anayekuja ni hatari!” Alisema Nancy harakaharaka na Danny alitii na kujitupa chini akatulia tuli!

Babu Ayoub alitembea taratibu kuelekea mahali Nancy alikokuwa ameketi pembeni mwa Danny aliyelala chali akijifanya hana fahamu, mkononi mzee huyo alibeba panga lenye makali kotekote, uso wake ulionekana kujawa na hasira! Nancy alielewa jambo lililokuwa mbioni kutokea.

*****

Nancy akielewa kilichokuwa kikitaka kutokea alinyanyuka mara moja na kumfuata babu Ayoub na kuanza kumbembeleza asimtendee Danny kitendo chochote cha kikatili, aliongea akilia machozi huku akimwambia mzee huyo hapakuwa na sababu yoyote ya kumuua Danny kama yeye Nancy alikuwa tayari ni mke wake!Babu Ayoub alionekana kutoyajali maneno yaliyotoka mdomoni mwa Nancy, alizidi kusonga mbele kumfuata Danny! Alikuwa amedhamiria kumuua mbele ya Nancy ili aweze kummiliki mwanamke huyo moja kwa moja, Nancy hakuchoka alizidi kumbembeleza mwisho alipiga magoti chini na kumshika miguu akimwomba arudishe moyo wake nyuma na kumhurumia Danny.

“Hana makosa! Kama ni mimi na yeye kupendana ilikuwa ni zamani babu Ayoub, tafadhali usimdhuru ni bora umwache hai hata kama utakuwa unamfungia kwenye kile kibanda kidogo, inatosha kuliko kuitoa roho yake!” Aliendelea kuongea Nancy na katika hali ambayo hakuitegemea kabisa alishangaa kumwona babu Ayoub akinyoosha mkono wake na kumkabidhi Nancy Panga, kwa fikra zake Nancy alifikiri labda angeelezwa alirudishe panga hilo ndani lakini alishangaa alipoyasikia maneno yaliyotoka mdomoni mwa babu Ayoub.

“Mcharange!”

“Unasema?”

“Nasema umkatekate wewe mwenyewe mpaka afe!”

“Jamani babu Ayoub! Kwanini unanipa mtihani mgumu kiasi hiki? Unajua kabisa siwezi kumuua Danny ingawa simpendi tena, nakupenda wewe!”

“Achana na hayo ninachosema mimi ni kwamba nataka umkatekate kwa panga akatike vipandevipande!”

“Siwezi! Labda ufanye mwenyewe!”Aliongea Nancy akilia.

Danny alikuwa kimya akijifanya mfu wakati alielewa kila kitu kilichoendelea, moyoni mwake hakuwa na uhakika na kitu ambacho kingetokea dakika kumi baadaye! Alifahamu Nancy asingeweza kumkatakata kwa panga kama alivyokuwa akiamriwa lakini alielewa babu Ayoub alikuwa na uwezo wa kufanya hivyo, muda wote akiwa amefumba macho alimwomba Mungu muujiza utokee ili asiweze kuuawa, hakuwa na msaada mwingine wowote isipokuwa kwa Mungu!

Babu Ayoub alilinyakua panga toka mikononi mwa Nancy na kuunyanyua mkono wake juu tayari kwa kushusha na kumkatakata Danny, Nancy alikuwa akilia na kumbembeleza mzee huyo asifanye kitendo alichotaka kufanya, alimhakikishia yeye na Danny kusingekuwa na kitu tena! Alitumia kila aina ya maneno kubadilisha msimamo wa mzee huyo aliyeonekana wazi kumchukia Danny! Katika mshangao ambao Nancy hakuutegemea babu Ayoub alishusha panga lake chini huku akihema kwa nguvu, huruma ilikuwa imemwingia! Aliyaamini maneno ya Nancy na kuamua kuahirisha mauaji aliyotaka kuyafanya, mwili wa Danny ulikuwa umekufa ganzi akisubiri panga lishuke mwilini mwake hapo ndipo angeanza kupambana.

“Huyu hajafa!”

“Bado amezimia!”

“Nancy!”

“Bee!”

“Namwacha hai kwa sababu yako, nakupenda sana na sitaki kukuumiza lakini sitaki kuona uhusiano wa karibu kati yako na yeye na siku yoyote nitakapogundua kuna jambo linaendelea mtakiona cha mtema kuni, nitamuua yeye na wewe!”

“Sawa! Ahsante sana mpenzi, hautaona chochote kibaya! Kumbuka mimi ninakupenda na simpendi Danny tena, ilikuwa zamani wa sasa hivi ni wewe!” Aliongea Nancy akitetemeka bila kuamini kilichokuwa kimetokea, maneno yake ya kubembeleza yalikuwa yamefanya babu Ayoub aahirishe mauaji.

Si kwamba hakumpenda Danny, alimpenda kuliko kitu kingine chochote! Yote aliyoyafanya yalikuwa ni kumdanganya babu Ayoub, fikra zake zilikuwa kutoroka yeye na mchumba wake pamoja na wadogo zake! Ili hilo liwezekane ilikuwa ni lazima ajenge uhusiano wa karibu zaidi na babu Ayoub ili kumpumbaza na baada ya hapo ndio mipango ya kutoroka ingeendelea, alishuhudia babu Ayoub akimbeba Danny na kwenda kumfungia kwenye kibanda kidogo kilichokuwa nyuma ya nyumba, kilikuwa kidogo mno kiasi cha kushindwa hata kujigeuza lakini humo ndimo alimotakiwa kuishi siku zote akiwa kisiwani.

Muda mfupi baadaye mzee Kiwembe aliwasili akiwa na nyavu zake mkononi na kumtaka babu Ayoub waondoke kuelekea kazini, aliondoka akifuatana na Nancy hadi ndani ya kibanda chao, bado Nancy aliendelea kumpa shukrani kwa wema aliuofanya, yote hiyo ikiwa ni kumpumbaza mzee huyo! Hakuwa na kitu cha kuchukua ndani zaidi ya nyavu na kutoka hadi nje ambako aliungana na mwenzake na wakashuka kuelekea mwaloni ambako walipanda mitumbwi yao na kuelekea ziwani kwa shughuli zao za uvuvi, nyuma Nancy hakuwa na kitu kingine zaidi ya kwenda kwenye kibanda akiwa na wadogo zake na kuanza kuongea na Danny! Alimpa matumaini makubwa ya kuondoka kisiwani wakiwa salama na alimwomba awe mvumilivu, alimtayarishia chakula asubuhi hiyo hiyo akala lakini akiwa ndani ya kibanda! Nancy aliogopa kumtoa ingawa alikuwa na uwezo huo, hofu yake kubwa ilikuwa kurudi kwa babu Ayoub ghafla..

“Tutaondokaje?

“Hiyo itakuwa ni kazi yangu! Lazima tuondoke kisiwani, niachie mimi Danny! Haiwezi kuwa ghafla lazima nimlainishe kwanza huyu mzee!”

“Nitavumilia Nancy! Kumbuka mimi na wewe tuna ahadi ya kufunga ndoa na tumepoteza mambo mengi sana maishani mwetu ikiwemo elimu sababu ya uhusiano wetu, nakusihi tusiache jambo hili lipotee hivi hivi!”

“Halitapotea Danny! Wewe vumilia tu, kila siku natafuta mbinu ya kutuondoa hapa kisiwani!”

Ilikuwa siku moja mwisho ikatimia wiki, hatimaye mbili mwisho mwezi! Danny akiwa ndani ya kibanda, kitu pekee ambacho Nancy alikuwa amefanikiwa kukifahamu mpaka wakati huo ni mahali mtumbwi wa wazee hao wawili ulipofichwa, hilo peke yake lilimpa matumaini ya kuondoka kisiwani! Alipomwambia Danny juu ya jambo hilo pia alimpongeza, kilichobaki kikawa ni lini waondoke tena bila kumwacha mtu kisiwani zaidi ya mzee Kiwembe na babu Ayoub.CHANZO:  https://deusdeditmahunda.blogspot.com/

“Hilo linahitaji uvumilivu kidogo!”

“Lakini angalau umekwishajua nini cha kufanya!”

“Ndio!”

“Babu Ayoub anasemaje kuhusu mimi?”

“ ila siku anasema utakaa ndani ya kibanda hiki mpaka mwisho wa maisha yako, anadai uko katika kifungo cha maisha!”

“Wewe huwa unamwambiaje?”

“Sina cha kumwambia zaidi ya kumkubalia lakini nikiwa na moja kichwani!”

“Jitahidi Nancy, jambo hili lifanyike mapema nateseka sana kuishi katika kibanda kidogo kama hiki!”

“Naelewa mpenzi lakini hawa wazee si wakuwaendea haraka, inabidi tuwe makini sana katika zoezi tunalota





“Naelewa mpenzi lakini hawa wazee si wakuwaendea haraka, inabidi tuwe makini sana katika zoezi tunalotaka kulifanya, vumilia tu Danny, hatutamaliza wiki mbili hapa lazima tutakuwa tumeshaondoka kwa kutumia mtumbwi wao, kinachonisumbua ni namna gani tutaweza kuondoka wote!”

“Kwanini?”

“Nilikuwa nafikiri kuondoka usiku wakati babu Ayoub akiwa usingizini lakini nashindwa kuelewa tutawachukuaje Catherine na David ambao wanalala na mzee Kiwembe!”

“Hapo kweli ni kazi ngumu!”

“Sitaki kuwaacha Catherine na David hapa kisiwani, hiyo ndiyo kazi iliyonileta na wewe ulikuja kunifuata mimi!”

“Sasa tutafanyaje?” Danny aliuliza.

“Subiri nitafikiria!”

Siku mbili baadaye katikati ya usiku Danny alishtukia mlango wa kibanda alichofungiwa ndani mwake ukifunguliwa, ni kitendo hicho ndicho kilimuamsha usingizini, alishindwa kuelewa ni nani alikuwa akifungua mlango kwa harakaharaka aliamini ni babu Ayoub amekuja kumuua bila Nancy kuwepo lakini sauti iliyofuata ikinong’ona haikuwa ya babu Ayoub, alikuwa ni Nancy.

“Danny! Danny!” Iliita.

“Naam!”

“Toka twende!”

“Wapi?”

“Tutoroke!”

Danny alichomoka haraka kutoka kibandani na kusimama wima, swali lake la kwanza lilikuwa watoto, alitaka kujua ni wapi walikokuwa Catherine na David! Nancy hakutaka kumjibu, alimshika mkono na kuanza kukimbia naye wakipita katika ya vichaka kuelekea ufukweni ambako hisia za Danny zilimfanya afikiri Catherine na David walikuwa wakiwasubiri, ufukweni hapakuwa na watoto lakini mtumbwi ulikuwa tayari.

“Panda!”

“Watoto?”

“Wewe panda!” Nancy alisisitiza na Danny akapanda bila kuuliza maswali zaidi, Nancy alianza kupiga kasia na mtumbwi ukaanza kusogea mbele taratibu, hali ya ziwa ilikuwa shwari kabisa na kulikuwa na dalili za mvua! Ingawa walielewa uchawi na miujiza ya babu Ayoub na mzee Kiwembe hawakuogopa walikuwa tayari kupoteza maisha yao wakijaribu kujiokoa kuliko kuendelea kuteseka, mpaka wakati huo Danny hakuelewa ni wapi walikokuwa Catherine na David na hakuuliza tena! Kilometa kama kumi katikati ya maji, kukiwa na giza kila upande Nancy alichoka na kumkabidhi Danny kasia, akaiendeleza kazi na kusonga mbele kilometa ishirini zaidi! Alipochoka naye alimkabidhi Nancy kasia wakaendelea kubadilishana kwa mtindo huo mpaka kufika mbali kabisa mahali walikoelewa si babu Ayoub wala mzee Kiwembe ambaye angeweza kuwapata tena.

******

Saa kumi na nusu ya usiku, babu Ayoub alizinduka usingizini kitu cha kwanza ilikuwa ni kupapasa upande wake wa kushoto ambako mke wake siku zote alilala! Hakukuta kitu akafikiri labda alikuwa amekwenda kujisaidia kwa sababu mlango ulikuwa wazi lakini aliposubiri kwa saa nzima alishtuka, ikabidi atoke nje harakaharaka na kuanza kuangaza huku na kule lakini hakumwona Nancy mahali popote. Kilichomwijia kichwani harakaharaka ni Nancy alikuwa ametoroka pamoja na Danny, ili kuhakikisha jambo hilo alizunguka nyuma kwenye kibanda na kukuta kibanda kiko wazi na Danny hayupo ndani yake.

Alikimbia moja kwa moja hadi kibandani kwa mzee Kiwembe akagonga mlango na kufunguliwa kisha kumkalisha chini na kumweleza kila kitu kilichotokea usiku huo, mzee Kiwembe hakuamini kwa sababu Catherine na David walikuwepo, aliamini Nancy asingeweza kuondoka kisiwani na kuwaacha wadogo zake aliowapenda kiasi hicho.

“Sasa wako wapi?”

“Twende ufukweni tukaangalie!”

“Sawa!”

Waliondoka mbio kuelekea ufukweni mwa ziwa kuangalia kama Nancy na Danny walikuwepo, walishangaa kukuta mtumbwi wao haupo jambo lililoashiria kuwa kweli walikuwa wametoroka! Roho ilimuua babu Ayoub, alisonya na kuapa wasingefika mbali! Wote wawili waliondoka mbio kurudi vibandani mwao ambako walichukua zana zao zote za uchawi ili wavuruge hali ya hewa ziwani, Danny na Nancy wazame na baadaye watume mashetani yao kwenda kuwakamata na kuwarudisha kisiwani.

“Wakirudi hapa hakuna kitu kingine cha kufanya zaidi ya kuwachinja, wanacheza na mimi ngedere hawa!”

Moto uliwashwa, dawa nyeusi kutoka kwenye kibuyu zikamwagwa ndani yake na moshi ukaanza kupanda kwenda juu na kimbunga kikubwa kikajitokeza, wote wakasimama na kuanza kusema maneno kwa kabila yao wakiamuru kibunga hicho kiende kikawalete Nancy na Danny!

******

Pamoja na kuwa wamekwenda umbali mrefu majini kwa kupiga kasia na kuwa na uhakika walikuwa wamefanikiwa kuwatoroka babu Ayoub na mzee Kiwembe, ghafla hali ya ziwa lililokuwa limetulia ilibadilika! Upepo mkali ulijitokeza ukivuma kutoka Kaskazini kwenda Kusini na kusababisha mawimbi makubwa pamoja na dhoruba isiyo na maelezo, mara moja Nancy alielewa kilichokuwa kikiendelea, babu Ayoub na mzee Kiwembe walikuwa wamefanya mambo yao! Matumaini ya kunusurika yalianza kupotea, picha ya ndoa yao iliyokuwa imeanza kujijenga kichwani ilianza kufutika, hali ilizidi kuwa mbaya na wote wawili waliamini kifo kilikuwa haki yao! Walikumbatiana wakiwa hawana matumaini kabisa na kulia machozi kwa pamoja.CHANZO:  https://deusdeditmahunda.blogspot.com/

“Tufanye nini darling?” Danny aliuliza.

“Kwa kweli sielewi!”

“Unafikiri huu ni upepo wa kawaida?”

“Hapana!”

“Sasa ni nini?”

“Hii ni kama ile siku ya ulipozama wewe na niliyozama mimi, hawa ni wale wale wazee na uchawi wao!”

“Ndio nakuuliza tufanyeje?”

“Kwa kweli sielewi! Kuna uwezekano tukajikuta tuko huko huko kisiwani!”

Kwa muda wa saa mbili hali iliendelea kuchafuka, mawimbi yalikuja makubwa kama nyumba na kuujaza mtumbwi wao maji! Hali ilikuwa mbaya, katika maisha yao hawakuwahi kukumbana na dhoruba kali kiasi hicho, machozi waliyolia yote yalikwenda na maji! Haukupita muda mrefu mtumbwi wao ukawa umepinduka na kujifunika chini juu, wote wakamwagwa majini! Danny alifanikiwa kujivuta na kupanda juu ya mtumbwi na kuketi akishuhudia Nancy akihangaika majini, hakuwa na uwezo hata mdogo wa kuogelea! Roho ilimuuma kwani hakuwa tayari kushuhudia kifo cha Nancy, ingawa yeye pia hakuwa na uwezo wa kuogelea, alichofanya ni kujitupa tena majini na kukamata gauni la Nancy kwa mkono wa kulia huku mkono wa kushoto ukiwa umeushika mtumbwi na kumfanya aelee.

Alimvuta Nancy na kumsogeza karibu yake na kuzuia asizame tena kwenda chini huku akiendelea kunywa maji, Danny alifurahi kuona amefanikiwa kulifanya jambo hilo aliloamini lilizuia kifo cha mwanamke aliyempenda kuliko wote, kwa nguvu zake zote alijivuta na kufanikiwa kupanda tena juu ya mtumbwi na kulala juu yake huku mkono wake wa kulia ukiwa umeshikilia gauni la Nancy aliyekuwa majini, kichwa peke yake ndio kikionekana juu ya maji! Hakuwa na uwezo wa kuongea chochote, alikuwa kimya kiasi cha kumfanya Danny ahisi labda alishakufa tayari na moyo wake kuuma kuliko kawaida, hakuwa tayari kabisa kukubaliana na ukweli huo kwani alikuwa amehangaika sana na mwanamke huyo, fikra zake zilipomrudisha chuo kikuu walikosoma pamoja, matatizo waliyoyapata katika mapenzi yao na mahali walipokuwa wakati huo Danny alijikuta akipita kelele na kukataa kabisa kuwa Nancy alikuwa bado hajafa..

“Nancy!Nancy!Nancy!” Alimwita mara tatu mfululizo bila kuitikiwa! Jambo hilo lilimfanya azidi kuamini mchumba wake hakuwa hai pamoja na kuukata ukweli huo, maji aliyokuwa amemeza yalikuwa yamemdhuru, pengine yalijaa kwenye mapafu na kumfanya ashindwe kupumua, Danny alitamani wawe nchi kavu ili aweze kumkamua maji yatoke tumboni lakini hapakuwa na uwezekano huo, pamoja na hali hiyo bado hakukata tamaa, hakuwa tayari kumwachia kwa mkono wake wa kulia uliendelea kushikilia gauni la Nancy akiwa amelala juu ya mtumbwi.

Mara kadhaa alijaribu kumvuta ili ampandishe juu ya mtumbwi lakini haikuwezekana, Nancy alikuwa mzito kupita kiasi na hali ya hewa ilikuwa ikiendelea kuwa mbaya kadri saa zilivyozidi kupita, mtumbwi ulikosa muelekeo na kuanza kupelekwa na maji kufuata mkondo na upepo! Hakuelewa tena walikuwa wakielekea wapi lakini bado hakumwachia Nancy aliyekuwa kimya kabisa! Hatimaye ikawa jioni na usiku ukaingia haliya hewa ilikuwa bado ni mbaya, majira kama ya saa saba na nusu ya usiku alimsikia Nancy akijitingisha na alipomwita aliitika, Danny akafurahi kupita kiasi, lilionekana kuwa jambo ambalo hakulitegemea kabisa.

“Tuko wapi?”

“Majini!”

“Nini kimetokea?”

“Tumezama!”

Jibu hilo la Danny lilimfanya Nancy akumbuke kila kitu na kuelewa kumbe alipoteza fahamu muda mfupi baada ya mtumbwi wao kuzama, kumbukumbu zilizidi kumiminika hasa alipouona mtumbwi wao na Danny akiwa juu yake na aliamini kila kitu kilichokuwa kikitokea ilikuwa kazi ya wazee wawili hatari, mzee Kiwembe na babu Ayoub! Lakini kwa sababu walikuwa hai mpaka wakati huo aliamini wasingekufa na alimwomba Danny aendelee kumshikilia kwani mwili wake haukuwa na nguvu, alikuwa amelegea na alikuwa na na ganzi kali mwilini iliyosababishwa na ubaridi wa maji, hicho ndicho kilifanya ashindwe hata kupanda juu ya mtumbwi pamoja na msaada wote aliopewa na Danny.

Ikawa asubuhi, ikawa jioni siku ya pili! Na ikawa tena asubuhi, ikawa jioni siku ya tatu na hatimaye siku ya nne na ya tano bado wakielea majini, Danny akibadilisha mikono kutoka kushoto kwenda kulia kumshikilia Nancy aliyekuwa bado yupo ndani ya maji, kama ilivyokuwa mwanzo alikuwa haongei kitu tena na si yeye tu bali pia Danny hakuwa na kauli! Baridi kali iliyokuwepo ziwani, dhoruba iliyosababishwa na mvurugiko wa ziwa pamoja na njaa ya siku tano bila kula chakula iliwamaliza nguvu kabisa, walikuwa ni kama maiti, ingawa walihema hawakuwa na matumaini ya kupona! Walijihesabu ni wafu, matumaini ya kunusurika yalishafutika..

“N...an....cy!” Aliita Danny akitetemeka.

“B..e..e!” Nancy naye aliitika meno yake yakigongana, huku kitu kama moshi kikimtoka mdomoni sababu ya baridi, nguzo yake wakati huo ilikuwa Danny kama mkono wake ungemwachia basi angezama majini na kufa mara moja!

“Na....kup..enda!”

“Nak...pe.....nda..pia!”

“Na ni...natamani tuo....kolewe ili tuka....funge nd..oa ye..tu!” Aliendelea kuongea kwa taabu Nancy.

“Ha..ta mi...mi pia nat...am...ani!”

“Lakini mikono yangu ime...choka kukushikilia Nancy! Nashi.......ndwa kue.....ndelea, nalazi....mika kuku....achia! Sio kwa.....mba siku....pendi lakini kwa sa....babu siwezi tena mpenzi, misuli yote inaniuma na mikono imekufa ganzi! Naomba usinielewe vibaya, tangulia na mimi nakufuata, tutafunga ndoa yetu pep....oni ka...ma tukifa...nikiwa ku...fika huko! Kumbuka kutubu dhambi zako zote, mimi na we...we tuli....ua watu wengi sana!” Aliongea Danny mkono wake ukilegea na kuanza kumwachia Nancy.

“Danny! Danny! Tafa..dhali usini...achie! Jika...ze kidogo, sita...ki kufa!” Aliongea akilia Nancy na machozi yakimtiririka na kujichanganya na maji ya ziwa.CHANZO:  https://deusdeditmahunda.blogspot.com/

Pamoja na kulia akiomba asiachiwe haikuwezekana tena, vidole vya Danny vilimwachia taratibu, Nancy akaanza kuzama macho ya Danny yakishuhudia hatimaye kichwa kikamezwa na maji.

********

Kikao kilikuwa kikiendelea ndani ya ofisi ya Kamanda wa Polisi wa Mkoa wa Kigoma, karibu uongozi wote wa jeshi la polisi nchini ulikuwa ndani ya ofisi hiyo, mpaka Inspekta Jenerali aliyewasili asubuhi ya siku hiyo kwa helkopta kutokea Dar Es Salaam! Suala la Kisiwa cha Galu na watoto waliodaiwa kutekwa na kufichwa pamoja na idadi ya maaskari waliopoteza maisha lilishakuwa la Kitaifa, ilikuwa ni aibu kwa jeshi kushindwa kuingia katika kisiwa hicho na kuwakomboa watoto waliokuwepo.

“Mnafikiri tufanye nini?” Inspekta Jenerali aliuliza akitaka kufahamu kama kulikuwa na mawazo yoyote tofauti baada ya operesheni hiyo kusitishwa kwa kipindi.

“Labda twende Kasulu, yupo mzee mmoja anaitwa Kazaroho!” Kamanda wa Polisi alisema.

“Wa nini?”

“Ni Mganga maarufu sana wa jadi!”

“Atusaidie nini?” Inspekta Jenerali aliuliza

“Ninachoamini mimi ni kwamba kisiwa cha Galu kina mambo ya kishirikina ndio maana vijana wetu wanapoteza maisha, mzee ninayemwongelea anaweza kutupa ndumba angalau za kuzuia upepo ili tuweze kufika kisiwani, vinginevyo tutaendelea kufa Kamanda!”

“Yaani wewe katika Karne ya ishirini na moja unataka kuliingiza jeshi la polisi katika mambo ya uchawi na ushirikina? Hufai! Mara ishirini ungeniambia tutafute mchungaji twende naye akafanye maombi ili nguvu za giza zipambane na nguvu za Mungu hapo ningekuelewa” Inspekta Jenerali alifoka na Kamanda wa polisi alibaki kimya kabisa.

Watu wote waliokuwemo katika kikao hicho walitoa mawazo yao lakini wazo lililoonekana kukubalika zaidi ni la Mkuu wa Kituo cha Kati mjini Kigoma Inspekta Ibrahim Katole, yeye alishauri helkopta aliyokwenda nayo Inspekta Jenerali ndiyo itumike kuwasafirisha askari mpaka kisiwani, kila mtu alipiga makofi kulishangilia wazo hilo hata Inspekta Jenerali alikubali akiamini kama njia ya maji ilikuwa haiwezekani basi njia ya anga ndiyo iliyotakiwa kutumika.

“Labda hao wazee na hali ya hewa wanaweza kuichafua halafu helkopta yetu ikaanguka?”

“Sidhani!”

“Potelea mbali lolote litakalojitokeza niko tayari! Suala hili limenifanya nionekane siwezi kazi, Kamanda andaa vijana ili waondoke sasa hivi kwenda kisiwani Galu, wape silaha za kutosha! Nataka watakaporudi hapa wawe na hao wazee wawili pamoja na hao watoto!”

“Sawa afande!” Aliongea Kamanda wa Polisi wa Mkoa wa Kigoma akipiga saluti kuonyesha heshima kwa mkubwa wake wa kazi na huo ndio ukawa mwisho wa kikao.

Kilichofuata baada ya hapo yalikuwa ni maandalizi ya safari ya kwenda Galu,maaskari kumi na tano wenye uwezo wa kupambana walipangwa kwa ajili ya operesheni hiyo na kupewa zana zote za kazi, majira ya saa saba ya mchana helkopta iliondoka kuelekea kisiwani Galu, maaskari wote wakiwa wamapania kupambana kwa nguvu zao zote hata kama ingebidi wapoteze maisha lakini wawaokoe watoto waliokuwa kisiwani! Wasiwasi wao ulikuwa mmoja tu, NGUVU ZA GIZA! Hawakuwa na uhakika kama wazee wachawi waliokuwa kisiwani wasingeweza kuitungua helkopta yao kwa makombora ya kichawi na kuwateketeza.

“Tutafika?” Waliulizana.

“Lolote litakalokuwepo mbele ni halali yetu ili mradi tuliamua kwa hiari yetu kuingia jeshini! Au kuna mtu alilazimishwa?”

“Hapana!”

“Basi kazi ni moja tu!” Mkuu wa msafara huo Inspekta Ibrahim Katole aliwaambia vijana wake, pamoja na maneno hayo hakuna aliyekuwa na uhakika wa kufika kisiwani salama, sifa za wazee wawili hatari walioishi katika kisiwa hicho ziliwatisha..

*****

Helkopta ya jeshi la polisi ilikuwa ikipita juu ya maji katikati ya ziwa Tanganyika kuelekea kisiwani Galu, ndani yake kulikuwa na maaskari waliokuwa na hamu kubwa ya kufika katika kisiwa hicho ili kukabiliana na wazee wawili wachawi, tayari walikuwa wakiona kisiwa hicho kwa mbali na walitegemea katika muda wa dakika tano wangekuwa wakitua kisiwani humo! Ghafla mmoja kati ya maaskari alipiga kelele akiwaita maaskari wenzake ambao wote macho yao yaliangalia mbele.CHANZO:  https://deusdeditmahunda.blogspot.com/

“Vipi afande?”

“Jamani hebu angalieni pale!”

“Kuna nini?”

“Kuna watu wamezama na mtumbwi!”

“Yaani wewe umewaona kwa macho yako?”

“Hapana nimetumia hiki kiona mbali!”

“Hebu!”Mkuu wa kikosi hicho aliomba kiona mbali na kuanza kuangalia chini majini, kweli aliwaona watu wawili mmoja akiwa juu ya mtumbwi na mwingine akiwa amezama kichwa peke yake kikiwa juu ya maji!

“Umewaona?”

“Kweli kabisa!”

“Sasa tufanye nini? Tunyooshe Galu au tuwaokoe kwanza?”

Wawili kati yao waliamua safari iendelee ili watimize kazi waliyotumwa na jeshi lakini wengi walisema wafanye kila kilichowezekana kuokoa roho za watu hao, kauli ya wengi wape ilipita na helkopta ikaanza kushushwa taratibu kuelekea majini eneo ambalo watu hao walionekana, huku kamba zikitayarishwa kwa ajili ya mmoja wa maaskari kushuka hadi majini na kutoa msaada! Lakini kabla hawajafikachini karibu zaidi askari aliyekuwa na kiona mbali alipiga kelele kuwaeleza wenzake kuwa tayari aliyekuwa majini amezama kabisa!

Kamba ilishushwa haraka na mmoja wa maaskari akapita katika moja ya milango na kushuka moja kwa moja kwa kutumia kamba hadi majini, wakati anafika ndio Nancy alikuwa akiibuka kwa mara ya kwanza huku akinywa maji mengi, askari alimdaka na kumfunga kamba mkononi kisha kuwaonyesha ishara wenzake na mashine maalumu ya kuvuta kamba iliyokuwemo ndani ya helkopta ilianza kufanya kazi yake na wote wawili wakavutwa hadi juu na kusadiiwa kuingia ndani.

Kamba nyingine ilitupwa tena majini ikiwa imemfunga askari mwingine ambaye alikwenda moja kwa moja hadi chini karibu na mtumbwi ambao Danny alilala juu yake, aliipitisha kamba shingoni na kumfunga kifuani kisha kuonyesha ishara kama alivyofanya mwenzake na hapohapo akaanza kuvutwa kuelekea juu! Ilikuwa operesheni ya dakika zisizozidi tano, wote wawili wakawa wameokolewa!

“Mh! Huyu msichana nimemkumbuka! Ndiye aliyeondoka na maaskari wetu mara ya kwanza kabisa, na tukaamini kwamba amekufa! Nashangaa sana kumwona yuko hai!”Alisema mmoja wa maaskari wakati wakijitahidi kumkamua Nancy maji aliyokuwa ameyameza katika wakati wa kuzama.

“Aisee ni kweli kabisa!”

“Lakini taarifa tulizozipata ni kwamba alikufa pamoja na maaskari wetu?”

“Hivyo ndivyo ilivyosemekana!”

“Na huyu kijana?”

“Huyu simkumbuki!”

“Au ni mmoja wa watekaji?” Waliulizana na Danny alisikia kila kitu kilichoongelewa.

“Hap....ana jamani mimi sio mte.....kaji na mimi pia nilit....ekwa na wazee wa.....wili wana....oitwa Kiwembe na Ayoub!” Aliongea kwa taabu Danny, mashavu yake yalikuwa bado yameng’ang’aniana kwa sababu ya baridi..

“Wewe ni nani?”

“Naitwa Danny! Mchu.....mba wa.....ke na Na...ncy! Nawa...shukuru sana kwa kut....uokoa, nani amewa....eleza kwa...mba tuko hapa?”

“Hatujaelezwa na mtu ila tulikuwa safarini kwenda kisiwani Galu kuwakomboa watoto wawili waliotekwa muda mrefu na wazee uliowataja!” Mmoja wa maaskari alisema, hapo Danny aliwaeleza kila kitu kilichotokea ingawa kwa taabu, Nancy akiwa kimya akiendelea kukamuliwa maji tumboni., ilikuwa ni bahati kubwa sana kwao kuokolewa kwani walishakata tamaa kabisa ya maisha.

Uamuzi uliochukuliwa ni kuwarejesha Nancy na Danny Kigoma haraka iwezekanavyo kabla safari ya kwenda Galu haijafanyika, hali zao zilikuwa mbaya na ziliwatisha maaskari wote waliokuwemo ndani ya helkopta hiyo ya polisi, waliwasiliana haraka na Kamanda wa Polisi wa Mkoa kumtaarifu juu ya kilichokuwa kikiendelea, tayari ilishakata kona kuelekea Kigoma ambako walifika dakika ishirini baadaye na kutua na Danny na Nancy wakashushwa na kupakiwa katika magari ya wagonjwa yaliyokuwa yameandaliwa tayari na kuondoka muda huo huo kuelekea hospitali ya Mkoa wa Kigoma, Mlugwanza.

Askari nao hawakutaka kupoteza muda bado walikuwa na safari ya kwenda kisiwani Galu, ilikuwa ni lazima siku hiyo wafike na kuwatia nguvuni mzee Kiwembe na babu Ayoub waliotisha kwa uchawi! Hiyo haikuwa kazi pekee bali pia kuwaokoa watoto David na Catherine ambao tayari walikuwa na uhakika kwa maelezo waliyopewa na Danny kwamba kuwa walikuwepo kisiwani! Dakika thelathini baadaye helkopta yao ilitua Kaskazini mwa kisiwa cha Galu kilometa ishirini kutoka mahali makao ya wazee hao wawili yalipokuwa.

“Twendeni!” Kiongozi wa maaskari aliamuru.

“Sawa afande!”

“Tuko tayari afande!” Maaskari waliitikia mfululizo na wote walianza kutembea silaha zikiwa mikononi mwao kuelekea sehemu walikoviona vibanda ambavyo waliamini vilikuwa vya watu waliokuwa wakiwatafuta, walikuwa na uhakika hakuna aliyegundua kwamba walikuwa wametua kisiwani hapo.

Nusu saa baadaye wakipita chini ya miti walitokeza eneo hilo, kitu cha kwanza walichokiona ni watoto wawili wakiwa wamekaa nje wakiota jua, afya zao zilikuwa mbaya na waliamini ni watoto hao waliokuwa wamewafuata! Hawakuwaona wazee waliokuwa wakiwatafuta mahali popote, pamoja na maaskari wengine kudai wawachukue watoto kiongozi wa kikosi alikataa na kusema inabidi wavumilie mpaka watakapotokeza ili wawakamate na kuondoka nao!

“Lakini afande tungechukua kwanza watoto!”

“Hapana!”

“Basi tukaangalie inawezakana wapo ndani!”

“Tulieni kwanza kama wapo ndani tutawaona wakijitokeza!”

Maaskari wote walitii amri ya kiongozi wao na kubana katika nyasi, eneo ambalo waliona kila kitu kilichoendelea katika vibanda vya wazee hao, watoto waliendelea kukaa nje na muda mfupi baadaye mzee Kiwembe na babu Ayoub walifika wakikimbia kutoka eneo la chini na kuingia ndani ya vibanda vyao na walipotoka waliowanyakua watoto na kuanza kukimbia kuelekea walikotokea! Ni hapo ndipo maaskari walipojitokeza na kuwaweka chini ya ulinzi.CHANZO:  https://deusdeditmahunda.blogspot.com/

“Mpo chini ya ulinzi hamtakiwi kufanya lolote tafadhali wekeni hao watoto chini!”

Mzee Kiwembe na babu Ayoub waliwaweka David na Catherine chini na kunyanyua mikono yao juu, hawakuwa na ujanja tena! Uchawi wao haukuwa na uwezo nchi kavu zaidi ya majini, maaskari wawili wenye pingu walitembea kwenda mbele na kuwafunga mikono yao pamoja na kuwabeba David na Catherine, safari ya kuelekea mahali ilipokuwa helkopta ilianza, maaskari walishangaa jinsi ambavyo kazi ya kuwakamata wazee hao ilivyokuwa rahisi tofauti kabisa na walivyofikiria.

“Ah! kumbe tulikuwa tunaogopa bure!” Mmoja wa maaskari alisema wakati helkopta inaiacha ardhi ya kisiwa cha Galu.

“Usiseme hivyo! Hawa wazee wanatisha majini, wenzetu wengi sana wamepoteza maisha! Shukuru Mungu tumetumia helkopta hata sisi tusingepona kama tu tungejaribu kutumia boti!”

Dakika tano baadaye wakiwa angani, lilijitokeza wingu zito tena kwa ghafla ambalo lililowashangaza wote na kusababisha giza lililomfanya rubani ashindwe kuona mbele, wote walianza kuingiwa na hofu kuwa huenda nguvu za giza za wazee hao hatari zilikuwa zimeanza kufanya kazi.

*****

Taarifa za kuokolewa kwa Danny na Nancy zilitangazwa katika taarifa ya habari ya siku hiyo mchana ambayo pia mzee Katobe na mkewe waliisikia, hawakuamini! Walifikiri labda masikio yao yamesikia kitu kingine hasa mtangazaji aliposema kwamba, jeshi la polisi lilikuwa limekwenda kwa helkopta kisiwani Galu kuwakomboa watoto wengine waliobaki na kuwatia nguvuni wazee waliowateka ili wafikishwe mbele ya sheria.

Hawakutaka kupoteza muda walichofanya ni kwenda benki kuchukua fedha na kusafiri hadi Dar Es Salaam ambako walipanda ndege iliyowasafirisha moja kwa moja hadi Kigoma, safari nzima mama yake Nancy alikuwa akilia na alishindwa kuelewa machozi yalimtoka kwa sababu ya furaha au huzuni alitamani kuwaona watoto wake alioamini walikuwa wafu tayari! Mpaka anafika hospitali ya Murugwanza kutoka uwanja wa ndege wa Kigoma alikuwa bado hajaamini kama kweli waliookolewa walikuwa ni Nancy na Danny, alihisi labda ni watu wengine lakini walipofika wodini na kuwaona, machozi zaidi yalimtoka, hayakuwa machozi ya huzuni isipokuwa furaha! Aliinama na kumbusu Danny kisha kwenda kwa Nancy na kumbusu pia, vivyo hivyo ndivyo alivyofanya mzee Katobe..

“Poleni wanangu!”

“Ahsante mama!” Alijibu Danny.

Nancy hakuwa na uwezo wa kuongea, yaliyokuwa yakitokea kwake yalikuwa ni kama ndoto, hakuamini kama kweli alikuwa amewaona wazazi wake baada ya mateso ya muda mrefu! Machozi yalikuwa yakimbubujika mfululizo, kwake pia yalikuwa ni machozi ya furaha si huzuni, lakini furaha yake ilikuwa haijakamilika mpaka David na Catherine pia waokolewe.

“Taarifa ya habari imesema kwamba polisi kwa kutumia helkopta iliyowaokoa ninyi wamerudi tena kisiwani kuwafuatilia Catherine na David ikiwa ni pamoja na kuwatia nguvuni wazee waliowateka!”

“Baba wazee hao ni wakatili na ni wachawi sina uhakika kama kweli watafanikiwa kukamatwa!”

“Wacha tusubiri matokeo! Namshukuru Mungu ameokoa maisha yenu na kama alivyowaokoa ninyi ndivyo atakavyookoa maisha ya wadogo zenu! Hivi sasa tuendeleze maombi, kila siku tulikuwa tukiwaombea na hatutachoka mpaka watoto wetu wengine wameokolewa!” Aliongea mzee Katobe akiwa amemshika Nancy kichwani hakika ilikuwa ni siku ya furaha lakini isingetimia mpaka Catherine na David nao waokolewe.





Ilikuwa ni furaha kubwa kwa mzee Katobe na mke wake hatimaye kukutana tena na Nancy pamoja na mchumba wake Danny, watu waliokuwa wamepoteza matumaini ya kuwaona tena! Wakiamini walikufa kisiwani Galu, lakini kama walivyosema wazee hao furaha yao ilikuwa haijakamilika mpaka Catherine na David, watoto wao wengine wapatikane! Ingawa hawakuwa watoto wa kuwazaa yeye, mzee Katobe aliwapenda sana watoto hao, hakuwabagua kama ilivyokuwa kwa Nancy ndivyo ilivyokuwa kwa David na Catherine.

“Mama!” Nancy alimwita mama yake.

“Bee mwanangu!”

“Kama nikipona sitakwenda Bagamoyo, bado nitakuwa na sababu ya kurudi tena kisiwani Galu kuwafuatilia Catherine na David, sijakata tamaa!”

“Sawa lakini polisi ndio wanafuatilia kwa hivi sasa, kama nilivyokuambia Helkopta ipo kisiwani Galu, ni vyema ukawa mvumilivu!”

“Siwaamini polisi kabisa! Walishindwa kutusaidia mwanzo watawezaje leo?”

“Sawa, inawezeka walikuvunja moyo lakini wape nafasi nyingine!”

“Haiwezekani!”CHANZO:  https://deusdeditmahunda.blogspot.com/

Nancy hakuwa na imani kabisa na jeshi la Polisi na hiyo ilitokana na historia ya nyuma tangu walipotekwa wazazi wake pamoja na Danny na yeye kwenda kutoa taarifa polisi lakini bado hawakumsaidia chochote mpaka yeye mwenyewe kwa mikono yake akaamua kwenda mstari wa mbele na kupambana na mzee Katapila pamoja na kundi lake la majambazi hatimaye kumwokoa Danny na baadaye kuwaokoa wazazi wake shambani Tindiga walikokuwa wamefichwa, jambo hilo lilimfanya asiwe na imani na jeshi la polisi kabisa ndio maana aliongelea suala la yeye mwenyewe kwenda kisiwani Galu kuwakomboa wadogo zake, hawakuwa na imani kabisa kama askari waliodaiwa kwenda kisiwani kwa helkopta wangeweza kurudi Kigoma wakiwa na Catherine na David.

“Nancy!” Danny alimwita mchumba wake.

“Bee!”

“Sikiliza maneno ya mama kwanza, naelewa una uwezo wa kurudi hadi kisiwani Galu na kuwakomboa wadogo zetu na uelewe wazi ukienda wewe ujue wazi hata mimi nitakufuata, siwezi kukuacha uende peke yako lakini nakushauri tutulie kidogo tuendelea kuwaombea Catherine na David mpaka polisi watakaporejea kutoka Galu!”

“Sawa lakini...!” Alikubali Nancy ingawa kwa shingo upande.

Siku nzima walishinda vizuri huku wakiangalia hali za wagonjwa wao, Nancy alikuwa akiendelea vizuri zaidi kadri saa zilivyopita, alishaanza hata kutabasamu! Dripu aina ya Glucose alizowekewa katika mishipa yake zilimfanya apate nguvu harakaharaka, hakuwa na jeraha mahali popote mwilini mwake! Hivyo ndivyo ilivyokuwa kwa Danny, yeye tayari alikuwa na uwezo wa kusimama, kutembea na kuzungukazunguka nje ya wodi! Kulikuwa na matumaini makubwa sana ya kupona na kurejea katika maisha yao ya kawaida, mapambano yalikuwa yamekaribia kufika mwisho, kitu pekee kilichokuwa bado kinasumbua akili zao ni wadogo zao lakini kama wao pia wangekuwa huru basi kitu pekee ambacho kingekuwa kimebaki mbele yao ni ndoa na baadaye kurudi tena chuo kikuu kuendelea na masomo mahali walipokomea, hata kama wangetakiwa kuanza mwaka wa kwanza walikuwa tayari.

Kila alipoyakumbuka maisha aliyopitia Danny, aliogopa! Alitishwa na historia yake, alikuwa ametoka mbali kimaisha mpaka kufika hapo alipokuwa, lilikuwa ni jambo ambalo hakuna mtu angeamini kama angemsimulia kuwa alihangaika kiasi hicho na mpaka kujikuta akiua watu kwa sababu ya msichana aliyempenda! Aliamini wengi wangeiona ni historia tu ama hadithi ya kubuni ambazo watu huziandika katika magazeti na vitabu.

“Historia ya maisha yangu inatosha kabisa kuandika kitabu, nikimsimulia mtu kama Chriss Magori anaweza kuandika hadithi kwenye magazeti yake ya Kasheshe na Komesha!”Aliwaza Danny.

Ni kweli kabisa, Danny alikuwa amepitia maisha magumu kupita kiasi, kila alipokumbuka siku ya kwanza aliyokutana na Nancy chuo kikuu alisikitika lakini hakujuta! Aliamini kila kilichotokea ulikuwa mpango wa Mungu, alimkumbuka pia Tonny, hata yeye hakumchukia, kilichomsikitisha tu ni kwamba alikuwa marehemu! Kichwa chake kilijaa mawazo mengi sana lakini yote hayo hayakuwa na maana tena katika kipindi hicho, ilikuwa ni historia cha muhimu ilikuwa ni kuwaokoa Catherine na David kisha maisha kusonga mbele kuanzia hapo.

Walisubiri taarifa za polisi kuwa wenzao waliokwenda kisiwani Galu walikuwa wamerejea na watoto lakini hazikuja, kila mkuu wa kituo alipokuja kuwaona Nancy na Danny alikuwa na jibu moja tu “Hatuna mawasiliano kabisa na helkopta! Hata sisi tunashindwa kuelewa ni kitu gani kimetokea!” Maneno hayo machache yalimchanganya akili karibu kila mtu, Nancy alilia akiamini wadogo zake wasingeonekana tena kwani aliuelewa uwezo wa mzee Kiwembe na Babu Ayoub katika mambo ya mazingara.

“Nina uhakika kabisa hao polisi waliokwenda na helkopta hawajafika kisiwani Galu! Lazima helkopta yao imezama na hata kama wamefika na kuwachukua watoto pamoja na hao wazee sidhani kama watafika salama hapa Kigoma, nawaelewa wale wazee ni wachawi sana!”

“Sasa wewe uliokokaje?” Aliuliza Mkuu wa Kituo.

“Hata mimi sielewi!”

“Basi hivyo hivyo ulivyookoka wewe ndivyo watakavyookoka wadogo zako!”

“Siamini! Kazi hii lazima niifanye mwenyewe na kama Danny atakubali kuongozana na mimi itakuwa vizuri zaidi natoa muda wa saa sabini na mbili kama hawajaonekana basi mimi nitarudi tena kisiwani Galu, nitapambana kwa namna yoyote mpaka niwaokoe wadogo zangu!” Aliongea Nancy kwa uchungu, alimaanisha alichokisema na hakuwa na utani hata kidogo, wazazi wake walilielewa jambo hilo, siku zote. Nancy alipoongea katika sura iliyoonekana usoni kwake hapakuwa na namna yoyote mtu angeweza kumzuia. Maneno ya Nancy hayakumfurahisha mkuu wa kituo na kulazimika kuondoka wodini kurudi kazini kwake, hata yeye alikuwa na mawazo mengi sana juu ya vijana wake na zaidi ya yote helkopta ya mkuu wake wa kazi, Inspekta Jenerali aliyekuwa mjini Kigoma kufuatilia suala hilo.

“Hivi saa sabini na mbili ni siku ngapi?” Mama yake Nancy aliuliza akiwa amemwangalia mume wake usoni.

“Siku tatu!”Danny alijibu kabla mzee Katobe hajasema lolote.CHANZO:  https://deusdeditmahunda.blogspot.com/

“Basi tusubiri!”

Siku ya kwanza ikapita hali ya Nancy ikazidi kuwa nzuri, ikaja ya pili na hatimaye ya tatu bila polisi kuwa na taarifa yoyote juu ya helkopta iliyokwenda kisiwani Galu, kila mtu katika jeshi hilo alikuwa amechanganyikiwa! Hisia kwamba ilikuwa imezama hawakuzipa kipaumbele katika fikra zao kwa sababu boti zilizunguka huku na kule katika ziwa Tanganyika bila kuona mabaki ye helkopta lakini baadhi ya polisi walihisi pengine ilizama hadi chini kabisa ya ziwa kama ilivyozama ndege iliyoua wacheza wa timu ya taifa ya Zambia.

“Kama ni hivyo basi haitapatikana kabisa maana ziwa Tanganyika kina chake ni kirefu kuliko ziwa lolote Afrika na sijui ni dunia nzima?”

“Mimi kwa kweli sielewi lakini kama hivyo ndivyo, hili ni pigo kubwa sana kwa jeshi la polisi na Tanzania kwa ujumla, hivi hawa wazee wana uwezo gani? Sijawahi katika maisha yangu kuona mtu anayeteketeza binadamu wenzake kiasi hiki!” Maaskari waliendelea kujadili, kila mtu alisema lake lakini hakuna aliyekuwa na jibu sahihi juu ya mahali walipokuwa maaskari na helkopta ya jeshi.

Tayari Nancy alishaanza kusisitiza safari yake ya kwenda Galu, hakuwa na maongezi mengine zaidi ya kuondoka kwenda kufanya ukombozi mwingine! Wazazi wake walimwona kama mtu aliyechanganyikiwa na akili kwani pamoja na ushauri wote waliompa bado hakukubaliana nao, hata Danny alishindwa kumhamisha Nancy kutoka kwenye msimamo wake.

Hawakuwa hospitali tena tayari walisharuhusiwa na kuhamia katika hoteli maarufu mjini Kigoma iitwayo, Lubumbashi ambako walipanga vyumba wakisubiri ujio wa Catherine na David, Danny na Nancy walilala chumba kimoja na mzee Katobe aliyewachukulia chumba cha kulala watu wawili, jambo lililoonyesha wazi kuwa mzee huyo alishahalalisha na kutangaza kuwa walikuwa mtu na mke kabla hata ya ndoa.

“Danny mimi kesho naondoka!”

“Kwenda wapi mpenzi?”

“Nimekwishasema kuwa narudi kisiwani kuwakomboa wadogo zangu!Siwezi kuwaacha wateseke peke yao Kisiwani kama ni maisha yangu ni bora yapotee wakati nikiwatafuta Catherine na David!”

“Lakini kwanini usivute subira kidogo?”

“Nimevumilia vya kutosha! Nilitoa saa sabini na mbili lakini bado polisi hawajawaleta na kila siku wanadai helkopta yao imepoteza mawasiliano, inawezekana hakuna lolote linalofanyika ni uongo tupu!” Aliongea Nancy kwa msisitizo usiku wa manane wakiwa chumbani kwao.

“Unaondoka lini?”

“Kesho asubuhi!”

“Huniachi hapa Kigoma!”

“Kama uko tayari twende sawa lakini kama unasikiliza maneno ya baba na mama baki!”Aliongea Nancy kwa kujiamini, hakuwa mwanamke wa kawaida kwa jinsi alivyokuwa na msimamo mkali, akili yake ilishabadilika kabisa kutoka na mambo aliyoyafanya.

*****

Asubuhi kulipokucha mambo yalikuwa tofauti kwa mzee Katobe na mke wake, siku zote walizoea kuzinduliwa usingizini na Nancy pamoja na Danny wakiwasalimia lakini siku hiyo mpaka saa moja na nusu hakuna mtu aliyegonga mlango wao, waliingiwa na wasiwasi mwingi na kujikuta wote kwa pamoja wakinyanyuka kwenda kugonga chumbani kwa watoto wao.

“Mh!” Mama yake Nancy aliguna kukuta mlango uko wazi, wakabisha hodi lakini hawakuitikiwa mwisho wakaamua kuingia ndani ya chumba, hawakuamini macho yao kukuta hakuna mtu.

Walikimbia hadi nje kuangalia wakifikiri labda walikuwa nje ya hoteli wakifanya mazoezi lakini hawakuwaona mahali popote! wakarudi mpaka mapokezi na kujaribu kuulizia kwa msichana aliyekuwe nyuma ya meza kubwa.

“Mbona wameondoka saa kumi na mbili asubuhi?”

“Kwenda wapi?”

“Walisema wanasafari kidogo na wamewaaga!”

Wazazi wa Nancy hawakutaka kuongea kitu kingine zaidi, tayari watoto wao walishatoroka kurudi tena kisiwani Galu, jambo ambalo wao waliamini lilikuwa ni hatari kubwa kufanyika kwa wakati huo ukizingatia hata helkopta ya polisi ilikuwa bado haijarejea.

“Yaani wameshindwa kutusikiliza?” Mzee Katobe aliuliza, mama yake Nancy hakuwa na uwezo wa kujibu swali hilo zaidi ya kumwaga machozi,walitoka mbio hadi nje tena na kukodisha teksi iliyowapeleka hadi Bandarini ambako baada ya kupeleleza walipewa taarifa kuwa, Nancy na Danny walikodisha boti iwapeleke kisiwani Galu! Ilikuwa habari ya kusikitisha zaidi.

****CHANZO:  https://deusdeditmahunda.blogspot.com/

Tayari Nancy na Danny walikuwa katikati ya ziwa Tanganyika ndani ya boti ambayo Nancy aliikodi kutokana na pesa alizopewa na baba yake mara tu baada ya kutoka hospitali, Nahodha wa boti alikuwa akiipeleka kwa kasi isiyo ya kawaida, hayo yakiwa ni maelekezo kutoka kwa Nancy aliyetaka wafike kisiwani Galu haraka iwezekanavyo, hakuna alichokifikiria zaidi ya ukombozi wa wadogo zake Catherine na David! Ndani ya boti kulikuwa na mapanga mawili yaliyonolewa kotekote, mikuki miwili pamoja na pinde na mishale yake! Hizo ndizo silaha walizoziandaa kwa ajili ya kupambana na wazee wawili hatari, Kiwembe na Babu Ayoub.

Hawakuwa na uhakika wa kupata ushindi walikokuwa wakielekea, hasa walipozifikiria nguvu za giza walizokuwa nazo mzee Kiwembe na babu Ayoub, mawazo hayo yaliwatisha wote wawili lakini hawakutaka kabisa yawakatishe tamaa! Walikuwa tayari kupambana mpaka wawakomboe wadogo zao na huo ndio ungekuwa mwisho wa vita, vichwani mwao hawakufikiria kabisa kuwa walikokuwa wakielekea hapakuwa na Catherine, mzee Kiwembe, babu Ayoub wala David, watu hao wote walishaondoka kisiwani Galu kuelekea Kigoma baada ya Polisi kuvamia kisiwa na helkopta kisha kuwaweka chini ya ulinzi wazee hatari na kuwakomboa watoto wawili wadogo. Nancy alikuwa akimwangalia Danny kwa jicho la upande, ukimya wake ulimfanya awe na wasiwasi! Alielewa wazi ni kiasi gani mchumba wake hakufurahishwa na safari hiyo lakini alilazimika kumfuata kwa sababu alimpenda.

“Unajisikiaje?” Nancy aliuliza.

“Safi tu!”

“Mbona unatetemeka?”

“Baridi!”

“Kweli au unaogopa?”

“Nini?”

“Wazee wawili tuowafuata!”

“Hawanitishi tena! Mambo tuliyoyapitia mimi na wewe ni makubwa, hata kama ningekuwa naogopa siwezi kukuacha uende peke yako! Mapanga, mikuki na hii mishale ni halali yao!” Danny aliongea kwa kujiamini.

Saa nzima na nusu baadaye tayari walikuwa wakiwasili kisiwani Galu, siku hiyo walishangazwa na hali ilivyokuwa shwari tofauti na mara ya kwanza wote wawili walipofika kisiwani hapo, ambapo dhoruba kali ilichukua roho za watu! Hawakuamini kama walikuwa wamefika katika hali ya utulivu namna hiyo, boti ilipogoa wote wawili walirukia majini wakachukua silaha zao na kuanza kutembea hadi nchi kavu ambako waligeuka na kumpungia nahodha wa boti mkono.

“Mtachukua muda gani?” Nahodha wa boti aliwauliza.

“Haitachukua muda mrefu sana ingawa kazi ya uwindaji ni ngumu! Tuvumilie, tukishaua hata mnyama mmoja tutarudi haraka iwezekanavyo tuondoke!” Danny alimwambia nahodha wa boti, hivyo ndivyo walivyomdanganya wakati wakimkodi, kwamba walikuwa wakienda Kisiwani Galu kuwinda wanyama wa porini ambao hawakupatikana Bara.

“Basi msichelewe nitawasubiri hapa!”

“Sawa!” Wote wawili waliitikia.

Safari ya kupandisha juu kutoka mwaloni ambako boti iligoeshwa ilianza, Danny na Nancy walikuwa wamedhamiria kufanya ukombozi na walitembea harakaharaka hadi eneo la karibu kabisa na vibanda vya mzee Kiwembe na babu Ayoub, kulikuwa na mita kama mia moja na hamsini tu mbele yao! Wakasimama na kuangaliana, saa ya kazi ilikuwa imewadia.

“Tupige magoti tumwombe Mungu atusaidie!”

“Ni vyema na haki maana hakuna anayeelewa kitakachotokea mbele yetu!”

Walipiga magoti chini na kusali wakiomba ulinzi na baada ya hapo walianza kunyata wakielekea mbele hadi nyuma ya kibanda cha babu Ayoub, walishangazwa na ukimya wa ajabu uliokuwepo! Hawakusikia sauti ya mtu yeyote, si Catherine wala David! Hofu ilianza kuwaingia kuwa huenda watoto hao walikwishauawa au wametoroshwa kwenda upande mwingine wa kisiwa. Walisonga hadi mbele ya kibanda hicho walishangaa kukuta kiko wazi, ikabidi waingie ndani ambako walikuta hakuna mtu lakini vyombo na mizigo mbalimbali ya babu Ayoub ikiwa mahali pake! Wakizidi kuingiwa na wasiwasi walitembea tena kuelekea kwenye kibanda cha mzee Kiwembe nako walikuta hali hiyo hiyo, wakapata uhakika kabisa kwamba watoto waliokuja kuwakomboa hawakuwepo.

“Kuna mawili tu hapa!” Nancy aliongea.

“Yapi?”Danny akauliza

“Aidha wametoroshwa au wameuawa!”

Nancy aliishiwa nguvu mwilini, hakutaka lolote kati ya mambo hayo mawili liwe limetokea! Aliwapenda wadogo zake na alitaka kuwa nao, alikaa chini na kuweka silaha zake chini huku akimwangalia Danny aliyekuwa akitembea huku na kule katika nyasi kuona kama kulikuwa na dalili yoyote ya watu kuwa wameondoka sehemu hiyo muda mfupi kabla, kwa sababu ilikuwa imenyesha mvua siku hiyo alitegemea kuona alama za miguu ardhini lakini haikuwa hivyo!

Walibaki sehemu hiyo kwa muda mrefu wakitafakari nini cha kufanya bila kupata jibu hatimaye wakawa wameamua kuzunguka huku na kule kisiwani kuona kama kulikuwa na dalili yoyote ya mahali mzee Kiwembe na babu Ayoub walikopita lakini bado hawakufanikiwa, jioni wakiwa wamekata tamaa kabisa waliamua kurejea kwenye boti iliyowaleta tayari kwa kurejea Kigoma wakiwa wamenyongíonyea kabisa.

“Vipi?”

“Hatukufanikiwa kuua mnyama yoyote!”

“Kwa hiyo?”

“Turudi zetu Kigoma!” Hilo ndilo lilikuwa jibu la Nancy ambaye mashavu yake yalilowa machozi sababu ya kuwalilia Catherine na David, alikuwa na uhakika kabisa hawakuwa hai! Lazima kwa hasira mzee Kiwembe na babu Ayoub waliamua kuwaua baada ya yeye na Danny kutoroka, ndani ya moyo wake alianza kujilaumu ni kwanini aliwaacha wadogo zake wakauawa lakini hakumwambia Danny juu ya jambo hilo na hakutaka litawale ubongo wake, yote alimwachia Mungu.

“Mh!” Danny aliguna.

“Nini tena?”

“Ule sio mtumbwi wao kweli?”

“Uko wapi?” Nancy akauliza.

“Pale kwenye nyasi!” Danny aliongea akiwa amenyoosha mkono wake wa kuume na kusonta kwenye nyasi zilizokuwa jirani na eneo hilo.

“Ndio! Ni wenyewe, sasa wameondoka na nini?”CHANZO:  https://deusdeditmahunda.blogspot.com/

“Hata mimi sijui!”

“Tufanye nini sasa?”

“Lazima wapo! Turudi tukawasubiri, hatuwezi kurudi Kigoma mikono mitupu, kama hatuendi na watoto basi twende na wao!”

“Akina nani?” Nahodha aliwauliza baada ya kuwa wameongea muda mrefu bila kumshirikisha lakini hakuna aliyemjibu badala yake Nancy alimuuliza gharama ya kuwasubiri kwa masaa mengine matatu zaidi.

“Shilingi elfu tano kwa saa!”

“Nitakulipa!” Aliongea Nancy na mara moja yeye na Danny walishuka na kuanza kukimbia hadi kwenye vibanda vya babu Ayoub na mzee Kiwembe ambako walijificha nyuma ya kichaka na kusubiri kama kweli wazee hao walikuwa wametoka kwenda mahali basi wangerudi na kuwakuta lakini hata baada ya kusubiri masaa matatu bado hawakuweza kuwaona, wakakata tamaa kabisa na kuamini hawakuwemo kisiwani! Wakiogopa kumuudhi mwenye boti walirejea na kupanda boti yao kurejea Kigoma wakiwa wamechoka hoi bin taaban.

Nancy alilia machozi njia nzima wakielekea Kigoma na ilikuwa kazi ya Danny kumbembeleza, nahodha wa boti hakujisumbua kuuliza swali juu ya kilichomfanya Nancy alie, alichukulia haikuwa shughuli yake, kitendo cha kutojibiwa alipouliza mara ya kwanza kilimuudhi kupita kiasi! Tangu wakati huo alichojali yeye ni kazi yake, kama saa nne na nusu hivi ya usiku waliwasili Kigoma na kunyoosha moja kwa moja hadi Lubumbashi hoteli na kupokelewa na wafanyakazi wa hoteli hiyo.

“Mlikuwa wapi? Wazazi wenu wamewatafuta sana!”

“Tulisafiri kidogo!”

“Bila kuwaaga?”

“Ilikuwa ghafla!”

“Wako wapi sasa?í Nancy aliuliza kwa mshangao.

“Walikuwa hapa muda si mrefu ila wamefuatwa hapa na gari la polisi!”

“Kwenda wapi?”

“Nafikiri kituoni!”

“Kuna nini?”

“Hawakunieleza kitu chochote ila niliona mama yako analia sana, neno helkopta likitajwa mara mbili mbili kisha wakaondoka haraka ndani ya gari!”

Danny alimwangalia Nancy usoni, wakagonganisha macho, wote walikuwa wamepatwa na mshtuko juu ya habari hizo, kichwani mwa Nancy hisia huenda helkopta ilifika kisiwani na kuwakomboa Catherine na David lakini baadaye kupatwa na ajali zilianza kutawala, kitu hicho ndicho kiliendelea akilini mwa Nancy! Wote wawili wakaamua kuondoka mbio hadi kituo cha polisi ambako walikuta watu wengi wamejaa wakishangaa kitu ambacho Danny na Nancy hawakukielewa, hawakutaka kupoteza muda walichofanya ni kukimbia moja kwa moja hadi ndani ya kituo ambako waliomba kuonana na mkuu wa kituo, maaskari wote waliowakuta mapokezi walionyesha kuwashangaa.

“Nyie mlikuwa wapi?”

“Kwa nini?”

“Mmewahangaisha sana wazazi wenu!”

“Wako wapi hivi sasa?”

“Wamekwenda hospitali ya Maweni!”

“Kuna nini?”

“Wamekwenda kuwatambua......!” Hakuweza kuikamilisha sentensi yake baada ya askari aliyekuwa jirani yake kumkonyeza, kitendo hicho pia Nancy alikishuhudia na kuzidi kuingiwa na wasiwasi moyoni mwake na kuamini kulikuwa na tatizo limetokea, kwa sababu hata wao walipafahamu hospitali hawakutaka kupoteza muda wa kuuliza maswali zaidi ilibidi waondoke hadi stendi ambako walikodisha teksi iliyowapeleka moja kwa moja hadi hospitali ya mkoa wa Kigoma kushuhudia walichokwenda kutambua wazazi wao ambacho askari hakutaka wakielewe.

Nusu saa baadaye tayari walishafika hospitalini na kuanza kuzunguka huku na kule wakiwatafuta mzee Katobe na mkewe.

*******

Hali ya hewa angani ilikuwa mbaya kwa karibu masaa mawili, rubani wa helkopta ya jeshi akihangaika kusonga mbele lakini alishindwa kabisa kwa sababu ya giza lililokuwepo na uzito wa hewa! Alishindwa kuelewa nini kingetokea mbele yao na kulazimika kuwaomba watu wote waliokuwemo ndani ya helkopta hiyo wamwombe Mungu afanye muujiza ili kuokoa maisha yao!

Alikuwa amehangaika na helkopta hiyo kwa karibu masaa mawili bila mambo kubadilika mpaka taa ya mafuta ikaanza kuwaka jambo lililoashiria hatari kwani kama injini zingeishiwa mafuta kabisa zingezima na baadaye helkopta ingeanguka na kulipuka na wote wangekufa.CHANZO:  https://deusdeditmahunda.blogspot.com/

Hapo ndipo alipofikiria suala la kutafuta mahali pa kutua na kuanza kutupa macho yake chini lakini kila upande alioangalia kulionekana kuwa na maji hatimaye aliamua kukata kona kuelekea ufukweni ambako alitua kwa usalama bila kuelewa palikuwa ni mahali gani, muda mfupi baadaye walishangazwa kundi la watu wafupi kupita kiasi ambao kwa idadi hawakupungua hamsini waliofika eneo hilo na kuizunguka helkopta.

Maaskari waliweka silaha zao tayari kwa lolote ambalo lingetokea lakini hakuna vurugu yoyote iliyojitokeza! Hakuna aliyeshuka wala kudiriki kufungua mlango, muda wote walikuwa wakijaribu kuwasiliana na kwa njia ya simu ya upepo ili waje waokolewe au kuletewa msaada wowote lakini hapakuwa na mafanikio yoyote.

Walibaki eneo hilo kwa siku tatu bila chakula njaa ikizidi kuwasumbua na Mbilikimo hawakuondoka walisubiri kwa uchu, kwa sababu walishasikia habari za mbilikimo wala watu wa Kongo! Waliamini kabisa watu wafupi waliozunguka helkopta yao ndio wao, ndio maana hakuna mtu aliyediriki kuugusa mlango kwa kuogopa kuwa kitoweo.

Pamoja na njaa rubani hakuchoka kutafuta mawasiliano, katika hali ambayo hawakuitegemea kabisa siku ya tano wote wakiwemo babu Ayoub na mzee Kiwembe wakiwa wamelegea kabisa, mawimbi ya redio yalinasa wakawa wameinasa Kigoma na kuongea na Kamanda wa Polisi na kumweleza kila kitu juu ya mahali walipokuwa.

Lilikuwa ni suala lililohitaji haraka kwa jeshi la polisi ili kuokoa maisha ya maaskari wenzao waliokuwa wamekwama porini na helkopta, kikao cha haraka kiliitishwa na kupitishwa uamuzi wa kutafuta helkopta ya kukodi kutoka jijini Dar Es Salaam lakini kabla ya kufanya hivyo waliamua kujaribu kwanza kuulizia kwenye mashirika ya Wakimbizi.

Kama bahati walifanikiwa kupata helkopta kutoka shirika la kuhudumia wakimbizi, UNHCR! Muda huo huo ikaondoka kwenda eneo waliloelekezwa, kwa kutumia viona mbali haikuwachukua muda mrefu kugundua mahali helkopta ya jeshi la polisi ilipokuwa na wakatua!

Nao pia walishangazwa na umati wa mbilikimo waliokuwepo, hata hivyo risasi zilimiminika na kuwasambaza wote ndipo maaskari wakakimbia na kwenda kuvunja mlango wa helkopta ya jeshi na kuingia ndani, watu wote walikuwa hoi kwa njaa walichofanya ni kuanza kuwasomba mmoja baada ya mwingine mpaka kuwamaliza na helkopta ikaruka kurejea Kigoma ambako walikimbizwa hospitalini na kuanza kupewa matibabu.

Muda huo huo taarifa zilitumwa hoteli ya Lubumbashi kuwataarifu mzee Katobe na mkewe juu ya kupatikana kwa watoto wao na wakaondoka mbio kwenda hospitali usiku huo huo ambako waliwakuta Catherine na David katika hali mbaya, walikuwa chumba cha wagonjwa mahututi na matumaini ya kuokoa maisha yao yalikuwa kidogo sana, muda mfupi baadaye Nancy na Danny walifika wakikimbia.

“Jamani Nancy mlikuwa wapi?”

“Tuliwafuatilia Catherine na David kisiwani Galu!”

“Mbona tayari wako hapa!”

“Wako hapa?”

“Ndio, lakini hali zao ni mbaya!”

“Wamefikaje?”

Mzee Katobe alianza kuwasimulia taarifa aliyopewa na polisi juu ya namna watoto walivyookolewa na hatimaye kufika Kigoma! Ilikuwa ni kama hadithi lakini huo ndio ulikuwa ukweli, siku mbili baadaye baada ya matibabu ya kina hali za Catherine na David zilirejea katika hali ya kawaida, dripu za maji ya sukari walizopewa ziliwapa nguvu na kuwafanya wazima kabisa.

Ilikuwa furaha kubwa mno kwa familia hii kuungana tena, mzee Kiwembe na mwenzake babu Ayoub walifikishwa mbele ya sheria kwa kosa la utekaji na utesaji na wakahukumiwa kwenda jela miaka kumi na tano, pamoja na mzee Kiwembe kujitetea kuwa watoto Catherine na David walikuwa wake hakuna aliyejali! Sheria ilichukua mkondo wake, baada ya hukumu hiyo mzee Katobe, mke wake, Danny, Nancy, Catherine na David walirejea Bagamoyo! Kila mtu alishangaa kuwaona tena, familia iliyosambaratika ilikuwa imeungana upya na hakuna kilichosubiriwa isipokuwa ndoa ya Nancy na Danny!

Wazazi wa Danny walipelekewa taarifa juu ya kupatikana kwa mtoto wao jambo ambalo hawakuliamini, ilibidi wasafiri kurejea Tanzania kufurahi pamoja na mzee Katobe na familia yake, waliunga mkono ndoa na ikafungwa wiki mbili tu baadaye, hatimaye Danny na Nancy wakawa mtu na mke wake! Ilikuwa ni kama sinema ya Kihindi lakini ulikuwa ukweli mtupu na baada ya ndoa hiyo walishauriwa kurudi tena chuo kikuu kuendelea na masomo yao, hakuna aliyebisha! Mwaka uliofuata walijiunga tena na chuo kikuu kwa masomo ya sheria, yaliyotokea maishani mwao yalikuwa historia na hawakutaka kabisa kuyaongelea mauaji yote waliyofanya, walitubu dhambi zao na kurejea kanisani! Maisha yao yalikuwa ya raha mustarehe chuoni wakiishi chumba kimoja na kufanya kila kitu pamoja.

“Unamkumbuka Tonny?” Nancy alimuuliza Danny siku moja wakiangalia mchezo wa televisheni uitwao Days of our Lives ambao huonyeshwa na channel Ten.

“Sitaki kumkumbuka, yaliyopita si ndwele.....tugange?”

“Yajayo!” Nancy aliitikia na wote wakacheka.CHANZO:  https://deusdeditmahunda.blogspot.com/

“For sure we have been through Blood, Kisses and Tears!”(Kwa hakika tumepita katika vipindi vya damu, mabusu na machozi!) Alimaliza Danny akitabasamu.



Tumefikia mwisho wa hadithi yetu ndefu! Ahsanteni kwa uvumilivu wenu, penye mafundisho, naomba upachukue ili yaweze kukuongoza kwenye maisha yako



MWISHO